Enn ein lægðin nálgast landið Árni Sæberg skrifar 19. febrúar 2023 07:40 Veður verður víða vont í dag. Vísir/Vilhelm Ört dýpkandi lægð nálgast landið úr suðvestri. Spár gera ráð fyrir að miðja lægðarinnar verði yfir Þorlákshöfn upp úr hádegi, en fari síðan í aust-norð-austur til Austfjarða. Gul viðvörun hefur verið gefin út fyrir Suðausturland og Austfirði. Á viðvaranasíðu Veðurstofu Íslands segir að gul viðvörun taki gildi á Suðausturlandi klukkan 16 í dag og verði í gildi til klukkan 06 í fyrramálið. Þar sé búist við vestan og norðvestan stormi, 20 til 25 metrar á sekúndu. Búast má við mjög snörpum vindhviðum við fjöll staðbundið yfir 35 metrum á sekúndum, einkum í Mýrdal og í Öræfum, sem geta verið hættulegar fyrir ökutæki sem taka á sig mikinn vind. Fólk er hvatt til að sýna aðgát og ganga frá lausum munum. Þá gildir gul viðvörun á Austfjörðum frá klukkan 21 í kvöld til klukkan 06 í fyrramálið. Þar má búast við norðvestan stormi, 20 til 25 metrum á sekúndu. Búast má við mjög snörpum vindhviðum við fjöll, 30 til 35 metrum á sekúndu, sem geta verið varhugaverðar fyrir ökutæki sem taka á sig mikinn vind. Fólk á Austfjörðum er sömuleiðis hvatt til að sýna aðgát og ganga frá lausum munum. Slydda og rok Sem áður segir má búast við því að lægðarmiðja gangi inn yfir landið upp úr hádegi í dag. Í hugleiðingum veðurfræðings segir að það þýði að vindur muni blása af ýmsum áttum á landinu í dag. Víða megi búast við slyddu eða snjókomu og hita nálægt frostmarki, en það hlýni meira við suðurströndina og megi því búast við rigningu þar. Fyrripartinn sé útlit fyrir austlæga átt, strekking eða allhvassan vind. Sunnan lægðarmiðjunnar verði hins vegar enn hvassari vestlæg átt og hún muni geisa á suðurhluta landsins seinnipartinn og á Austfjörðum í kvöld. Óvíst með færð vega Þá segir í hugleiðingunum að óvíst sé hvort vegir haldist greiðfærir í dag og að ferðalangar séu hvattir til að kanna aðstæður á vegum og veðurspár áður en lagt er af stað. „Þegar lægarmiðja fer yfir landið með þessum hætti, þá getur veður verið mjög breytilegt og vont veður skollið á skyndilega,“ segir veðurfræðingur. Það eru þó ekki aðeins slæmar fréttir í veðurfréttum dagsins enda er reiknað með því að veður lagist strax á morgun. Eftir hádegi verður kominn tiltölulega rólegur vindur á öllu landinu og lítil úrkoma, einungis stöku él vestanlands. Veðurhorfur á landinu næstu daga Á mánudag: Minnkandi vestlæg átt, víða 5-10 m/s síðdegis. Dálítil snjókoma á norðanverðu landinu framan af degi og stöku él vestanlands, en annars þurrt að mestu. Hiti um og undir frostmarki. Á þriðjudag: Gengur í norðvestan 8-15 með snjókomu á austanverðu landinu, en stöku él í öðrum landshlutum. Frost 0 til 6 stig. Á miðvikudag: Vestlæg eða breytileg átt, víða bjart og kalt í veðri. Snýst í vaxandi sunnanátt um landið vestanvert seinnipartinn með slyddu eða snjókomu og síðar rigningu og hlýnar. Á fimmtudag: Snýst í stífa vestanátt með éljum eða snjókomu, en þurrt að mestu á Austurlandi. Kólnandi veður. Á föstudag: Stíf sunnanátt með rigningu sunnan- og vestanlands og hlýnar. Á laugardag: Útlit fyrir áframhaldandi sunnanátt með rigningu og hlýindum. Veður Mest lesið Kosningavaktin: Íslendingar ganga að kjörborðinu Innlent Sautján ára piltur lést í brunanum á Stuðlum Innlent „Hann tók algjörlega völdin yfir lífi mínu“ Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent „Þetta er nákvæmlega það sem ég á að vera að gera“ Innlent Lýsir stjórnlausum rasisma: „Hvort verður það líkamlegt ofbeldi eða svívirðingar?“ Innlent Víðir verður oddviti Samfylkingarinnar í Suðurkjördæmi Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Fleiri fréttir Rigning og súld í dag Vaxandi norðaustanátt og gular viðvaranir taka gildi Dálítil rigning sunnan- og vestanlands Skýjað og sums staðar rigning eða slydda Allt að átta stiga frost Hálka á vegum á suðvesturhorninu Snjókoma og hálka á höfuðborgarsvæðinu á fimmtudag Dálítil rigning eða slydda suðvestantil Víða bjart og fallegt sunnan- og vestantil Búast við lítilsháttar éljum á Ströndum og fyrir norðaustan Víða kaldi og allhvasst suðaustantil Stormur við suðausturströndina Víða rigning eða slydda Víða rigning með köflum Suðvestlæg átt og víða dálítil rigning Hinn fallegasti dagur í vændum Lægð stjórnar veðrinu um helgina Lægðardrag þokast suður Rigning eða slydda norðan- og austanlands Dregur úr vindi og ofankomu Svalt í veðri og gengur í blástur Útlit fyrir áframhaldandi rólegheit Milt veður en lægð nálgast Hægir suðvestanvindar og yfirleitt bjartviðri Allt að 17 stig á Austurlandi Næsta lægð nálgast úr suðvestri Gular viðvaranir í hvassviðris Lægð nálgast landið í nótt og gular viðvaranir á morgun Rigning, slydda og jafnvel snjókoma norðaustanlands Gul viðvörun á Suður- og Suðausturlandi til hádegis Sjá meira
Á viðvaranasíðu Veðurstofu Íslands segir að gul viðvörun taki gildi á Suðausturlandi klukkan 16 í dag og verði í gildi til klukkan 06 í fyrramálið. Þar sé búist við vestan og norðvestan stormi, 20 til 25 metrar á sekúndu. Búast má við mjög snörpum vindhviðum við fjöll staðbundið yfir 35 metrum á sekúndum, einkum í Mýrdal og í Öræfum, sem geta verið hættulegar fyrir ökutæki sem taka á sig mikinn vind. Fólk er hvatt til að sýna aðgát og ganga frá lausum munum. Þá gildir gul viðvörun á Austfjörðum frá klukkan 21 í kvöld til klukkan 06 í fyrramálið. Þar má búast við norðvestan stormi, 20 til 25 metrum á sekúndu. Búast má við mjög snörpum vindhviðum við fjöll, 30 til 35 metrum á sekúndu, sem geta verið varhugaverðar fyrir ökutæki sem taka á sig mikinn vind. Fólk á Austfjörðum er sömuleiðis hvatt til að sýna aðgát og ganga frá lausum munum. Slydda og rok Sem áður segir má búast við því að lægðarmiðja gangi inn yfir landið upp úr hádegi í dag. Í hugleiðingum veðurfræðings segir að það þýði að vindur muni blása af ýmsum áttum á landinu í dag. Víða megi búast við slyddu eða snjókomu og hita nálægt frostmarki, en það hlýni meira við suðurströndina og megi því búast við rigningu þar. Fyrripartinn sé útlit fyrir austlæga átt, strekking eða allhvassan vind. Sunnan lægðarmiðjunnar verði hins vegar enn hvassari vestlæg átt og hún muni geisa á suðurhluta landsins seinnipartinn og á Austfjörðum í kvöld. Óvíst með færð vega Þá segir í hugleiðingunum að óvíst sé hvort vegir haldist greiðfærir í dag og að ferðalangar séu hvattir til að kanna aðstæður á vegum og veðurspár áður en lagt er af stað. „Þegar lægarmiðja fer yfir landið með þessum hætti, þá getur veður verið mjög breytilegt og vont veður skollið á skyndilega,“ segir veðurfræðingur. Það eru þó ekki aðeins slæmar fréttir í veðurfréttum dagsins enda er reiknað með því að veður lagist strax á morgun. Eftir hádegi verður kominn tiltölulega rólegur vindur á öllu landinu og lítil úrkoma, einungis stöku él vestanlands. Veðurhorfur á landinu næstu daga Á mánudag: Minnkandi vestlæg átt, víða 5-10 m/s síðdegis. Dálítil snjókoma á norðanverðu landinu framan af degi og stöku él vestanlands, en annars þurrt að mestu. Hiti um og undir frostmarki. Á þriðjudag: Gengur í norðvestan 8-15 með snjókomu á austanverðu landinu, en stöku él í öðrum landshlutum. Frost 0 til 6 stig. Á miðvikudag: Vestlæg eða breytileg átt, víða bjart og kalt í veðri. Snýst í vaxandi sunnanátt um landið vestanvert seinnipartinn með slyddu eða snjókomu og síðar rigningu og hlýnar. Á fimmtudag: Snýst í stífa vestanátt með éljum eða snjókomu, en þurrt að mestu á Austurlandi. Kólnandi veður. Á föstudag: Stíf sunnanátt með rigningu sunnan- og vestanlands og hlýnar. Á laugardag: Útlit fyrir áframhaldandi sunnanátt með rigningu og hlýindum.
Veður Mest lesið Kosningavaktin: Íslendingar ganga að kjörborðinu Innlent Sautján ára piltur lést í brunanum á Stuðlum Innlent „Hann tók algjörlega völdin yfir lífi mínu“ Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent „Þetta er nákvæmlega það sem ég á að vera að gera“ Innlent Lýsir stjórnlausum rasisma: „Hvort verður það líkamlegt ofbeldi eða svívirðingar?“ Innlent Víðir verður oddviti Samfylkingarinnar í Suðurkjördæmi Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Fleiri fréttir Rigning og súld í dag Vaxandi norðaustanátt og gular viðvaranir taka gildi Dálítil rigning sunnan- og vestanlands Skýjað og sums staðar rigning eða slydda Allt að átta stiga frost Hálka á vegum á suðvesturhorninu Snjókoma og hálka á höfuðborgarsvæðinu á fimmtudag Dálítil rigning eða slydda suðvestantil Víða bjart og fallegt sunnan- og vestantil Búast við lítilsháttar éljum á Ströndum og fyrir norðaustan Víða kaldi og allhvasst suðaustantil Stormur við suðausturströndina Víða rigning eða slydda Víða rigning með köflum Suðvestlæg átt og víða dálítil rigning Hinn fallegasti dagur í vændum Lægð stjórnar veðrinu um helgina Lægðardrag þokast suður Rigning eða slydda norðan- og austanlands Dregur úr vindi og ofankomu Svalt í veðri og gengur í blástur Útlit fyrir áframhaldandi rólegheit Milt veður en lægð nálgast Hægir suðvestanvindar og yfirleitt bjartviðri Allt að 17 stig á Austurlandi Næsta lægð nálgast úr suðvestri Gular viðvaranir í hvassviðris Lægð nálgast landið í nótt og gular viðvaranir á morgun Rigning, slydda og jafnvel snjókoma norðaustanlands Gul viðvörun á Suður- og Suðausturlandi til hádegis Sjá meira