Níu líf Norðmannsins: Solskjær heldur áfram að bjarga sér á brúninni Óskar Ófeigur Jónsson skrifar 2. nóvember 2021 10:00 Ole Gunnar Solskjaer fagnar með Cristiano Ronaldo sem hefur bjargað honum nokkrum sinnum að undanförnu. AP/Dave Thompson Stjóratíð Norðmannsins Ole Gunnar Solskjær á Old Trafford hefur haft ákveðið þema. Þegar umræðan um að reka hann verður hvað háværust tekst honum alltaf að snúa vörn í sókn, bjarga starfi sínu á bjargbrúninni og koma United liðinu aftur á rétta braut. Enn eitt dæmið um þetta gæti verið sigurinn á Tottenham um helgina. Manchester United vann leikinn 3-0 og í kjölfarið var knattspyrnustjóri Tottenham, Nuno Espirito Santo, rekinn. Hlutskipti sem hefði líklega beðið Solskjær ef leikurinn hefði farið á hinn veginn. Solskjær átti eina sína erfiðustu viku í starfi eftir 5-0 tap á heimavelli á móti erkifjendunum í Liverpool. Lið hans var niðurlagt á Old Trafford og úrslitin komu líka í kjölfarið á döpru gengi liðsins. Sannfærandi sigur á Tottenham á útivelli kemur í kjölfarið á fjórum leikjum í röð án sigurs og aðeins tveggja sigurleikja í síðustu sjö leikjum. Nú er maðurinn sem vildi starf Solskjær hjá Manchester United líklegastur til að taka við Tottenham og pressan er allt önnur en fyrir aðeins nokkrum dögum síðan. Sigur í Meistaradeildarleik á móti Atalanta í kvöld kæmi United liðinu líka í frábær mál í Meistaradeildinni. Hér fyrir neðan eru níu dæmi um það þegar Ole Gunnari tókst að bjarga sér af bjargbrúninni sem knattspyrnustjóri Manchester United en þetta er byggt upp á samantekt ESPN. Ole Gunnar Solskjær hefur mátt þola mikla gagnrýni í sínu starfi.EPA-EFE/NEIL HALL 6. mars 2019: 3-1 sigur á Paris Saint-Germain í Meistaradeildinni Manchester United tapaði fyrri leiknum 2-0 á Old Trafford í sextán liða úrslitum Meistaradeildarinnar en komst áfram eftir frábæran og óvæntan 3-1 sigur í París. Þessi sigur sá framar öðrum til þess að Solskjær fékk fastráðningu sem knattspyrnustjóri Manchester United eftir að hafa tekið tímabundið við liðinu þegar Jose Mourinho var rekinn. 11. ágúst 2019: 4-0 sigur á Chelsea Tímabilið 2018-19 endaði ekki vel þar sem United liðið lék sex leiki án sigurs og tapaði síðasta leiknum á heimavelli á móti Cardiff City. Það þýddi að liðið endaði í sjötta sætinu, 32 stigum á eftir meisturum Manchester City. Það voru því margir búnir að afskrifa Solskjær en það breyttist snögglega eftir 4-0 sigur á Chelsea í fyrstu umferðinni á nýju tímabili. Ole Gunnar Solskjær fagnar sigri Manchester United á Paris Saint Germain í sextán liða úrslitum Meistaradeildarinnar árð 2019.Getty/Julian Finney 4. desember og 7. desember 2019: 2-1 sigur á Tottenham og 2-1 sigur á Manchester City Manchester United var ekki búið að vinna í þremur leikjum í röð þegar fyrirrennari Solskjær, Jose Mourinho, mætti með sitt nýja lið á Old Trafford. Marcus Rashford skoraði tvívegis í 2-0 sigri á Tottenham og tryggði Solskjær dýrmætan sigur. Aðeins þremur drögum seinna vann United Manchester-slaginn á útivelli. United sýndi styrk sinn á þessum mikilvægum dögum sem bjuggu um leið til vinnufrið fyrir Solskjær. 26. janúar 2020: 6-0 sigur á Tranmere Rovers United liðið byrjaði nýtt ár illa og var búið að tapa 2-0 á móti Arsenal, Liverpool og Burnley í þremur af síðustu fjórum leikjum sínum. Liðið leit ekki vel út í baráttu um Meistaradeildarsætið en stórsigur í bikarnum bjargaði málunum því slæm úrslit í þessum leik hefðu mögulega kallað á sparkið. Ole Gunnar Solskjær eftir tap á móti Young Boys í Meistaradeildinni.Getty/FreshFocus/ 7. nóvember 2020: 3-1 sigur á Everton Manchester United hafði tapað tveimur fyrstu leikjum sínum á tímabilinu, 3-1 á móti Crystal Palace og 6-1 á móti Tottenham. Liðið náði að rífa sig upp úr því en lenti síðan aftur í mótlæti þar sem liðið tapaði 1-0 á heimavelli á móti Arsenal og 2-1 á móti Istanbul Basaksehir í Meistaradeildinni. Everton komst yfir í leiknum en Bruno Fernandes skoraði tvö mörk fyrir hálfleik og lagði upp þriðja markið fyrir Edinson Cavani. Sigurinn létti mikið pressuna af Solskjær. Ole Gunnar Solskjær hefur stýrt Manchester United frá því í desember 2018.Getty/Paul Ellis 7. mars 2021: 2-0 sigur á Manchester City Það sáu ekki margir fyrir sér þessi úrslit en Manchester United endaði þarna 21 leiks sigurgöngu nágranna sinn með sigri á Ethiad. City var á toppnum í deildinni og með fjórtán stigum meira en United. United liðið hafði þarna ekki skorað í þremur leikjum í röð en þetta var fyrsti sigurinn í fimm leikja sigurgöngu sem átti mikinn þátt í að tryggja liðinu annað sætið í deildinni. 29. september 2021: 2-1 sigur á Villarreal Manchester United hafði tapað á móti Villarreal í úrslitaleik Evrópudeildarinnar vorið árið og mistókst um leið að færa Solskjær fyrsta titilinn. Áður hafði liðið tapað 2-1 á móti Young Boys í sínum fyrsta leik í Meistaradeildinni og í þessum leik lenti United líka undir. Alex Telles jafnaði metin með þrumuskoti og Cristiano Ronaldo tryggði sínu liði lífsnauðsynlegan sigur í riðlinum. Cristiano Ronaldo og Ole Gunnar Solskjær fagna saman að leikslokum.EPA-EFE/Peter Powell 20. október 2021: 3-2 sigur á Atalanta Manchester United liðið lenti 2-0 undir á heimavelli á móti Atalanta, hafði ekki unnið í síðustu þremur deildarleikjum og tapaði 4-2 á móti Leicester City nokkrum dögum fyrr. United menn snéru leiknum við í seinni hálfleik og fóru frá því að vera í botnsæti riðilsins í að sitja á toppnum. Cristiano Ronaldo hljóp um eins og óður maður og skoraði á endanum sigurmarkið. Meistaradeildin leit miklu betur út en aðeins nokkrum dögum síðar kom annar stór skellur. 30. október 2021: 3-0 sigur á Tottenham 5-0 skellur á heimavelli á móti Liverpool voru skammarleg úrslit fyrir liðið og fáir stjórar hefði lifað slíkt af ekki síst þar sem United hafði þar með fenguð eitt stig af síðustu tólf mögulegum og sótt boltann níu sinnum í markið sitt í síðustu tveimur deildarleikjum. En eins og alltaf þá tókst Solskjær að bjarga sér af brúninni með því að vinna 3-0 sigur á Tottenham. Umræddur Cristiano Ronaldo var enn á ný aðalmaðurinn, skorðai fyrsta markið með stórglæsilegur viðstöðulausu skoti og lagði síðan upp mark númer tvö fyrir Edinson Cavani. Enski boltinn Meistaradeild Evrópu í fótbolta karla Mest lesið Blikar mættu með málningarpenslana í garðinn hjá Gylfa Íslenski boltinn „Sorgardagur fyrir Manchester City“ Enski boltinn Bræður berjast og fjölskyldumeðlimir velja á milli Íslenski boltinn Everton gerði grönnunum greiða með því að taka stig af Arsenal Enski boltinn Amorim: Klikkun að halda að Man United geti unnið ensku úrvalsdeildina Enski boltinn Enskir fjölmiðlar segja Chelsea hafa brotið reglur UEFA Enski boltinn „Sé þá ekki vinna í ár“ Íslenski boltinn Vinur Pútíns við það að slá eitt stærsta metið í bandarískum íþróttum Sport Segja að Valur hafi boðið meira en tvær milljónir í Úlfu Dís Íslenski boltinn Fær ekki að dæma vegna samskiptaörðugleika Körfubolti Fleiri fréttir Enskir fjölmiðlar segja Chelsea hafa brotið reglur UEFA Everton gerði grönnunum greiða með því að taka stig af Arsenal Amorim: Klikkun að halda að Man United geti unnið ensku úrvalsdeildina „Sorgardagur fyrir Manchester City“ Bruno bestur í mars Fordæma morðhótanir sem Tarkowski hafa borist De Bruyne yfirgefur City eftir tímabilið Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Chelsea upp fyrir Man. City og Newcastle Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný Tímabilinu lokið hjá Gabriel Átti að fá rautt spjald en á í staðinn metið yfir að forðast það Skoraði fyrir látinn litla bróður sinn Stuðningsmenn Chelsea og Man. City þurfa að afhenda lögreglu vegabréf sín Arne Slot: Við vorum ekki heppnir, reglan er svona Tonali tryggði Newcastle dýrmætan sigur Man. City saknaði ekki Haaland í kvöld Mo Salah í myndatökum niður við höfnina í Liverpool Segir að það hafi ekki verið mistök að selja Elanga „Verður vonandi tilbúinn fyrir síðustu leiki tímabilsins“ Saka sneri aftur og skoraði í sigri Skyttnanna Sluppu með sigur og hafa haldið oftast hreinu Sagði Fernandes að hann færi hvergi Lýsa miklum áhuga Arsenal á manninum sem Man. Utd þráir Manchester City nokkuð þægilega í 4-liða úrslit Rashford lauk ævintýri Stefáns Teits og félaga Haaland sakaður um að meiða lukkudýrið Tugþúsundir fögnuðu titlinum í Newcastle Sjá meira
Enn eitt dæmið um þetta gæti verið sigurinn á Tottenham um helgina. Manchester United vann leikinn 3-0 og í kjölfarið var knattspyrnustjóri Tottenham, Nuno Espirito Santo, rekinn. Hlutskipti sem hefði líklega beðið Solskjær ef leikurinn hefði farið á hinn veginn. Solskjær átti eina sína erfiðustu viku í starfi eftir 5-0 tap á heimavelli á móti erkifjendunum í Liverpool. Lið hans var niðurlagt á Old Trafford og úrslitin komu líka í kjölfarið á döpru gengi liðsins. Sannfærandi sigur á Tottenham á útivelli kemur í kjölfarið á fjórum leikjum í röð án sigurs og aðeins tveggja sigurleikja í síðustu sjö leikjum. Nú er maðurinn sem vildi starf Solskjær hjá Manchester United líklegastur til að taka við Tottenham og pressan er allt önnur en fyrir aðeins nokkrum dögum síðan. Sigur í Meistaradeildarleik á móti Atalanta í kvöld kæmi United liðinu líka í frábær mál í Meistaradeildinni. Hér fyrir neðan eru níu dæmi um það þegar Ole Gunnari tókst að bjarga sér af bjargbrúninni sem knattspyrnustjóri Manchester United en þetta er byggt upp á samantekt ESPN. Ole Gunnar Solskjær hefur mátt þola mikla gagnrýni í sínu starfi.EPA-EFE/NEIL HALL 6. mars 2019: 3-1 sigur á Paris Saint-Germain í Meistaradeildinni Manchester United tapaði fyrri leiknum 2-0 á Old Trafford í sextán liða úrslitum Meistaradeildarinnar en komst áfram eftir frábæran og óvæntan 3-1 sigur í París. Þessi sigur sá framar öðrum til þess að Solskjær fékk fastráðningu sem knattspyrnustjóri Manchester United eftir að hafa tekið tímabundið við liðinu þegar Jose Mourinho var rekinn. 11. ágúst 2019: 4-0 sigur á Chelsea Tímabilið 2018-19 endaði ekki vel þar sem United liðið lék sex leiki án sigurs og tapaði síðasta leiknum á heimavelli á móti Cardiff City. Það þýddi að liðið endaði í sjötta sætinu, 32 stigum á eftir meisturum Manchester City. Það voru því margir búnir að afskrifa Solskjær en það breyttist snögglega eftir 4-0 sigur á Chelsea í fyrstu umferðinni á nýju tímabili. Ole Gunnar Solskjær fagnar sigri Manchester United á Paris Saint Germain í sextán liða úrslitum Meistaradeildarinnar árð 2019.Getty/Julian Finney 4. desember og 7. desember 2019: 2-1 sigur á Tottenham og 2-1 sigur á Manchester City Manchester United var ekki búið að vinna í þremur leikjum í röð þegar fyrirrennari Solskjær, Jose Mourinho, mætti með sitt nýja lið á Old Trafford. Marcus Rashford skoraði tvívegis í 2-0 sigri á Tottenham og tryggði Solskjær dýrmætan sigur. Aðeins þremur drögum seinna vann United Manchester-slaginn á útivelli. United sýndi styrk sinn á þessum mikilvægum dögum sem bjuggu um leið til vinnufrið fyrir Solskjær. 26. janúar 2020: 6-0 sigur á Tranmere Rovers United liðið byrjaði nýtt ár illa og var búið að tapa 2-0 á móti Arsenal, Liverpool og Burnley í þremur af síðustu fjórum leikjum sínum. Liðið leit ekki vel út í baráttu um Meistaradeildarsætið en stórsigur í bikarnum bjargaði málunum því slæm úrslit í þessum leik hefðu mögulega kallað á sparkið. Ole Gunnar Solskjær eftir tap á móti Young Boys í Meistaradeildinni.Getty/FreshFocus/ 7. nóvember 2020: 3-1 sigur á Everton Manchester United hafði tapað tveimur fyrstu leikjum sínum á tímabilinu, 3-1 á móti Crystal Palace og 6-1 á móti Tottenham. Liðið náði að rífa sig upp úr því en lenti síðan aftur í mótlæti þar sem liðið tapaði 1-0 á heimavelli á móti Arsenal og 2-1 á móti Istanbul Basaksehir í Meistaradeildinni. Everton komst yfir í leiknum en Bruno Fernandes skoraði tvö mörk fyrir hálfleik og lagði upp þriðja markið fyrir Edinson Cavani. Sigurinn létti mikið pressuna af Solskjær. Ole Gunnar Solskjær hefur stýrt Manchester United frá því í desember 2018.Getty/Paul Ellis 7. mars 2021: 2-0 sigur á Manchester City Það sáu ekki margir fyrir sér þessi úrslit en Manchester United endaði þarna 21 leiks sigurgöngu nágranna sinn með sigri á Ethiad. City var á toppnum í deildinni og með fjórtán stigum meira en United. United liðið hafði þarna ekki skorað í þremur leikjum í röð en þetta var fyrsti sigurinn í fimm leikja sigurgöngu sem átti mikinn þátt í að tryggja liðinu annað sætið í deildinni. 29. september 2021: 2-1 sigur á Villarreal Manchester United hafði tapað á móti Villarreal í úrslitaleik Evrópudeildarinnar vorið árið og mistókst um leið að færa Solskjær fyrsta titilinn. Áður hafði liðið tapað 2-1 á móti Young Boys í sínum fyrsta leik í Meistaradeildinni og í þessum leik lenti United líka undir. Alex Telles jafnaði metin með þrumuskoti og Cristiano Ronaldo tryggði sínu liði lífsnauðsynlegan sigur í riðlinum. Cristiano Ronaldo og Ole Gunnar Solskjær fagna saman að leikslokum.EPA-EFE/Peter Powell 20. október 2021: 3-2 sigur á Atalanta Manchester United liðið lenti 2-0 undir á heimavelli á móti Atalanta, hafði ekki unnið í síðustu þremur deildarleikjum og tapaði 4-2 á móti Leicester City nokkrum dögum fyrr. United menn snéru leiknum við í seinni hálfleik og fóru frá því að vera í botnsæti riðilsins í að sitja á toppnum. Cristiano Ronaldo hljóp um eins og óður maður og skoraði á endanum sigurmarkið. Meistaradeildin leit miklu betur út en aðeins nokkrum dögum síðar kom annar stór skellur. 30. október 2021: 3-0 sigur á Tottenham 5-0 skellur á heimavelli á móti Liverpool voru skammarleg úrslit fyrir liðið og fáir stjórar hefði lifað slíkt af ekki síst þar sem United hafði þar með fenguð eitt stig af síðustu tólf mögulegum og sótt boltann níu sinnum í markið sitt í síðustu tveimur deildarleikjum. En eins og alltaf þá tókst Solskjær að bjarga sér af brúninni með því að vinna 3-0 sigur á Tottenham. Umræddur Cristiano Ronaldo var enn á ný aðalmaðurinn, skorðai fyrsta markið með stórglæsilegur viðstöðulausu skoti og lagði síðan upp mark númer tvö fyrir Edinson Cavani.
Enski boltinn Meistaradeild Evrópu í fótbolta karla Mest lesið Blikar mættu með málningarpenslana í garðinn hjá Gylfa Íslenski boltinn „Sorgardagur fyrir Manchester City“ Enski boltinn Bræður berjast og fjölskyldumeðlimir velja á milli Íslenski boltinn Everton gerði grönnunum greiða með því að taka stig af Arsenal Enski boltinn Amorim: Klikkun að halda að Man United geti unnið ensku úrvalsdeildina Enski boltinn Enskir fjölmiðlar segja Chelsea hafa brotið reglur UEFA Enski boltinn „Sé þá ekki vinna í ár“ Íslenski boltinn Vinur Pútíns við það að slá eitt stærsta metið í bandarískum íþróttum Sport Segja að Valur hafi boðið meira en tvær milljónir í Úlfu Dís Íslenski boltinn Fær ekki að dæma vegna samskiptaörðugleika Körfubolti Fleiri fréttir Enskir fjölmiðlar segja Chelsea hafa brotið reglur UEFA Everton gerði grönnunum greiða með því að taka stig af Arsenal Amorim: Klikkun að halda að Man United geti unnið ensku úrvalsdeildina „Sorgardagur fyrir Manchester City“ Bruno bestur í mars Fordæma morðhótanir sem Tarkowski hafa borist De Bruyne yfirgefur City eftir tímabilið Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Chelsea upp fyrir Man. City og Newcastle Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný Tímabilinu lokið hjá Gabriel Átti að fá rautt spjald en á í staðinn metið yfir að forðast það Skoraði fyrir látinn litla bróður sinn Stuðningsmenn Chelsea og Man. City þurfa að afhenda lögreglu vegabréf sín Arne Slot: Við vorum ekki heppnir, reglan er svona Tonali tryggði Newcastle dýrmætan sigur Man. City saknaði ekki Haaland í kvöld Mo Salah í myndatökum niður við höfnina í Liverpool Segir að það hafi ekki verið mistök að selja Elanga „Verður vonandi tilbúinn fyrir síðustu leiki tímabilsins“ Saka sneri aftur og skoraði í sigri Skyttnanna Sluppu með sigur og hafa haldið oftast hreinu Sagði Fernandes að hann færi hvergi Lýsa miklum áhuga Arsenal á manninum sem Man. Utd þráir Manchester City nokkuð þægilega í 4-liða úrslit Rashford lauk ævintýri Stefáns Teits og félaga Haaland sakaður um að meiða lukkudýrið Tugþúsundir fögnuðu titlinum í Newcastle Sjá meira