„Vildum votta meisturunum virðingu okkar“ Ritstjórn Albúmm.is skrifar 22. ágúst 2021 14:31 Straumvatn sendi á dögunum frá sér smáskífuna Sveitin Mín. Að sögn aðstandenda er hér á ferð íslenskt erkipopp, sérlega vel brúklegt til söngs á mannamótum og má þá gjarnan hver syngja með sínu nefi. Lagið er óður til sveitarinnar, óbeislaðra fallvatna, heiða, dala og öræfa og minninganna um löngu liðnar stundir við snarkið frá sundurspilaðri vinylplötu. Harmonikkan spilar stóra rullu og minnir á freyðandi straumföx meðan melódikan veður lygnuna. Straumvatn er hugarfóstur Júlíusar H. Ólafssonar og Þorkels Atlasonar. „Við vildum votta meisturunum virðingu okkar. Körlum og konum sem víluðu ekki fyrir sér að vaða straumþungar árnar og vötnin, klífa jöklana og klöngrast um hraunin – og leggja þannig grunninn að þekkingunni sem við búum yfir í dag. Þetta voru sannarlega snillingar, konungar hálendisins. Náttúruvinir. Þetta er í rauninni stórpólitískt lag. Við viljum friða hálendið og umfram allt stöðva allt þetta óþarfa virkjanabrölt. Við þurfum ekki meira rafmagn. Ef við höfum ekki nóg rafmagn þá bara getum við dregið fram nikkurnar, melódikurnar og kassagítarana, skellt okkur í bússur, vaðið út í næstu á eða læk og tekið lagið. Við viljum samt minna fólk á að það getur verið erfitt að vaða straumvatn þegar bússurnar eru orðnar fullar en þá má bara fara á skónum.” Á B-hlið er að finna versjónina Farartálmi sem sækir innblástur úr Döbbheimum jarðmöttuls. Sveitin mín er fáanleg á 7 tommu vinyl en gefin út í mjög takmörkuðu upplagi en hægt er að nálgast hana í Space Odissey á Skólavörðustígnum eða leggja inn pöntun á facebook síðu sveitarinnar. Flytjendur: Júlíus Heimir Ólafsson, Þorkell Atlason, Þorvaldur Kári Ingveldarson, Lárus Halldór Grímsson ásamt félögum úr Háskólakórnum. Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is. Fylgstu með Straumvatn á Facebook Mest lesið Helena krýnd Ungfrú Ísland Lífið Héldu að hún væri rokkstjarna eða gift ríkum gaur Tíska og hönnun Spegill, spegill, herm þú mér, hve léleg endurgerðin er Gagnrýni „Ég vissi að ég væri ekki fara að skila honum“ Makamál Horfði aftur á keppnina þegar hún kom heim Lífið Rauf þögnina og minntist Kilmer með stundarþögn Lífið Ása Steinars og Leó greina frá kyninu Lífið Bað strax um verkjalyf eftir nefaðgerðina Lífið Tæplega ein og hálf milljón eggja ofan í landsmenn Lífið Keppast um titilinn Ungfrú Ísland í beinni útsendingu í kvöld Lífið
Lagið er óður til sveitarinnar, óbeislaðra fallvatna, heiða, dala og öræfa og minninganna um löngu liðnar stundir við snarkið frá sundurspilaðri vinylplötu. Harmonikkan spilar stóra rullu og minnir á freyðandi straumföx meðan melódikan veður lygnuna. Straumvatn er hugarfóstur Júlíusar H. Ólafssonar og Þorkels Atlasonar. „Við vildum votta meisturunum virðingu okkar. Körlum og konum sem víluðu ekki fyrir sér að vaða straumþungar árnar og vötnin, klífa jöklana og klöngrast um hraunin – og leggja þannig grunninn að þekkingunni sem við búum yfir í dag. Þetta voru sannarlega snillingar, konungar hálendisins. Náttúruvinir. Þetta er í rauninni stórpólitískt lag. Við viljum friða hálendið og umfram allt stöðva allt þetta óþarfa virkjanabrölt. Við þurfum ekki meira rafmagn. Ef við höfum ekki nóg rafmagn þá bara getum við dregið fram nikkurnar, melódikurnar og kassagítarana, skellt okkur í bússur, vaðið út í næstu á eða læk og tekið lagið. Við viljum samt minna fólk á að það getur verið erfitt að vaða straumvatn þegar bússurnar eru orðnar fullar en þá má bara fara á skónum.” Á B-hlið er að finna versjónina Farartálmi sem sækir innblástur úr Döbbheimum jarðmöttuls. Sveitin mín er fáanleg á 7 tommu vinyl en gefin út í mjög takmörkuðu upplagi en hægt er að nálgast hana í Space Odissey á Skólavörðustígnum eða leggja inn pöntun á facebook síðu sveitarinnar. Flytjendur: Júlíus Heimir Ólafsson, Þorkell Atlason, Þorvaldur Kári Ingveldarson, Lárus Halldór Grímsson ásamt félögum úr Háskólakórnum. Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is. Fylgstu með Straumvatn á Facebook
Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.
Mest lesið Helena krýnd Ungfrú Ísland Lífið Héldu að hún væri rokkstjarna eða gift ríkum gaur Tíska og hönnun Spegill, spegill, herm þú mér, hve léleg endurgerðin er Gagnrýni „Ég vissi að ég væri ekki fara að skila honum“ Makamál Horfði aftur á keppnina þegar hún kom heim Lífið Rauf þögnina og minntist Kilmer með stundarþögn Lífið Ása Steinars og Leó greina frá kyninu Lífið Bað strax um verkjalyf eftir nefaðgerðina Lífið Tæplega ein og hálf milljón eggja ofan í landsmenn Lífið Keppast um titilinn Ungfrú Ísland í beinni útsendingu í kvöld Lífið