Hefur þú íhugað skilnað eða sambandsslit á árinu?

Þegar reynir á og erfiðleikar steðja að getur það orðið til þess að ástarsambönd annað hvort styrkjast eða leysast upp. 

Á tímum takmarkana hafa mörg pör eytt mun meiri tíma saman og jafnvel meiri tíma en þau kæra sig um. Í sóttkví, kannski oftar en einu sinni, í einangrun eða í heimavinnu með alla fjölskylduna á kantinum. 

Fleiri gæðastundir eða meira álag?

Sum pör hafa þó náð að upplifa meiri gæðastundir og minni hasar og hamagang á þessu tímabili sem hefur skapað meiri nánd og samstöðu en áður. 

Dökku hliðarnar heimsfaraldursins á fjölskyldur og heimili eru óneitanlega til staðar og má þar helst nefna meira álag innan veggja heimilisins, stórauknar tilkynningar heimilisofbeldis og aukið atvinnuleysi, svo eitthvað sé nefnt. 

Mörgum til undrunar hefur skilnaðartíðni samt sem áður ekki verið eins lág í mörg ár eins og nú en á sama tíma eru miklu færri sem ganga í hnapphelduna. 

Hvaða áhrif faraldurinn hefur haft, og er að hafa, á ástarsambönd er þó of snemmt að segja til um þrátt fyrir tölur um lága skilnaðartíðni og fjölda hjónavígslna. 

Eðlilegt að efast einstaka sinnum

Vert er þó að hafa í huga að það að efast um samband sitt einstaka sinnum, eða yfir krefjandi tímabil, þarf það ekki að vera merki um að sambandið sé komið í þrot. 

Fólk ætti þó að vera opið með það við maka sinn og leita sér aðstoðar ef efinn er farinn að taka of mikið pláss og óvissan orðin meiri en vissan. 

Spurningunni er að þessu sinni beint til allra þeirra sem eru í sambandi eða hafa verið í sambandi á árinu. 

Makamál hafa síðustu tvö ár spurt lesendur Vísis vikulega um þeirra skoðanir og viðhorf varðandi málefni tengd ástinni, samböndum, tilfinningum og kynlífi.

Fyrir áhugasama er hægt að nálgast allar fyrri Spurningar vikunnar og niðurstöður hér.