Verðlaunamyndir frá Cannes sýndar á RIFF

„Þennan flokk skipa splunkunýjar, sérvaldar myndir frá framúrskarandi, hæfileikaríkum leikstjórum sem njóta mikillar virðingar í kvikmyndaheiminum. Helmingur myndanna í þessu flokki hlaut annað hvort tilnefningu eða verðlaun á Cannes hátíðinni í sumar,“ segir í tilkynningu frá RIFF. 

Meðal þeirra mynda sem koma beint frá Cannes er Kú/Cow eftir óskarsverðlaunahafann Andreu Arnold þar sem daglegu lífi kúnnar Lumu er fylgt eftir um nokkura ára skeið. Önnur mynd sem gerði það gott á Cannes í sumar er Keyra bílinn minn/Drive My Car eftir Ryûsuke Hamaguchi, myndin er aðlögun á smásögunni „Karlar án kvenna“ eftir Haruki Murakami og tók hún heim þrenn verðlaun á Cannes í sumar af fjórum tilnefningum.

Fjórða myndin sem tilnefnd var á Cannes og tók heim verðlaun er Stóra frelsi sem fjallar um Hans sem er samkynhneigður og verður ástfanginn af morðingja. Önnur mynd í Opnu hafi sem fékk tilnefningu til gullpálmans var Flensa Petrovs sem fjallar um dag í lífi myndasöguhöfundarins Petrovs og fjölskyldu hans í Rússlandi eftir fall Sovétríkjanna

Síðasta kvikmyndasýningin eða Last Film Show fjallar um dreng sem heillaðist svo af kvikmyndum að hann gaf hádegismatinn sinn til sýningarstjóra á hverjum degi til að komast í bíó. Myndin er byggð á sannsögulegum atburðum og verður Pan Nalin leikstjóri myndarinnar viðstaddur sýninguna.

Brighton fjórða um fyrrum fjölbragðaglímukappa sem ferðast til Brooklyn til að bjarga syni sínum úr fjárhættuspilaskuld hlaut þrenn verðlaun á Tribeca í sumar. Tungl 66 spurningar fallar um unga konu sem kynnist föður sínum upp á nýtt á sjúrkabeði hans. Síðast en ekki síst er það myndin Ég er þinn maður eftir Maria Schrader sem hlaut Silfubjörninn í Berlín fyrir bestu leikframmistöðu. En myndin fjallar um konu sem býr í þrjár vikur með vélmenni sem er hannað til að bera öll einkenni manneskju.

Nánar má lesa um myndirnar hér fyrir neðan og fyrir þá sem vilja tryggja sér passa eða klippikort á hátíðina sem hefst í lok mánaðar, er hægt að gera það hér.

Síðasta kvikmyndasýningin / Last Film Show

Samay er 9 ára drengur sem býr með fjölskyldu sinni í afskektu þorpi í Indlandi. Þegar hann uppgötvar kvikmyndir í fyrsta sinn verður hann gjörsamlega heillaður. Gegn vilja föður síns stelst hann í bíó á hverjum degi til að horfa á kvikmyndir. Hann gerir sýningarstjórann að vini sýnum og borgar honum fyrir sýningarnar með hádegismatnum sínum. Hann uppgötvar fljótt að sögur verða ljós, ljós festist á filmu og filmur gera draumin að veruleika. Sýnishorn úr mynd.

Brighton fjórða / Brighton 4th

Fyrrum fjölbragðaglímukappi ferðast frá Tblísí til Brooklyn til að bjarga syni sínum úr fjárhættuspilaskuld. Hann manar lánadrottinn í hringinn með því skilyrði, að ef hann sigri sé drengurinn laus allra mála. Myndin vann þrenn verðlaun á Tribeca hátíðinni í sumar fyrir besta leikara í aðalhlutverki, besta myndin og besta handritið í alþjóðlega flokknum.

Keyra bílinn minn / Drive My Car

Aðlögun á smásögunni „Karlar án kvenna“ eftir Haruki Murakami. Leikstjóri, sem nýlega missti konuna sína, er boðið að stýra leikriti á hátíð í Híróshíma. Bílstjórinn hans er stóísk kona og með þeim myndast trúnaðarsamband. Myndin fékk fjórar tilnefningar á Cannes, þar af þrenn verðlaun ein þeirra fyrir besta handrit. Sýnishorn úr mynd.

Stóra frelsi / Große Freiheit / Great Freedom (LGBTQ+)

Í Þýskalandi eftirstríðsáranna situr Hans ítrekað bak við lás og slá sökum kynhneigðar sinnar. Honum býður við klefafélaganum, dæmdum morðingja, en með tímanum takast með þeim ástir. Fjórar tilnefningar og þrenn verðlaun. Þar af Un Certain Regard Jury Price á Cannes.

Tungl, 66 spurningar / Selene 66 Questions / Moon, 66 questions /

Ung kona sem býr í París þarf að snúa aftur til Aþenu til að annast föður sinn, sem hún hefur fjarlægst. Yfir tilfinningasamt sumar kemst hún að ýmsu leyndu í hans fari og samband þeirra grær fyrir vikið. Fimm tilnefningar og ein verðlaun.

Flensa Petrovs / Петровы в гриппе / Petrov’s Flu

Dagur í lífi myndasöguhöfundarins Petrovs og fjölskyldu hans í Rússlandi eftir fall Sovétríkjanna. Lasinn Petrov er borinn af vininum Igor yfir dágóðan spöl og flakkar milli heima í huganum. Sýnishorn úr mynd.

Ég er þinn maður / Ich bin dein Mensch / I‘m Your Man

Vísindakona samþykkir að taka þátt í óvenjulegri tilraun. Í þrjár vikur þarf hún að lifa með vélmenni með gervigreind, sem hefur öll einkenni manneskju og er hannað til þess að verða að fullkomnum lífsförunaut hennar. Sýnishorn úr mynd.

Kýr / Cow

Fyrsta heimildarmynd breska verðlaunaleikstjórans Andreu Arnold er hápólitísk og dregur upp nærmynd af hversdagslífi tveggja kúa. Myndin var frumsýnd á kvikmyndahátíðinni í Cannes og fjallar um kúnna Lumu, útfrá sjónarhorni Lumu, og daglegt líf hennar yfir nokkur ár. Manneskjur koma lítið við sögu nema þegar hugað er að kúnni í daglegu lífi hennar. Sýnishorn úr mynd.

Allar fréttir okkar tengdar RIFF má finna HÉR!