Utan vallar: Fullkomnunarárátta Pep kemur í veg fyrir að City taki síðasta skrefið Runólfur Trausti Þórhallsson skrifar 6. maí 2022 08:02 Pep Guardiola hefur lítinn tíma til að hugsa um tapið í Madríd en lokamínúta leiksins mun eflaust hringla um í höfðinu á honum í allt sumar. Alvaro Medranda/Getty Images Leit Manchester City að hinum heilaga kaleik heldur áfram. Liðið virtist vera á leið í úrslit Meistaradeildar Evrópu annað árið í röð þegar hinn fullkomni stormur lenti á liðinu og liðið féll úr leik í Madríd gegn liði – og þjálfara – sem virðist andstæðan við Man City undir stjórn Pep. Guardiola er með fullkomnunaráráttu á háu stigi. Það er ekki endilega slæmt en þegar þú ert búinn að finna hina fullkomnu formúlu þá er erfitt að kyngja stoltinu þegar sú formúla gengur ekki upp. Hinn 51 árs gamli Spánverji hefur oftar en ekki verið sinn versti óvinur þegar kemur að stóru leikjunum í Meistaradeildinni. Hann hefur tekið ákvarðanir sem fæst okkar skilja og fengið gagnrýni fyrir að reyna vera of sniðugur, það var þó ekki raunin í Madríd. Guardiola stillti upp að mörgu leyti sínu besta liði og eins ótrúlegt og það hljómar þá var hann með framherja í byrjunarliðinu – Gabriel Jesus hóf leikinn á kostnað İlkay Gündoğan. Þó Jesus sé fínn að mörgu leyti þá er hann ekki þessi stjörnuframherji sem Manchester City ætti í raun að hafa innan sinna raða þegar farið yfir hversu góða leikmenn liðið hefur í öllum öðrum stöðum vallarins. Að því sögðu þá gekk skipulag Guardiola og leikplan upp nær allan leikinn. Lið hans stýrði leiknum og heimamenn ógnuðu lítið. Fullkomnunarárátta Guardiola og þráhyggja varðandi öryggi ofar öllu virtist loks ætla að borga sig. Í raun hefði Man City átt að vera búið að ganga frá leiknum miðað við færin sem liðið fékk. Það er hins vegar enginn heimsklassa framherji í liðinu og þó það sé líklega ástæðan fyrir því að liðið spilar jafn unaðslegan fótbolta og raun ber vitni þá er það mögulega líka ástæðan fyrir að Man City klárar ekki leiki eins og gegn Real Madríd. Rodrygo skorar markið sem kom Real Madríd í framlengingu.EPA-EFE/Sergio Perez Það var svo undir lok venjulegs leiktíma þegar ringulreiðin og glundroðinn sem átti eftir að steypa öllu um koll lét sjá sig. Gestirnir voru með svör við öllum þeim spurningum sem Karim Benzema, Vinícius Júnior og aðrir byrjunarliðsmenn Real spurðu að. En þegar kom að hinum 21 árs gamla Rodrygo áttu leikmenn Guardiola engin svör. Þegar flautað var til leiksloka var staðan í einvíginu jöfn 5-5 þrátt fyrir að Man City hafi leitt einvígið frá 2. mínútu fyrri leiksins og allt fram á lokamínútu þess síðari. Segja má að spilaborg Guardiola hafi svo endanlega hrunið í framlengingu þar sem heimamenn fengu vítaspyrnu sem Benzema skoraði örugglega úr. Það skipti engu hvað Guardiola reyndi, hversu margar skipanir hann gaf eða hversu mikið hann reyndi að hvetja menn sína áfram - þeir áttu engin svör. Þegar öllu var á botninn hvolft virðist sem fullkomnunaráráttan – kerfið sem leikmenn City þekkja inn og út – komi í veg fyrir að liðið nái að stíga þetta síðasta skref. Vissulega blómstra ákveðnir leikmenn innan kerfisins en kerfið er þó alltaf ofar öllu. Í hinu varamannaskýlinu á Santiago Bernabéu-vellinum í Madríd á miðvikudagskvöld var maður sem ákvað fyrir löngu að pæla ekki of mikið í kerfum. Þá verður seint sagt að Carlo Ancelotti sé með fullkomnunaráráttu, hann er of afslappaður til þess. Carlo Ancelotti explains to Movistar: No, I don't smoke cigars! It was only a photo with my friends. Yes, these players are my friends . #UCL pic.twitter.com/rKq30KTHQK— Fabrizio Romano (@FabrizioRomano) May 4, 2022 Það er svo hægt að finna aðila sem eru tilbúnir að rökræða hvort Ancelotti sé yfirhöfuð einn besti þjálfari síðari ára þar sem hann hefur ekki unnið nægilega marga deildartitla. Eitthvað sem Pep hefur sérhæft sig í. Ancelotti er hins vegar með meistaragráðu er kemur að Meistaradeildinni. Úrslitaleikur Real og Liverpool verður fimmti úrslitaleikur Ancelotti í keppninni, eitthvað sem enginn hefur afrekað áður. Mögulega er það því hann er ekki með kerfi sem er meitlað í stein. Mögulega er það vegna þess að Ancelotti er ekki tjóðraður niður af fullkomnunaráráttu sinni. Mögulega er það einfaldlega því hann er venjulega með framherja sem sérhæfir sig í að koma boltanum í netið. Karim Benzema og Carlo Ancelotti.Gonzalo Arroyo Moreno/Getty Images Sama hver ástæðan er þá virðist það virka. Hver veit nema Pep hringi í Ancelotti og fái einhver ráð fyrir næsta tímabil því þó Manchester City sé alltaf líklegt til að vinna ensku úrvalsdeildina virðist sigur í Meistaradeild Evrópu vera fjarlægur draumur. Enski boltinn Meistaradeild Evrópu í fótbolta karla Utan vallar Mest lesið Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Frakkar í mál og vesen hjá Chelsea vegna rasískra söngva Argentínumanna Enski boltinn Como viðurkennir að leikmaður liðsins hafi kallað Hwang Jackie Chan Enski boltinn McIlroy hunsaði Tiger óvart í mánuð Sport Neville vill enskan þjálfara fyrir landsliðið Enski boltinn Líflátshótunum rignir yfir Víkinga: „Djöfull er þetta lasið“ Fótbolti Miklar væntingarnar til íslenska landsliðsins réttlætanlegar Handbolti Fleiri fréttir Líflátshótunum rignir yfir Víkinga: „Djöfull er þetta lasið“ Sjáðu vítaklúður Nikolaj Hansen og mörkin í gær „Það var alltaf hugmyndin, þannig að mission completed“ Como viðurkennir að leikmaður liðsins hafi kallað Hwang Jackie Chan „Getur ennþá orðið stórkostlegt tímabil“ Neville vill enskan þjálfara fyrir landsliðið Frakkar í mál og vesen hjá Chelsea vegna rasískra söngva Argentínumanna Uppgjörið: Shamrock Rovers - Víkingur 2-1 | Víti í súginn í uppbótartíma og Víkingar úr leik Englendingar á EM en Svíar og Norðmenn þurfa í umspil Þorsteinn: Ég held að maður geti ekki farið fram á meira „Náði að pota honum með löngu leggjunum“ Fjör hjá Víkingum í Dublin Markvörðurinn sótti skóflu og fyllti upp í holu á vellinum Byrjunarlið Íslands: Fjórar breytingar frá sigrinum mikilvæga Uppgjör: Pólland - Ísland 0-1 | Glæsimark Sveindísar dugði til sigurs „Ég held að allir geri sér grein fyrir því hvað er í húfi“ Fasískir tilburðir í fagnaðarlátum spænska landsliðsins í Madríd „England er heimili fótboltans“ Kristall Máni framlengir í Danmörku Forseti FA er með bráðabirgðalausn ef leitin að eftirmanni gengur illa Howe, Gerrard og Lampard líklegir til að taka við enska landsliðinu Southgate hefur sagt upp störfum Hefur áhyggjur af stöðu KR: „Get ekki séð að þetta sé að skána á nokkurn hátt“ Forseti kólumbíska sambandsins og sonur hans handteknir fyrir að lemja verði Sjáðu hvernig Fylkir skellti ÍA og FH vann HK Kynþáttafordómar og hnefarnir látnir tala í æfingaleik Wolves og Como Krabbameinsveik stúlka fagnaði titlinum með Spánverjum Patrik í faðm Freys Bellingham pirraður út í Southgate: „Breyttu einhverju, gerðu eitthvað“ Ten Hag hundfúll eftir tap fyrir Rosenborg: „Það eru kröfur hjá United“ Sjá meira
Guardiola er með fullkomnunaráráttu á háu stigi. Það er ekki endilega slæmt en þegar þú ert búinn að finna hina fullkomnu formúlu þá er erfitt að kyngja stoltinu þegar sú formúla gengur ekki upp. Hinn 51 árs gamli Spánverji hefur oftar en ekki verið sinn versti óvinur þegar kemur að stóru leikjunum í Meistaradeildinni. Hann hefur tekið ákvarðanir sem fæst okkar skilja og fengið gagnrýni fyrir að reyna vera of sniðugur, það var þó ekki raunin í Madríd. Guardiola stillti upp að mörgu leyti sínu besta liði og eins ótrúlegt og það hljómar þá var hann með framherja í byrjunarliðinu – Gabriel Jesus hóf leikinn á kostnað İlkay Gündoğan. Þó Jesus sé fínn að mörgu leyti þá er hann ekki þessi stjörnuframherji sem Manchester City ætti í raun að hafa innan sinna raða þegar farið yfir hversu góða leikmenn liðið hefur í öllum öðrum stöðum vallarins. Að því sögðu þá gekk skipulag Guardiola og leikplan upp nær allan leikinn. Lið hans stýrði leiknum og heimamenn ógnuðu lítið. Fullkomnunarárátta Guardiola og þráhyggja varðandi öryggi ofar öllu virtist loks ætla að borga sig. Í raun hefði Man City átt að vera búið að ganga frá leiknum miðað við færin sem liðið fékk. Það er hins vegar enginn heimsklassa framherji í liðinu og þó það sé líklega ástæðan fyrir því að liðið spilar jafn unaðslegan fótbolta og raun ber vitni þá er það mögulega líka ástæðan fyrir að Man City klárar ekki leiki eins og gegn Real Madríd. Rodrygo skorar markið sem kom Real Madríd í framlengingu.EPA-EFE/Sergio Perez Það var svo undir lok venjulegs leiktíma þegar ringulreiðin og glundroðinn sem átti eftir að steypa öllu um koll lét sjá sig. Gestirnir voru með svör við öllum þeim spurningum sem Karim Benzema, Vinícius Júnior og aðrir byrjunarliðsmenn Real spurðu að. En þegar kom að hinum 21 árs gamla Rodrygo áttu leikmenn Guardiola engin svör. Þegar flautað var til leiksloka var staðan í einvíginu jöfn 5-5 þrátt fyrir að Man City hafi leitt einvígið frá 2. mínútu fyrri leiksins og allt fram á lokamínútu þess síðari. Segja má að spilaborg Guardiola hafi svo endanlega hrunið í framlengingu þar sem heimamenn fengu vítaspyrnu sem Benzema skoraði örugglega úr. Það skipti engu hvað Guardiola reyndi, hversu margar skipanir hann gaf eða hversu mikið hann reyndi að hvetja menn sína áfram - þeir áttu engin svör. Þegar öllu var á botninn hvolft virðist sem fullkomnunaráráttan – kerfið sem leikmenn City þekkja inn og út – komi í veg fyrir að liðið nái að stíga þetta síðasta skref. Vissulega blómstra ákveðnir leikmenn innan kerfisins en kerfið er þó alltaf ofar öllu. Í hinu varamannaskýlinu á Santiago Bernabéu-vellinum í Madríd á miðvikudagskvöld var maður sem ákvað fyrir löngu að pæla ekki of mikið í kerfum. Þá verður seint sagt að Carlo Ancelotti sé með fullkomnunaráráttu, hann er of afslappaður til þess. Carlo Ancelotti explains to Movistar: No, I don't smoke cigars! It was only a photo with my friends. Yes, these players are my friends . #UCL pic.twitter.com/rKq30KTHQK— Fabrizio Romano (@FabrizioRomano) May 4, 2022 Það er svo hægt að finna aðila sem eru tilbúnir að rökræða hvort Ancelotti sé yfirhöfuð einn besti þjálfari síðari ára þar sem hann hefur ekki unnið nægilega marga deildartitla. Eitthvað sem Pep hefur sérhæft sig í. Ancelotti er hins vegar með meistaragráðu er kemur að Meistaradeildinni. Úrslitaleikur Real og Liverpool verður fimmti úrslitaleikur Ancelotti í keppninni, eitthvað sem enginn hefur afrekað áður. Mögulega er það því hann er ekki með kerfi sem er meitlað í stein. Mögulega er það vegna þess að Ancelotti er ekki tjóðraður niður af fullkomnunaráráttu sinni. Mögulega er það einfaldlega því hann er venjulega með framherja sem sérhæfir sig í að koma boltanum í netið. Karim Benzema og Carlo Ancelotti.Gonzalo Arroyo Moreno/Getty Images Sama hver ástæðan er þá virðist það virka. Hver veit nema Pep hringi í Ancelotti og fái einhver ráð fyrir næsta tímabil því þó Manchester City sé alltaf líklegt til að vinna ensku úrvalsdeildina virðist sigur í Meistaradeild Evrópu vera fjarlægur draumur.
Enski boltinn Meistaradeild Evrópu í fótbolta karla Utan vallar Mest lesið Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Frakkar í mál og vesen hjá Chelsea vegna rasískra söngva Argentínumanna Enski boltinn Como viðurkennir að leikmaður liðsins hafi kallað Hwang Jackie Chan Enski boltinn McIlroy hunsaði Tiger óvart í mánuð Sport Neville vill enskan þjálfara fyrir landsliðið Enski boltinn Líflátshótunum rignir yfir Víkinga: „Djöfull er þetta lasið“ Fótbolti Miklar væntingarnar til íslenska landsliðsins réttlætanlegar Handbolti Fleiri fréttir Líflátshótunum rignir yfir Víkinga: „Djöfull er þetta lasið“ Sjáðu vítaklúður Nikolaj Hansen og mörkin í gær „Það var alltaf hugmyndin, þannig að mission completed“ Como viðurkennir að leikmaður liðsins hafi kallað Hwang Jackie Chan „Getur ennþá orðið stórkostlegt tímabil“ Neville vill enskan þjálfara fyrir landsliðið Frakkar í mál og vesen hjá Chelsea vegna rasískra söngva Argentínumanna Uppgjörið: Shamrock Rovers - Víkingur 2-1 | Víti í súginn í uppbótartíma og Víkingar úr leik Englendingar á EM en Svíar og Norðmenn þurfa í umspil Þorsteinn: Ég held að maður geti ekki farið fram á meira „Náði að pota honum með löngu leggjunum“ Fjör hjá Víkingum í Dublin Markvörðurinn sótti skóflu og fyllti upp í holu á vellinum Byrjunarlið Íslands: Fjórar breytingar frá sigrinum mikilvæga Uppgjör: Pólland - Ísland 0-1 | Glæsimark Sveindísar dugði til sigurs „Ég held að allir geri sér grein fyrir því hvað er í húfi“ Fasískir tilburðir í fagnaðarlátum spænska landsliðsins í Madríd „England er heimili fótboltans“ Kristall Máni framlengir í Danmörku Forseti FA er með bráðabirgðalausn ef leitin að eftirmanni gengur illa Howe, Gerrard og Lampard líklegir til að taka við enska landsliðinu Southgate hefur sagt upp störfum Hefur áhyggjur af stöðu KR: „Get ekki séð að þetta sé að skána á nokkurn hátt“ Forseti kólumbíska sambandsins og sonur hans handteknir fyrir að lemja verði Sjáðu hvernig Fylkir skellti ÍA og FH vann HK Kynþáttafordómar og hnefarnir látnir tala í æfingaleik Wolves og Como Krabbameinsveik stúlka fagnaði titlinum með Spánverjum Patrik í faðm Freys Bellingham pirraður út í Southgate: „Breyttu einhverju, gerðu eitthvað“ Ten Hag hundfúll eftir tap fyrir Rosenborg: „Það eru kröfur hjá United“ Sjá meira