Búið er að opna á hringveginum milli Markarfljóts og Víkur. Enn er ófært austur frá Vík að Kirkjubæjarklaustri en stefnt er að opnun upp úr klukkan tvö í dag.
Vegurinn hefur verið lokaður síðan í gærmorgun, alla leið frá Markarfljóti að Kirkjubæjarklaustri. Vegagerðin hefur staðið í ströngu en erfiðlega gekk að moka í gær vegna skafrennings og ofankomu.
Hálka er á flestum vegum á Suðurlandi og enn er þungfært eða ófært á nokkrum leiðum.
Suðurland: Hálka er á flestum vegum en enn er þó þungfært eða ófært á nokkrum leiðum. #færðin
— Vegagerðin | Iceland Roads (@Vegagerdin) December 26, 2022
Enn er víða ófært vegna veðurs. Þjóðvegurinn er lokaður frá Markarfljóti alveg að Kirkjubæjarklaustri. Suðaustan stormur geisar á Suðausturlandi.
Rútubílstjóri virti ekki lokanir og festi rútu á þjóðveginum við Pétursey, austan við Sólheimasand í Vestur-Skaftafellssýslu seinnipartinn í dag. Rútan situr enn föst og stirð samskipti hafa verið á milli björgunarsveitar og bílstjóra rútunnar.
