Skrifræði ríkisins hafi aftrað úrbótum í Reynisfjöru Óttar Kolbeinsson Proppé skrifar 13. júní 2022 20:00 Íris segir þetta erfiðan tíma fyrir fjölskylduna sem hafi aðstoðað aðstandendur þeirra sem hafa látist í fjörunni á síðustu árum. vísir/einar Talsmaður hóps landeigenda að Reynisfjöru segir að inngrip hins opinbera hafi aftrað úrbótum á öryggismálum í Reynisfjöru. Það sé sárt að heyra því haldið fram að það séu landeigendurnir sem vilji ekki bæta öryggi í fjörunni. Enn og aftur er sprottin upp umræða um öryggismál í Reynisfjöru eftir að ferðamaður á áttræðisaldri lést þar síðasta föstudag. Morgunblaðið hafði það eftir ráðherra ferðamála að nefnd sem hún hefði skipað í byrjun árs hefði komist að þeirri niðurstöðu að ríkið hefði heimild til að láta loka stöðum sem taldir eru hættulegir. Þar var því einnig haldið fram af ferðamálastjóra Ferðamálastofu að landeigendur stæðu í vegi fyrir úrbótum á öryggismálum - eitthvað sem þeir þvertaka sjálfir fyrir að sé satt. „Að reyna að standa undir þessu núna í fjölmiðlum; að landeigendur eða við séum á móti öryggisaðgerðum er bara rosalega sárt. Þetta eru erfiðir tímar. Við erum öll af vilja gerð í samvinnu og samtal,“ segir Íris Guðnadóttir talsmaður eins af hópum landeigendanna sem búa skammt frá fjörunni. „Við búum þarna og erum þarna á hverjum degi. Móðir mín er sú sem hefur tekið utan um ekkjur þeirra sem þarna hafa farist og séð til þess að þær fari frá henni í þurrum fötum og reynir að taka utan um þær eins og hún getur,“ segir Íris. Bróðir hennar er svo björgunarsveitarmaður og ábúandi á landi í nágrenni við fjöruna. „Hann er yfirleitt alltaf fyrstur á staðinn og hefur komið að öllum fjórum dauðsföllum sem hafa orðið í Reynisfjöru frá árinu 2007. Enn ein nefndin en engar aðgerðir Íris segir að að komin hafi verið góð sátt á milli lögreglunnar á Suðurlandi og landeigenda um að setja upp ný skilti með ljósabúnaði í fjöruna sem vöruðu við því þegar hætta væri á ferð. Þetta var árið 2017. „Skiltið var tilbúið, það átti að fara að setja það upp og þá allt í einu stoppaði málið því búið var að stofna nefnd á vegum ferðamálaráðuneytisins,“ segir Íris. „Það átti að gera áhættumat og samræma aðgerðir yfir landið. Nú er þetta búið að taka eira en þrjú ár.“ Þegar ljósmyndarar Vísis litu við í Reynisfjöru í vor sáu þeir hvar tvær konur komu sér í mikla hættu með því að hafa klifrað í bergið. Aldan skall á þeim og tók aðra þeirra með sér út í sem náði sem betur fer að forða sér aftur í land.vísir/rax Síðan hefur ekki verið farið í neinar beinar aðgerðir í Reynisfjöru fyrir utan skilti sem landeigendurnir hafa sjálfir sett upp í nágrenni hennar. Ríkið hefur þó eytt 20 milljónum í að hanna ölduspákerfi sem er aðgengilegt á vef Vegagerðarinnar en hvergi nýtt annars staðar. „Og nú skilst mér að búið sé að stofna enn eina nefndina... Getum við ekki bara farið aðeins í aðgerðir?“ spyr Íris og nefnir að bæta þurfi þau skilti sem finna má í fjörunni núna og bæta merkingar enn meira. Hún vill þá að ríkið ráði eftirlitsmann til starfa í fjörunni. Spurð hvort hún telji að málið snúist um fjármagn hjá ríkinu segir Íris: „Það virðist allavega vera til nóg fjármagn í nefndir, þannig ég eiginlega bara veit það ekki.“ Því fjármagni væri betur varið í beinar aðgerðir? „Tja, hvað værum við að manna mörg stöðugildi lengi fyrir 20 milljónir?“ svarar Íris. Vill aðeins loka hluta fjörunnar þegar við á Henni þykir þá ódýrt að ríkið hafi staðið í vegi fyrir úrbótum á öryggismálum vegna þess að það hafi fyrir nokkrum árum samræma aðgerðir sem þessar um land allt en sé nú farið að viðra hugmyndir um að loka fjörunni. Til greina kemur nefnilega að loka Reynisfjöru, að minnsta kosti þegar aðstæður í henni eru sem verstar. Starfshópur sem ráðherra skipaði hefur lokið vinnu sinni sem hefur leitt það í ljós að ríkið hafi fullar lagaheimildir til að loka hættulegum stöðum, jafnvel í óþökk landeigenda. „Auðvitað óskum við eftir því að þessi þriggja ára vinna skili einhverju og að við getum þá nýtt þetta ölduspákerfi,“ segir Íris. Hún segir að aðstæður við fjöruna séu mjög misjafnar og geti breyst hratt. „Ég er alveg sammála því að þegar aðstæður eru þannig þá þarf að hefta aðgengi að Stuðlaberginu. Þegar sjórinn er kominn alveg upp við hálsanefið þá á fólk ekki að vera að klifra í Stuðlaberginu eða hlaupa fram yfir nefið til að reyna að komast inn í hellinn. Það þarf að halda fólki frá. En Reynisfjaran sjálf er ekkert hættuleg ef þú bara situr uppi í fjörunni og heldur þig fjarri,“ segir Íris sem vill þannig aðeins loka hluta fjörunnar þegar öldugangurinn er hættulegur - þvegna vilji hún mannaða gæslu. Reynisfjara Mýrdalshreppur Ferðamennska á Íslandi Mest lesið „Stórtækir íbúðareigendur“ eiga 20 prósent íbúða í borginni Innlent Bandaríkin íhugi að draga sig úr friðarviðræðum Rússlands og Úkraínu Erlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Úkraína og Bandaríkin nálgast samkomulag Erlent Morðhótunum í garð kvenna fari fjölgandi Innlent Handtekinn grunaður um vasaþjófnað í miðborginni Innlent Rafmennt í samstarf og kaupir eignir þrotabúsins Innlent Engar reglur á Íslandi um hve mörg börn sæðisgjafar megi eignast Innlent Svona gæti veðrið litið út á sumardeginum fyrsta Veður Skoða hugsanlega breytingu á samstarfssamningi Norðurlanda Erlent Fleiri fréttir Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Af Alþingi til Fjallabyggðar „Vísbendingar um að fjárhagur sé að vænkast hjá borginni“ „Þeir voru fullir af hatri á meðan þeir lömdu mig“ Engin mygla í 200 húsum byggingameistara á Selfossi „Með allra besta móti miðað við árstíma“ Jónas Ingimundarson er látinn Búið að loka hringveginum vegna ófærðar Sex hópnauðganir til rannsóknar og lengri opnunartími sundlauga Sjá meira
Enn og aftur er sprottin upp umræða um öryggismál í Reynisfjöru eftir að ferðamaður á áttræðisaldri lést þar síðasta föstudag. Morgunblaðið hafði það eftir ráðherra ferðamála að nefnd sem hún hefði skipað í byrjun árs hefði komist að þeirri niðurstöðu að ríkið hefði heimild til að láta loka stöðum sem taldir eru hættulegir. Þar var því einnig haldið fram af ferðamálastjóra Ferðamálastofu að landeigendur stæðu í vegi fyrir úrbótum á öryggismálum - eitthvað sem þeir þvertaka sjálfir fyrir að sé satt. „Að reyna að standa undir þessu núna í fjölmiðlum; að landeigendur eða við séum á móti öryggisaðgerðum er bara rosalega sárt. Þetta eru erfiðir tímar. Við erum öll af vilja gerð í samvinnu og samtal,“ segir Íris Guðnadóttir talsmaður eins af hópum landeigendanna sem búa skammt frá fjörunni. „Við búum þarna og erum þarna á hverjum degi. Móðir mín er sú sem hefur tekið utan um ekkjur þeirra sem þarna hafa farist og séð til þess að þær fari frá henni í þurrum fötum og reynir að taka utan um þær eins og hún getur,“ segir Íris. Bróðir hennar er svo björgunarsveitarmaður og ábúandi á landi í nágrenni við fjöruna. „Hann er yfirleitt alltaf fyrstur á staðinn og hefur komið að öllum fjórum dauðsföllum sem hafa orðið í Reynisfjöru frá árinu 2007. Enn ein nefndin en engar aðgerðir Íris segir að að komin hafi verið góð sátt á milli lögreglunnar á Suðurlandi og landeigenda um að setja upp ný skilti með ljósabúnaði í fjöruna sem vöruðu við því þegar hætta væri á ferð. Þetta var árið 2017. „Skiltið var tilbúið, það átti að fara að setja það upp og þá allt í einu stoppaði málið því búið var að stofna nefnd á vegum ferðamálaráðuneytisins,“ segir Íris. „Það átti að gera áhættumat og samræma aðgerðir yfir landið. Nú er þetta búið að taka eira en þrjú ár.“ Þegar ljósmyndarar Vísis litu við í Reynisfjöru í vor sáu þeir hvar tvær konur komu sér í mikla hættu með því að hafa klifrað í bergið. Aldan skall á þeim og tók aðra þeirra með sér út í sem náði sem betur fer að forða sér aftur í land.vísir/rax Síðan hefur ekki verið farið í neinar beinar aðgerðir í Reynisfjöru fyrir utan skilti sem landeigendurnir hafa sjálfir sett upp í nágrenni hennar. Ríkið hefur þó eytt 20 milljónum í að hanna ölduspákerfi sem er aðgengilegt á vef Vegagerðarinnar en hvergi nýtt annars staðar. „Og nú skilst mér að búið sé að stofna enn eina nefndina... Getum við ekki bara farið aðeins í aðgerðir?“ spyr Íris og nefnir að bæta þurfi þau skilti sem finna má í fjörunni núna og bæta merkingar enn meira. Hún vill þá að ríkið ráði eftirlitsmann til starfa í fjörunni. Spurð hvort hún telji að málið snúist um fjármagn hjá ríkinu segir Íris: „Það virðist allavega vera til nóg fjármagn í nefndir, þannig ég eiginlega bara veit það ekki.“ Því fjármagni væri betur varið í beinar aðgerðir? „Tja, hvað værum við að manna mörg stöðugildi lengi fyrir 20 milljónir?“ svarar Íris. Vill aðeins loka hluta fjörunnar þegar við á Henni þykir þá ódýrt að ríkið hafi staðið í vegi fyrir úrbótum á öryggismálum vegna þess að það hafi fyrir nokkrum árum samræma aðgerðir sem þessar um land allt en sé nú farið að viðra hugmyndir um að loka fjörunni. Til greina kemur nefnilega að loka Reynisfjöru, að minnsta kosti þegar aðstæður í henni eru sem verstar. Starfshópur sem ráðherra skipaði hefur lokið vinnu sinni sem hefur leitt það í ljós að ríkið hafi fullar lagaheimildir til að loka hættulegum stöðum, jafnvel í óþökk landeigenda. „Auðvitað óskum við eftir því að þessi þriggja ára vinna skili einhverju og að við getum þá nýtt þetta ölduspákerfi,“ segir Íris. Hún segir að aðstæður við fjöruna séu mjög misjafnar og geti breyst hratt. „Ég er alveg sammála því að þegar aðstæður eru þannig þá þarf að hefta aðgengi að Stuðlaberginu. Þegar sjórinn er kominn alveg upp við hálsanefið þá á fólk ekki að vera að klifra í Stuðlaberginu eða hlaupa fram yfir nefið til að reyna að komast inn í hellinn. Það þarf að halda fólki frá. En Reynisfjaran sjálf er ekkert hættuleg ef þú bara situr uppi í fjörunni og heldur þig fjarri,“ segir Íris sem vill þannig aðeins loka hluta fjörunnar þegar öldugangurinn er hættulegur - þvegna vilji hún mannaða gæslu.
Reynisfjara Mýrdalshreppur Ferðamennska á Íslandi Mest lesið „Stórtækir íbúðareigendur“ eiga 20 prósent íbúða í borginni Innlent Bandaríkin íhugi að draga sig úr friðarviðræðum Rússlands og Úkraínu Erlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Úkraína og Bandaríkin nálgast samkomulag Erlent Morðhótunum í garð kvenna fari fjölgandi Innlent Handtekinn grunaður um vasaþjófnað í miðborginni Innlent Rafmennt í samstarf og kaupir eignir þrotabúsins Innlent Engar reglur á Íslandi um hve mörg börn sæðisgjafar megi eignast Innlent Svona gæti veðrið litið út á sumardeginum fyrsta Veður Skoða hugsanlega breytingu á samstarfssamningi Norðurlanda Erlent Fleiri fréttir Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Af Alþingi til Fjallabyggðar „Vísbendingar um að fjárhagur sé að vænkast hjá borginni“ „Þeir voru fullir af hatri á meðan þeir lömdu mig“ Engin mygla í 200 húsum byggingameistara á Selfossi „Með allra besta móti miðað við árstíma“ Jónas Ingimundarson er látinn Búið að loka hringveginum vegna ófærðar Sex hópnauðganir til rannsóknar og lengri opnunartími sundlauga Sjá meira