Að minnsta kosti 80 greindust smitaðir af veirunni í gær

Samkvæmt nýuppfærðum tölum á Covid.is, upplýsingavef almannavarna og landlæknir, voru 32 þeirra sem greindust smitaðir fullbólusettir og 48 óbólusettir. 70 greindust við einkennasýnatöku og 10 við sóttkvíar- og handahófsskimun.

Ellefu manns eru nú á sjúkrahúsi, þremur færri en í gær, og tveir á gjörgæslu þar sem fjölgar um einn. Þrír greindust með virkt smit á landamærunum.

Í sóttkví eru nú 2.079 manns og 844 í einangrun.

Fréttin hefur verið uppfærð.