Fram
ÍA
Grindavík
Valur
Keflavík
Tindastóll
Framkvæmdastjóri Samtaka atvinnulífsins segir ekkert nýtt koma fram í yfirlýsingu sem Efling birti í dag. Í yfirlýsingu hafnar Efling því með öllu að semja um sömu launatöflu og aðildarfélög Starfsgreinasambandsins hafa samið um við SA.
„Þessu er auðsvarað, viðbrögð mín eru engin. Við bíðum bara átekta eftir tilboði Eflingar sem þau ætla að leggja fram eftir helgi. Það er ekkert nýtt sem kemur fram í þessu, nákvæmlega ekki neitt nýtt,“ segir Halldór Benjamín Þorbergsson, inntur eftir viðbrögðum við yfirlýsingu Eflingar.
Efling hafnar því með öllu að semja um sömu launatöflu og aðildarfélög Starfsgreinasambandins hafa samið um við Samtök atvinnulífsins. Félagið krefst þess að sérstaða Eflingarfólks vegna annarrar samsetningar starfa og annars starfsaldursmynsturs, sem og vegna hærri framfærslukostnaðar á höfuðborgarsvæðinu, verði að fullu virt.
Samtök atvinnulífsins bjóða Eflingu að nýr kjarasamningur sem liggur á borðinu gildi afturvirkt frá 1. nóvember 2022. Forsenda þess er þó að nýr kjarasamningur verði undirritaður í síðasta lagi 11. janúar. Formaður Eflingar segir að sest verði niður til fundar gagntilboð samið á sunnudaginn.
Sólveig Anna Jónsdóttir, formaður Eflingar, segir að samninganefnd stéttarfélagsins muni nú leggjast yfir samningstilboð Samtaka atvinnulífsins um gerð nýs kjarasamnings sem lagt var fram í dag. Hún reiknar með því að SA verði gert gagntilboð.
