Í liði Leiknis voru þau Hannes Þór Halldórsson og Anna Lára Orlowska en Hannes var í Kvissliði Vals í fyrstu þáttaröð en hefur nú skipt yfir í uppeldisfélagið.
Hjá Val voru þeir Jóhann Kristófer Stefánsson og Kristófer Acox liðsfélagar. Kristófer var klæddur í Valsmarkvarðarbúning Hannesar sem hann lék í á sínum tíma.
Met var slegið í þættinum á laugardaginn en þeir Jóhann og Kristófer svöruðum öllum spurningunum rétt í hraðaspurningunum, öllum fimmtán og hefur það aldrei áður verið leikið eftir.
Valur komst mest sjö stigum yfir í keppninni en Kviss er þannig leikur að í raun er viðureignin aldrei búin.
Undir lokin munaði litlu á liðunum og því réðust úrslitin á lokaspurningunni eftir lygilega endurkomu Leiknis.
Í lokaspurningunni var spurt um hlut og má sjá hvernig þetta fór allt í myndbandinu hér að neðan. Ef þú hefur ekki séð þáttinn eða vilt ekki vita úrslitin þá er um að gera að skoða ekki myndbrotið hér að neðan.
