Ákveðin list að koma höggi á andstæðinginn en samt ekki Tryggvi Páll Tryggvason skrifar 4. nóvember 2022 11:18 Guðlaugur Þór Þórðarson og Bjarni Benediktsson hafa verið tíðir gestir á skjám landsmanna í vikunni. Vísir/Vilhelm Spennan magnast fyrir formannskjör Sjálfstæðisflokksins á landsfundi flokksins um helgina. Almannatengill segir frambjóðendurna tvo stunda ákveðna listgrein í kappræðum í aðdraganda fundarins. Undir niðri kraumi hins vegar á milli fylkinganna tveggja. Hann segir ferilinn undir hjá frambjóðendunum á sunnudaginn. Bjarni Benediktsson, sitjandi formaður og fjármálaráðherra og Guðlaugur Þór Þórðarson, umhverfis-, orku-, og loftslagsmálaráðherra, bítast um formannsembættið. Kjörið fer fram á sunnudaginn og ættu úrslitin að verða ljós síðdegis sama dag. Andrés Jónsson almannatengill er oftar en ekki fenginn til að spá í spilin þegar kemur að stjórnmálum hér á landi í aðdraganda kosninga. Hann var mættur í Bítið á Bylgjunni í morgun þar sem hann var beðinn um að leggja mat á kosningabaráttuna, frambjóðendurna tvo og þau áhrif sem úrslitin kunna að hafa, hver svo sem þau verða. Heiftin sjaldan verið meiri Í máli Andrésar kom fram að hann skynjaði að sjaldan hafi verið jafn mikil heift á milli tveggja fylkinga innan Sjálstæðisflokksins og nú. Líklegt væri að niðurstaðan myndi hafa áhrif á ríkisstjórnina á einn eða annan hátt. „Fæstir sem ég talaði við í gær töldu að þetta myndi ekki hafa neinar afleiðingar á ráðherraskipan. Hvor sem ynni myndi vilja gera einhverskonar breytingar á skipan ráðherra, jafn vel meiri en sem snertir þá tvo,“ sagði Andrés. Bjarni og Guðlaugur Þór hafa verið tíðir gestir á skjám landsmanna í vikunni. Á mánudaginn mættust þeir í kappræðum á Hringbraut, á þriðjudaginn í Pallborðinu á Vísi og í gær í Kastljósinu á RÚV og í Dagmálum á vef Morgunblaðsins. Þar hefur þjóðin, og kannski þá helst lokksmenn Sjálfstæðisflokksins, fengið tækifæri til að leggja mat á áherslur Bjarna og Guðlaugs Þórs. Segir Andrés að augljóst sé að þeir hafi báðir reynt að gagnrýna hvorn annan, en þó undir ákveðinni rós. „Þetta er ákveðin list auðvitað að koma höggi en samt ekki vera það mikið neðanbeltis að hin fylkingin geti jesúsað sig og hneykslast,“ segir Andrés og bætti við að slík augljós högg gætu blásið andstæðri fylkingu byr í brjósti. Andrés Jónsson er almannatengill og oftar en ekki fenginn til að vera álitsgjafi á vendingar í stjórnmálum.Vísir/Vilhelm. Tók Andrés dæmi um hvernig frambjóðendurnir hafa gagnrýnt hvorn annan. „Eins og umræðan á milli þeirra um það hvort að ríkisstjórnarsamstarfið myndi verða fyrir áhrifum, hvort að það myndi slitna upp úr því. Stuðningsmenn Bjarna segja það. Bjarni sjálfur segir að „Já, auðvitað skiptir traust máli.“ Þannig að hann segir já en hann reynir að setja það í einhvern búning,“ sagði Andrés. „Sama með skilaboð Guðlaugs um það að flokkurinn hafi tapað einhvern veginn þessari tengingu við slagorðið stétt með stétt. Hann er svo sem ekki að segja: „Heyrðu, Bjarni er „out of touch“.““ Ekki beint? „Ekki beint en hann er að segja það á smekklegan hátt, svona óbeinan hátt,“ sagði Andrés. „Þetta er svolítið þessi list sem slagurinn er í núna.“ Ferillinn í húfi Í aðdraganda landsfundarins hafa skotin gengið á milli fylkinganna tveggja. Í gær sakaði Unnur Berglind Friðriksdóttir, formaður Sjálfstæðisfélags Kópavogs, kjörbréfanefnd flokksins, um að ganga erinda Bjarna í kosningunum. Sagðist hún hafa fengið hótunarsímtöl. Sagði hún Jón Gunnarsson, dómsmálaráðherra, hafa hringt eitt slíkt símtal. Þessu hafnaði Jón alfarið í gær. Snýst deilan í Kópavogi um val á landsfundarfulltrúum og formsatriði þar um. Aðeins landfundarfulltrúar fá að greiða atkvæði í formannskjörinu. Því skiptir miklu máli fyrir frambjóðendurna hverjir veljast þangað inn. Segir Andrés að þetta sé birtingarmynd þess að fylkingum sé heitt í hamsi. Ákveðnar reglur og venjur gildi um val á landsfundarfulltrúum sem sé kannski ekki fylgt út í ystu æsar þegar enginn er formannsslagurinn. „Svo auðvitað þegar verður kosning þá er tekist á um allt svona og farið í bókina. Þeir sem eru með góða stöðu í flokksstofnunum, þeir geta beitt sér. Þetta er á báða bóga. Það eru báðir að reyna að nýta sér reglurnar, stöðu sína og völd í ýmsum félögum.“ Andrés var einnig beðinn um að spá fyrir um niðurstöðu kjörsins. Hann treysti sér ekki til að segja hvort Bjarni eða Guðlaugur yrði fyrir valinu. Það væri þó allt undir fyrir báða frambjóðendurna á sunnudaginn. „Það er mikið í húfi, allt í húfi varðandi feril sem að þessir tveir hafa sett kannski tuttugu, þrjátíu ár í.“ Sjálfstæðisflokkurinn Bítið Formannsslagur Bjarna og Guðlaugs Þórs Tengdar fréttir Niðurstöðu að vænta síðdegis á sunnudag Niðurstöðu kosningar í formannskjöri Sjálfstæðisflokksins er að vænta síðdegis á sunnudag. Kosið verður í Laugardalshöllinni um hádegisbil sama dag en upplýsingafulltrúi flokksins gerir ráð fyrir því að talning atkvæða taki nokkurn tíma. 1. nóvember 2022 21:26 Kjörbréfanefndarmenn telja illa að starfsfólki Valhallar vegið Lögfræðingarnir þrír sem skipa kjörbréfanefnd Sjálfstæðisflokksins hafa sent frá sér yfirlýsingu þar sem þeir harma að hafa mátt sitja undir ásökunum frá formanni Sjálfstæðisfélagsins í Kópavogi þess efnis að þeir gangi erinda formanns flokksins í störfum sínum. 3. nóvember 2022 13:17 Sakar menn Bjarna um að fara offari í kosningabaráttunni Unnur Berglind Friðriksdóttir, formaður Sjálfstæðisfélags Kópavogs, segir stuðningsmenn Bjarna Benediktssonar formanns fara offari í kosningabaráttunni. 3. nóvember 2022 11:27 Mest lesið Dæmi um að fyrirtæki tapi tugum milljóna í „forstjórasvindli“ Innlent „Til hamingju hálfvitar“ Innlent Svikahrappur beið eftir flugferð framkvæmdastjórans Innlent Frans páfi er látinn Erlent Lögmaður þurfi ekki að hafa áhyggjur af þekkingu ráðherra Innlent Vildu ekki til Íslands þegar loks bauðst að snúa heim Innlent Vanþekking ráðherra sé áhyggjuefni Innlent Trump styður Hegseth: Neitar að um trúnaðarbrest hafi verið að ræða Erlent Hvernig er nýr páfi valinn? Erlent Ásthildur Lóa setur húsið umdeilda á sölu Innlent Fleiri fréttir Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Sjá meira
Bjarni Benediktsson, sitjandi formaður og fjármálaráðherra og Guðlaugur Þór Þórðarson, umhverfis-, orku-, og loftslagsmálaráðherra, bítast um formannsembættið. Kjörið fer fram á sunnudaginn og ættu úrslitin að verða ljós síðdegis sama dag. Andrés Jónsson almannatengill er oftar en ekki fenginn til að spá í spilin þegar kemur að stjórnmálum hér á landi í aðdraganda kosninga. Hann var mættur í Bítið á Bylgjunni í morgun þar sem hann var beðinn um að leggja mat á kosningabaráttuna, frambjóðendurna tvo og þau áhrif sem úrslitin kunna að hafa, hver svo sem þau verða. Heiftin sjaldan verið meiri Í máli Andrésar kom fram að hann skynjaði að sjaldan hafi verið jafn mikil heift á milli tveggja fylkinga innan Sjálstæðisflokksins og nú. Líklegt væri að niðurstaðan myndi hafa áhrif á ríkisstjórnina á einn eða annan hátt. „Fæstir sem ég talaði við í gær töldu að þetta myndi ekki hafa neinar afleiðingar á ráðherraskipan. Hvor sem ynni myndi vilja gera einhverskonar breytingar á skipan ráðherra, jafn vel meiri en sem snertir þá tvo,“ sagði Andrés. Bjarni og Guðlaugur Þór hafa verið tíðir gestir á skjám landsmanna í vikunni. Á mánudaginn mættust þeir í kappræðum á Hringbraut, á þriðjudaginn í Pallborðinu á Vísi og í gær í Kastljósinu á RÚV og í Dagmálum á vef Morgunblaðsins. Þar hefur þjóðin, og kannski þá helst lokksmenn Sjálfstæðisflokksins, fengið tækifæri til að leggja mat á áherslur Bjarna og Guðlaugs Þórs. Segir Andrés að augljóst sé að þeir hafi báðir reynt að gagnrýna hvorn annan, en þó undir ákveðinni rós. „Þetta er ákveðin list auðvitað að koma höggi en samt ekki vera það mikið neðanbeltis að hin fylkingin geti jesúsað sig og hneykslast,“ segir Andrés og bætti við að slík augljós högg gætu blásið andstæðri fylkingu byr í brjósti. Andrés Jónsson er almannatengill og oftar en ekki fenginn til að vera álitsgjafi á vendingar í stjórnmálum.Vísir/Vilhelm. Tók Andrés dæmi um hvernig frambjóðendurnir hafa gagnrýnt hvorn annan. „Eins og umræðan á milli þeirra um það hvort að ríkisstjórnarsamstarfið myndi verða fyrir áhrifum, hvort að það myndi slitna upp úr því. Stuðningsmenn Bjarna segja það. Bjarni sjálfur segir að „Já, auðvitað skiptir traust máli.“ Þannig að hann segir já en hann reynir að setja það í einhvern búning,“ sagði Andrés. „Sama með skilaboð Guðlaugs um það að flokkurinn hafi tapað einhvern veginn þessari tengingu við slagorðið stétt með stétt. Hann er svo sem ekki að segja: „Heyrðu, Bjarni er „out of touch“.““ Ekki beint? „Ekki beint en hann er að segja það á smekklegan hátt, svona óbeinan hátt,“ sagði Andrés. „Þetta er svolítið þessi list sem slagurinn er í núna.“ Ferillinn í húfi Í aðdraganda landsfundarins hafa skotin gengið á milli fylkinganna tveggja. Í gær sakaði Unnur Berglind Friðriksdóttir, formaður Sjálfstæðisfélags Kópavogs, kjörbréfanefnd flokksins, um að ganga erinda Bjarna í kosningunum. Sagðist hún hafa fengið hótunarsímtöl. Sagði hún Jón Gunnarsson, dómsmálaráðherra, hafa hringt eitt slíkt símtal. Þessu hafnaði Jón alfarið í gær. Snýst deilan í Kópavogi um val á landsfundarfulltrúum og formsatriði þar um. Aðeins landfundarfulltrúar fá að greiða atkvæði í formannskjörinu. Því skiptir miklu máli fyrir frambjóðendurna hverjir veljast þangað inn. Segir Andrés að þetta sé birtingarmynd þess að fylkingum sé heitt í hamsi. Ákveðnar reglur og venjur gildi um val á landsfundarfulltrúum sem sé kannski ekki fylgt út í ystu æsar þegar enginn er formannsslagurinn. „Svo auðvitað þegar verður kosning þá er tekist á um allt svona og farið í bókina. Þeir sem eru með góða stöðu í flokksstofnunum, þeir geta beitt sér. Þetta er á báða bóga. Það eru báðir að reyna að nýta sér reglurnar, stöðu sína og völd í ýmsum félögum.“ Andrés var einnig beðinn um að spá fyrir um niðurstöðu kjörsins. Hann treysti sér ekki til að segja hvort Bjarni eða Guðlaugur yrði fyrir valinu. Það væri þó allt undir fyrir báða frambjóðendurna á sunnudaginn. „Það er mikið í húfi, allt í húfi varðandi feril sem að þessir tveir hafa sett kannski tuttugu, þrjátíu ár í.“
Sjálfstæðisflokkurinn Bítið Formannsslagur Bjarna og Guðlaugs Þórs Tengdar fréttir Niðurstöðu að vænta síðdegis á sunnudag Niðurstöðu kosningar í formannskjöri Sjálfstæðisflokksins er að vænta síðdegis á sunnudag. Kosið verður í Laugardalshöllinni um hádegisbil sama dag en upplýsingafulltrúi flokksins gerir ráð fyrir því að talning atkvæða taki nokkurn tíma. 1. nóvember 2022 21:26 Kjörbréfanefndarmenn telja illa að starfsfólki Valhallar vegið Lögfræðingarnir þrír sem skipa kjörbréfanefnd Sjálfstæðisflokksins hafa sent frá sér yfirlýsingu þar sem þeir harma að hafa mátt sitja undir ásökunum frá formanni Sjálfstæðisfélagsins í Kópavogi þess efnis að þeir gangi erinda formanns flokksins í störfum sínum. 3. nóvember 2022 13:17 Sakar menn Bjarna um að fara offari í kosningabaráttunni Unnur Berglind Friðriksdóttir, formaður Sjálfstæðisfélags Kópavogs, segir stuðningsmenn Bjarna Benediktssonar formanns fara offari í kosningabaráttunni. 3. nóvember 2022 11:27 Mest lesið Dæmi um að fyrirtæki tapi tugum milljóna í „forstjórasvindli“ Innlent „Til hamingju hálfvitar“ Innlent Svikahrappur beið eftir flugferð framkvæmdastjórans Innlent Frans páfi er látinn Erlent Lögmaður þurfi ekki að hafa áhyggjur af þekkingu ráðherra Innlent Vildu ekki til Íslands þegar loks bauðst að snúa heim Innlent Vanþekking ráðherra sé áhyggjuefni Innlent Trump styður Hegseth: Neitar að um trúnaðarbrest hafi verið að ræða Erlent Hvernig er nýr páfi valinn? Erlent Ásthildur Lóa setur húsið umdeilda á sölu Innlent Fleiri fréttir Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Sjá meira
Niðurstöðu að vænta síðdegis á sunnudag Niðurstöðu kosningar í formannskjöri Sjálfstæðisflokksins er að vænta síðdegis á sunnudag. Kosið verður í Laugardalshöllinni um hádegisbil sama dag en upplýsingafulltrúi flokksins gerir ráð fyrir því að talning atkvæða taki nokkurn tíma. 1. nóvember 2022 21:26
Kjörbréfanefndarmenn telja illa að starfsfólki Valhallar vegið Lögfræðingarnir þrír sem skipa kjörbréfanefnd Sjálfstæðisflokksins hafa sent frá sér yfirlýsingu þar sem þeir harma að hafa mátt sitja undir ásökunum frá formanni Sjálfstæðisfélagsins í Kópavogi þess efnis að þeir gangi erinda formanns flokksins í störfum sínum. 3. nóvember 2022 13:17
Sakar menn Bjarna um að fara offari í kosningabaráttunni Unnur Berglind Friðriksdóttir, formaður Sjálfstæðisfélags Kópavogs, segir stuðningsmenn Bjarna Benediktssonar formanns fara offari í kosningabaráttunni. 3. nóvember 2022 11:27