Golf – heilsunnar vegna Gísli Guðni Hall skrifar 3. apríl 2023 09:01 Það er mjög ánægjulegt að sjá hvað almenningur og stjórnmálafólk er orðið meðvitaðra um mikilvægi lýðheilsu og hvað lýðheilsusjónarmið eru farin að ráða miklu um stefnumótun, t.d. hjá sveitarfélögum. Árið 2021 samþykkti Reykjavíkurborg lýðheilsustefnu, en kjarninn í þeirri stefnu er að fjölga æviárum þar sem íbúar búa við góða heilsu og vellíðan og að jöfnuður sé til heilsu og vellíðunar. Lýðheilsustefnan styður við markmið Græna Plansins svonefnda, þar sem meðal annars er talað um að styðja verði við hvers kyns hreyfingu og útivist samhliða uppbyggingu á grænum svæðum. Við í golfhreyfingunni vorum mjög ánægð með að sjá þessa áherslu hjá borginni, því hún rímar vel við okkar vinnu og stefnumótun. Mér finnst mikilvægt að hafa í huga að allt þar til á síðustu árum stundaði margt yngra fólk hinar margvíslegustu íþróttir af kappi, til kannski 15, 20 eða jafnvel 30 ára aldurs. Í nokkrum tilvikum jafnvel eitthvað örlítið lengur, en svo var algengt að við tæki langt tímabil þar sem íþróttaiðkun var lítil og jafnvel engin. Einhvern tíma löngu seinna hefur fólk fundið að það þyrfti hreyfingu og komist að því að golfið var sniðið fyrir það. Golfið sameinar svo margt. Ganga, holl útivera í grænni náttúrunni, félagslegt samneyti og vinskapur, andleg íhugun og einbeiting, keppni o.s.frv. Einstaklingurinn getur valið út frá hvaða forsendum hann spilar golf og hverja af þessum þáttum áherslan er lögð á. Ég held að stóra markmið okkar sem stýrum golfklúbbum landsins sé að stytta, eða losna alveg við þetta langa tímabil þar sem fólk er ekki að stunda íþróttir. Það á ekki að þurfa að taka áratugi að uppgötva íþróttina. Starfið hjá GR Hjá GR höfum erum við með margvíslegt starf í gangi til að mæta þörfum mismunandi einstaklinga. Þarfir fólks eru mismunandi og við reynum að uppfylla þær eins og við getum, t.d. með góðum golfvöllum, æfingaaðstöðu, félagsaðstöðu, yngri flokka þjálfun o.s.frv. Ef við hugum að eldri kylfingum, þá er þar áherslan hjá mörgum á útiveruna og félagsskapinn. Til að mæta þessu hittist hópur af eldri kylfingum alla morgna, spila kannski 9 holur og svo er það kaffi og spjall í skálanum á eftir. Við leggjum okkur fram um að hafa Thorsvöll opinn allt árið, sem er sérstaklega mikilvægt fyrir þennan hóp. Yfir veturinn eru einnig púttmót inni og regluleg bingó, sem Kalli Jó okkar stjórnar harðri hendi. Við leggjum okkur fram um að bjóða upp á aðstöðu sem mætir m.a. lýðheilsusjónarmiðunum. Yfir veturinn skiptir aðstaða til æfinga og félagsaðstaða miklu máli, auk þess veigamikla hlutverks sem Thorsvöllur gegnir samkvæmt áðursögðu. Thorsvöllurinn er einnig mikilvægur á sumrin, þar sem hann hentar eldri kylfingum, sem og börnum og byrjendum sem eru að stíga sín fyrstu skref. Þar er umferðin rólegri en á hinum völlunum og ekki sama áhersla á högglengd. Hinir vellirnir eru svo að sjálfsögðu í sínu lykilhlutverki á sumrin. Það er verkefni að stilla völlunum þannig upp að þeir séu nógu krefjandi fyrir betri spilara en jafnframt leikhæfir fyrir alla. Það gerum við m.a. með teigum í mismunandi lengd, þar sem aukin áhersla er á að kylfingar leiki af fremri teigum en í gamla daga. Gullteigar, þ.e. teigar mun framar en hefðbundnir fremstu teiga, eru meðal atriða sem þarna skipta máli, þannig að allir geti spilað völl í lengd sem hæfir hverjum og einum. Alveg á sama hátt og sá sem er tvítugur hleypur hraðar en sá sem er áttræður, þá slær sá tvítugi örugglega samsvarandi lengra. Það er mikilvægt verkefni í mínum huga að eldri kylfingar svekki sig ekki á golfíþróttinni af því að boltinn fer styttra hjá þeim en hann gerði fyrir einhverjum 10-20 eða 50 árum síðan. Það er bara eðlilegt, á ekki að hafa áhrif á ánægjuna og aukin áhersla á fremri teiga hjálpar líka. Korpúlfarnir Að lokum við ég nefna verkefnið Korpúlfar, sem við erum með í samstarfið við Reykjavíkurborg. Þetta er félagsskapur eldri borgara í Reykjavík sem koma til okkar á Korpúlfsstaði alla fimmtudagsmorgna milli 10-12 í púttkeppni og kaffi. Á veturna er púttið innanhúss á efri hæð Korpúlfstaðaskálans en úti á sumrin. Þau sem eru í þessum félagsskap þurfa ekki að vera klúbbmeðlimir í GR og við innheimtum ekkert gjald fyrir þátttökuna. Það er mikilvægt að huga að heilsunni. Að samfélagið hugi að lýðheilsunni og svo einstaklingurinn af sinni eigin heilsu. Golfklúbbar landsins eru mikilvæg auðlind í þessari vegferð og þar starfar fólk sem svo sannarlega stuðlar að bættri lýðheilsu í landinu, líkamlegri og andlegri. Ég vil hvetja þá lesendur sem ekki hafa slegið bolta, eða hafa kannski ekki gert það í langan tíma, að kíkja næsta golfvöll eða æfingasvæði – heilsunnar vegna! Höfundur er formaður Golfklúbbs Reykjavíkur. Viltu birta grein á Vísi? Sendu okkur póst. Senda grein Golf Heilsa Mest lesið Norska leiðin hefur gefist vel – í Póllandi Heiðrún Lind Marteinsdóttir Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson Skoðun Af hverju hræðist fólk kynjafræði? Eydís Ásbjörnsdóttir Skoðun Opið hús fyrir útvalda Björn Brynjúlfur Björnsson Skoðun Auðbeldi SFS Örn Bárður Jónsson Skoðun Af hverju er Framsóknarfólk hamingjusamast? Árelía Eydís Guðmundsdóttir Skoðun Skjárinn og börnin Daðey Albertsdóttir,Silja Björk Egilsdóttir,Skúli Bragi Geirdal Skoðun 120km hraði á Keflavíkurveginum og netsölur með áfengi Jón Páll Haraldsson Skoðun Hópnauðganir/svartheimar! Davíð Bergmann Skoðun Hvers vegna er ungbarnadauði lægstur á Íslandi? Þórður Þórkelsson Skoðun Skoðun Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar Skoðun 120km hraði á Keflavíkurveginum og netsölur með áfengi Jón Páll Haraldsson skrifar Skoðun Lausnin liggur fyrir – Landspítali þarf að stíga skrefið Sandra B. Franks skrifar Skoðun Auðbeldi SFS Örn Bárður Jónsson skrifar Skoðun Skjárinn og börnin Daðey Albertsdóttir,Silja Björk Egilsdóttir,Skúli Bragi Geirdal skrifar Skoðun „Er stjúpmamma þín vond eins og í Öskubusku?“ Hafdís Bára Ólafsdóttir skrifar Skoðun Af hverju er Framsóknarfólk hamingjusamast? Árelía Eydís Guðmundsdóttir skrifar Skoðun Norska leiðin hefur gefist vel – í Póllandi Heiðrún Lind Marteinsdóttir skrifar Skoðun Opið hús fyrir útvalda Björn Brynjúlfur Björnsson skrifar Skoðun Af hverju hræðist fólk kynjafræði? Eydís Ásbjörnsdóttir skrifar Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar Skoðun Hópnauðganir/svartheimar! Davíð Bergmann skrifar Skoðun Valdið og samvinnuhugsjónin Kjartan Helgi Ólafsson skrifar Skoðun NPA breytti lífinu mínu Sveinbjörn Eggertsson skrifar Skoðun Hefur þú tilkynnt um ofbeldi gegn barni? Alfa Jóhannsdóttir skrifar Skoðun Gildi kærleika og mannúðar Toshiki Toma skrifar Skoðun Hvernig tryggjum við samkeppnishæfni þjóðar? Jón Skafti Gestsson skrifar Skoðun Í minningu Frans páfa - sem tók sér nafn verndardýrlings dýra og náttúru Árni Stefán Árnason skrifar Skoðun Flottu kjötauglýsingarnar í blöðunum... Ole Anton Bieltvedt skrifar Skoðun Grafarvogsgremjan Þorlákur Axel Jónsson skrifar Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar Skoðun Fjármögnuðu stríðsvél Rússlands Hjörtur J. Guðmundsson skrifar Skoðun Hugleiðingar á páskum Ámundi Loftsson skrifar Skoðun Gremjan í Grafarvogi Davíð Már Sigurðsson skrifar Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar Skoðun Móttaka skemmtiferðaskipa - hlustað á íbúa Þórdís Lóa Þórhallsdóttir skrifar Skoðun Námsfærni nemenda í íslenskum skólum: Eigum við að lækka rána? Sigríður Ólafsdóttir skrifar Skoðun Snorri byggir skoðun á skólakerfinu á reynslusögum annarra en Guðrún vitnar í ritrýndar heimildir Davíð Routley skrifar Skoðun Þegar mannshjörtun mætast Jóna Hrönn Bolladóttir,Bjarni Karlsson skrifar Skoðun Horft til einkunna og annarra þátta við innritun í framhaldsskóla Guðmundur Ingi Kristinsson skrifar Sjá meira
Það er mjög ánægjulegt að sjá hvað almenningur og stjórnmálafólk er orðið meðvitaðra um mikilvægi lýðheilsu og hvað lýðheilsusjónarmið eru farin að ráða miklu um stefnumótun, t.d. hjá sveitarfélögum. Árið 2021 samþykkti Reykjavíkurborg lýðheilsustefnu, en kjarninn í þeirri stefnu er að fjölga æviárum þar sem íbúar búa við góða heilsu og vellíðan og að jöfnuður sé til heilsu og vellíðunar. Lýðheilsustefnan styður við markmið Græna Plansins svonefnda, þar sem meðal annars er talað um að styðja verði við hvers kyns hreyfingu og útivist samhliða uppbyggingu á grænum svæðum. Við í golfhreyfingunni vorum mjög ánægð með að sjá þessa áherslu hjá borginni, því hún rímar vel við okkar vinnu og stefnumótun. Mér finnst mikilvægt að hafa í huga að allt þar til á síðustu árum stundaði margt yngra fólk hinar margvíslegustu íþróttir af kappi, til kannski 15, 20 eða jafnvel 30 ára aldurs. Í nokkrum tilvikum jafnvel eitthvað örlítið lengur, en svo var algengt að við tæki langt tímabil þar sem íþróttaiðkun var lítil og jafnvel engin. Einhvern tíma löngu seinna hefur fólk fundið að það þyrfti hreyfingu og komist að því að golfið var sniðið fyrir það. Golfið sameinar svo margt. Ganga, holl útivera í grænni náttúrunni, félagslegt samneyti og vinskapur, andleg íhugun og einbeiting, keppni o.s.frv. Einstaklingurinn getur valið út frá hvaða forsendum hann spilar golf og hverja af þessum þáttum áherslan er lögð á. Ég held að stóra markmið okkar sem stýrum golfklúbbum landsins sé að stytta, eða losna alveg við þetta langa tímabil þar sem fólk er ekki að stunda íþróttir. Það á ekki að þurfa að taka áratugi að uppgötva íþróttina. Starfið hjá GR Hjá GR höfum erum við með margvíslegt starf í gangi til að mæta þörfum mismunandi einstaklinga. Þarfir fólks eru mismunandi og við reynum að uppfylla þær eins og við getum, t.d. með góðum golfvöllum, æfingaaðstöðu, félagsaðstöðu, yngri flokka þjálfun o.s.frv. Ef við hugum að eldri kylfingum, þá er þar áherslan hjá mörgum á útiveruna og félagsskapinn. Til að mæta þessu hittist hópur af eldri kylfingum alla morgna, spila kannski 9 holur og svo er það kaffi og spjall í skálanum á eftir. Við leggjum okkur fram um að hafa Thorsvöll opinn allt árið, sem er sérstaklega mikilvægt fyrir þennan hóp. Yfir veturinn eru einnig púttmót inni og regluleg bingó, sem Kalli Jó okkar stjórnar harðri hendi. Við leggjum okkur fram um að bjóða upp á aðstöðu sem mætir m.a. lýðheilsusjónarmiðunum. Yfir veturinn skiptir aðstaða til æfinga og félagsaðstaða miklu máli, auk þess veigamikla hlutverks sem Thorsvöllur gegnir samkvæmt áðursögðu. Thorsvöllurinn er einnig mikilvægur á sumrin, þar sem hann hentar eldri kylfingum, sem og börnum og byrjendum sem eru að stíga sín fyrstu skref. Þar er umferðin rólegri en á hinum völlunum og ekki sama áhersla á högglengd. Hinir vellirnir eru svo að sjálfsögðu í sínu lykilhlutverki á sumrin. Það er verkefni að stilla völlunum þannig upp að þeir séu nógu krefjandi fyrir betri spilara en jafnframt leikhæfir fyrir alla. Það gerum við m.a. með teigum í mismunandi lengd, þar sem aukin áhersla er á að kylfingar leiki af fremri teigum en í gamla daga. Gullteigar, þ.e. teigar mun framar en hefðbundnir fremstu teiga, eru meðal atriða sem þarna skipta máli, þannig að allir geti spilað völl í lengd sem hæfir hverjum og einum. Alveg á sama hátt og sá sem er tvítugur hleypur hraðar en sá sem er áttræður, þá slær sá tvítugi örugglega samsvarandi lengra. Það er mikilvægt verkefni í mínum huga að eldri kylfingar svekki sig ekki á golfíþróttinni af því að boltinn fer styttra hjá þeim en hann gerði fyrir einhverjum 10-20 eða 50 árum síðan. Það er bara eðlilegt, á ekki að hafa áhrif á ánægjuna og aukin áhersla á fremri teiga hjálpar líka. Korpúlfarnir Að lokum við ég nefna verkefnið Korpúlfar, sem við erum með í samstarfið við Reykjavíkurborg. Þetta er félagsskapur eldri borgara í Reykjavík sem koma til okkar á Korpúlfsstaði alla fimmtudagsmorgna milli 10-12 í púttkeppni og kaffi. Á veturna er púttið innanhúss á efri hæð Korpúlfstaðaskálans en úti á sumrin. Þau sem eru í þessum félagsskap þurfa ekki að vera klúbbmeðlimir í GR og við innheimtum ekkert gjald fyrir þátttökuna. Það er mikilvægt að huga að heilsunni. Að samfélagið hugi að lýðheilsunni og svo einstaklingurinn af sinni eigin heilsu. Golfklúbbar landsins eru mikilvæg auðlind í þessari vegferð og þar starfar fólk sem svo sannarlega stuðlar að bættri lýðheilsu í landinu, líkamlegri og andlegri. Ég vil hvetja þá lesendur sem ekki hafa slegið bolta, eða hafa kannski ekki gert það í langan tíma, að kíkja næsta golfvöll eða æfingasvæði – heilsunnar vegna! Höfundur er formaður Golfklúbbs Reykjavíkur.
Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson Skoðun
Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar
Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar
Skoðun Í minningu Frans páfa - sem tók sér nafn verndardýrlings dýra og náttúru Árni Stefán Árnason skrifar
Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar
Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar
Skoðun Námsfærni nemenda í íslenskum skólum: Eigum við að lækka rána? Sigríður Ólafsdóttir skrifar
Skoðun Snorri byggir skoðun á skólakerfinu á reynslusögum annarra en Guðrún vitnar í ritrýndar heimildir Davíð Routley skrifar
Skoðun Horft til einkunna og annarra þátta við innritun í framhaldsskóla Guðmundur Ingi Kristinsson skrifar
Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson Skoðun