Samfylkingin - Lýðræðishreyfing iðkar ritskoðun og pólitískar hreinsanir Birgir Dýrfjörð skrifar 15. apríl 2021 15:30 „Ég fyrirlít skoðanir þínar, en ég er reiðubúinn að fórna lífi mínu fyrir rétt þinn til að tjá þær“ Þessi orð eru höfð eftir Voltaire. Lýðræðissinnar um allan heim taka þau oft sér í munn, þegar þeir vilja sanna trúnað sinn og heilindi við lýðræði, og frelsi allra manna til að tjá skoðanir sínar. Meðal frjálsra þjóða er frelsið til að tjá hugsanir sínar undirstaða alls lýðræðis. Án þess frelsis er ekkert lýðræði. Lýðræði er heilagur réttur og skal öllum þegnum jafn. Að hefta tjáningafrelsi einstaklinga er mikill glæpur og svívirða gegn sjálfsvirðingu og frelsi hverrar manneskju. Það var því skelfileg árás á heilög grunngildi lýðræðisjafnaðarmanna þegar sjö manna stjórn Samfylkingarinnar, formaður meðtalinn, (öll fullorðið fólk) gaf út sameiginlega yfirlýsingu um ritskoðun á lokuðum innri samskiptavef (facebook) Samfylkingarinnar. Yfirlýsing stjórnarinnar var kynnt undir eftirfarandi fyrirsögn. „Hér fer á eftir yfirlýsing frá stjórn Samfylkingarinnar“. Þar segir: „Þess vegna hefur verið ákveðið að setja hópnum (facebook) eftirfarandi reglur. „1. Upphafsinnlegg þarf samþykki stjórnenda áður en það birtist“ Sem sagt, ef flokksfélagi vill skrifa á vefinn um málefni, sem varða flokkinn, þá fær hann ekki þau skrif sín birt fyrr en stjórnendur „hugsanalöggur“ eru búnir að yfirfara þau og samþykkja. Ég endurtek: Félagsmaður fær ekki skoðanir sínar birtar fyrr en hugsanalöggur flokksins eru búnar ritskoða þær og samþykkja. (Ath. Hér er átt við stjórn vefsíðunnar) Ég þekki það vel til stjórnar Samfylkingarinnar, að ég trúi ekki, að öllum í stjórninni hafi verið ljóst hvað stóð í þessum texta, áður en hann var birtur í þeirra nafni. En komi engin skýring á aðkomu stjórnar flokksins að tilurð textans. Þá ber hún alla ábyrgð á þeim smánarbletti, sem þessi ritskoðun er á flokki lýðræðisjafnaðarmanna. - Já lýðræðis. Tylftardómur hinn nýji Stjórnendur (hugsanalöggur) síðunnar eru 6 úr hópi starfsmanna og 6 úr framkvæmdarstjórn. Á tímum nornaveiða gat norn svarið af sér sök ef tólf sóru með henni sakleysi. Það var tylftareiður. Þegar tylftardómur Samfylkingarinnar, eða útvaldir í hans umboði sverja með höfundi, að honum gangi ekkert ósæmilegt til þá má birta upphafsinnlegg hans á facebook flokksins, - annars ekki. Undir hylmingu auðmýktar, úlfur glefsandi fólginn var Þannig orti Halldór á Helgafelli í saltara sínum. Ritskoðun Samfylkingarinnar er hulin undir þeirri hylmingu að henni sé ætlað að bæta orðræðu flokksmanna þannig, að hún verði settleg og kurteis um menn og málefni. Þannig á Samfylkingarfólk að tala og skrifa. Að ritskoða innri samskiptavef í stjórnmálaflokki, sem kennir sig við lýðræði, er galin hugmynd. Það er eins og fundarstjóri gefi ekki ræðumanni orðið nema hann upplýsi fyrst kvað hann ætlar að segja. Enda var ritskoðun þessi alls ekki sett á til að bjarga sóma flokksmanna og forða þeim frá að nota óvandað orðbragð um andstæðinga. Hún var sett til, að hægt væri stöðva vaxandi gagnrýni flokksfólks á forustu flokksins. Orsök ritskoðunar Orsök þessarar ritskoðunar má einfaldlega rekja til þess, að uppstillingarnefnd í „Kraganum“ vék Guðmundi Andra Thorssyni, traustum og vinsælum þingmanni úr öruggu þingsæti. Setti svo í hans stað Þórunni Sveinbjarnardóttur. Ósáttur flokksmaður gerði athugasemd við það að Guðmundi Andra var vikið úr þingsæti. Formanni framkvæmdastjórnar mislíkaði athugasemdin og fjarlægði hana, að eigin geðþótta. Það inngrip formannsins,að fjarlægja undirritaða færslu af lokaðri síðu var valdbeiting og ritskoðun, sem olli óvægnum deilum innan flokksins. Æðsta stjórn Samfylkingarinnar, sem öll er fullorðið fólk, lýsti stuðningi við formann framkvæmdastjórnarinnar og birti tilkynningu um ritskoðun á heimavef flokksins. Hingað til hafa flokksmenn haft þar frelsi til að skiftast á skoðunum. Hver með sínu nefi. Galnar hugmyndir Það er ekkert til að hneykslast yfir, að fólki finnist galnar hugmyndir sínar vera réttar. Það er líka erfitt að álasa fólki fyrir að framkvæma það, sem það telur vera rétt, - þó galið sé. Það er aftur á móti mjög alvarlegt þegar fólk með galnar hugmyndir tekur sér boðvald í stjórnmálaflokki og beitir því valdi. Sjálfu sér og flokknum til skaða og skammar Pólitískar hreinsanir Ég trúi, að hugmyndir þeirra, sem vilja ritskoða flokksfélaga sína, eigi pólitískar ættir í sömu kimum flokksins, og þau fjögur, í stjórn fulltrúaráðsins, sem yfirtóku um stund lýðræðið af flokknun, til að framkvæma pólitískar hreinsanir á framboðslistum hans í Reykjavík. Þau hreinsuðu af lista flokksins í Rvk.-Suður, Ágúst Ólaf,Jóhönnu Vigdísi og Einar Kárason. Þó höfðu þau í höndum sér Gallup-könnun, sem sýndi að flokkurinn mældist þá stærstur flokka í því kjördæmi, og að auki hafði hann langmest fylgi meðal ungra kjósenda í kjördæminu. Afglöp „fjórmenninga-klíkunnar“ Þeim fjórum, í stjórn fulltrúaraðsins í Rvk., sem ákváðu þessar hreinsanir ber skylda að gera flokksfólki grein fyrir hvaða nauðir ráku þau til þessara óskiljanlegu og dýrkeyptu afglapa. Takmörkuð auðlind Formaður fulltrúaráðsins, Hörður Oddfríðarson hefur þá skyldu að svara flokknum. Svar hans í sjónvarpi að „efstu sæti á lista Samfylkingarinna eru takmörkuð auðlind.“ það sæmir ekki. Honum ber að gera betur. Hann stýrði sjálfur verkinu. Höfundur er í flokksstjórn Samfylkingarinnar. Viltu birta grein á Vísi? Sendu okkur póst. Senda grein Samfylkingin Alþingiskosningar 2021 Birgir Dýrfjörð Mest lesið Hópnauðganir/svartheimar! Davíð Bergmann Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir Skoðun Gildi kærleika og mannúðar Toshiki Toma Skoðun Hefur þú tilkynnt um ofbeldi gegn barni? Alfa Jóhannsdóttir Skoðun NPA breytti lífinu mínu Sveinbjörn Eggertsson Skoðun Hvernig tryggjum við samkeppnishæfni þjóðar? Jón Skafti Gestsson Skoðun Valdið og samvinnuhugsjónin Kjartan Helgi Ólafsson Skoðun Grafarvogsgremjan Þorlákur Axel Jónsson Skoðun Stöðvum glæpagengi á Íslandi Hjalti Vigfússon Skoðun Gremjan í Grafarvogi Davíð Már Sigurðsson Skoðun Skoðun Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar Skoðun Hópnauðganir/svartheimar! Davíð Bergmann skrifar Skoðun Valdið og samvinnuhugsjónin Kjartan Helgi Ólafsson skrifar Skoðun NPA breytti lífinu mínu Sveinbjörn Eggertsson skrifar Skoðun Hefur þú tilkynnt um ofbeldi gegn barni? Alfa Jóhannsdóttir skrifar Skoðun Gildi kærleika og mannúðar Toshiki Toma skrifar Skoðun Hvernig tryggjum við samkeppnishæfni þjóðar? Jón Skafti Gestsson skrifar Skoðun Í minningu Frans páfa - sem tók sér nafn verndardýrlings dýra og náttúru Árni Stefán Árnason skrifar Skoðun Flottu kjötauglýsingarnar í blöðunum... Ole Anton Bieltvedt skrifar Skoðun Grafarvogsgremjan Þorlákur Axel Jónsson skrifar Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar Skoðun Fjármögnuðu stríðsvél Rússlands Hjörtur J. Guðmundsson skrifar Skoðun Hugleiðingar á páskum Ámundi Loftsson skrifar Skoðun Gremjan í Grafarvogi Davíð Már Sigurðsson skrifar Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar Skoðun Móttaka skemmtiferðaskipa - hlustað á íbúa Þórdís Lóa Þórhallsdóttir skrifar Skoðun Námsfærni nemenda í íslenskum skólum: Eigum við að lækka rána? Sigríður Ólafsdóttir skrifar Skoðun Snorri byggir skoðun á skólakerfinu á reynslusögum annarra en Guðrún vitnar í ritrýndar heimildir Davíð Routley skrifar Skoðun Þegar mannshjörtun mætast Jóna Hrönn Bolladóttir,Bjarni Karlsson skrifar Skoðun Horft til einkunna og annarra þátta við innritun í framhaldsskóla Guðmundur Ingi Kristinsson skrifar Skoðun Kristján á Sprengisandi lendir í ágjöf Björn Ólafsson skrifar Skoðun Unglingar eiga skilið heildstætt mat frá framhaldsskólum Sigurður Kári Harðarson skrifar Skoðun Stöðvum glæpagengi á Íslandi Hjalti Vigfússon skrifar Skoðun Jafnlaunavottun - „Hverjir græða á jafnlaunavottun“ Gunnar Ármannsson skrifar Skoðun Gervigreind í skólum: Tækifæri sem fáir eru að ræða? Björgmundur Örn Guðmundsson skrifar Skoðun Hvernig húsnæðismarkað vill Viðskiptaráð? Finnbjörn A. Hermannsson skrifar Skoðun Enginn matur og næring án sérfræðiþekkingar Ólöf Guðný Geirsdóttir,Ólafur Ögmundarson skrifar Skoðun Öll endurhæfing er í eðli sínu starfsendurhæfing Sveindís Anna Jóhannsdóttir skrifar Skoðun „Bíddu, varst þú ekki að biðja um þessa greiðslu?“ Heiðrún Jónsdóttir skrifar Skoðun Rétta leiðin til endurreisnar menntakerfisins? Birgir Finnsson skrifar Sjá meira
„Ég fyrirlít skoðanir þínar, en ég er reiðubúinn að fórna lífi mínu fyrir rétt þinn til að tjá þær“ Þessi orð eru höfð eftir Voltaire. Lýðræðissinnar um allan heim taka þau oft sér í munn, þegar þeir vilja sanna trúnað sinn og heilindi við lýðræði, og frelsi allra manna til að tjá skoðanir sínar. Meðal frjálsra þjóða er frelsið til að tjá hugsanir sínar undirstaða alls lýðræðis. Án þess frelsis er ekkert lýðræði. Lýðræði er heilagur réttur og skal öllum þegnum jafn. Að hefta tjáningafrelsi einstaklinga er mikill glæpur og svívirða gegn sjálfsvirðingu og frelsi hverrar manneskju. Það var því skelfileg árás á heilög grunngildi lýðræðisjafnaðarmanna þegar sjö manna stjórn Samfylkingarinnar, formaður meðtalinn, (öll fullorðið fólk) gaf út sameiginlega yfirlýsingu um ritskoðun á lokuðum innri samskiptavef (facebook) Samfylkingarinnar. Yfirlýsing stjórnarinnar var kynnt undir eftirfarandi fyrirsögn. „Hér fer á eftir yfirlýsing frá stjórn Samfylkingarinnar“. Þar segir: „Þess vegna hefur verið ákveðið að setja hópnum (facebook) eftirfarandi reglur. „1. Upphafsinnlegg þarf samþykki stjórnenda áður en það birtist“ Sem sagt, ef flokksfélagi vill skrifa á vefinn um málefni, sem varða flokkinn, þá fær hann ekki þau skrif sín birt fyrr en stjórnendur „hugsanalöggur“ eru búnir að yfirfara þau og samþykkja. Ég endurtek: Félagsmaður fær ekki skoðanir sínar birtar fyrr en hugsanalöggur flokksins eru búnar ritskoða þær og samþykkja. (Ath. Hér er átt við stjórn vefsíðunnar) Ég þekki það vel til stjórnar Samfylkingarinnar, að ég trúi ekki, að öllum í stjórninni hafi verið ljóst hvað stóð í þessum texta, áður en hann var birtur í þeirra nafni. En komi engin skýring á aðkomu stjórnar flokksins að tilurð textans. Þá ber hún alla ábyrgð á þeim smánarbletti, sem þessi ritskoðun er á flokki lýðræðisjafnaðarmanna. - Já lýðræðis. Tylftardómur hinn nýji Stjórnendur (hugsanalöggur) síðunnar eru 6 úr hópi starfsmanna og 6 úr framkvæmdarstjórn. Á tímum nornaveiða gat norn svarið af sér sök ef tólf sóru með henni sakleysi. Það var tylftareiður. Þegar tylftardómur Samfylkingarinnar, eða útvaldir í hans umboði sverja með höfundi, að honum gangi ekkert ósæmilegt til þá má birta upphafsinnlegg hans á facebook flokksins, - annars ekki. Undir hylmingu auðmýktar, úlfur glefsandi fólginn var Þannig orti Halldór á Helgafelli í saltara sínum. Ritskoðun Samfylkingarinnar er hulin undir þeirri hylmingu að henni sé ætlað að bæta orðræðu flokksmanna þannig, að hún verði settleg og kurteis um menn og málefni. Þannig á Samfylkingarfólk að tala og skrifa. Að ritskoða innri samskiptavef í stjórnmálaflokki, sem kennir sig við lýðræði, er galin hugmynd. Það er eins og fundarstjóri gefi ekki ræðumanni orðið nema hann upplýsi fyrst kvað hann ætlar að segja. Enda var ritskoðun þessi alls ekki sett á til að bjarga sóma flokksmanna og forða þeim frá að nota óvandað orðbragð um andstæðinga. Hún var sett til, að hægt væri stöðva vaxandi gagnrýni flokksfólks á forustu flokksins. Orsök ritskoðunar Orsök þessarar ritskoðunar má einfaldlega rekja til þess, að uppstillingarnefnd í „Kraganum“ vék Guðmundi Andra Thorssyni, traustum og vinsælum þingmanni úr öruggu þingsæti. Setti svo í hans stað Þórunni Sveinbjarnardóttur. Ósáttur flokksmaður gerði athugasemd við það að Guðmundi Andra var vikið úr þingsæti. Formanni framkvæmdastjórnar mislíkaði athugasemdin og fjarlægði hana, að eigin geðþótta. Það inngrip formannsins,að fjarlægja undirritaða færslu af lokaðri síðu var valdbeiting og ritskoðun, sem olli óvægnum deilum innan flokksins. Æðsta stjórn Samfylkingarinnar, sem öll er fullorðið fólk, lýsti stuðningi við formann framkvæmdastjórnarinnar og birti tilkynningu um ritskoðun á heimavef flokksins. Hingað til hafa flokksmenn haft þar frelsi til að skiftast á skoðunum. Hver með sínu nefi. Galnar hugmyndir Það er ekkert til að hneykslast yfir, að fólki finnist galnar hugmyndir sínar vera réttar. Það er líka erfitt að álasa fólki fyrir að framkvæma það, sem það telur vera rétt, - þó galið sé. Það er aftur á móti mjög alvarlegt þegar fólk með galnar hugmyndir tekur sér boðvald í stjórnmálaflokki og beitir því valdi. Sjálfu sér og flokknum til skaða og skammar Pólitískar hreinsanir Ég trúi, að hugmyndir þeirra, sem vilja ritskoða flokksfélaga sína, eigi pólitískar ættir í sömu kimum flokksins, og þau fjögur, í stjórn fulltrúaráðsins, sem yfirtóku um stund lýðræðið af flokknun, til að framkvæma pólitískar hreinsanir á framboðslistum hans í Reykjavík. Þau hreinsuðu af lista flokksins í Rvk.-Suður, Ágúst Ólaf,Jóhönnu Vigdísi og Einar Kárason. Þó höfðu þau í höndum sér Gallup-könnun, sem sýndi að flokkurinn mældist þá stærstur flokka í því kjördæmi, og að auki hafði hann langmest fylgi meðal ungra kjósenda í kjördæminu. Afglöp „fjórmenninga-klíkunnar“ Þeim fjórum, í stjórn fulltrúaraðsins í Rvk., sem ákváðu þessar hreinsanir ber skylda að gera flokksfólki grein fyrir hvaða nauðir ráku þau til þessara óskiljanlegu og dýrkeyptu afglapa. Takmörkuð auðlind Formaður fulltrúaráðsins, Hörður Oddfríðarson hefur þá skyldu að svara flokknum. Svar hans í sjónvarpi að „efstu sæti á lista Samfylkingarinna eru takmörkuð auðlind.“ það sæmir ekki. Honum ber að gera betur. Hann stýrði sjálfur verkinu. Höfundur er í flokksstjórn Samfylkingarinnar.
Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir Skoðun
Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar
Skoðun Í minningu Frans páfa - sem tók sér nafn verndardýrlings dýra og náttúru Árni Stefán Árnason skrifar
Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar
Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar
Skoðun Námsfærni nemenda í íslenskum skólum: Eigum við að lækka rána? Sigríður Ólafsdóttir skrifar
Skoðun Snorri byggir skoðun á skólakerfinu á reynslusögum annarra en Guðrún vitnar í ritrýndar heimildir Davíð Routley skrifar
Skoðun Horft til einkunna og annarra þátta við innritun í framhaldsskóla Guðmundur Ingi Kristinsson skrifar
Skoðun Enginn matur og næring án sérfræðiþekkingar Ólöf Guðný Geirsdóttir,Ólafur Ögmundarson skrifar
Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir Skoðun