„Helsta áskorunin við að mynda eldgos er að fara sér ekki að voða“ Sylvía Rut Sigfúsdóttir skrifar 19. september 2021 09:01 Þessi mynd eftir Vilhelm fór á flakk út um allan heim og birtist víða í fjölmiðlum erlendis. Myndina tók hann snemma fyrsta morguninn eftir að gosið hófst. Vísir/Vilhelm „Það er svo magnað að vera við eldgos. Krafturinn í eldgosum er ótrúlegur, þetta er svo flott að upplifa þetta,“ segir ljósmyndarinn Vilhelm Gunnarsson. Vilhelm er fréttaljósmyndari á Vísi og hefur síðustu mánuði myndað gosið í Geldingadölum fyrir fréttastofuna. Hann hefur þó myndað fleiri eldgos á ferlinum og hefur skoðað öll eldgos Íslands á þessari öld. Hann gaf út bókina Volcano á dögunum en í henni má finna magnaðar eldgosamyndir hans. Björgunarsveitarstarfsmaður með gasgrímu bað þennan áhrifavald að færa sig, þar sem hún stillti sér upp fyrir myndatöku.Vísir/Vilhelm „Þetta er svo mögnuð upplifun. Því nær því betra, þá finnur þú kraftinn, finnur jörðina titra.“ Vilhelm hefur myndað öll eldgos Íslands á þessari öld.Vísir/Egill Vilhelm hefur starfað sem landslags- og fréttaljósmyndari í tvo áratugi og eru eldgosamyndirnar í persónulegu uppáhaldi hjá honum. Allar myndirnar sem birtast hér eru úr bókinni. Fólk lét snjókomu og hríð ekki stoppa sig í því að skoða gosið.Vísir/Vilhelm Sökum þess hvað gosið í Geldingardölum stendur lengi yfir og er nálægt höfuðborgarsvæðinu, hefur Vilhelm farið ófáar ferðir upp að þessu gosi hvort sem það var á vegum vinnunnar, við björgunarsveitarstörf fyrir Hjálparsveit skáta í Kópavogi eða í sínum frítíma. Eldgos eru draumamyndefni margra ljósmyndara.Vísir/Vilhelm „Ég hætti að telja eftir tuttugu ferðir og það er vel yfir það. Ég fór nokkrum sinnum með flugi eða á bíl en oftast fór ég fótgangandi. Ég komst að því að ég er miklu fljótari að rölta að þessu gosi heldur en ég er að þrífa bílinn eftir að keyra þangað,“ segir Vilhelm og hlær. Björgunarsveitarfólk að störfum að aðstoða slasaða konu við gosstöðvarnar þegar hálkan var sem verst.Vísir/Vilhelm „Svo hef ég náð að mynda svo mikið af fólki og stemninguna á svæðinu þegar ég er að ganga að gosinu og til baka. Þetta er saga þessa eldgoss, allt frá gosinu sjálfu yfir í fólk að elda á heitu hrauni, röðinni á klósettið yfir í björgunarsveitarfólk að bera burt slasaða konu.“ Mynd af því þegar ný sprunga myndaðist við gosstöðvarnar í Geldingadölum og rann hraun í Meradali.Vísir/Vilhelm Í bókinni má meðal annars sjá myndir af gosinu í ýmsum veðrum, fegurðardrottningu stilla sér upp þar í síðkjól, forsetanum að skoða gosið, gasgrímum, troðfullum brekkum af fólki, röðinni við kaðalinn, hjálparsveitarfólki og fréttamönnum að störfum og svona mætti lengi telja. „Þetta er ekta túristagos og aðgengið var gert svo flott.“ Eins og dreki sé að koma upp úr hrauninu.Vísir/Vilhelm Vilhelm starfar eins og áður segir sem fréttaljósmyndari og var því einn af þeim fyrstu sem fór að gosinu til þess að mynda það. Vilhelm byrjaði í fjallamennsku um tólf eða þrettán ára aldur og var á fermingaraldri þegar hann gisti fyrst í snjóhúsi á Esjunni. Hann hefur svo elt ævintýrin með myndavélina framan á sér síðan. Hann hefur verið í Hjálparsveit skáta í Kópavogi frá unglingsárum og er ekkert að stefna á að hætta því starfi á næstunni. Elísabet Hulda, núverandi Miss Universe Iceland lét mynda sig í síðkjól við eldgosið. Vilhelm var akkúrat á staðnum og smellti mynd af þessu atviki.Vísir/Vilhelm Vilhelm segir að það hafi verið stórkostlegt að fylgjast með fallega gosinu í Geldingardölum. Eldgosið hefur breyst svo mikið frá því að það hófst að ljósmyndarar finna alltaf eitthvað nýtt að mynda. „Ég var þarna um daginn í fyrsta sinn í smá tíma, reyndar í þoku, en maður vissi varla hvar maður var því þetta hafði breyst svo mikið. Ég kannaðist varla við staðinn sem ég var á. Það er alltaf gaman að sjá þetta.“ Hér má sjá hraunsletturnar fara langt upp úr gígnum.Vísir/Vilhelm Í bókinni Volcano eru myndir af fleiri gosum en eldgosinu í Geldingardölum. Þar má líka finna myndir af Holuhrauni, Grímsvötnum, Fimmvörðuhálsi, Eyjafjallajökli, Heklu, Heimaey, Surtsey, Kötlu, Skaftáreldum og Öræfajökli. Gosið séð frá borginni, á myndinni má sjá Kópavogskirkju.Vísir/Vilhelm „Helsta áskorunin við að mynda eldgos er að fara sér ekki á voða, það er náttúrulega númer eitt, tvö og þrjú. Svo skiptir máli að ná að vera þarna á réttum tíma, ljósaskiptin eru lang flottust,“ útskýrir Vilhelm. Gasgrímur voru nauðsynlegar fyrir alla þá sem þurftu að fara nálægt götunnar vegna vinnu sinnar.Vísir/Vilhelm „Það er líka mismunandi eftir gosum, í Eyjafjallajökli eltist ég við að mynda eldingarnar. Í Fimmvörðuhálsi þurfti maður að spá mikið í veðrinu. Hjá Kirkjubæjarklaustri sá maður ekki húddið á bílnum fyrir öskufalli. Það er oftast ekki jafn þægilegt að mynda gos eins og það sem er núna hérna við bæjardyrnar.“ Ótrúlegur kraftur!Vísir/Vilhelm Hægt er að finna myndir ljósmyndarans í bókinni Volcano, hér á Vísi, á vefsíðunni hans og á Instagram. Ótrúlegt sjónarspil í Geldingardölum.Vísir/Vilhelm Ljósmyndun Eldgos og jarðhræringar Eldgos í Fagradalsfjalli Bókaútgáfa Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó Sjá meira
Vilhelm er fréttaljósmyndari á Vísi og hefur síðustu mánuði myndað gosið í Geldingadölum fyrir fréttastofuna. Hann hefur þó myndað fleiri eldgos á ferlinum og hefur skoðað öll eldgos Íslands á þessari öld. Hann gaf út bókina Volcano á dögunum en í henni má finna magnaðar eldgosamyndir hans. Björgunarsveitarstarfsmaður með gasgrímu bað þennan áhrifavald að færa sig, þar sem hún stillti sér upp fyrir myndatöku.Vísir/Vilhelm „Þetta er svo mögnuð upplifun. Því nær því betra, þá finnur þú kraftinn, finnur jörðina titra.“ Vilhelm hefur myndað öll eldgos Íslands á þessari öld.Vísir/Egill Vilhelm hefur starfað sem landslags- og fréttaljósmyndari í tvo áratugi og eru eldgosamyndirnar í persónulegu uppáhaldi hjá honum. Allar myndirnar sem birtast hér eru úr bókinni. Fólk lét snjókomu og hríð ekki stoppa sig í því að skoða gosið.Vísir/Vilhelm Sökum þess hvað gosið í Geldingardölum stendur lengi yfir og er nálægt höfuðborgarsvæðinu, hefur Vilhelm farið ófáar ferðir upp að þessu gosi hvort sem það var á vegum vinnunnar, við björgunarsveitarstörf fyrir Hjálparsveit skáta í Kópavogi eða í sínum frítíma. Eldgos eru draumamyndefni margra ljósmyndara.Vísir/Vilhelm „Ég hætti að telja eftir tuttugu ferðir og það er vel yfir það. Ég fór nokkrum sinnum með flugi eða á bíl en oftast fór ég fótgangandi. Ég komst að því að ég er miklu fljótari að rölta að þessu gosi heldur en ég er að þrífa bílinn eftir að keyra þangað,“ segir Vilhelm og hlær. Björgunarsveitarfólk að störfum að aðstoða slasaða konu við gosstöðvarnar þegar hálkan var sem verst.Vísir/Vilhelm „Svo hef ég náð að mynda svo mikið af fólki og stemninguna á svæðinu þegar ég er að ganga að gosinu og til baka. Þetta er saga þessa eldgoss, allt frá gosinu sjálfu yfir í fólk að elda á heitu hrauni, röðinni á klósettið yfir í björgunarsveitarfólk að bera burt slasaða konu.“ Mynd af því þegar ný sprunga myndaðist við gosstöðvarnar í Geldingadölum og rann hraun í Meradali.Vísir/Vilhelm Í bókinni má meðal annars sjá myndir af gosinu í ýmsum veðrum, fegurðardrottningu stilla sér upp þar í síðkjól, forsetanum að skoða gosið, gasgrímum, troðfullum brekkum af fólki, röðinni við kaðalinn, hjálparsveitarfólki og fréttamönnum að störfum og svona mætti lengi telja. „Þetta er ekta túristagos og aðgengið var gert svo flott.“ Eins og dreki sé að koma upp úr hrauninu.Vísir/Vilhelm Vilhelm starfar eins og áður segir sem fréttaljósmyndari og var því einn af þeim fyrstu sem fór að gosinu til þess að mynda það. Vilhelm byrjaði í fjallamennsku um tólf eða þrettán ára aldur og var á fermingaraldri þegar hann gisti fyrst í snjóhúsi á Esjunni. Hann hefur svo elt ævintýrin með myndavélina framan á sér síðan. Hann hefur verið í Hjálparsveit skáta í Kópavogi frá unglingsárum og er ekkert að stefna á að hætta því starfi á næstunni. Elísabet Hulda, núverandi Miss Universe Iceland lét mynda sig í síðkjól við eldgosið. Vilhelm var akkúrat á staðnum og smellti mynd af þessu atviki.Vísir/Vilhelm Vilhelm segir að það hafi verið stórkostlegt að fylgjast með fallega gosinu í Geldingardölum. Eldgosið hefur breyst svo mikið frá því að það hófst að ljósmyndarar finna alltaf eitthvað nýtt að mynda. „Ég var þarna um daginn í fyrsta sinn í smá tíma, reyndar í þoku, en maður vissi varla hvar maður var því þetta hafði breyst svo mikið. Ég kannaðist varla við staðinn sem ég var á. Það er alltaf gaman að sjá þetta.“ Hér má sjá hraunsletturnar fara langt upp úr gígnum.Vísir/Vilhelm Í bókinni Volcano eru myndir af fleiri gosum en eldgosinu í Geldingardölum. Þar má líka finna myndir af Holuhrauni, Grímsvötnum, Fimmvörðuhálsi, Eyjafjallajökli, Heklu, Heimaey, Surtsey, Kötlu, Skaftáreldum og Öræfajökli. Gosið séð frá borginni, á myndinni má sjá Kópavogskirkju.Vísir/Vilhelm „Helsta áskorunin við að mynda eldgos er að fara sér ekki á voða, það er náttúrulega númer eitt, tvö og þrjú. Svo skiptir máli að ná að vera þarna á réttum tíma, ljósaskiptin eru lang flottust,“ útskýrir Vilhelm. Gasgrímur voru nauðsynlegar fyrir alla þá sem þurftu að fara nálægt götunnar vegna vinnu sinnar.Vísir/Vilhelm „Það er líka mismunandi eftir gosum, í Eyjafjallajökli eltist ég við að mynda eldingarnar. Í Fimmvörðuhálsi þurfti maður að spá mikið í veðrinu. Hjá Kirkjubæjarklaustri sá maður ekki húddið á bílnum fyrir öskufalli. Það er oftast ekki jafn þægilegt að mynda gos eins og það sem er núna hérna við bæjardyrnar.“ Ótrúlegur kraftur!Vísir/Vilhelm Hægt er að finna myndir ljósmyndarans í bókinni Volcano, hér á Vísi, á vefsíðunni hans og á Instagram. Ótrúlegt sjónarspil í Geldingardölum.Vísir/Vilhelm
Ljósmyndun Eldgos og jarðhræringar Eldgos í Fagradalsfjalli Bókaútgáfa Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó Sjá meira