Dominykas Milka: Ég held að það hjálpi deildinni að það eru alltaf fleiri útlendingar að bætast við Hjörtur Leó Guðjónsson skrifar 15. maí 2021 09:02 Dominykas Milka hefur verið einn besti leikmaður deildarmeistaranna í vetur. Keflavík og Tindastóll mætast í fyrstu viðureign liðanna í átta liða úrslitum Domino's deildar karla í kvöld. Dominykas Milka hefur verið einn besti leikmaður Keflvíkinga í vetur og hann fékk heimsókn í vinnuna þar sem hann sér um kostnaðarstýringu á Marriott hótelinu í Keflavík. „Ég er fjármálafræðingur og ég sé um kostnaðarstýringu á hótelinu,“ sagði Milka þegar Gaupi kíkti á hann. „Eitt það fyrsta sem ég gerði hérna var kostnaðarstýring fyrir nýjan matseðil sem við byrjum með næsta föstudag.“ „Ég fæ að vinna við það sem ég lærði, þetta er í rauninni kostnaðarbókhald. Þetta er áskorun, en þetta er eitthvað sem ég vil verða betri í og læra betur. Fólkið hér á Marriott hefur tekið mjög vel á móti mér og er tilbúið að hjálpa mér ein mikið og það getur.“ Milka segir að vinnan sé ekki að þvælast fyrir körfuboltanum og hann geti fengið að losna fyrr ef það er leikur seinna um kvöldið. „Ég vinn alla daga frá átta til fjögur, en suma daga hætti ég aðeins fyrr ef það er leikur um kvöldið. Við spiluðum til dæmis leik á móti ÍR um daginn sem var klukkan 18:15 í Reykjavík og þá þurfti ég að fara fyrr. Fólkið hérna á hótelinu styður mig algjörlega í þessu og þau vilja auðvitað sjá mig og liðið í heild standa sig vel.“ Klippa: Dominykas Milka Keflvíkingar tryggðu sér á dögunum deildarmeistaratitilinn og ætla sér stóra hluti í úrslitakeppninni. Milka segir þó að þeir einblíni bara á einn leik í einu. „Við hugsum bara um 40 mínútur í einu, bara einn leik í einu. Við vitum að þetta verður erfitt, en ef við förum að pæla of mikið í úrslitunum eða hverjum við gætum mætt þá getur farið illa. Við verðum að bera virðingu fyrir öllum liðunum og gera okkar besta í öllum leikjum.“ Milka segir að þeirra helstu andstæðingar í úrslitakeppninni séu þeir sjálfir. „Þeir leikir sem við töpum verður ekki af því að andstæðingurinn er að gera eitthvað ótrúlega vel, heldur af því að við erum að gera eitthvað illa og ekki að spila okkar leik.“ „Við berum virðingu fyrir öllum liðunum í keppninni og vitum að öll liðin geta unnið okkur. Svo lengi sem við spilum okkar leik og náum góði flæði á boltann þá trúi ég því að við getum unnið.“ Eins og áður segir eru Keflvíkingar deildarmeistarar, og Milka telur liðsheildina vega þyngst í velgengni liðsins. „Ég held að það sé liðsheildin. Okkur líkar vel við hvern annan, þetta er annað árið okkar saman og þjálfararnir hafa staðið sig vel í að undirbúa okkur undir leikina.“ Milka segir einnig að Domino's deildin verði sterkari með hverju árinu. „Það er mun meiri samkeppni í ár en í fyrra og deildin er jafnari. Alveg fram á seinustu umferð voru þrjú eða fjögur lið sem áttu möguleika á úrslitakeppni og þrjú eða fjögur lið sem gátu fallið. Ég held að það hjálpi deildinni að það eru alltaf fleiri útlendingar að bætast við, og fleiri Litháar. Það eru núna fjórir eða fimm Litháar í deildinni,“ sagði Milka léttur. „Hér áður fyrr voru takmörk og það mátti bara hafa einn útlending í hverju liði. Það var kannski gott fyrir einhverja innlenda leikmenn, en ég held að það hafi ekki verið gott fyrir deildina í heild. Ég held að erlendu leikmennirnir færi gæðin í deildinni upp á næsta plan, sem skilar sér svo líka í betri innlendum leikmönnum.“ Keflavík ÍF Mest lesið Íslenska íþróttafólkið fékk gefins síma og smokka Sport „Ég varð fyrir vonbrigðum með Gylfa“ Íslenski boltinn Þórir fékk gleðifréttir í gær Handbolti Gylfi ekki með Val til Skotlands Fótbolti Fagnaði sigri á Ólympíuleikunum komin sjö mánuði á leið Sport Anton Sveinn komst áfram í undanúrslit Sport Uppgjörið: Drita - Breiðablik 1-0 | Evrópusumarið á enda runnið Fótbolti Áfrýja stigafrádrættinum en ekki leikbanni þjálfarans fyrrverandi Fótbolti Skilur ekkert í skipuleggjendum: „Alveg út í hött“ Sport Þór kaupir Aron frá KR Íslenski boltinn Fleiri fréttir Fyrrum leikmaður Indiana State og DePaul samdi við Hött Logi snýr aftur í Njarðvíkurliðið: „Ofboðslega spennandi tími” Nimrod með KR í Bónusdeildinni Íslandsmeistararnir fá til sín fyrrum WNBA leikmann Frakkar enn fúlir út í Embiid og púuðu linnulaust á hann Töpuðu með 26 stigum þær níu mínútur sem Jokic hvíldi Bandaríkjamenn ekki í vandræðum með Jókerinn og félaga Sjálfsöruggur Ant hefur trú á sér sama hver íþróttin er Björtu stjörnurnar frá Suður-Súdan komnar á blað á Ólympíuleikunum 34 stig frá Antetokounmpo dugðu ekki til Öruggur fyrsti sigur íslensku strákanna „Sorgardagur þegar eigendurnir velja peningana fram yfir aðdáendurna“ Westbrook til liðs við Nuggets Ólafur skrifar undir nýjan samning: „Með verkefni sem við þurfum að klára“ Oddur Rúnar aftur í Grindavík Síðasta púslið hjá Keflvíkingum fundið Bless Barkley, Shaq og félagar: TNT stöðin missir NBA WNBA sölutölur fimmfaldast eftir komu Caitlin Clark og Angel Reese Gætu flutt Philadelphia 76ers til New Jersey „Hef aldrei komið til Íslands en ég veit að það er fallegt og kalt“ Óvænt tíðindi að austan: „Mikil vonbrigði“ Daníel rétt missti af stoðsendingatitlinum á EM Fer til Dallas á nýjan leik „Væri ekki bara einfaldast fyrir mig að skipta um þjóðerni“ „Við lögðum mikla á áherslu á að fá Dwayne aftur til okkar” Caitlin Clark heilsaði upp á dætur Kobe Bryant á stjörnuleiknum Russell Westbrook frjáls ferða sinna á ný Strákarnir unnu Tyrki og héldu sér í A-deild LeBron kom í veg fyrir ein óvæntustu úrslit körfuboltasögunnar Strákarnir sprungu út og tryggðu sér úrslitaleik um sæti í A-deild Sjá meira
„Ég er fjármálafræðingur og ég sé um kostnaðarstýringu á hótelinu,“ sagði Milka þegar Gaupi kíkti á hann. „Eitt það fyrsta sem ég gerði hérna var kostnaðarstýring fyrir nýjan matseðil sem við byrjum með næsta föstudag.“ „Ég fæ að vinna við það sem ég lærði, þetta er í rauninni kostnaðarbókhald. Þetta er áskorun, en þetta er eitthvað sem ég vil verða betri í og læra betur. Fólkið hér á Marriott hefur tekið mjög vel á móti mér og er tilbúið að hjálpa mér ein mikið og það getur.“ Milka segir að vinnan sé ekki að þvælast fyrir körfuboltanum og hann geti fengið að losna fyrr ef það er leikur seinna um kvöldið. „Ég vinn alla daga frá átta til fjögur, en suma daga hætti ég aðeins fyrr ef það er leikur um kvöldið. Við spiluðum til dæmis leik á móti ÍR um daginn sem var klukkan 18:15 í Reykjavík og þá þurfti ég að fara fyrr. Fólkið hérna á hótelinu styður mig algjörlega í þessu og þau vilja auðvitað sjá mig og liðið í heild standa sig vel.“ Klippa: Dominykas Milka Keflvíkingar tryggðu sér á dögunum deildarmeistaratitilinn og ætla sér stóra hluti í úrslitakeppninni. Milka segir þó að þeir einblíni bara á einn leik í einu. „Við hugsum bara um 40 mínútur í einu, bara einn leik í einu. Við vitum að þetta verður erfitt, en ef við förum að pæla of mikið í úrslitunum eða hverjum við gætum mætt þá getur farið illa. Við verðum að bera virðingu fyrir öllum liðunum og gera okkar besta í öllum leikjum.“ Milka segir að þeirra helstu andstæðingar í úrslitakeppninni séu þeir sjálfir. „Þeir leikir sem við töpum verður ekki af því að andstæðingurinn er að gera eitthvað ótrúlega vel, heldur af því að við erum að gera eitthvað illa og ekki að spila okkar leik.“ „Við berum virðingu fyrir öllum liðunum í keppninni og vitum að öll liðin geta unnið okkur. Svo lengi sem við spilum okkar leik og náum góði flæði á boltann þá trúi ég því að við getum unnið.“ Eins og áður segir eru Keflvíkingar deildarmeistarar, og Milka telur liðsheildina vega þyngst í velgengni liðsins. „Ég held að það sé liðsheildin. Okkur líkar vel við hvern annan, þetta er annað árið okkar saman og þjálfararnir hafa staðið sig vel í að undirbúa okkur undir leikina.“ Milka segir einnig að Domino's deildin verði sterkari með hverju árinu. „Það er mun meiri samkeppni í ár en í fyrra og deildin er jafnari. Alveg fram á seinustu umferð voru þrjú eða fjögur lið sem áttu möguleika á úrslitakeppni og þrjú eða fjögur lið sem gátu fallið. Ég held að það hjálpi deildinni að það eru alltaf fleiri útlendingar að bætast við, og fleiri Litháar. Það eru núna fjórir eða fimm Litháar í deildinni,“ sagði Milka léttur. „Hér áður fyrr voru takmörk og það mátti bara hafa einn útlending í hverju liði. Það var kannski gott fyrir einhverja innlenda leikmenn, en ég held að það hafi ekki verið gott fyrir deildina í heild. Ég held að erlendu leikmennirnir færi gæðin í deildinni upp á næsta plan, sem skilar sér svo líka í betri innlendum leikmönnum.“
Keflavík ÍF Mest lesið Íslenska íþróttafólkið fékk gefins síma og smokka Sport „Ég varð fyrir vonbrigðum með Gylfa“ Íslenski boltinn Þórir fékk gleðifréttir í gær Handbolti Gylfi ekki með Val til Skotlands Fótbolti Fagnaði sigri á Ólympíuleikunum komin sjö mánuði á leið Sport Anton Sveinn komst áfram í undanúrslit Sport Uppgjörið: Drita - Breiðablik 1-0 | Evrópusumarið á enda runnið Fótbolti Áfrýja stigafrádrættinum en ekki leikbanni þjálfarans fyrrverandi Fótbolti Skilur ekkert í skipuleggjendum: „Alveg út í hött“ Sport Þór kaupir Aron frá KR Íslenski boltinn Fleiri fréttir Fyrrum leikmaður Indiana State og DePaul samdi við Hött Logi snýr aftur í Njarðvíkurliðið: „Ofboðslega spennandi tími” Nimrod með KR í Bónusdeildinni Íslandsmeistararnir fá til sín fyrrum WNBA leikmann Frakkar enn fúlir út í Embiid og púuðu linnulaust á hann Töpuðu með 26 stigum þær níu mínútur sem Jokic hvíldi Bandaríkjamenn ekki í vandræðum með Jókerinn og félaga Sjálfsöruggur Ant hefur trú á sér sama hver íþróttin er Björtu stjörnurnar frá Suður-Súdan komnar á blað á Ólympíuleikunum 34 stig frá Antetokounmpo dugðu ekki til Öruggur fyrsti sigur íslensku strákanna „Sorgardagur þegar eigendurnir velja peningana fram yfir aðdáendurna“ Westbrook til liðs við Nuggets Ólafur skrifar undir nýjan samning: „Með verkefni sem við þurfum að klára“ Oddur Rúnar aftur í Grindavík Síðasta púslið hjá Keflvíkingum fundið Bless Barkley, Shaq og félagar: TNT stöðin missir NBA WNBA sölutölur fimmfaldast eftir komu Caitlin Clark og Angel Reese Gætu flutt Philadelphia 76ers til New Jersey „Hef aldrei komið til Íslands en ég veit að það er fallegt og kalt“ Óvænt tíðindi að austan: „Mikil vonbrigði“ Daníel rétt missti af stoðsendingatitlinum á EM Fer til Dallas á nýjan leik „Væri ekki bara einfaldast fyrir mig að skipta um þjóðerni“ „Við lögðum mikla á áherslu á að fá Dwayne aftur til okkar” Caitlin Clark heilsaði upp á dætur Kobe Bryant á stjörnuleiknum Russell Westbrook frjáls ferða sinna á ný Strákarnir unnu Tyrki og héldu sér í A-deild LeBron kom í veg fyrir ein óvæntustu úrslit körfuboltasögunnar Strákarnir sprungu út og tryggðu sér úrslitaleik um sæti í A-deild Sjá meira