Rektor MR sökuð um að tala niður til nemenda og svipta þá öllu frumkvæði Jakob Bjarnar skrifar 27. júlí 2021 16:03 Fjölmargir nemendur MR hafa lýst sig samþykka efni greinar Magga en þar kemur fram hörð gagnrýni á Elísabetu rektor sem sökuð er um að tala niður til nemenda. Það vill Elísabet ekki kannast við að sé rétt. Fjöldi nemenda í Menntaskólanum í Reykjavík hefur lýst yfir óánægju með skólastjórnendur og framgöngu sem þeir telja til þess fallna að drepa allt sem heitir félagslíf í skólanum. Gagnrýnin snýr einkum að Elísabetu Siemsen rektor skólans sem veit ekki hvaðan á sig stendur veðrið. Maggi Snorrason, fráfarandi formaður Framtíðarinnar, annars nemendafélags MR, ritar mikinn pistil inn á Facebook-síðu nemenda þar sem hann gagnrýnir stjórnendur skólans harðlega, einkum rektor. Pistillinn hefur fallið í kramið meðal nemenda og þeir menntskælingar sem Vísir hefur rætt við vilja meina að þar sé sem talað úr þeirra hjarta. Segir rektor hafa klikkað Hann segir að Elísabet tali niður til nemenda og vilji svipta þá öllu frumkvæði. Hann segir að í þessu felist mikil hætta, sú að allt félagslíf í skólanum muni óhjákvæmilega lognast út af. „„Vá, hvað við eigum æðislegan rektor!,“ hefur líklegast enginn nemandi Menntaskólans í Reykjavík sagt síðan haustið 2018.“ Þannig hefst pistill Magga en þar er áréttað að samskipti milli nemenda og stjórnenda skólans þurfi að vera góð ef félagslífið á ekki að lognast út af. Hann rekur dæmi frá öðrum skólum, svo sem Fjölbrautaskólans í Breiðholti sem má muna sinn fífil fegurri: Maggi hvetur rektor til að hætta beinum afskiptum af félagslífinu, það sé til þess fallið að drepa það í dróma.aðsend „Rektor hefur klikkað þar eins og margir í skólanum hafa reynslu af en ég tel að það hafi mikið með virðingarleysi að gera. Elísabet setur sig í það hlutverk að ala okkur upp og er föst í því hugarfari að við séum of ung til að vita hvað er okkur fyrir bestu svo hún þarf að ákveða fyrir okkur. Þess vegna hlustar hún ekki á okkur þegar við leitum til hennar.“ Maggi segir að nemendur verði að vera óhræddir við að gera kröfur til rektors og tala um sína hagsmunabaráttu opinberlega. „Nú er Elísabet ekki alslæm og hægt að hrósa henni fyrir margt en við eigum ekki að sætta okkur við það slæma. Við eigum heldur að benda á það sem gera má betur og krefjast þess að bætt verði úr þeim.“ „Hættu að reyna að stjórna nemendafélögunum“ Maggi setur við lok greinar sinnar fram kröfur til rektors í fjórum liðum, eftirfarandi: Hættu að reyna að stjórna nemendafélögunum. Þú ert ekki alvaldur þeirra. Leyfðu þeim sem nemendur kusu að sjá alfarið um rekstur þeirra og vertu frekar til staðar til að leiðbeina þeim. Gerð þú þinn þátt í að bæta úr samskiptum við nemendur. Þeir skynja þegar talað er niður til þeirra. Gefðu þér meiri tíma í að hlusta og gefðu þeim sinn tíma til að koma sínu frá sér. Taktu tillit til okkar aldurs. Ekki velja hvort þú komir fram við okkur eins og börn eða fullorðna eftir þinni hentisemi. Leyfðu okkur að gera mistök en virtu okkur eins og fullorðna. Okkar skoðun vegur alveg jafn mikið burt séð frá aldri. Ekki skipta þér of mikið af. Auðvitað er jákvætt að passað sé upp á okkur en við erum samt ekki í MR til að láta ala okkur upp. Við ráðum hvernig við skemmtum okkur. Margir nemenda sammála um torveld samskipti Eins og áður sagði eru viðtöku nemenda við skrifum Magga eindregin og er um það bil 1/3 þeirra sem eru í hópnum, vel á 3. hundrað, gefið til kynna að þeim líki skrifin og taki undir þau. Maggi segist hafa rætt þessi atriði við Elísabetu rektor en án þess að það hafi skilað nokkru. Honum sýnist hún vera í afneitun á stöðuna sem hann telur grafalvarlega, hún hefur tekið ábendingum hans fremur illa. „Já, viðbrögðin sem ég fékk voru þannig að hún vilji trúa að langflestir nemendur séu sáttir við hana. Og erfitt að sýna fram á annað, það var Covid og erfitt að sjá samstöðu nemenda, allir heima. En hún vill trúa því.“ Maggi segist hafa borið skrifin undir flesta þá sem hafa farið fyrir nemendafélögum skólans undanfarin þrjú ár eða svo eða allt frá því að Elísabet tók við. Og þar hafi verið samhljómur hvað reynslu af samskiptum við rektor varðar. Efni greinarinnar kemur rektor í opna skjöldu Elísabet segir blaðamann færa sér fréttir þegar hann rakti efni greinar Magga í hennar eyru. Að efni til komi þetta sér í opna skjöldu meðal annars vegna þess að samskipti þeirra Magga hafi ávallt verið góð. Þá þykir henni skjóta skökku við að hún skuli ávörpuð beint í bréfi sem ekki sé sent til sín. Og hún veltir fyrir sér tilefni skrifanna. Einhver staðar hafi eitthvað skolast til. Efni greinar Magga kemur Elísabetu mjög á óvart. Henni finnst einkennilegt að vera ávörpuð í bréfi sem henni hefur ekki borist.mr „Sendu bréfið á réttan stað og þá verður þér svarað,“ segir Elísabet og telur að hugsanlega hafi eitthvað misfarist í kennslu fyrst Maggi sendi bréfið ekki á réttan stað. Hún segist ekki geta úttalað sig um efni pistilsins, því hann hafi hún ekki séð og sig skorti því forsendur. „Þetta kemur mér á óvart. Ég verð að segja það,“ segir Elísabet sem kannast ekki við að hafa talað niður til nemenda. Innt eftir því hvort Maggi hafi ekki fært einhverja efnisþætti pistilsins í tal við hana kannast hún ekki við það. Hún segir að skólaárið hafi einkennst af Covid og því afar sérstakt. Nemendur hafi ekki getað gert neitt sem venja er til. Og því hafi ekki verið mikið á dagskrá. „Því miður. Og það er afskaplega sorglegt. En sú óánægja sem hann hefur rætt við mig snýst um prókúru á reikingum Framtíðarinnar. En þar erum við bara að framfylgja lögum,“ segir Elísabet sem hafnar því alfarið að hún hafi lagt stein í götu félagslífs nemenda, þvert á móti vilji hún veg þess sem mestan. En slík samskipti af hálfu skólans hafi forvarnar- og félagsmálafulltrúar með höndum. Framhaldsskólar Stjórnsýsla Reykjavík Skóla - og menntamál Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Slagsmál brutust út meðal þingmanna Erlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Fleiri fréttir Áframhaldandi norðankaldi en bjart sunnan heiða Sérsveitin aðstoðaði vegna hnífaburðar í Vesturbæ Öflugur skjálfti í Bárðarbungu „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Sjá meira
Maggi Snorrason, fráfarandi formaður Framtíðarinnar, annars nemendafélags MR, ritar mikinn pistil inn á Facebook-síðu nemenda þar sem hann gagnrýnir stjórnendur skólans harðlega, einkum rektor. Pistillinn hefur fallið í kramið meðal nemenda og þeir menntskælingar sem Vísir hefur rætt við vilja meina að þar sé sem talað úr þeirra hjarta. Segir rektor hafa klikkað Hann segir að Elísabet tali niður til nemenda og vilji svipta þá öllu frumkvæði. Hann segir að í þessu felist mikil hætta, sú að allt félagslíf í skólanum muni óhjákvæmilega lognast út af. „„Vá, hvað við eigum æðislegan rektor!,“ hefur líklegast enginn nemandi Menntaskólans í Reykjavík sagt síðan haustið 2018.“ Þannig hefst pistill Magga en þar er áréttað að samskipti milli nemenda og stjórnenda skólans þurfi að vera góð ef félagslífið á ekki að lognast út af. Hann rekur dæmi frá öðrum skólum, svo sem Fjölbrautaskólans í Breiðholti sem má muna sinn fífil fegurri: Maggi hvetur rektor til að hætta beinum afskiptum af félagslífinu, það sé til þess fallið að drepa það í dróma.aðsend „Rektor hefur klikkað þar eins og margir í skólanum hafa reynslu af en ég tel að það hafi mikið með virðingarleysi að gera. Elísabet setur sig í það hlutverk að ala okkur upp og er föst í því hugarfari að við séum of ung til að vita hvað er okkur fyrir bestu svo hún þarf að ákveða fyrir okkur. Þess vegna hlustar hún ekki á okkur þegar við leitum til hennar.“ Maggi segir að nemendur verði að vera óhræddir við að gera kröfur til rektors og tala um sína hagsmunabaráttu opinberlega. „Nú er Elísabet ekki alslæm og hægt að hrósa henni fyrir margt en við eigum ekki að sætta okkur við það slæma. Við eigum heldur að benda á það sem gera má betur og krefjast þess að bætt verði úr þeim.“ „Hættu að reyna að stjórna nemendafélögunum“ Maggi setur við lok greinar sinnar fram kröfur til rektors í fjórum liðum, eftirfarandi: Hættu að reyna að stjórna nemendafélögunum. Þú ert ekki alvaldur þeirra. Leyfðu þeim sem nemendur kusu að sjá alfarið um rekstur þeirra og vertu frekar til staðar til að leiðbeina þeim. Gerð þú þinn þátt í að bæta úr samskiptum við nemendur. Þeir skynja þegar talað er niður til þeirra. Gefðu þér meiri tíma í að hlusta og gefðu þeim sinn tíma til að koma sínu frá sér. Taktu tillit til okkar aldurs. Ekki velja hvort þú komir fram við okkur eins og börn eða fullorðna eftir þinni hentisemi. Leyfðu okkur að gera mistök en virtu okkur eins og fullorðna. Okkar skoðun vegur alveg jafn mikið burt séð frá aldri. Ekki skipta þér of mikið af. Auðvitað er jákvætt að passað sé upp á okkur en við erum samt ekki í MR til að láta ala okkur upp. Við ráðum hvernig við skemmtum okkur. Margir nemenda sammála um torveld samskipti Eins og áður sagði eru viðtöku nemenda við skrifum Magga eindregin og er um það bil 1/3 þeirra sem eru í hópnum, vel á 3. hundrað, gefið til kynna að þeim líki skrifin og taki undir þau. Maggi segist hafa rætt þessi atriði við Elísabetu rektor en án þess að það hafi skilað nokkru. Honum sýnist hún vera í afneitun á stöðuna sem hann telur grafalvarlega, hún hefur tekið ábendingum hans fremur illa. „Já, viðbrögðin sem ég fékk voru þannig að hún vilji trúa að langflestir nemendur séu sáttir við hana. Og erfitt að sýna fram á annað, það var Covid og erfitt að sjá samstöðu nemenda, allir heima. En hún vill trúa því.“ Maggi segist hafa borið skrifin undir flesta þá sem hafa farið fyrir nemendafélögum skólans undanfarin þrjú ár eða svo eða allt frá því að Elísabet tók við. Og þar hafi verið samhljómur hvað reynslu af samskiptum við rektor varðar. Efni greinarinnar kemur rektor í opna skjöldu Elísabet segir blaðamann færa sér fréttir þegar hann rakti efni greinar Magga í hennar eyru. Að efni til komi þetta sér í opna skjöldu meðal annars vegna þess að samskipti þeirra Magga hafi ávallt verið góð. Þá þykir henni skjóta skökku við að hún skuli ávörpuð beint í bréfi sem ekki sé sent til sín. Og hún veltir fyrir sér tilefni skrifanna. Einhver staðar hafi eitthvað skolast til. Efni greinar Magga kemur Elísabetu mjög á óvart. Henni finnst einkennilegt að vera ávörpuð í bréfi sem henni hefur ekki borist.mr „Sendu bréfið á réttan stað og þá verður þér svarað,“ segir Elísabet og telur að hugsanlega hafi eitthvað misfarist í kennslu fyrst Maggi sendi bréfið ekki á réttan stað. Hún segist ekki geta úttalað sig um efni pistilsins, því hann hafi hún ekki séð og sig skorti því forsendur. „Þetta kemur mér á óvart. Ég verð að segja það,“ segir Elísabet sem kannast ekki við að hafa talað niður til nemenda. Innt eftir því hvort Maggi hafi ekki fært einhverja efnisþætti pistilsins í tal við hana kannast hún ekki við það. Hún segir að skólaárið hafi einkennst af Covid og því afar sérstakt. Nemendur hafi ekki getað gert neitt sem venja er til. Og því hafi ekki verið mikið á dagskrá. „Því miður. Og það er afskaplega sorglegt. En sú óánægja sem hann hefur rætt við mig snýst um prókúru á reikingum Framtíðarinnar. En þar erum við bara að framfylgja lögum,“ segir Elísabet sem hafnar því alfarið að hún hafi lagt stein í götu félagslífs nemenda, þvert á móti vilji hún veg þess sem mestan. En slík samskipti af hálfu skólans hafi forvarnar- og félagsmálafulltrúar með höndum.
Framhaldsskólar Stjórnsýsla Reykjavík Skóla - og menntamál Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Slagsmál brutust út meðal þingmanna Erlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Fleiri fréttir Áframhaldandi norðankaldi en bjart sunnan heiða Sérsveitin aðstoðaði vegna hnífaburðar í Vesturbæ Öflugur skjálfti í Bárðarbungu „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Sjá meira