Kapphlaupið um bestu körfuboltageimveru frá því í Space Jam Ingvi Þór Sæmundsson skrifar 8. október 2022 09:01 Rúmlega 220 sentímetra vænghaf Victors Wembanyama gerir honum kleift að verja fjölda skota. getty/Steve Marcus Hver er franski körfuboltaunglingurinn sem öll liðin í NBA eru að míga í sig af spenningi yfir og LeBron James kallaði geimveru? Fyrir það fyrsta heitir hann Victor Wembanyama og er átján ára, fæddur 4. janúar 2004. Þá var LeBron á sínu fyrsta tímabili í NBA eftir að hafa verið valinn fyrstur í nýliðavalinu 2003. Þrátt fyrir tuttugu ára aldursmun spila þeir saman í deildinni á næsta ári. Ekkert bendir til þess að LeBron ætli að draga saman seglin og Wembanyama verður valinn fyrstur í nýliðavalinu. Það er 99,9 prósent öruggt. Eins og fleiri var LeBron dolfallinn eftir að hafa séð Wembanyama spila með franska liðinu Metropolitans 92 gegn úrvalsliði leikmanna úr G-deildinni, meðal annars Scoot Henderson sem yrði valinn fyrstur í nýliðavalinu í venjulegu árferði. G-deildarliðið vann 122-115 sigur en Wembanyama var á allra vörum eftir leikinn, meðal annars LeBrons. „Undanfarin ár hafa allir verið kallaðir einhyrningar en hann er meira eins og geimvera,“ sagði LeBron eftir að hafa séð Wembanyama spila á þriðjudaginn. Frakkinn skoraði 37 stig, hitti úr sjö af ellefu skotum sínum fyrir utan þriggja stiga línuna og varði fimm skot. Frönsku miðherjarnir Rudy Gobert og Wembanyama stilltu sér upp eftir leik bandarísku ungstirnannna og Metropolitans 92.getty/Steve Marcus Það var kannski ekki svo vitlaust hjá LeBron að líkja Wembanyama við geimveru. Svona leikmaður hefur alla vega ekki sést áður á plánetunni jörð. Fyrir það fyrsta er Wembanyama risastór, eða 2,23 metrar á hæð, og með 2,4 metra vænghaf. Hæð hans hefur kannski aldrei komið jafn vel í ljós og þegar hann stóð við hlið annars fransks miðherja, Rudys Gobert, í gær. Gobert er enginn smásmíði, 2,16 metrar á hæð, en hann virkaði hreinlega lítill við hliðina á Wembanyama. En þrátt fyrir alla sentímetrana er hann mjög leikinn og minnir um margt á bakvörð í hreyfingum. Wembanyama getur líka skotið fyrir utan sem er ómetanlegt í körfubolta dagsins í dag. Það þótti byltingarkennt þegar stór maður á borð við Dirk Nowitzki gat skotið nánast hvaðan sem var af vellinum en aldrei hefur sést himnalengja sem er jafn skotviss og Wembanyama. Hann átti annan stórleik í fyrradag þegar Metropolitans 92 vann G-deildarliðið, 112-106. Wembanyama skoraði 36 stig, tók ellefu fráköst, fjórar stoðsendingar og varði fjögur skot. Eftir leikinn var hann spurður út í ummæli LeBrons um hann. „Það er auðvitað heiður að slíkur maður tali svona um mig en það breytir í raun engu. Ég hugsaði að þetta væri flott en ekkert meira. Ég verð að halda einbeitingu. Ég hef ekkert gert enn,“ sagði Wembanyama sem er af íþróttaættum. Faðir hans var langstökkvari og móðirin körfuboltakona og sjálfur æfði hann júdó á yngri árum og var markvörður í fótbolta. En það lá beinast við að velja körfuboltann og Wembanyama er í dag eftirsóttasti ungi leikmaður heims. Hann er nýgenginn í raðir franska úrvalsdeildarliðsins Metropolitans 92 og spilar með því í vetur. Tímabilið er samt bara æfingabúðir fyrir NBA. Eldri sonur LeBrons James er jafn gamall og Wembanyama.getty/Ronald Martinez Stóru verðlaunin í NBA í vetur er tvenns konar: Larry O'Brien bikarinn og svo fyrsti valréttur í nýliðavalinu. Og baráttan um þau síðarnefndu er ekki síður hörð þótt leiðin að þeim sé önnur. Á meðan góðu liðin reyna að vinna sem flesta leiki til að eiga möguleika á að verða NBA-meistari reyna lélegu liðin að tapa sem flestum til að auka líkurnar á að fá fyrsta valrétt í nýliðavalinu og geta þar með valið Wembanyama. Eins og staðan er fyrir tímabilið þykir Oklahoma City Thunder líklegast til að hreppa hnossið. Chet Holmgren, sem OKC valdi með öðrum valrétti í nýliðavalinu í sumar, er meiddur og spilar ekkert með í vetur sem eykur líkur Oklahoma-liðsins á að ná því göfuga markmiði að vera það lélegasta í NBA í vetur. San Antonio Spurs liðin hans Greggs Popovich hafa oftast barist um NBA-meistaratitilinn. Nú er stefnan hins vegar sett á að tapa sem flestum leikjum.getty/Thearon W. Henderson San Antonio Spurs, Indiana Pacers, Houston Rockets og Utah Jazz þykja einnig líkleg til óafreka í kjallara NBA-deildarinnar í vetur. Í einu kapítalíska ríki heims fylgja því nefnilega fríðindi að vera lélegur. Og þau hafa sjaldan eða aldrei verið jafn hagstæð og núna. Wembanyama hefur verið nefndur í sömu andrá og aðrir miðherjar sem öruggast þótti að velja í sögu nýliðavalsins, kappa á borð við Anthony Davis, Hakeem Olajuwon, Ralph Sampson og Patrick Ewing. Sá síðastnefndi var frábær háskólaleikmaður og átti stórgóðan feril í NBA þótt hann hafa aldrei orðið meistari. Space Jam var frumsýnd 1996 og naut mikilla vinsælda.getty/Evan Agostini Ewing lék einnig í Space Jam, tekjuhæstu körfuboltamynd allra tíma, þar sem óforskammaðar geimverur stela körfuboltahæfileikum hans Shawns Bradley (annar risavaxinn miðherji), Charles Barkley, Larrys Johnson og Muggsy Bouges. Wembanyama er þó ekki kvikmyndapersóna né geimvera heldur homo sapiens af holdi og blóði. En hann er einstakur og eftirsóttasti dansfélaginn á NBA-ballinu. NBA Mest lesið Gengur út ef hann fær sömu meðferð og Glazerarnir Fótbolti Haaland sló enn eitt metið í gær Fótbolti „Þetta tímabil verður ekki fyrir hjartveika“ Formúla 1 Dagskráin í dag: Titill í boði fyrir Liverpool og Newcastle Sport Myndir frá sigrinum sem tryggði EM-sætið Handbolti „Á einhver ótrúlegan hátt tekst þeim að dæma ruðning“ Handbolti Lærisveinar Alfreðs að stinga af Handbolti Aþena fann smugu á reglunum og mætti aftur á KKÍ þingið Körfubolti Lando Norris aðeins 0,8 sekúndum á undan heimsmeistaranum í markið Formúla 1 Styrmir skoraði tólf í naumum sigri Körfubolti Fleiri fréttir Styrmir skoraði tólf í naumum sigri Kristinn Albertsson nýr formaður KKÍ Aþena fann smugu á reglunum og mætti aftur á KKÍ þingið Samþykktu að stjórn KKÍ klári nýja reglugerð um erlenda leikmenn Tillögu Aþenu vantaði þrjú prósent til að vera tekin fyrir: Gengu út af KKÍ þinginu Svona var þing KKÍ Stórefast um framtíð íslenska körfuboltans ef ekkert verði gert Uppgjör: ÍR-Höttur 84-83 | ÍR-ingar björguðu sér á síðustu stundu „Ég er ánægður en á sama tíma er ég brjálaður“ Uppgjörið: Keflavík-Stjarnan 107-98 | Keflvíkingar eiga enn von Greint frá ósæmilegri hegðun í aðdraganda þings KKÍ „Ballerínan“ Curry fyrstur í fjögur þúsund þrista Þungarokkarar skemmdu meistarafána Bulls Síðasti séns Keflvíkinga: „Menn eiga að njóta“ „Á meðan að pabbi er formaður mun ég ekki skipta um lið“ „Mjög sérstakt fyrir mig að fá að þjálfa fyrsta leikinn minn á móti Benna“ Finnur Freyr: Ánægður með heilsteyptan leik okkar Jóhann Þór: Kane og Ólafur hefðu getað spilað „Við reyndum að gera alls konar“ Uppgjörið: Njarðvík - Tindastóll 101-90 | Sjötti heimasigur Njarðvíkinga í röð „Vonandi lærum við af þessu“ Martin og félagar flottir í Euroleague í kvöld Uppgjörið: Álftanes - Þór Þ. 108-96 | Allir með hjá Álftanesi í sannfærandi sigri Uppgjörið: Valur - Grindavík 99-80 | Valsmenn áttu ekki í miklum vandræðum með vængbrotna Grindvíkinga Uppgjörið: KR - Haukar 103-87 | Fallnir Haukar velgdu KR-ingum hressilega undir uggum „Algjör forsmekkur að úrslitakeppninni“ Skoraði tuttugu stig í sextugasta leiknum í röð Njarðvíkingar geta náð toppliðunum en samt ekki orðið deildarmeistarar Tinna Guðrún: Þetta er ógeðslega gaman Áttundi sigurleikur Njarðvíkurkvenna í röð Sjá meira
Fyrir það fyrsta heitir hann Victor Wembanyama og er átján ára, fæddur 4. janúar 2004. Þá var LeBron á sínu fyrsta tímabili í NBA eftir að hafa verið valinn fyrstur í nýliðavalinu 2003. Þrátt fyrir tuttugu ára aldursmun spila þeir saman í deildinni á næsta ári. Ekkert bendir til þess að LeBron ætli að draga saman seglin og Wembanyama verður valinn fyrstur í nýliðavalinu. Það er 99,9 prósent öruggt. Eins og fleiri var LeBron dolfallinn eftir að hafa séð Wembanyama spila með franska liðinu Metropolitans 92 gegn úrvalsliði leikmanna úr G-deildinni, meðal annars Scoot Henderson sem yrði valinn fyrstur í nýliðavalinu í venjulegu árferði. G-deildarliðið vann 122-115 sigur en Wembanyama var á allra vörum eftir leikinn, meðal annars LeBrons. „Undanfarin ár hafa allir verið kallaðir einhyrningar en hann er meira eins og geimvera,“ sagði LeBron eftir að hafa séð Wembanyama spila á þriðjudaginn. Frakkinn skoraði 37 stig, hitti úr sjö af ellefu skotum sínum fyrir utan þriggja stiga línuna og varði fimm skot. Frönsku miðherjarnir Rudy Gobert og Wembanyama stilltu sér upp eftir leik bandarísku ungstirnannna og Metropolitans 92.getty/Steve Marcus Það var kannski ekki svo vitlaust hjá LeBron að líkja Wembanyama við geimveru. Svona leikmaður hefur alla vega ekki sést áður á plánetunni jörð. Fyrir það fyrsta er Wembanyama risastór, eða 2,23 metrar á hæð, og með 2,4 metra vænghaf. Hæð hans hefur kannski aldrei komið jafn vel í ljós og þegar hann stóð við hlið annars fransks miðherja, Rudys Gobert, í gær. Gobert er enginn smásmíði, 2,16 metrar á hæð, en hann virkaði hreinlega lítill við hliðina á Wembanyama. En þrátt fyrir alla sentímetrana er hann mjög leikinn og minnir um margt á bakvörð í hreyfingum. Wembanyama getur líka skotið fyrir utan sem er ómetanlegt í körfubolta dagsins í dag. Það þótti byltingarkennt þegar stór maður á borð við Dirk Nowitzki gat skotið nánast hvaðan sem var af vellinum en aldrei hefur sést himnalengja sem er jafn skotviss og Wembanyama. Hann átti annan stórleik í fyrradag þegar Metropolitans 92 vann G-deildarliðið, 112-106. Wembanyama skoraði 36 stig, tók ellefu fráköst, fjórar stoðsendingar og varði fjögur skot. Eftir leikinn var hann spurður út í ummæli LeBrons um hann. „Það er auðvitað heiður að slíkur maður tali svona um mig en það breytir í raun engu. Ég hugsaði að þetta væri flott en ekkert meira. Ég verð að halda einbeitingu. Ég hef ekkert gert enn,“ sagði Wembanyama sem er af íþróttaættum. Faðir hans var langstökkvari og móðirin körfuboltakona og sjálfur æfði hann júdó á yngri árum og var markvörður í fótbolta. En það lá beinast við að velja körfuboltann og Wembanyama er í dag eftirsóttasti ungi leikmaður heims. Hann er nýgenginn í raðir franska úrvalsdeildarliðsins Metropolitans 92 og spilar með því í vetur. Tímabilið er samt bara æfingabúðir fyrir NBA. Eldri sonur LeBrons James er jafn gamall og Wembanyama.getty/Ronald Martinez Stóru verðlaunin í NBA í vetur er tvenns konar: Larry O'Brien bikarinn og svo fyrsti valréttur í nýliðavalinu. Og baráttan um þau síðarnefndu er ekki síður hörð þótt leiðin að þeim sé önnur. Á meðan góðu liðin reyna að vinna sem flesta leiki til að eiga möguleika á að verða NBA-meistari reyna lélegu liðin að tapa sem flestum til að auka líkurnar á að fá fyrsta valrétt í nýliðavalinu og geta þar með valið Wembanyama. Eins og staðan er fyrir tímabilið þykir Oklahoma City Thunder líklegast til að hreppa hnossið. Chet Holmgren, sem OKC valdi með öðrum valrétti í nýliðavalinu í sumar, er meiddur og spilar ekkert með í vetur sem eykur líkur Oklahoma-liðsins á að ná því göfuga markmiði að vera það lélegasta í NBA í vetur. San Antonio Spurs liðin hans Greggs Popovich hafa oftast barist um NBA-meistaratitilinn. Nú er stefnan hins vegar sett á að tapa sem flestum leikjum.getty/Thearon W. Henderson San Antonio Spurs, Indiana Pacers, Houston Rockets og Utah Jazz þykja einnig líkleg til óafreka í kjallara NBA-deildarinnar í vetur. Í einu kapítalíska ríki heims fylgja því nefnilega fríðindi að vera lélegur. Og þau hafa sjaldan eða aldrei verið jafn hagstæð og núna. Wembanyama hefur verið nefndur í sömu andrá og aðrir miðherjar sem öruggast þótti að velja í sögu nýliðavalsins, kappa á borð við Anthony Davis, Hakeem Olajuwon, Ralph Sampson og Patrick Ewing. Sá síðastnefndi var frábær háskólaleikmaður og átti stórgóðan feril í NBA þótt hann hafa aldrei orðið meistari. Space Jam var frumsýnd 1996 og naut mikilla vinsælda.getty/Evan Agostini Ewing lék einnig í Space Jam, tekjuhæstu körfuboltamynd allra tíma, þar sem óforskammaðar geimverur stela körfuboltahæfileikum hans Shawns Bradley (annar risavaxinn miðherji), Charles Barkley, Larrys Johnson og Muggsy Bouges. Wembanyama er þó ekki kvikmyndapersóna né geimvera heldur homo sapiens af holdi og blóði. En hann er einstakur og eftirsóttasti dansfélaginn á NBA-ballinu.
NBA Mest lesið Gengur út ef hann fær sömu meðferð og Glazerarnir Fótbolti Haaland sló enn eitt metið í gær Fótbolti „Þetta tímabil verður ekki fyrir hjartveika“ Formúla 1 Dagskráin í dag: Titill í boði fyrir Liverpool og Newcastle Sport Myndir frá sigrinum sem tryggði EM-sætið Handbolti „Á einhver ótrúlegan hátt tekst þeim að dæma ruðning“ Handbolti Lærisveinar Alfreðs að stinga af Handbolti Aþena fann smugu á reglunum og mætti aftur á KKÍ þingið Körfubolti Lando Norris aðeins 0,8 sekúndum á undan heimsmeistaranum í markið Formúla 1 Styrmir skoraði tólf í naumum sigri Körfubolti Fleiri fréttir Styrmir skoraði tólf í naumum sigri Kristinn Albertsson nýr formaður KKÍ Aþena fann smugu á reglunum og mætti aftur á KKÍ þingið Samþykktu að stjórn KKÍ klári nýja reglugerð um erlenda leikmenn Tillögu Aþenu vantaði þrjú prósent til að vera tekin fyrir: Gengu út af KKÍ þinginu Svona var þing KKÍ Stórefast um framtíð íslenska körfuboltans ef ekkert verði gert Uppgjör: ÍR-Höttur 84-83 | ÍR-ingar björguðu sér á síðustu stundu „Ég er ánægður en á sama tíma er ég brjálaður“ Uppgjörið: Keflavík-Stjarnan 107-98 | Keflvíkingar eiga enn von Greint frá ósæmilegri hegðun í aðdraganda þings KKÍ „Ballerínan“ Curry fyrstur í fjögur þúsund þrista Þungarokkarar skemmdu meistarafána Bulls Síðasti séns Keflvíkinga: „Menn eiga að njóta“ „Á meðan að pabbi er formaður mun ég ekki skipta um lið“ „Mjög sérstakt fyrir mig að fá að þjálfa fyrsta leikinn minn á móti Benna“ Finnur Freyr: Ánægður með heilsteyptan leik okkar Jóhann Þór: Kane og Ólafur hefðu getað spilað „Við reyndum að gera alls konar“ Uppgjörið: Njarðvík - Tindastóll 101-90 | Sjötti heimasigur Njarðvíkinga í röð „Vonandi lærum við af þessu“ Martin og félagar flottir í Euroleague í kvöld Uppgjörið: Álftanes - Þór Þ. 108-96 | Allir með hjá Álftanesi í sannfærandi sigri Uppgjörið: Valur - Grindavík 99-80 | Valsmenn áttu ekki í miklum vandræðum með vængbrotna Grindvíkinga Uppgjörið: KR - Haukar 103-87 | Fallnir Haukar velgdu KR-ingum hressilega undir uggum „Algjör forsmekkur að úrslitakeppninni“ Skoraði tuttugu stig í sextugasta leiknum í röð Njarðvíkingar geta náð toppliðunum en samt ekki orðið deildarmeistarar Tinna Guðrún: Þetta er ógeðslega gaman Áttundi sigurleikur Njarðvíkurkvenna í röð Sjá meira
Uppgjörið: Valur - Grindavík 99-80 | Valsmenn áttu ekki í miklum vandræðum með vængbrotna Grindvíkinga