Hagnaðurinn um fjórir milljarðar króna á fyrstu níu mánuðum ársins Atli Ísleifsson skrifar 25. október 2022 07:03 Í tilkynningunni segir að ráðist hafi verið í skipulagsbreytingar hjá Össuri í ársfjórðungnum og farið í aðgerðir til að lækka kostnað. Þær aðgerðir eru sagðar munu skila lækkun á kostnaði sem nemur um 15 milljónum Bandaríkjadala (2,1 milljarði íslenskra króna) á ársgrundvelli. Vísir/Vilhelm Hagnaður Össurar hf. á þriðja ársfjórðungs nam sjö milljónum Bandaríkjadala, um 929 milljón íslenskra króna, eða fjögur prósent af veltu. Hagnaðurinn á fyrstu níu mánuðum ársins 2022 nam því þrjátíu milljónum Bandaríkjadala, eða um fjórum milljörðum íslenskra króna. Þetta kemur fram í fréttatilkynningu frá Össuri í tengslum við uppgjör fyrir þriðja ársfjórðung. Þar kemur fram að salan hafi numið 177 milljónum Bandaríkjadala, um 24,5 milljörðum íslenskra króna, og hafi söluvöxtur numið sex prósentum í staðbundinni mynt en innri vöxtur var fjögur prósent í ársfjórðungnum. Haft er eftir Sveini Sölvasyni, forstjóra Össurar, að góður vöxtur hafi verið á mörkuðum í Asíu þar sem sala hafi aukist á ný í Kína og Ástralíu auk þess sem salan í Ameríku hafi verið sterkari í þessum ársfjórðungi. „Þrátt fyrir áframhaldandi áskoranir í aðfangakeðjunni leggjum við áherslu á skilvirka afhendingu á vörum okkar og lausnum. Enn er mikill áhugi á hinu nýja Power Knee og ánægja sjúklinga og þjónustaðila er okkur mikil hvatning að markmiði okkar um að auka hreyfanleika fólks. Við gengum frá kaupum á Naked Prosthetics, bandarísku fyrirtæki sem er leiðandi í mekanískum stoðtækjum fyrir einstaklinga sem misst hafa framan af fingri eða hluta af hendi. Með alþjóðlegu sölu- og markaðsneti Össurar er unnt að ná til fleiri einstaklinga sem þurfa á áðurnefndum stoðtækjum að halda. Með framtíðarvöxt og áframhaldandi arðsemi að leiðarljósi voru gerðar skipulagsbreytingar í ársfjórðungnum og farið í aðgerðir til að lækka kostnað,“ er haft eftir Sveini. Önnur atriði úr fréttatilkynningu Össurar: Innri vöxtur var 4% á stoðtækjum og 2% á spelkum og stuðningsvörum á þriðja ársfjórðungi 2022. Á fyrstu níu mánuðum ársins 2022 var innri vöxtur 3% á stoðtækjum og 2% á spelkum og stuðningsvörum. Styrking Bandaríkjadollar gagnvart Evru og öðrum lykilmyntum í ársfjórðungnum hafði neikvæð áhrif á tekjur félagsins í Bandaríkjadollurum að fjárhæð 14 milljónum Bandaríkjadala (2 milljörðum íslenskra króna) samanborið við sama tímabil í fyrra. Með framtíðarvöxt og áframhaldandi arðsemi að leiðarljósi voru gerðar skipulagsbreytingar hjá Össuri í ársfjórðungnum og farið í aðgerðir til að lækka kostnað. Þær aðgerðir munu skila lækkun á kostnaði sem nemur um 15 milljónum Bandaríkjadala (2,1 milljarði íslenskra króna) á ársgrundvelli. Einskiptisliðir námu um 14 milljónum Bandaríkjadala (1,9 milljarði íslenskra króna) í ársfjórðungnum, aðallega vegna fyrrnefndra skipulagsbreytinga og aðgerða til lækkunar á kostnaði. Rekstrarhagnaður fyrir afskriftir að teknu tilliti til einskiptisliða (EBITDA before special items) nam 35 milljónum Bandaríkjadala (4,9 milljörðum íslenskra króna) eða 20% af veltu á þriðja ársfjórðungi 2022 samanborið við 21% á þriðja ársfjórðungi síðasta árs. Handbært fé frá rekstri nam 21 milljónum Bandaríkjadala (3 milljörðum íslenskra króna) eða 12% af veltu á þriðja ársfjórðungi og nam 53 milljón Bandaríkjadala (7 milljörðum íslenskra króna) eða 10% af sölu á fyrstu níu mánuðum ársins. Skuldsetningarhlutfallið var 2.8x í lok ársfjórðungsins, innan bilsins 2.0-3.0x sem skilgreint er í stefnu félagsins um fjármagnsskipan og arðgreiðslur. Á þriðja ársfjórðungi gekk Össur frá kaupum á Naked Prosthetics, bandarísku fyrirtæki sem sérhæfir sig í stoðtækjum fyrir einstaklinga sem misst hafa framan af fingri eða hluta af hendi. Með alþjóðlegu sölu- og markaðsneti Össurar er unnt að ná til fleiri einstaklinga sem þurfa á áðurnefndum stoðtækjum að halda. Sala Naked Prosthetics nam 9 milljónum Bandaríkjadala (1,1 milljarði íslenskra króna) árið 2021. Fjárhagsáætlun fyrir árið 2022 gerir ráð fyrir um 4-6% innri vexti og um 18-20% EBITDA framlegð að teknu tilliti til einskiptisliða, 3-4% fjárfestingarhlutfalli og virku skatthlutfalli á bilinu 23-24%. Eins og stendur, gera stjórnendur ráð fyrir að innri vöxtur og EBITDA framlegð að teknu tilliti til einskiptisliða verði í neðri hluta áætlunarinnar. Össur Mest lesið „Sérkennileg“ hækkun íbúðaverðs á tímum hárra vaxta Viðskipti innlent Áföstu tapparnir stóðust ekki gæðapróf Neytendur Flytur fyrirtækin vegna löggjafar um trans börn Viðskipti erlent Taylor Swift talin valda verðbólgu í Bretlandi Viðskipti erlent Leiguverð heldur áfram að hækka Viðskipti innlent Dýr smjörvi á Egilsstöðum vekur mikla athygli Neytendur Umferðarofsi stofnar vegfarendum í hættu Samstarf Ólöglegt bleikiefni í hveitinu Neytendur „Það er verið að ríkisvæða húsnæðismarkaðinn“ Viðskipti innlent Leggja upp laupana í Lundúnum Viðskipti innlent Fleiri fréttir „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Brutu samkeppnislög með ótímabærri markaðssetningu Harpa vill létta lund veðurbugaðra höfuðborgarbúa Atlanta með 600 manna flugútgerð í Sádí-Arabíu Berglind gengin í eigendahópinn Staðan ekki jafnsvört og sumir vilji meina Bjartmar ráðinn aðstoðarframkvæmdastjóri Íbúar Grafarholts geta tekið til matar síns á ný „Við erum bara að reyna að lifa af“ „Komin upp í þak“ í verðlagningu Nýir eigendur taka við Melabúðinni Festi festi kaup á Lyfju Spá aukinni verðbólgu HS Orka tryggir sér fjörutíu milljarða króna Mikil fjölgun tengifarþega en mun færri ferðast til Íslands Fleiri farþegar en minni sætanýting Mikill áhugi á þrotabúi Skagans 3X Formaður atvinnuveganefndar á hlut í félaginu sem KS keypti Landsbankinn til ráðgjafar vegna sölu Íslandsbanka KS hafi fest kaup á Kjarnafæði Norðlenska Sáraroðið frá Ísafirði notað til bjargar brenndum börnum í Afganistan Brúneggjamálið tekið fyrir í Hæstarétti Úr boltanum í tryggingarnar Sjá meira
Þetta kemur fram í fréttatilkynningu frá Össuri í tengslum við uppgjör fyrir þriðja ársfjórðung. Þar kemur fram að salan hafi numið 177 milljónum Bandaríkjadala, um 24,5 milljörðum íslenskra króna, og hafi söluvöxtur numið sex prósentum í staðbundinni mynt en innri vöxtur var fjögur prósent í ársfjórðungnum. Haft er eftir Sveini Sölvasyni, forstjóra Össurar, að góður vöxtur hafi verið á mörkuðum í Asíu þar sem sala hafi aukist á ný í Kína og Ástralíu auk þess sem salan í Ameríku hafi verið sterkari í þessum ársfjórðungi. „Þrátt fyrir áframhaldandi áskoranir í aðfangakeðjunni leggjum við áherslu á skilvirka afhendingu á vörum okkar og lausnum. Enn er mikill áhugi á hinu nýja Power Knee og ánægja sjúklinga og þjónustaðila er okkur mikil hvatning að markmiði okkar um að auka hreyfanleika fólks. Við gengum frá kaupum á Naked Prosthetics, bandarísku fyrirtæki sem er leiðandi í mekanískum stoðtækjum fyrir einstaklinga sem misst hafa framan af fingri eða hluta af hendi. Með alþjóðlegu sölu- og markaðsneti Össurar er unnt að ná til fleiri einstaklinga sem þurfa á áðurnefndum stoðtækjum að halda. Með framtíðarvöxt og áframhaldandi arðsemi að leiðarljósi voru gerðar skipulagsbreytingar í ársfjórðungnum og farið í aðgerðir til að lækka kostnað,“ er haft eftir Sveini. Önnur atriði úr fréttatilkynningu Össurar: Innri vöxtur var 4% á stoðtækjum og 2% á spelkum og stuðningsvörum á þriðja ársfjórðungi 2022. Á fyrstu níu mánuðum ársins 2022 var innri vöxtur 3% á stoðtækjum og 2% á spelkum og stuðningsvörum. Styrking Bandaríkjadollar gagnvart Evru og öðrum lykilmyntum í ársfjórðungnum hafði neikvæð áhrif á tekjur félagsins í Bandaríkjadollurum að fjárhæð 14 milljónum Bandaríkjadala (2 milljörðum íslenskra króna) samanborið við sama tímabil í fyrra. Með framtíðarvöxt og áframhaldandi arðsemi að leiðarljósi voru gerðar skipulagsbreytingar hjá Össuri í ársfjórðungnum og farið í aðgerðir til að lækka kostnað. Þær aðgerðir munu skila lækkun á kostnaði sem nemur um 15 milljónum Bandaríkjadala (2,1 milljarði íslenskra króna) á ársgrundvelli. Einskiptisliðir námu um 14 milljónum Bandaríkjadala (1,9 milljarði íslenskra króna) í ársfjórðungnum, aðallega vegna fyrrnefndra skipulagsbreytinga og aðgerða til lækkunar á kostnaði. Rekstrarhagnaður fyrir afskriftir að teknu tilliti til einskiptisliða (EBITDA before special items) nam 35 milljónum Bandaríkjadala (4,9 milljörðum íslenskra króna) eða 20% af veltu á þriðja ársfjórðungi 2022 samanborið við 21% á þriðja ársfjórðungi síðasta árs. Handbært fé frá rekstri nam 21 milljónum Bandaríkjadala (3 milljörðum íslenskra króna) eða 12% af veltu á þriðja ársfjórðungi og nam 53 milljón Bandaríkjadala (7 milljörðum íslenskra króna) eða 10% af sölu á fyrstu níu mánuðum ársins. Skuldsetningarhlutfallið var 2.8x í lok ársfjórðungsins, innan bilsins 2.0-3.0x sem skilgreint er í stefnu félagsins um fjármagnsskipan og arðgreiðslur. Á þriðja ársfjórðungi gekk Össur frá kaupum á Naked Prosthetics, bandarísku fyrirtæki sem sérhæfir sig í stoðtækjum fyrir einstaklinga sem misst hafa framan af fingri eða hluta af hendi. Með alþjóðlegu sölu- og markaðsneti Össurar er unnt að ná til fleiri einstaklinga sem þurfa á áðurnefndum stoðtækjum að halda. Sala Naked Prosthetics nam 9 milljónum Bandaríkjadala (1,1 milljarði íslenskra króna) árið 2021. Fjárhagsáætlun fyrir árið 2022 gerir ráð fyrir um 4-6% innri vexti og um 18-20% EBITDA framlegð að teknu tilliti til einskiptisliða, 3-4% fjárfestingarhlutfalli og virku skatthlutfalli á bilinu 23-24%. Eins og stendur, gera stjórnendur ráð fyrir að innri vöxtur og EBITDA framlegð að teknu tilliti til einskiptisliða verði í neðri hluta áætlunarinnar.
Össur Mest lesið „Sérkennileg“ hækkun íbúðaverðs á tímum hárra vaxta Viðskipti innlent Áföstu tapparnir stóðust ekki gæðapróf Neytendur Flytur fyrirtækin vegna löggjafar um trans börn Viðskipti erlent Taylor Swift talin valda verðbólgu í Bretlandi Viðskipti erlent Leiguverð heldur áfram að hækka Viðskipti innlent Dýr smjörvi á Egilsstöðum vekur mikla athygli Neytendur Umferðarofsi stofnar vegfarendum í hættu Samstarf Ólöglegt bleikiefni í hveitinu Neytendur „Það er verið að ríkisvæða húsnæðismarkaðinn“ Viðskipti innlent Leggja upp laupana í Lundúnum Viðskipti innlent Fleiri fréttir „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Brutu samkeppnislög með ótímabærri markaðssetningu Harpa vill létta lund veðurbugaðra höfuðborgarbúa Atlanta með 600 manna flugútgerð í Sádí-Arabíu Berglind gengin í eigendahópinn Staðan ekki jafnsvört og sumir vilji meina Bjartmar ráðinn aðstoðarframkvæmdastjóri Íbúar Grafarholts geta tekið til matar síns á ný „Við erum bara að reyna að lifa af“ „Komin upp í þak“ í verðlagningu Nýir eigendur taka við Melabúðinni Festi festi kaup á Lyfju Spá aukinni verðbólgu HS Orka tryggir sér fjörutíu milljarða króna Mikil fjölgun tengifarþega en mun færri ferðast til Íslands Fleiri farþegar en minni sætanýting Mikill áhugi á þrotabúi Skagans 3X Formaður atvinnuveganefndar á hlut í félaginu sem KS keypti Landsbankinn til ráðgjafar vegna sölu Íslandsbanka KS hafi fest kaup á Kjarnafæði Norðlenska Sáraroðið frá Ísafirði notað til bjargar brenndum börnum í Afganistan Brúneggjamálið tekið fyrir í Hæstarétti Úr boltanum í tryggingarnar Sjá meira