Bæði Irma og Kolbeinn Höður áttu meira að segja tvo bestu stigaafrek mótsins í kvenna- og karlaflokki.
Irma fékk 1057 stig fyrir að stökkva 6,27 metra í langstökki. Irma átti í raun tvö bestu afrek mótsins því hún fékk einnig 1050 stig fyrir að stökkva 13,34 metra í þrístökki.
Kolbeinn fékk 1043 stig fyrir að hlaupa sextíu metra hlaup á 6,80 sekúndum. Kolbeinn átti einnig næstbesta afrek karlanna en hann fékk 1017 stig fyrir að hlaupa 200 metra hlaup á 21,79 sekúndum.
Alls náðu sjö íþróttamenn að komast yfir þúsund stiga múrinn á mótinu í ár.
Tiana Ósk Whitworth (60 metra hlaup í tvígang) og Birna Kristín Kristjánsdóttir (langstökk, 60 metra hlaup) náðu því báðar tvisvar en Guðbjörg Jóna Bjarnadóttir (200 metra hlaup), Daníel Ingi Egilsson (þrístökk) og Guðni Valur Guðnason (kúluvarp) náðu því öll í einni grein.
- Hæstu stig kvenna
- 1057 - Irma Gunnarsdóttir, langstökk (6,27 metrar)
- 1050 - Irma Gunnarsdóttir, þrístökk (13,34 metrar)
- 1046 - Guðbjörg Jóna Bjarnadóttir, 200 metra hlaup (24,41 sek)
- 1029 - Tiana Ósk Whitworth, 60 metra hlaup (7,57 sek.)
- 1013 - Tiana Ósk Whitworth, 60 metra hlaup (7,62 sek.)
- 1010 - Birna Kristín Kristjánsdóttir, langstökk (6,05 metrar)
- 1009 - Birna Kristín Kristjánsdóttir, 60 metra hlaup (8,69 sek.)
- Hæstu stig karla
- 1043 - Kolbeinn Höður Gunnarsson, 60 metra hlaup (6,80 sek.)
- 1017 - Kolbeinn Höður Gunnarsson, 200 metra hlaup (21,79 sek.)
- 1005 - Daníel Ingi Egilsson, þrístökk (15,49 metrar)
- 1002 - Guðni Valur Guðnason, kúluvarp (18,01 metrar)
- 971 - Daníel Ingi Egilsson, langstökk (7,23 metrar)
- 967 - Ívar Kristinn Jasonarson, 400 metra hlaup (49,20 sek.)
- 949 - Sæmundur Ólafsson, 400 metra hlaup (49,36 sek.)
