Kvikmyndagerð á Íslandi er mikil lyftistöng fyrir ferðaþjónustuna Árni Sæberg skrifar 21. júní 2021 23:05 Sigríður Dögg Guðmundsdóttir og Einar Hansen Tómasson hjá Íslandsstofu ræddu um áhrif kvikmyndagerðar á Íslandi á ferðaþjónustuna. Um 40 prósent allra erlendra ferðamanna sem hingað koma til lands gera það eftir að hafa séð afþreyingarefni sem framleitt er á Íslandi. Sigríður Dögg Guðmundsdóttir, fagstjóri ferðaþjónustu hjá Íslandsstofu og Einar Hansen Tómasson, verkefnastjóri Film in Iceland, ræddu áhrif kvikmyndagerðar á Íslandi í Reykjavík Síðdegis í dag. Tilefnið var gott gengi sjónvarpsþáttaraðarinnar Kötlu. Film in Iceland er verkefni á vegum Íslandsstofu sem starfrækt hefur verið frá árinu 2001. Markmið þess er að laða erlenda framleiðendur til landsins. Það er gert með landkynningu og sérstakri kynningu á lögum um endurgreiðslu vegna kvikmyndagerðar. Endurgreiðsla á kostnaði við kvikmyndagerð er stór hluti af því sem laðar erlenda kvikmyndaframleiðendur hingað til lands. Ýmsir hagsmunaðilar hafa hvatt íslensk stjórnvöld til að hækka endurgreiðsluna. Aðspurður um það hvort endurgreiðslur mættu vera hærri segir Einar að hann reyni að skipta sér sem minnst af pólitíkinni en segir að víða séu endurgreiðslur hærri og um mikinn samkeppnismarkað sé að ræða. Þá sé endurgreiðslan ekki það helsta sem laðar framleiðendur að landinu. „Náttúran er aðal aðdráttaraflið en svo má ekki gleyma þessu frábæra fólki sem er að vinna að þessum verkefnum hér á landi. Allir framleiðendur sem ég hef talað við hafa lofað gæði þessa fólks og dugnað,“ segir hann. Einar segir að þegar þættirnir Game of Thrones voru fyrst teknir upp hér á landi hafi gríðarstórt framleiðslulið fylgt framleiðslunni en að fljótlega hafi framleiðendur þáttanna séð að það væri óþarfi. Hægt hafi verið að reiða sig á innlent framleiðslulið með tilheyrandi hagkvæmni. Klippa: Reykjavík síðdegis - Um 40% ferðamanna hafa fengið hugmyndina af Íslandsferð úr kvikmyndum eða þáttaröðum „Þetta hjálpar náttúrulega tvímælalaust“ Sigríður Dögg Guðmundsdóttir segir að ferðamenn séu spurðir reglulega hvaðan þeir hafi fengið hugmynd að íslandsferð. Samkvæmt nýjustu tölum frá 2019 segjast 40 prósent ferðamanna hafa fengið hugmyndina í gegn um afþreyingarefni, sér í lagi myndefni sem sýnir íslenska náttúru. „Þetta hefur verið mikil lyftistöng fyrir ferðaþjónustuna, þetta mikla framboð af efni sem við höfum séð undanfarin ár,“ segir Sigríður Dögg. Til dæmis er nefnt í þættinum að í Stykkishólmi segja heimamenn að margir ferðamenn komi gagngert til bæjarins til þess að berja höfnina augum, en við höfnina gerðist veigamikið atriði í kvikmyndinni The Secret Life of Walter Mitty. Kvikmyndin var tekin upp á Íslandi árið 2012. Aðspurður segir Einar að Íslandsstofa bendi erlendum ferðamönnum á hvar þeir geti fundið tökustaði sem þeir kannast við úr afþreyingarefni. Nýverið lét stofan útbúa fyrir sig myndbönd sem kynna tökustaði á Íslandi sérstaklega. Einar nefnir að fyrir heimsfaraldur hafi verið boðið upp á sérstakar Game of Thrones ferðir. Einar segir að árið 2016 hafi hlutur þeirra ferðamanna, sem komu vegna landkynningar í kvikmyndum, í heildarveltu ferðaþjónustunnar verið rúmir sjötíu milljarðar. Árið 2016 voru helmingi færri ferðamenn, sem sögðust hafa fengið hugmyndina að íslandsferð í gegn um afþreyingarefni, en árið 2019. Afléttingar ferðatakmarkana eru mikilvægar Íslandsstofa hefur tekið eftir auknum ferðabókunum frá Bandaríkjunum en ferðamenn þaðan eru langflestir bólusettir. „Það skiptir mjög miklu máli að íslensk stjórnvöld ákváðu að opna fyrir ferðir erlendra, bólusettra ferðamanna, utan Schengen,“ segir Sigríður. Sigríður segir að nú sé miklu bjartara yfir íslenskri ferðaþjónustu en var fyrir nokkrum vikum. Það sé aðallega vegna þess að afléttingar ferðatakmarkana gefa rekstraraðilum von á góðu ferðasumri. Vænta má að nýútgefin Katla muni laða hingað að mikinn fjölda ferðamanna nú þegar ferðamönnum er frjálsara að koma til landsins. Ferðamennska á Íslandi Kvikmyndagerð á Íslandi Reykjavík síðdegis Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent Mátti binda barn á höndum og fótum og kitla það Innlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent SFS hafi skrópað á fund ráðuneytisins Innlent Langflestir telja afsögn Ásthildar rétta ákvörðun Innlent Fleiri fréttir Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Sjá meira
Sigríður Dögg Guðmundsdóttir, fagstjóri ferðaþjónustu hjá Íslandsstofu og Einar Hansen Tómasson, verkefnastjóri Film in Iceland, ræddu áhrif kvikmyndagerðar á Íslandi í Reykjavík Síðdegis í dag. Tilefnið var gott gengi sjónvarpsþáttaraðarinnar Kötlu. Film in Iceland er verkefni á vegum Íslandsstofu sem starfrækt hefur verið frá árinu 2001. Markmið þess er að laða erlenda framleiðendur til landsins. Það er gert með landkynningu og sérstakri kynningu á lögum um endurgreiðslu vegna kvikmyndagerðar. Endurgreiðsla á kostnaði við kvikmyndagerð er stór hluti af því sem laðar erlenda kvikmyndaframleiðendur hingað til lands. Ýmsir hagsmunaðilar hafa hvatt íslensk stjórnvöld til að hækka endurgreiðsluna. Aðspurður um það hvort endurgreiðslur mættu vera hærri segir Einar að hann reyni að skipta sér sem minnst af pólitíkinni en segir að víða séu endurgreiðslur hærri og um mikinn samkeppnismarkað sé að ræða. Þá sé endurgreiðslan ekki það helsta sem laðar framleiðendur að landinu. „Náttúran er aðal aðdráttaraflið en svo má ekki gleyma þessu frábæra fólki sem er að vinna að þessum verkefnum hér á landi. Allir framleiðendur sem ég hef talað við hafa lofað gæði þessa fólks og dugnað,“ segir hann. Einar segir að þegar þættirnir Game of Thrones voru fyrst teknir upp hér á landi hafi gríðarstórt framleiðslulið fylgt framleiðslunni en að fljótlega hafi framleiðendur þáttanna séð að það væri óþarfi. Hægt hafi verið að reiða sig á innlent framleiðslulið með tilheyrandi hagkvæmni. Klippa: Reykjavík síðdegis - Um 40% ferðamanna hafa fengið hugmyndina af Íslandsferð úr kvikmyndum eða þáttaröðum „Þetta hjálpar náttúrulega tvímælalaust“ Sigríður Dögg Guðmundsdóttir segir að ferðamenn séu spurðir reglulega hvaðan þeir hafi fengið hugmynd að íslandsferð. Samkvæmt nýjustu tölum frá 2019 segjast 40 prósent ferðamanna hafa fengið hugmyndina í gegn um afþreyingarefni, sér í lagi myndefni sem sýnir íslenska náttúru. „Þetta hefur verið mikil lyftistöng fyrir ferðaþjónustuna, þetta mikla framboð af efni sem við höfum séð undanfarin ár,“ segir Sigríður Dögg. Til dæmis er nefnt í þættinum að í Stykkishólmi segja heimamenn að margir ferðamenn komi gagngert til bæjarins til þess að berja höfnina augum, en við höfnina gerðist veigamikið atriði í kvikmyndinni The Secret Life of Walter Mitty. Kvikmyndin var tekin upp á Íslandi árið 2012. Aðspurður segir Einar að Íslandsstofa bendi erlendum ferðamönnum á hvar þeir geti fundið tökustaði sem þeir kannast við úr afþreyingarefni. Nýverið lét stofan útbúa fyrir sig myndbönd sem kynna tökustaði á Íslandi sérstaklega. Einar nefnir að fyrir heimsfaraldur hafi verið boðið upp á sérstakar Game of Thrones ferðir. Einar segir að árið 2016 hafi hlutur þeirra ferðamanna, sem komu vegna landkynningar í kvikmyndum, í heildarveltu ferðaþjónustunnar verið rúmir sjötíu milljarðar. Árið 2016 voru helmingi færri ferðamenn, sem sögðust hafa fengið hugmyndina að íslandsferð í gegn um afþreyingarefni, en árið 2019. Afléttingar ferðatakmarkana eru mikilvægar Íslandsstofa hefur tekið eftir auknum ferðabókunum frá Bandaríkjunum en ferðamenn þaðan eru langflestir bólusettir. „Það skiptir mjög miklu máli að íslensk stjórnvöld ákváðu að opna fyrir ferðir erlendra, bólusettra ferðamanna, utan Schengen,“ segir Sigríður. Sigríður segir að nú sé miklu bjartara yfir íslenskri ferðaþjónustu en var fyrir nokkrum vikum. Það sé aðallega vegna þess að afléttingar ferðatakmarkana gefa rekstraraðilum von á góðu ferðasumri. Vænta má að nýútgefin Katla muni laða hingað að mikinn fjölda ferðamanna nú þegar ferðamönnum er frjálsara að koma til landsins.
Ferðamennska á Íslandi Kvikmyndagerð á Íslandi Reykjavík síðdegis Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent Mátti binda barn á höndum og fótum og kitla það Innlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent SFS hafi skrópað á fund ráðuneytisins Innlent Langflestir telja afsögn Ásthildar rétta ákvörðun Innlent Fleiri fréttir Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Sjá meira