Gagnrýna transfóbískt samsæristíst Musk Kjartan Kjartansson skrifar 12. desember 2022 09:21 Elon Musk (t.v.) vill að Anthony Fauci (t.h.) verði sóttur til saka, að því er virðist á grundvelli samsæriskenninga andstæðinga sóttvarnaaðgerða. Vísir/EPA/samsett Fjöldi bandarískra þingmanna og vísindamanna gagnrýna nú Elon Musk, eiganda samfélagsmiðilsins Twitter, fyrir transfóbískt tíst þar sem hann réðst á æðsta yfirmann sóttvarnamála í kórónuveirufaraldrinum. Musk kallaði eftir því að Anthony Fauci, forstöðumaður Ofnæmis- og smitsjúkdómastofnunar Bandaríkjanna sem var andlit sóttvarnaaðgerða gegn kórónuveirufaraldrinum vestanhafs, yrði saksóttur í tísti snemma í gærmorgun. „Fornöfnin mín eru Ákærið/Fauci,“ tísti Musk og gerði þannig á sama tíma lítið úr fornöfnum kynsegin fólks. Hann deildi einnig skopmynd af Fauci og Joe Biden Bandaríkjaforseta þar sem Fauci var í líki útsmogins og illgjarns ráðgjafa sem hneppti Þjóðann Þengilsson konung Róhans í álög í Hringadróttinssögu. Með tístinu virtist Musk taka undir gremju bandarískra hægrimanna sem töldu flestar aðgerðir vegna kórónuveirunnar óþarfar í garð Fauci. Repúblikanar, sem náðu meirihluta í fulltrúadeild Bandaríkjaþings í kosningnum í síðasta mánuði, hafa heitið því að rannsaka Fauci sérstaklega. Síðar í gær tók Musk af tvímæli um að hann aðhyllist samsæriskenningar um Fauci og faraldurinn þegar hann svaraði Scott Kelly, fyrrverandi geimfara og bróður öldungadeildarþingmanns demókrata, sem biðlaði til Musk um að gera ekki lítið úr transfólki. Sakaði Musk Fauci þá um að hafa „drepið milljónir manna“ á sama tíma og hann sagði transfólk „þröngva“ fornöfnum sínum upp á fólk sem kærði sig ekki um að vita um þau. Orðaskipti Musk og Scott Kelly um Anthony Fauci.Skjáskot Alls kyns samsæriskenningasinnar saka Fauci um að taka þátt í umfangsmiklu ráðabruggi yfirvalda í heiminum til að stjórna almenningi og drepa með kórónuveirufaraldrinum og bóluefnum gegn veirunni. Það á Fauci meðal annars að hafa gert með því að fjármagna rannsóknir í Wuhan. „Skammastu þín“ Fauci hefur áður lýst því hvernig hann og fjölskylda hans hafi legið undir áreiti og hótunum undanfarin ár, þar á meðal í viðtali í hlaðvarpi breska ríkisútvarpsins BBC í síðustu viku. „Ég er með góða öryggisvörslu en mér finnst það bara svo huglaust að áreita fólk sem er algerlega óviðkomandi, þar á meðal börnin mín,“ sagði Fauci þar. Gagnrýni á tíst Musk lét ekki á sér standa, að sögn vefmiðilsins Axios. „Það virðist ekki skynsamleg viðskiptaáætlun að koma sér í mjúkinn hjá bóluefnaafneiturum en málið er þetta: gætirðu látið góðan mann í friði fyrir að því er virðist endalausri leit þinni að athygli?“ tísti Amy Klobuchar, öldungadeildarþingmaður demókrata frá Minnesota og fyrrverandi frambjóðandi í forvali flokksins. „Þetta eru Bandaríkin. Þú getur valið þín fornöfn eins og þú vilt helst. En Anthony Fauci hefur líklega bjargað fleiri mannslífum en nokkur manneskja sem nú er á lífi í heiminum. Skammastu þín,“ tísti Dean Phillips, flokksbróðir Klobuchar í fulltrúadeildinni fyrir sama ríki. John Brennan, fyrrverandi forstjóri leyniþjónustunnar CIA, sagði Fauci þjóðhetju og að framlagi hans til lýðheilsu yrði lengi minnst. „Þrátt fyrir velgengni þína í viðskiptum verður þín helst minnst fyrir að ala á hatri og sundrung opinberlega. Þú kannt að vera ríkur en þú hefur enga reisn,“ tísti Brennan. Dr. Fauci is a national hero who will be remembered for generations to come for his innate goodness & many contributions to public healthDespite your business success, you will be remembered most for fueling public hate & divisions. You may have money, but you have no class. https://t.co/0zabyXMERz— John O. Brennan (@JohnBrennan) December 11, 2022 Tísti Musk var þó ekki alls staðar tekið með gagnrýni. Marjorie Taylor Greene, fulltrúadeildarþingkona yst af hægri jaðri Repúblikanaflokksins, tók undir tístið og sagðist hafa velþóknun á fornöfnum hans. Sagður hefja upp hægriöfgamenn af ásettu ráði Frá því að Musk festi kaup á Twitter hefur hann varið töluverðum tíma í að svara og taka undir alls kyns umkvörtunarefni notenda af ysta hægri jaðri bandarískra stjórnmála. Hann ákvað á hleypa Donald Trump, fyrrverandi Bandaríkjaforseta, aftur á miðilinn ásamt fjölda öfgamanna, þar á meðal nýnasista, sem fyrri stjórnendur höfðu bannað af ýmsum ástæðum. Þrátt fyrir að hafa lýst því yfir að Twitter ætti að vera áreiðanlegasta uppspretta upplýsinga á netinu endurtísti Musk hómófóbískri samsæriskenningu eftir að hægriöfgamaður réðst á eiginmann Nancy Pelosi, forseta fulltrúadeildar Bandaríkjaþings, nýlega. Hann eyddi tístinu síðar án útskýringa og án þess að biðjast afsökunar. Síðustu daga hefur Musk ýjað sterklega að því að fyrri stjórnendur Twitter hafi viljandi kosið að láta barnaníð óáreitt. „Ég held að hann sé viljandi að valdefla hægriöfgamenn. Rök um að hann sé að reyna að hefja upp miðjuna eru augljóslega kjaftæði og það ætti að taka þeim sem slíkum,“ segir J.M. Berger, sérfræðingur í öfgahyggju á samfélagsmiðlum, við Business Insider. Musk á dóttur sem er kynsegin. Greint var frá því fyrr á þessu ári að hún hefði óskað eftir því að breyta nafni sínu, meðal annars til þess að slíta öll tengsl við föður sinn. Twitter Samfélagsmiðlar Faraldur kórónuveiru (COVID-19) Hinsegin Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Kerlingadráttur í 120 ára afmælisveislu í Borgarnesi Innlent Fleiri fréttir Trump gerði lítið úr æðstu heiðursorðu bandarískra hermanna Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Sjá meira
Musk kallaði eftir því að Anthony Fauci, forstöðumaður Ofnæmis- og smitsjúkdómastofnunar Bandaríkjanna sem var andlit sóttvarnaaðgerða gegn kórónuveirufaraldrinum vestanhafs, yrði saksóttur í tísti snemma í gærmorgun. „Fornöfnin mín eru Ákærið/Fauci,“ tísti Musk og gerði þannig á sama tíma lítið úr fornöfnum kynsegin fólks. Hann deildi einnig skopmynd af Fauci og Joe Biden Bandaríkjaforseta þar sem Fauci var í líki útsmogins og illgjarns ráðgjafa sem hneppti Þjóðann Þengilsson konung Róhans í álög í Hringadróttinssögu. Með tístinu virtist Musk taka undir gremju bandarískra hægrimanna sem töldu flestar aðgerðir vegna kórónuveirunnar óþarfar í garð Fauci. Repúblikanar, sem náðu meirihluta í fulltrúadeild Bandaríkjaþings í kosningnum í síðasta mánuði, hafa heitið því að rannsaka Fauci sérstaklega. Síðar í gær tók Musk af tvímæli um að hann aðhyllist samsæriskenningar um Fauci og faraldurinn þegar hann svaraði Scott Kelly, fyrrverandi geimfara og bróður öldungadeildarþingmanns demókrata, sem biðlaði til Musk um að gera ekki lítið úr transfólki. Sakaði Musk Fauci þá um að hafa „drepið milljónir manna“ á sama tíma og hann sagði transfólk „þröngva“ fornöfnum sínum upp á fólk sem kærði sig ekki um að vita um þau. Orðaskipti Musk og Scott Kelly um Anthony Fauci.Skjáskot Alls kyns samsæriskenningasinnar saka Fauci um að taka þátt í umfangsmiklu ráðabruggi yfirvalda í heiminum til að stjórna almenningi og drepa með kórónuveirufaraldrinum og bóluefnum gegn veirunni. Það á Fauci meðal annars að hafa gert með því að fjármagna rannsóknir í Wuhan. „Skammastu þín“ Fauci hefur áður lýst því hvernig hann og fjölskylda hans hafi legið undir áreiti og hótunum undanfarin ár, þar á meðal í viðtali í hlaðvarpi breska ríkisútvarpsins BBC í síðustu viku. „Ég er með góða öryggisvörslu en mér finnst það bara svo huglaust að áreita fólk sem er algerlega óviðkomandi, þar á meðal börnin mín,“ sagði Fauci þar. Gagnrýni á tíst Musk lét ekki á sér standa, að sögn vefmiðilsins Axios. „Það virðist ekki skynsamleg viðskiptaáætlun að koma sér í mjúkinn hjá bóluefnaafneiturum en málið er þetta: gætirðu látið góðan mann í friði fyrir að því er virðist endalausri leit þinni að athygli?“ tísti Amy Klobuchar, öldungadeildarþingmaður demókrata frá Minnesota og fyrrverandi frambjóðandi í forvali flokksins. „Þetta eru Bandaríkin. Þú getur valið þín fornöfn eins og þú vilt helst. En Anthony Fauci hefur líklega bjargað fleiri mannslífum en nokkur manneskja sem nú er á lífi í heiminum. Skammastu þín,“ tísti Dean Phillips, flokksbróðir Klobuchar í fulltrúadeildinni fyrir sama ríki. John Brennan, fyrrverandi forstjóri leyniþjónustunnar CIA, sagði Fauci þjóðhetju og að framlagi hans til lýðheilsu yrði lengi minnst. „Þrátt fyrir velgengni þína í viðskiptum verður þín helst minnst fyrir að ala á hatri og sundrung opinberlega. Þú kannt að vera ríkur en þú hefur enga reisn,“ tísti Brennan. Dr. Fauci is a national hero who will be remembered for generations to come for his innate goodness & many contributions to public healthDespite your business success, you will be remembered most for fueling public hate & divisions. You may have money, but you have no class. https://t.co/0zabyXMERz— John O. Brennan (@JohnBrennan) December 11, 2022 Tísti Musk var þó ekki alls staðar tekið með gagnrýni. Marjorie Taylor Greene, fulltrúadeildarþingkona yst af hægri jaðri Repúblikanaflokksins, tók undir tístið og sagðist hafa velþóknun á fornöfnum hans. Sagður hefja upp hægriöfgamenn af ásettu ráði Frá því að Musk festi kaup á Twitter hefur hann varið töluverðum tíma í að svara og taka undir alls kyns umkvörtunarefni notenda af ysta hægri jaðri bandarískra stjórnmála. Hann ákvað á hleypa Donald Trump, fyrrverandi Bandaríkjaforseta, aftur á miðilinn ásamt fjölda öfgamanna, þar á meðal nýnasista, sem fyrri stjórnendur höfðu bannað af ýmsum ástæðum. Þrátt fyrir að hafa lýst því yfir að Twitter ætti að vera áreiðanlegasta uppspretta upplýsinga á netinu endurtísti Musk hómófóbískri samsæriskenningu eftir að hægriöfgamaður réðst á eiginmann Nancy Pelosi, forseta fulltrúadeildar Bandaríkjaþings, nýlega. Hann eyddi tístinu síðar án útskýringa og án þess að biðjast afsökunar. Síðustu daga hefur Musk ýjað sterklega að því að fyrri stjórnendur Twitter hafi viljandi kosið að láta barnaníð óáreitt. „Ég held að hann sé viljandi að valdefla hægriöfgamenn. Rök um að hann sé að reyna að hefja upp miðjuna eru augljóslega kjaftæði og það ætti að taka þeim sem slíkum,“ segir J.M. Berger, sérfræðingur í öfgahyggju á samfélagsmiðlum, við Business Insider. Musk á dóttur sem er kynsegin. Greint var frá því fyrr á þessu ári að hún hefði óskað eftir því að breyta nafni sínu, meðal annars til þess að slíta öll tengsl við föður sinn.
Twitter Samfélagsmiðlar Faraldur kórónuveiru (COVID-19) Hinsegin Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Kerlingadráttur í 120 ára afmælisveislu í Borgarnesi Innlent Fleiri fréttir Trump gerði lítið úr æðstu heiðursorðu bandarískra hermanna Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Sjá meira