„Undarlegt að vilja ekki gefa upp opinberlega afstöðu sína en vera samt að hringja“ Snorri Másson skrifar 3. nóvember 2022 10:06 Ragnhildur Alda María Vilhjálmsdóttir, borgarfulltrúi Sjálfstæðisflokksins, segir Guðlaug Þór Þórðarson vel til þess fallinn að leiða Sjálfstæðisflokkinn inn í nýja tíma með nýjum aðferðum og nýjum leiðum. Hildur Sverrisdóttir þingmaður styður Bjarna í baráttu um formannssætið og telur ekki hægt að fullyrða að stjórnarsamstarfið yrði öruggt áfram án Bjarna. Hildur og Ragnhildur Alda voru til viðtals í Íslandi í dag á miðvikudag og viðtalið við þær má sjá í spilaranum hér að ofan. Líkt og yfirskriftin ber með sér var farið um víðan völl í innslaginu, en viðtalið við Hildi og Öldu hefst á áttundu mínútu. Ragnhildur Alda María Vilhjálmsdóttir, borgarfulltrúi Sjálfstæðisflokksins, og Hildur Sverrisdóttir þingmaður flokksins styðja ólíka frambjóðendur í baráttu sem stendur yfir um formannssætið í flokknum. Viðtal við þær í Íslandi í dag má sjá hér að ofan.Vísir/Vilhelm Ellefu af fimmtán þingmönnum Sjálfstæðisflokks styðja Bjarna Hildur segir það hlutverk kjörinna fulltrúa að tjá afstöðu sína til formannsbaráttunnar. Aðrir þingmenn flokksins eru á öðru máli; Diljá Mist Einarsdóttir þingmaður hnýtti til dæmis í samflokksmenn sína fyrir að tjá afstöðu sína opinberlega á dögunum. „Mér finnst það vera mitt hlutverk að vera kýrskýr gagnvart öllum sjálfstæðismönnum hvað mér finnst um þetta mikla hagsmunamál fyrir flokkinn. Ég verð að segja að mér finnst það kannski eilítið undarlegt að vilja ekki gefa upp opinberlega afstöðu sína en vera samt sem áður að hringja í stuðningsmenn og aðra. Ég sé engan eðlismun á því,“ segir Hildur. Alda María segir við því að búast að fólk tjái afstöðu sína en segir einnig að afstaða þingmanna ráði ekki öllu; sá mælikvarði hafi þannig verið Þorsteini Pálssyni í hag árið 1991 þegar Davíð Oddsson sigraði hann þó á landsfundi. Alda María lenti í öðru sæti á lista Sjálfstæðisflokks í Reykjaík eftir baráttu um oddvitasæti við Hildi Björnsdóttur. Alda hefur starfað náið með Guðlaugi Þór.Vísir/Vilhelm Veltur ríkisstjórnin á Bjarna? Hildur segir Guðlaug og Bjarna báða stórskemmtilega og hörkuduglega menn og að munurinn á þeim í þessu tilliti sé ekki endilega skýr. Bjarni sé þó framúrskarandi stjórnmálamaður með skýra sýn sem sé nú í miðju vandmeðförnu stjórnarsamstarfi, þar sem persónur og leikendur skipti sannarlega máli. Ekki sé þó hægt að fullyrða að stjórnarsamstarfinu ljúki án Bjarna sem formanns. Alda segir muninn á Guðlaugi og Bjarna þann að Bjarni hafi málefnin og hugmyndafræðina að vopni en Guðlaugur segi að betur megi ef duga skuli og að ráðast þurfi í aðgerðir til að efla samtalið við grasrótina ef ætlunin er að breikka flokkinn. Alda segir að umræðan í tengslum við formannsbaráttuna sé á stundum óvarleg og þar vísar hún til kenninga um að án Bjarna lifi stjórnin ekki. „Ég held að ríkisstjórnin standi á miklu sterkari grunni en bara vináttu tveggja einstaklinga í stjórninni,“ segir Alda. Þessir flokkar geti unnið vel saman og hafi sýnt það. „Þær eru ekki í framboði“ Því hefur verið haldið fram, í greinum á borð við þessa, að með því að bjóða sig fram nú sé Guðlaugur Þór að hindra framgang Áslaugar Örnu Sigurbjörnsdóttur eða Þórdísar Kolbrúnar Reykfjörð Gylfadóttur í formannsstólinn á næsta landsfundi þegar líklegra er að Bjarni segi þetta gott. Hildur segist ekki geta sagt til um hvort þetta sé ástæðan fyrir tímasetningu framboðs Guðlaugs Þórs en að eðlilegt sé að fólk í flokknum velti þessu fyrir sér, þar sem tímapunkturinn sé viðkvæmur. Alda segir að svona vangaveltur hafi aftur á móti komið flatt upp á hana. „Bjarni hefur ekki sagt annað en að hann ætli að halda áfram út þetta kjörtímabil. Þannig að einhverjar pælingar um hvort þetta sé til að fara ekki til höfuðs Áslaugu og Þórdísi... þær eru ekki í framboði, sko. Ekki nema að það hafi staðið til að þær færu í framboð á móti Bjarna, þannig að ég held ekki. Ég segi að það er bara betra að byrja fyrr en seinna ef við ætlum að byggja upp flokkinn á þann hátt sem Gulli er búinn að boða.“ Sjálfstæðisflokkurinn Ísland í dag Formannsslagur Bjarna og Guðlaugs Þórs Mest lesið Dæmi um að fyrirtæki tapi tugum milljóna í „forstjórasvindli“ Innlent „Til hamingju hálfvitar“ Innlent Svikahrappur beið eftir flugferð framkvæmdastjórans Innlent Frans páfi er látinn Erlent Lögmaður þurfi ekki að hafa áhyggjur af þekkingu ráðherra Innlent Vildu ekki til Íslands þegar loks bauðst að snúa heim Innlent Vanþekking ráðherra sé áhyggjuefni Innlent Trump styður Hegseth: Neitar að um trúnaðarbrest hafi verið að ræða Erlent Hvernig er nýr páfi valinn? Erlent Ásthildur Lóa setur húsið umdeilda á sölu Innlent Fleiri fréttir Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Sjá meira
Hildur og Ragnhildur Alda voru til viðtals í Íslandi í dag á miðvikudag og viðtalið við þær má sjá í spilaranum hér að ofan. Líkt og yfirskriftin ber með sér var farið um víðan völl í innslaginu, en viðtalið við Hildi og Öldu hefst á áttundu mínútu. Ragnhildur Alda María Vilhjálmsdóttir, borgarfulltrúi Sjálfstæðisflokksins, og Hildur Sverrisdóttir þingmaður flokksins styðja ólíka frambjóðendur í baráttu sem stendur yfir um formannssætið í flokknum. Viðtal við þær í Íslandi í dag má sjá hér að ofan.Vísir/Vilhelm Ellefu af fimmtán þingmönnum Sjálfstæðisflokks styðja Bjarna Hildur segir það hlutverk kjörinna fulltrúa að tjá afstöðu sína til formannsbaráttunnar. Aðrir þingmenn flokksins eru á öðru máli; Diljá Mist Einarsdóttir þingmaður hnýtti til dæmis í samflokksmenn sína fyrir að tjá afstöðu sína opinberlega á dögunum. „Mér finnst það vera mitt hlutverk að vera kýrskýr gagnvart öllum sjálfstæðismönnum hvað mér finnst um þetta mikla hagsmunamál fyrir flokkinn. Ég verð að segja að mér finnst það kannski eilítið undarlegt að vilja ekki gefa upp opinberlega afstöðu sína en vera samt sem áður að hringja í stuðningsmenn og aðra. Ég sé engan eðlismun á því,“ segir Hildur. Alda María segir við því að búast að fólk tjái afstöðu sína en segir einnig að afstaða þingmanna ráði ekki öllu; sá mælikvarði hafi þannig verið Þorsteini Pálssyni í hag árið 1991 þegar Davíð Oddsson sigraði hann þó á landsfundi. Alda María lenti í öðru sæti á lista Sjálfstæðisflokks í Reykjaík eftir baráttu um oddvitasæti við Hildi Björnsdóttur. Alda hefur starfað náið með Guðlaugi Þór.Vísir/Vilhelm Veltur ríkisstjórnin á Bjarna? Hildur segir Guðlaug og Bjarna báða stórskemmtilega og hörkuduglega menn og að munurinn á þeim í þessu tilliti sé ekki endilega skýr. Bjarni sé þó framúrskarandi stjórnmálamaður með skýra sýn sem sé nú í miðju vandmeðförnu stjórnarsamstarfi, þar sem persónur og leikendur skipti sannarlega máli. Ekki sé þó hægt að fullyrða að stjórnarsamstarfinu ljúki án Bjarna sem formanns. Alda segir muninn á Guðlaugi og Bjarna þann að Bjarni hafi málefnin og hugmyndafræðina að vopni en Guðlaugur segi að betur megi ef duga skuli og að ráðast þurfi í aðgerðir til að efla samtalið við grasrótina ef ætlunin er að breikka flokkinn. Alda segir að umræðan í tengslum við formannsbaráttuna sé á stundum óvarleg og þar vísar hún til kenninga um að án Bjarna lifi stjórnin ekki. „Ég held að ríkisstjórnin standi á miklu sterkari grunni en bara vináttu tveggja einstaklinga í stjórninni,“ segir Alda. Þessir flokkar geti unnið vel saman og hafi sýnt það. „Þær eru ekki í framboði“ Því hefur verið haldið fram, í greinum á borð við þessa, að með því að bjóða sig fram nú sé Guðlaugur Þór að hindra framgang Áslaugar Örnu Sigurbjörnsdóttur eða Þórdísar Kolbrúnar Reykfjörð Gylfadóttur í formannsstólinn á næsta landsfundi þegar líklegra er að Bjarni segi þetta gott. Hildur segist ekki geta sagt til um hvort þetta sé ástæðan fyrir tímasetningu framboðs Guðlaugs Þórs en að eðlilegt sé að fólk í flokknum velti þessu fyrir sér, þar sem tímapunkturinn sé viðkvæmur. Alda segir að svona vangaveltur hafi aftur á móti komið flatt upp á hana. „Bjarni hefur ekki sagt annað en að hann ætli að halda áfram út þetta kjörtímabil. Þannig að einhverjar pælingar um hvort þetta sé til að fara ekki til höfuðs Áslaugu og Þórdísi... þær eru ekki í framboði, sko. Ekki nema að það hafi staðið til að þær færu í framboð á móti Bjarna, þannig að ég held ekki. Ég segi að það er bara betra að byrja fyrr en seinna ef við ætlum að byggja upp flokkinn á þann hátt sem Gulli er búinn að boða.“
Sjálfstæðisflokkurinn Ísland í dag Formannsslagur Bjarna og Guðlaugs Þórs Mest lesið Dæmi um að fyrirtæki tapi tugum milljóna í „forstjórasvindli“ Innlent „Til hamingju hálfvitar“ Innlent Svikahrappur beið eftir flugferð framkvæmdastjórans Innlent Frans páfi er látinn Erlent Lögmaður þurfi ekki að hafa áhyggjur af þekkingu ráðherra Innlent Vildu ekki til Íslands þegar loks bauðst að snúa heim Innlent Vanþekking ráðherra sé áhyggjuefni Innlent Trump styður Hegseth: Neitar að um trúnaðarbrest hafi verið að ræða Erlent Hvernig er nýr páfi valinn? Erlent Ásthildur Lóa setur húsið umdeilda á sölu Innlent Fleiri fréttir Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Sjá meira