Víðtækari aðgerðir Eflingar munu hafa lamandi áhrif Heimir Már Pétursson skrifar 31. janúar 2023 19:55 Forráðamenn Samskipa undrast að verkfallsaðgerðir Eflingar beinist einungis að þeirra félagi en ekki öðrum flutningsaðilum einnig en vona að ekki komi til verkfalls. Stöð 2/Sigurjón Víðtækar aðgerðir sem Efling boðaði til í dag munu lama starfsemi flestra stærstu hótela borgarinnar, dreifingu eldsneytis um landið og hafa mikil áhrif á dreifingu Samskipa á vörum. Félagsdómur tók fyrir í dag stefnu Samtaka atvinnulífsins gegn Eflingu vegna boðun verkfalla sem eiga að hefjast á þriðjudag. Eflingarfélagar á sjö hótelum Íslandshótela hafa samþykkt í atkvæðagreiðslu að hefja ótímabundið verkfall á sjö hótelum Íslandshótela frá hádegi næsta þriðjudag. Samtök atvinnulífsins stefndu síðan Eflingu fyrir Félagsdóm í dag vegna þessa og telja boðunina ólöglega. Klippa: Víðtækari aðgerðir Eflingar munu hafa lamandi áhrif Í dag boðaði Efling síðan atkvæðagreiðslu meðal 500 starfsmanna á öllum Berjaya hótelunum, eða gömlu Icelandair hótelunum í Reykjavík, Edition hótelinu og um 70 bílstjórum hjá Samskipum, Olíudreifingu og Skeljungi. Á föstudag á Efling að skila inn greinargerð til Héraðsdóms Reykjavíkur vegna kröfu ríkissáttasemjara um aðgang að kjörskrá félagsins, þann dag hefst síðan atkvæðagreiðsla um aðgerðirnar sem boðaðar voru í dag. Á þriðjudag í næstu viku hefst að óbreyttu verkfall á sjö hótelum Íslandshótela og atkvæðagreiðslu um nýjar aðgerðir lýkur. Verði þær samþykktar hefjast þau verkföll hinn 15. febrúar. Samskip undrast það í yfirlýsingu í dag að aðgerðir Eflingar beinist einungis gegn einum flutningsaðila en vonast jafnframt til að ekki komi til verkfalls. Sólveig Anna Jónsdóttir segir kröfur Eflingar einfaldr, sanngjarnar og skýrar og snúast um að fólk nái endum saman.Stöð 2/Sigurjón Sólveig Anna Jónsdóttir formaður Eflingar segir félagið tilbúið til að ganga langt til að ná ásættanlegum samningum. „Þegar ég er spurð að þessu hversu langt við séum tilbúin að ganga, vil ég spyrja til baka; hversu langt eru Samtök atvinnulífsins tilbúin að ganga til að koma sér hjá því að gera einfaldlega eflingarsamning við eflingarfólk. Aftur, það er ekki eins og kröfur okkar séu yfirgengilegar eða út úr öllu korti,“ segir Sólveig Anna. Þetta væru einfaldar og sanngjarnar kröfur um að eflingarfólk eigi meiri möguleika að ná endum saman. „Ég vona að staðfesta samninganefndar Eflingar og eflingarfólks verði til þess að kippa mönnum loksins niður á jörðina. Það hefur ávallt verið mín von í allri þessari deilu og hún er enn til staðar,“ segir formaður Eflingar. Saka Eflingu um að virða ekki reglur réttarríkisins Halldór Benjamín Þorbergsson framkvæmdastjóri Samtaka atvinnulífsins segir ekki hægt að boða til verkfalls á sama tíma og miðlingartillaga liggi frammi frá ríkissáttasemjara. Halldór Benjamín Þorbergsson framkvæmdastjóri SA óttast að vinndeilan geti orðið mjög löng.Stöð 2/Sigurjón „En jafnvel þótt við höfum okkar skoðanir á miðlunartillögunni þá teljum við að við búum í réttarríki. Við eigum að hlýta þeim leikreglum sem við búum við á vinnumarkaði. Að því leytinu til er komin upp fordæmalaus staða,“ segir Halldór Benjamín. Þá geri Samtök atvinnulífsins athugasemdir við framkvæmd atkvæðagreiðslunnar sem lauk um helgina hjá Eflingu. „Núll komma sex prósent af félagsmönnum eru í raun að binda hendur allra félagsmanna sem starfa á kjarasamningnum sem eru 21 þúsund manns. Mér finnst ekki góður bragur á því,“ segir Halldór Benjamín. Formaður Eflingar reiknar með svipaðri niðurstöðu eða enn betri í atkvæðagreiðslum um víðtækari aðgerðir. Enda eigi margir ekkert eftir af launum sínum eftir að hafa greitt húsaleigu. „Þetta er hópur fólks sem eins og ég sagði áðan knýr áfram hjól atvinnulífsins en á samt aldrei neitt fyrir sjálft sig,“ segir Sólveig Anna. Samningsaðilar ræðast ekki við og Halldór Benjamín segir Eflingu hafa slegið á útrétta sáttahönd og sett deiluna í átakagír. „Og langlundargeð atvinnurekenda gagnvart málflutningi Eflingar er ekki mikið um þessar stundir. Þess vegna óttast ég að þetta geti orðið mjög langvinnar vinnudeilur,“ segir framkvæmdastjóri SA. Kjaraviðræður 2022-23 Kjaramál Stéttarfélög Mest lesið Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent „Stórtækir íbúðareigendur“ eiga 20 prósent íbúða í borginni Innlent Morðhótunum í garð kvenna fari fjölgandi Innlent Úkraína og Bandaríkin nálgast samkomulag Erlent Rafmennt í samstarf og kaupir eignir þrotabúsins Innlent Handtekinn grunaður um vasaþjófnað í miðborginni Innlent Engar reglur á Íslandi um hve mörg börn sæðisgjafar megi eignast Innlent Bandaríkin íhugi að draga sig úr friðarviðræðum Rússlands og Úkraínu Erlent Svona gæti veðrið litið út á sumardeginum fyrsta Veður Tveir létust í skotárás á háskóla í Flórída Erlent Fleiri fréttir Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Af Alþingi til Fjallabyggðar „Vísbendingar um að fjárhagur sé að vænkast hjá borginni“ „Þeir voru fullir af hatri á meðan þeir lömdu mig“ Engin mygla í 200 húsum byggingameistara á Selfossi „Með allra besta móti miðað við árstíma“ Jónas Ingimundarson er látinn Búið að loka hringveginum vegna ófærðar Sex hópnauðganir til rannsóknar og lengri opnunartími sundlauga Sjá meira
Eflingarfélagar á sjö hótelum Íslandshótela hafa samþykkt í atkvæðagreiðslu að hefja ótímabundið verkfall á sjö hótelum Íslandshótela frá hádegi næsta þriðjudag. Samtök atvinnulífsins stefndu síðan Eflingu fyrir Félagsdóm í dag vegna þessa og telja boðunina ólöglega. Klippa: Víðtækari aðgerðir Eflingar munu hafa lamandi áhrif Í dag boðaði Efling síðan atkvæðagreiðslu meðal 500 starfsmanna á öllum Berjaya hótelunum, eða gömlu Icelandair hótelunum í Reykjavík, Edition hótelinu og um 70 bílstjórum hjá Samskipum, Olíudreifingu og Skeljungi. Á föstudag á Efling að skila inn greinargerð til Héraðsdóms Reykjavíkur vegna kröfu ríkissáttasemjara um aðgang að kjörskrá félagsins, þann dag hefst síðan atkvæðagreiðsla um aðgerðirnar sem boðaðar voru í dag. Á þriðjudag í næstu viku hefst að óbreyttu verkfall á sjö hótelum Íslandshótela og atkvæðagreiðslu um nýjar aðgerðir lýkur. Verði þær samþykktar hefjast þau verkföll hinn 15. febrúar. Samskip undrast það í yfirlýsingu í dag að aðgerðir Eflingar beinist einungis gegn einum flutningsaðila en vonast jafnframt til að ekki komi til verkfalls. Sólveig Anna Jónsdóttir segir kröfur Eflingar einfaldr, sanngjarnar og skýrar og snúast um að fólk nái endum saman.Stöð 2/Sigurjón Sólveig Anna Jónsdóttir formaður Eflingar segir félagið tilbúið til að ganga langt til að ná ásættanlegum samningum. „Þegar ég er spurð að þessu hversu langt við séum tilbúin að ganga, vil ég spyrja til baka; hversu langt eru Samtök atvinnulífsins tilbúin að ganga til að koma sér hjá því að gera einfaldlega eflingarsamning við eflingarfólk. Aftur, það er ekki eins og kröfur okkar séu yfirgengilegar eða út úr öllu korti,“ segir Sólveig Anna. Þetta væru einfaldar og sanngjarnar kröfur um að eflingarfólk eigi meiri möguleika að ná endum saman. „Ég vona að staðfesta samninganefndar Eflingar og eflingarfólks verði til þess að kippa mönnum loksins niður á jörðina. Það hefur ávallt verið mín von í allri þessari deilu og hún er enn til staðar,“ segir formaður Eflingar. Saka Eflingu um að virða ekki reglur réttarríkisins Halldór Benjamín Þorbergsson framkvæmdastjóri Samtaka atvinnulífsins segir ekki hægt að boða til verkfalls á sama tíma og miðlingartillaga liggi frammi frá ríkissáttasemjara. Halldór Benjamín Þorbergsson framkvæmdastjóri SA óttast að vinndeilan geti orðið mjög löng.Stöð 2/Sigurjón „En jafnvel þótt við höfum okkar skoðanir á miðlunartillögunni þá teljum við að við búum í réttarríki. Við eigum að hlýta þeim leikreglum sem við búum við á vinnumarkaði. Að því leytinu til er komin upp fordæmalaus staða,“ segir Halldór Benjamín. Þá geri Samtök atvinnulífsins athugasemdir við framkvæmd atkvæðagreiðslunnar sem lauk um helgina hjá Eflingu. „Núll komma sex prósent af félagsmönnum eru í raun að binda hendur allra félagsmanna sem starfa á kjarasamningnum sem eru 21 þúsund manns. Mér finnst ekki góður bragur á því,“ segir Halldór Benjamín. Formaður Eflingar reiknar með svipaðri niðurstöðu eða enn betri í atkvæðagreiðslum um víðtækari aðgerðir. Enda eigi margir ekkert eftir af launum sínum eftir að hafa greitt húsaleigu. „Þetta er hópur fólks sem eins og ég sagði áðan knýr áfram hjól atvinnulífsins en á samt aldrei neitt fyrir sjálft sig,“ segir Sólveig Anna. Samningsaðilar ræðast ekki við og Halldór Benjamín segir Eflingu hafa slegið á útrétta sáttahönd og sett deiluna í átakagír. „Og langlundargeð atvinnurekenda gagnvart málflutningi Eflingar er ekki mikið um þessar stundir. Þess vegna óttast ég að þetta geti orðið mjög langvinnar vinnudeilur,“ segir framkvæmdastjóri SA.
Kjaraviðræður 2022-23 Kjaramál Stéttarfélög Mest lesið Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent „Stórtækir íbúðareigendur“ eiga 20 prósent íbúða í borginni Innlent Morðhótunum í garð kvenna fari fjölgandi Innlent Úkraína og Bandaríkin nálgast samkomulag Erlent Rafmennt í samstarf og kaupir eignir þrotabúsins Innlent Handtekinn grunaður um vasaþjófnað í miðborginni Innlent Engar reglur á Íslandi um hve mörg börn sæðisgjafar megi eignast Innlent Bandaríkin íhugi að draga sig úr friðarviðræðum Rússlands og Úkraínu Erlent Svona gæti veðrið litið út á sumardeginum fyrsta Veður Tveir létust í skotárás á háskóla í Flórída Erlent Fleiri fréttir Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Af Alþingi til Fjallabyggðar „Vísbendingar um að fjárhagur sé að vænkast hjá borginni“ „Þeir voru fullir af hatri á meðan þeir lömdu mig“ Engin mygla í 200 húsum byggingameistara á Selfossi „Með allra besta móti miðað við árstíma“ Jónas Ingimundarson er látinn Búið að loka hringveginum vegna ófærðar Sex hópnauðganir til rannsóknar og lengri opnunartími sundlauga Sjá meira