Ógiltu ákvörðun ESA sem gaf grænt ljós á ríkisaðstoð til Farice Eiður Þór Árnason skrifar 1. júní 2022 10:33 Dómur EFTA-dómstólsins var birtur í dag. EFTA EFTA-dómstólinn hefur fellt úr gildi ákvörðun Eftirlitsstofnunar EFTA (ESA) um að aðstoð til Farice ehf. vegna fjárfestingar í sæstreng frá Íslandi til Evrópu fæli í sér ríkisaðstoð sem samræmdist framkvæmd EES-samningsins. Fjarskipta- og fjölmiðlafyrirtækið Sýn hf. höfðaði mál fyrir EFTA-dómstólnum og fór fram á ógildingu ákvörðunarinnar en málið varðar stuðning við lagningu ÍRIS-sæstrengsins sem mun liggja milli Þorlákshafnar til Galway á Írlandi (Vísir er í eigu Sýnar). Farice hóf lagningu strengsins, sem verður þriðji sæstrengurinn frá Íslandi, fyrir rúmri viku en fyrirtækið er alfarið í eigu íslenska ríkisins. Í umræddri ákvörðun ESA frá 26. mars 2021 taldi eftirlitsstofnunin engan vafa leika á því að ríkisaðstoðin samrýmdist framkvæmd EES-samningsins og gerði því engar athugasemdir við hana. Fram kemur í tilkynningu frá EFTA-dómstólnum að ESA sé heimilt að ljúka máli varðandi ríkisaðstoð með forathugun ef enginn vafi leiki á að ríkisaðstoðin samrýmist framkvæmd EES-samningsins, ella er stofnuninni skylt að hefja formlega rannsókn. Að sögn Farice hefur dómurinn ekki áhrif á lagningu sæstrengsins þar sem ákvörðun ESA var ógilt en ekki snúið við. „Í formlegri meðferð hjá ESA mun ítarlega vera farið yfir málið á nýjan leik og ESA mun þurfa að taka betur afstöðu til tiltekinna atriða og stjórnvöld að koma á framfæri við ESA sjónarmiðum sínum varðandi þau. Lagning ÍRIS strengsins hófst við Ísland í síðustu viku og mun lagningu ljúka í ágúst og strengurinn verður kominn í fulla virkni í upphafi árs 2023. Við það mun fjarskiptaöryggi Íslands aukast tífalt miðað við það öryggi sem núverandi kerfi býður upp á,“ segir í yfirlýsingu frá Þorvarði Sveinssyni, framkvæmdastjóra Farice, í kjölfar dómsins. ESA verið kunnugt um gögn sem drægju ákvörðunina í efa Í dómi sínum taldi EFTA-dómstóllinn að Sýn hf. hefði sýnt fram á að ESA hefði verið kunnugt um gögn sem drægju í efa þær upplýsingar sem ESA byggði ákvörðun sína á, án þess að ESA hefði rannsakað nánar gögnin sem íslensk stjórnvöld lögðu fram í málinu. Þá taldi EFTA-dómstóllinn einnig að mat ESA á gildissviði leiðbeiningarreglna sinna hefði verið ófullnægjandi. Benti það einnig til þess að ESA hefði átt við töluverða erfiðleika að stríða í forathugun sinni á málinu. Jafnframt kemur fram í tilkynningu frá dómstólnum að sýnt hefði verið fram á að ESA hefði tekið umrædda ákvörðun þrátt fyrir að stofnunin hefði ekki yfirstigið allan vafa um hvort ríkisaðstoðin samrýmdist framkvæmd EES-samningsins. Af því leiddi að ógilda þyrfti ákvörðunina. Sýn rekur meðal annars Vodafone, Stöð 2, Bylgjuna og Vísi. Fyrirtækið hefur kvartað tvisvar til EFTA-dómstólsins vegna aðstoðar til Farice.Vísir/Vilhelm Skylt að hefja formlega rannsókn Í niðurstöðu sinni vísar EFTA-dómstóllinn til þess að lögmæti ákvörðunar um að hreyfa ekki andmælum ylti á því hvort mat ESA á upplýsingum sem lágu fyrir við forathugun á máli hefði, hlutlægt séð, átt að vekja efasemdir um hvort ríkisaðstoðin samrýmdist framkvæmd EES-samningsins. Þá benti EFTA-dómstóllinn á að ESA væri skylt að hefja formlega rannsókn ef stofnunin gæti ekki rutt úr vegi öllum vafaatriðum eða vandkvæðum varðandi ríkisaðstoðina. Ógildingarkrafa Sýnar var reist á tveimur málsástæðum. Í fyrsta lagi að ESA hefði brugðist skyldu sinni til að hefja formlega rannsókn á málinu þar sem ES hefði átt að telja vafa leika á því hvort ríkisaðstoðin samrýmdist framkvæmd EES-samningsins. Einnig var krafan byggð á því að ESA hafði brugðist skyldu sinni til að rökstyðja ákvarðanir sínar. Fyrirhuguð lega ÍRIS-sæstrengsins og hinir tveir strengirnir sem liggja frá Íslandi. Allir eru þeir á vegum Farice sem er alfarið í eigu íslenska ríkisins. Farice Sýn skoðaði lagningu eigin sæstrengs Árið 2019 undirrituðu Sýn og norska fyrirtækið Nordavind, síðar Celtic Norse AS, samstarfssamning um að skoða samlegð með lagningu á nýjum ljósleiðarasæstreng milli Íslands og Írlands annars vegar og Írlands og Noregs hins vegar. Fram kemur í dómi EFTA-dómstólsins að á árunum 2017 til 2020 hafi Sýn afhent samgönguráðuneytinu tillögur varðandi aðkomu fyrirtækisins að lagningu þriðja sæstrengsins. Í lok 2018 undirritaði Farice nýjan samning við Fjarskiptasjóð stjórnvalda sem fól meðal annars í sér að fyrirtækið myndi hefja undirbúning að lagningu nýs sæstrengs. Árið 2019 sótti Sýn um fjárveitingu úr Fjarskiptasjóði vegna sjávarbotnsrannsókna í tengslum við sæstrengsverkefni. Þeirri umsókn var hafnað með vísan til samnings Fjarskiptasjóðs við Farice þar sem fyrirtækinu var falið að gera svipaðar sjávarbotnsrannsóknir fyrir hönd stjórnvalda. Sýn hefur tvisvar sent kvörtun til ESA vegna ólögmætrar ríkisaðstoðar til Farice. Fyrri kvörtunin varðar greiðslur á grundvelli þjónustusamnings sem voru að sögn Sýnar ekki voru í samræmi við efni þjónustusamningsins og aðra fjármuni sem höfðu runnið til Farice ehf. vegna undirbúnings á lagningu nýja sæstrengsins. Hin kvörtunin varðar þá ákvörðun ESA að aukning hlutafjár í Farice um 7,4 milljarða króna til að fjármagna ÍRIS-sæstrenginn samræmdist ríkisaðstoðarreglum EES-samningsins. Fram kom í ársreikningi Sýnar fyrir árið 2021 að stjórnendur telji þá ákvörðun stjórnvalda að fela Farice lagningu sæstrengsins milli Íslands og Írlands feli í sér ólögmæta ríkisaðstoð. Vísir er í eigu Sýnar hf. Fréttin hefur verið uppfærð. Sæstrengir EFTA Samkeppnismál Fjarskipti Mest lesið Dvaldi lengi í Engey áður en hún synti til baka í flasið á hvalaskoðunarskipi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Þrettán þúsund krónur fyrir nótt í tjaldi Innlent Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent Dósent við HÍ „óskaði þess að árásarmaðurinn hefði hitt“ Innlent Sautján milljóna króna greiðslan vekur hneykslan Innlent Stórhættulegur framúrakstur á Holtavörðuheiði Innlent „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Fleiri fréttir Mótmælir gjaldtöku við Egilsstaðaflugvöll með gagnkvæmu skutli Sautján milljóna króna greiðslan vekur hneykslan Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Sjá meira
Fjarskipta- og fjölmiðlafyrirtækið Sýn hf. höfðaði mál fyrir EFTA-dómstólnum og fór fram á ógildingu ákvörðunarinnar en málið varðar stuðning við lagningu ÍRIS-sæstrengsins sem mun liggja milli Þorlákshafnar til Galway á Írlandi (Vísir er í eigu Sýnar). Farice hóf lagningu strengsins, sem verður þriðji sæstrengurinn frá Íslandi, fyrir rúmri viku en fyrirtækið er alfarið í eigu íslenska ríkisins. Í umræddri ákvörðun ESA frá 26. mars 2021 taldi eftirlitsstofnunin engan vafa leika á því að ríkisaðstoðin samrýmdist framkvæmd EES-samningsins og gerði því engar athugasemdir við hana. Fram kemur í tilkynningu frá EFTA-dómstólnum að ESA sé heimilt að ljúka máli varðandi ríkisaðstoð með forathugun ef enginn vafi leiki á að ríkisaðstoðin samrýmist framkvæmd EES-samningsins, ella er stofnuninni skylt að hefja formlega rannsókn. Að sögn Farice hefur dómurinn ekki áhrif á lagningu sæstrengsins þar sem ákvörðun ESA var ógilt en ekki snúið við. „Í formlegri meðferð hjá ESA mun ítarlega vera farið yfir málið á nýjan leik og ESA mun þurfa að taka betur afstöðu til tiltekinna atriða og stjórnvöld að koma á framfæri við ESA sjónarmiðum sínum varðandi þau. Lagning ÍRIS strengsins hófst við Ísland í síðustu viku og mun lagningu ljúka í ágúst og strengurinn verður kominn í fulla virkni í upphafi árs 2023. Við það mun fjarskiptaöryggi Íslands aukast tífalt miðað við það öryggi sem núverandi kerfi býður upp á,“ segir í yfirlýsingu frá Þorvarði Sveinssyni, framkvæmdastjóra Farice, í kjölfar dómsins. ESA verið kunnugt um gögn sem drægju ákvörðunina í efa Í dómi sínum taldi EFTA-dómstóllinn að Sýn hf. hefði sýnt fram á að ESA hefði verið kunnugt um gögn sem drægju í efa þær upplýsingar sem ESA byggði ákvörðun sína á, án þess að ESA hefði rannsakað nánar gögnin sem íslensk stjórnvöld lögðu fram í málinu. Þá taldi EFTA-dómstóllinn einnig að mat ESA á gildissviði leiðbeiningarreglna sinna hefði verið ófullnægjandi. Benti það einnig til þess að ESA hefði átt við töluverða erfiðleika að stríða í forathugun sinni á málinu. Jafnframt kemur fram í tilkynningu frá dómstólnum að sýnt hefði verið fram á að ESA hefði tekið umrædda ákvörðun þrátt fyrir að stofnunin hefði ekki yfirstigið allan vafa um hvort ríkisaðstoðin samrýmdist framkvæmd EES-samningsins. Af því leiddi að ógilda þyrfti ákvörðunina. Sýn rekur meðal annars Vodafone, Stöð 2, Bylgjuna og Vísi. Fyrirtækið hefur kvartað tvisvar til EFTA-dómstólsins vegna aðstoðar til Farice.Vísir/Vilhelm Skylt að hefja formlega rannsókn Í niðurstöðu sinni vísar EFTA-dómstóllinn til þess að lögmæti ákvörðunar um að hreyfa ekki andmælum ylti á því hvort mat ESA á upplýsingum sem lágu fyrir við forathugun á máli hefði, hlutlægt séð, átt að vekja efasemdir um hvort ríkisaðstoðin samrýmdist framkvæmd EES-samningsins. Þá benti EFTA-dómstóllinn á að ESA væri skylt að hefja formlega rannsókn ef stofnunin gæti ekki rutt úr vegi öllum vafaatriðum eða vandkvæðum varðandi ríkisaðstoðina. Ógildingarkrafa Sýnar var reist á tveimur málsástæðum. Í fyrsta lagi að ESA hefði brugðist skyldu sinni til að hefja formlega rannsókn á málinu þar sem ES hefði átt að telja vafa leika á því hvort ríkisaðstoðin samrýmdist framkvæmd EES-samningsins. Einnig var krafan byggð á því að ESA hafði brugðist skyldu sinni til að rökstyðja ákvarðanir sínar. Fyrirhuguð lega ÍRIS-sæstrengsins og hinir tveir strengirnir sem liggja frá Íslandi. Allir eru þeir á vegum Farice sem er alfarið í eigu íslenska ríkisins. Farice Sýn skoðaði lagningu eigin sæstrengs Árið 2019 undirrituðu Sýn og norska fyrirtækið Nordavind, síðar Celtic Norse AS, samstarfssamning um að skoða samlegð með lagningu á nýjum ljósleiðarasæstreng milli Íslands og Írlands annars vegar og Írlands og Noregs hins vegar. Fram kemur í dómi EFTA-dómstólsins að á árunum 2017 til 2020 hafi Sýn afhent samgönguráðuneytinu tillögur varðandi aðkomu fyrirtækisins að lagningu þriðja sæstrengsins. Í lok 2018 undirritaði Farice nýjan samning við Fjarskiptasjóð stjórnvalda sem fól meðal annars í sér að fyrirtækið myndi hefja undirbúning að lagningu nýs sæstrengs. Árið 2019 sótti Sýn um fjárveitingu úr Fjarskiptasjóði vegna sjávarbotnsrannsókna í tengslum við sæstrengsverkefni. Þeirri umsókn var hafnað með vísan til samnings Fjarskiptasjóðs við Farice þar sem fyrirtækinu var falið að gera svipaðar sjávarbotnsrannsóknir fyrir hönd stjórnvalda. Sýn hefur tvisvar sent kvörtun til ESA vegna ólögmætrar ríkisaðstoðar til Farice. Fyrri kvörtunin varðar greiðslur á grundvelli þjónustusamnings sem voru að sögn Sýnar ekki voru í samræmi við efni þjónustusamningsins og aðra fjármuni sem höfðu runnið til Farice ehf. vegna undirbúnings á lagningu nýja sæstrengsins. Hin kvörtunin varðar þá ákvörðun ESA að aukning hlutafjár í Farice um 7,4 milljarða króna til að fjármagna ÍRIS-sæstrenginn samræmdist ríkisaðstoðarreglum EES-samningsins. Fram kom í ársreikningi Sýnar fyrir árið 2021 að stjórnendur telji þá ákvörðun stjórnvalda að fela Farice lagningu sæstrengsins milli Íslands og Írlands feli í sér ólögmæta ríkisaðstoð. Vísir er í eigu Sýnar hf. Fréttin hefur verið uppfærð.
Sæstrengir EFTA Samkeppnismál Fjarskipti Mest lesið Dvaldi lengi í Engey áður en hún synti til baka í flasið á hvalaskoðunarskipi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Þrettán þúsund krónur fyrir nótt í tjaldi Innlent Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent Dósent við HÍ „óskaði þess að árásarmaðurinn hefði hitt“ Innlent Sautján milljóna króna greiðslan vekur hneykslan Innlent Stórhættulegur framúrakstur á Holtavörðuheiði Innlent „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Fleiri fréttir Mótmælir gjaldtöku við Egilsstaðaflugvöll með gagnkvæmu skutli Sautján milljóna króna greiðslan vekur hneykslan Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Sjá meira
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent