Tónlist

Fólkið á Airwaves: Hafa mætt á ýmsar tónlistarhátíðir síðastliðin 35 ár

Dóra Júlía Agnarsdóttir skrifar
Vinkonurnar Janey Wilks og Trish Harris komu frá Wales á Iceland Airwaves.
Vinkonurnar Janey Wilks og Trish Harris komu frá Wales á Iceland Airwaves. Dóra/Vísir

Tónlistarhátíðin Iceland Airwaves fór formlega af stað í dag og er margt um manninn í miðbæ Reykjavíkur þar sem fólk hvaðan af úr heiminum er mætt til að skemmta sér. Blaðamaður náði tali af tveimur konum sem nutu sín í danspartýi á Prikinu en þær koma báðar frá Wales.

Þær Trish Harris og Janey Wilks eru góðar vinkonur og starfa báðar í skólakerfinu í Bretlandi, Trish sér um alla alþjóðlega nemendur í háskóla í Wales og Janey er starfsráðgjafi fyrir ungmenni. Janey er að koma í þriðja sinn til Íslands en þetta er í fyrsta skipti sem Trish gerir sér ferð hingað. Hún ætlaði þó upprunalega að koma árið 2020.

„Ég er að fagna afmælinu mínu um helgina en Janey gaf mér miða á Iceland Airwaves í afmælisgjöf fyrir þremur árum síðan. Svo var auðvitað hætt við hátíðina þannig að heppnin kemur í þriðju tilraun hjá okkur.“

Vinkonurnar gátu loksins farið saman á Airwaves.Dóra/Vísir

Fór ein í fyrsta sinn

Janey segist upphaflega hafa skellt sér á Airwaves vegna þess að hún sá að John Grant væri að spila á hátíðinni.

„Ég algjörlega elska hann þannig að ég keypti mér miða og skellti mér til Íslands með besta vini mínum. Hann kom reyndar ekki á hátíðina þannig að ég fór ein og ég elskaði það. Um leið og ég kom heim keypti ég því miða fyrir mig og Trish.“

Fjölbreytt tónlistarupplifun

Í ár eru þær meðal annars spenntar fyrir því að sjá Metronomy og Amyl & The Sniffers en hlakka líka mikið til að sjá íslensku tónlistaratriðin.

„Við viljum bara heyra alls konar fjölbreytta tónlist og hlökkum svo til að kynnast og upplifa nýja tónlist, er það ekki bara besta tilfinningin?“

Stöllurnar segjast elska Ísland en þær lentu síðasta mánudag og fara næsta sunnudag.

„Við gerðum allt túrista dótið á tveimur dögum og næstu dagar eru bara tónlistarupplifun til hins ítrasta. 

Við höfum verið að fara á tónlistarhátíðir síðustu 35 árin og ferðast víða um heiminn,“ 

segja þessir lífskúnstnerar að lokum.

Airwaves Tónlist Menning Bretland

Tengdar fréttir

Uppselt á Iceland Airwaves

Uppselt er á tónlistarhátíðina Iceland Airwaves en fyrsti dagur hátíðarinnar er í dag. Skipuleggjendur hennar vilja hvetja gesti til þess að sýna þolinmæði, skemmta sér og mæta snemma á viðburði þar sem tónleikastaðir geta fyllst hratt. 

Dansað inn í veturinn með hádegispartýi á Prikinu

Áhugasamir dansarar geta glaðst yfir því að viðburðurinn Lunch Beat Reykjavík snýr aftur til borgarinnar í hádeginu á morgun með viðburði á Prikinu. DJ Margeir þeytir skífum og dansararnir Olga Maggý Erlendsdóttir og Rebekka Sól Þórarinsdóttir stýra dansgleðinni.

„Nú er ég meira að skrifa um persónulega hluti“

Ungstirnið Guðlaug Sóley, jafnan þekkt sem Gugusar, er ein af þeim upprennandi íslensku söngkonum sem koma fram á Iceland Airwaves hátíðinni í ár. Gugusar semur tónlistina sína alla sjálf ásamt því að pródúsera og fær innblásturinn víða. Blaðamaður hitti hana í kaffi og tók á henni púlsinn.

Ómetanlegt að hafa alltaf fengið pláss til að prófa sig áfram

Tónlistarkonan Una Torfa kemur fram á Iceland Airwaves í ár en þetta er bæði í fyrsta skipti sem hún kemur fram á hátíðinni sem og fer á hátíðina yfir höfuð. Una Torfa hefur endalausan áhuga á tengslum og leggur upp úr list sem er tilfinningaþrungin og heiðarleg.

Burstar alltaf tennurnar rétt áður en hún stígur á svið

KUSK er listamannsnafn tónlistarkonunnar Kolbrúnar Óskarsdóttur en hún skaust upp á stjörnuhimininn fyrr á árinu þegar hún bar sigur úr býtum í Músíktilraunum. KUSK kemur fram á Airwaves í ár en hún var jafnframt að senda frá sér plötuna Skvaldur í dag. Blaðamaður tók púlsinn á KUSK.

Tók sitt fyrsta gigg fyrir ári síðan en hefur nú spilað um allan heim

Tónlistarkonan Árný Margrét á viðburðaríkt ár að baki sér en hún spilaði sitt fyrsta gigg á Airwaves hátíðinni í fyrra í gegnum streymi. Þá hafði hún einungis gefið út eitt lag en hefur nú sent frá sér plötu í fullri lengd og komið fram bæði hérlendis og erlendis. Blaðamaður tók púlsinn á Árnýju, sem spilar á Iceland Airwaves í ár.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.