Sextíu greindust með kórónuveiruna innanlands í gær. Þrjátíu og átta greindust utan sóttkvíar eða 63,3 prósent en tuttugu og tveir voru í sóttkví eða 36,7 prósent. Heilbrigðisráðherra hefur ákveðið að leyfa notun sjálfsprófa fyrir kórónuveirunni.
Ríkisstjórnin ákvað í morgun að taka á móti að minnsta kosti hundrað og tuttugu flóttamönnum frá Afganistan og féllst þar á tillögur flóttamannanefndar. Samkvæmt tillögunum á að styðja við þær fjölskyldur sem eru hér á landi og eiga rétt á sameiningu við fjölskyldumeðlimi í Afganistan.
Allt flug til og frá landinu fellur niður milli klukkan fimm að morgni til klukkan tíu á þriðjudag í næstu viku náist ekki samningar við flugumferðarstjóra fyrir þann tíma.
Þetta og fleira í hádegisfréttum Bylgjunnar sem einnig eru sendar út beint hér á Vísi.
