Að hagræða kössum eða fólki? 5. maí 2023 18:31 Á sama tíma birtast tveir ráðherrar ríkisstjórnarinnar og tala í kross þar sem annar vill draga úr brottfalli drengja m.a. með því að efla verknám á meðan hinn vill fara þá leið að efla nám í háskólum sem kallar á aukinn fjölda nemenda í bóknámi. Á sama tíma er verið að tala um að það fækki fyrirsjáanlega í bóknámi vegna breyttrar námskipunar til stúdentsprófs eða styttingarinnar svokölluðu, sem fór í gegn endanlega 2016 eða fyrir sjö árum. Ósköp eru stjórnvöld sein í að koma með tillögur vegna breytinga sem hófust fyrir fjórtán árum og lauk fyrir sjö árum. Báðir þessir ráðherrar hafa virst sómakært fólk en þeim sem hér lemur lyklaborð finnst að þau þurfi að tala saman. Þau sameiningarverkefni sem ráðherra hefur kynnt og virðast vera langt komin í ráðuneytinu eru fjögur og varða átta skóla. Það er sameining Keilis - miðstöðvar vísinda, fræða og atvinnulífs á Ásbrú í Reykjanesbæ og Fjölbrautaskóla Suðurnesja í sama sveitarfélagi. Það kann að vera hagræðing í því en spurning hvort þeir nemendur sem eru við nám hjá Keili fái betri þjónustu og aðstæður í stórum skóla? Það hefur sést oftar en einu sinni að mjög stórar einingar henti ákveðnum hópi nemenda illa og því spurning hver ávinningurinn sé þjónustulega. Það skal tekið fram að í FS er unnið frábært starf. Ef af verður mun húsnæði Keilis við Ásbrú standa tómt í bili að minnsta kosti. Annað mál er sameining/samstarf MA og VMA eða líklega niðurlagning MA sem þá mundi renna inn í VMA. Báðir skólar eru vel eftirsóttir og öflugir en með þessu hyrfi bóknámsskóli með mikla sögu inn í fjölbrautaskóla og yrði það varla til að auka flóruna í framhaldsskólalitrófinu. Húsnæðismál gætu verið leyst með því að hús MA standi auð og að byggt verði við VMA. Næst er sameining MS og Kvennaskólans, tveggja framtakssamra skóla ef svo má að orði komast en Kvennó leiddi ferlið til breyttrar námskipunar til stúdentsprófs árin 2008-2009, ásamt Menntaskólanum í Borgarnesi sem tók til starfa 2007. Kvennaskólinn er jafnframt hluti af sögu réttindabaráttu kvenna á Íslandi og þar með mannréttindabaráttu en MS hefur verið frumkvöðulsskóli í að breyta námsannaskipulaginu þannig að skólaár þeirra er þrjár annir en ekki tvær. Í báðum skólunum hafa verið húsnæðisvandræði en Kvennó starfar í gamla Miðbæjarskólanum og MS í lagfærðu húsnæði þar sem hefur fundist mygla sem veldur vandræðum. Þessum skólum er ætlað að sameinast í húsi Menntavísindasviðs HÍ við Stakkahlíð þegar það flytur á Hótel Sögu (sem eitt sinn hét) við Melatorg. Þá losnar húsnæði tveggja skóla, - MS tiltölulega nýuppgert og Kvennó í gamla Miðbæjarskólanum. Síðasta sameiningin er að láta Flensborgarskólann í Hafnarfirði renna inn í Tækniskólann, þegar búið verður að reisa hús fyrir Tækniskólann fyrir á þriðja tug milljarða. Svo virðist sem sameiningin eigi að réttlæta þann flutning og að þannig verði til 3000 nemenda skóli. Með þessu losnar húsnæði Flensborgarskólans, til þess að gera nýuppgert, sem og allt núverandi húsnæði Tækniskólans í Hafnarfirði og Reykjavík sem er vissulega dreift um borgina (og Fjörðinn). Hagræðið í að byggja nýjan Tækniskóla felst vissulega í því að sameina hinar ólíku starfseiningar skólans en það er tæplega hagræðing eða peningalegur ávinningur að hella 27 milljörðum króna (sem er án efa tala sem ekki mun standast) í verkið. Þá veldur það mér hugarangri að sjá skýrslu sem birt var á vef Stjórnarráðsins 21/4 sl. undir heitinu Nýtt húsnæði Tækniskólans. Tillögur verkefnisstjórnar. Ekki síst vegna þess að þar er beinlínis vikið að þessari sameiningu en Flensborg átti enga aðkomu að málinu engan málsvara. Samt kemur fram að ráðuneytið hafi þegar lagt frummat á málið og svo virðist í tillögunum að málið sé afgreitt án þess að stjórnendur Flensborgarskólans og skólanefnd hafi nokkra aðkomu fengið. Ekki mjög lýðræðislegt eða gott verklag frá sjónarhóli farsældar og mannauðs. Ef þetta gengur eftir þá mun framhaldsskólum á Íslandi fækka um fjóra. Þar á meðal er skóli sem mótaði heilsueflingu í framhaldsskólum og var farinn að nota hugtakið framhaldsskóli til farsældar löngu áður en ríkisstjórn og ráðuneyti tóku það upp í stefnu sína. Flensborgarskólinn er líklega einn fárra skóla sem hafa mótað sér skólasýn af þessu tagi og farið eftir henni. Þar er í boði mikil þjónusta og stuðningur við nemendur. Gildir einu hvort þeir eigi undir högg að sækja, eru íþróttaafreksmenn sem þurfa stuðning við að skipuleggja nám sitt vegna keppnis- og æfingaferða innan lands sem utan eða annarra öflugra námsmanna sem fá stuðning til að njóta sín í námi. Í Flensborg er stærsta íþróttaafrekssvið framhaldsskóla hér landi og einhver best búni framhaldsskóli landsins. Hann á djúpar rætur í hafnfirsku samfélagi og sú þjónusta sem veitt er í skólanum er óvéfengjanlega í anda stofnskrár hans. Í henni er þess getið að skólinn eigi að veita nemendum það sem góðir borgarar þyrftu að kunna. Þar hófst kennaramenntun á Íslandi og löngu síðar var hann framarlega í flokki þeirra skóla eða skólastjórnenda sem útfærðu áfangakerfið sem er notað í langflestum framhaldsskólum á Íslandi. Frá Flensborgarskólanum hefur komið stór hópur stúdenta sem hefur staðið sig vel hvert sem þau fara Fyrrgreind skýrsla gerir ráð fyrir því að allir liðlega 600 nemenda skólans fari í Tækniskólann. Þeir sem í Flensborg hafa komið voru að sækja í bóknám. Ætli þeir leiti þá ekki í aðra bóknámsskóla? Það er ekki traustvekjandi fullyrðing að allir 600 nemenda skólans fari í Tækniskólann. Það sem undirrituðum finnst undarlegast í þessu máli er að starfshópurinn sem að ofan er nefndur var greinilega með þessa tillögu frá upphafi. Enda fær þessi nýi skóli fær nafn (sjá bls.8) Tækniskólinn Flensborg. Það eru þrír af elstu framhaldsskólum landsins í þessum potti. Þessi aðgerð fækkar bóknámsskólum og mun ekki endilega fjölga verknámsnemendum. Skólar með sterka starfssýn og skólar sem mótað hafa og leitt áfram uppbyggingu skólakerfisins munu hverfa og flóra námsúrvals mun minnka. Gríðarlega mikið húsnæði mun losna, sérstaklega í Reykjavík og það þarf að sannfæra mig um að það að spreða tæplega 30 milljörðum alls sé sparnaður. Hvernig sem á það er horft þá er ekki mikil farsæld í þessu máli! Höfundur er fyrrverandi skólameistari Flensborgarskólans Viltu birta grein á Vísi? Sendu okkur póst. Senda grein Mest lesið Halldór 19.10.24 Halldór Kæru vinir og stuðningsfólk Halla Hrund Logadóttir Skoðun Óásættanleg staða fyrir fimleikadeild Keflavíkur: Loforð svikin og framtíð starfseminnar í hættu Berglind Ragnarsdóttir Skoðun Ekki lofa einhverju sem þú ætlar ekki að standa við Ágústa Árnadóttir Skoðun Að taka réttindi af einum til að selja öðrum Vala Árnadóttir Skoðun Sögur ísraelska hermannsins Hjálmtýr Heiðdal Skoðun Kennarastarfið Ragnheiður Lilja Bjarnadóttir Skoðun Opið bréf til ríkissaksóknara og forseta Hæstaréttar Guðbjörn Jónsson Skoðun Það er komið nóg Bozena Raczkowska Skoðun Goðsögnin um að fara áfram Matthildur Björnsdóttir Skoðun Skoðun Skoðun Þarf háskólamenntað fólk til að kenna litlum börnum? Aldís Björk Óskarsdóttir skrifar Skoðun Opið bréf til ríkissaksóknara og forseta Hæstaréttar Guðbjörn Jónsson skrifar Skoðun Það er komið nóg Bozena Raczkowska skrifar Skoðun Sögur ísraelska hermannsins Hjálmtýr Heiðdal skrifar Skoðun Að taka réttindi af einum til að selja öðrum Vala Árnadóttir skrifar Skoðun Kæru vinir og stuðningsfólk Halla Hrund Logadóttir skrifar Skoðun Goðsögnin um að fara áfram Matthildur Björnsdóttir skrifar Skoðun Ekki lofa einhverju sem þú ætlar ekki að standa við Ágústa Árnadóttir skrifar Skoðun Óásættanleg staða fyrir fimleikadeild Keflavíkur: Loforð svikin og framtíð starfseminnar í hættu Berglind Ragnarsdóttir skrifar Skoðun Yfirlýsing kennara eftir fund með borgarstjóra Andrea Sigurjónsdóttir,Eygló Friðriksdóttir,Guðrún Gunnarsdóttir,Jónína Einarsdóttir,Kristín Björnsdóttir,Lilja Margrét Möller,Linda Ósk Sigurðardóttir,Þóranna Rósa Ólafsdóttir skrifar Skoðun Hið rándýra bil milli borgar og byggðar - lygileg sjúkrasaga úr sveitinni Jakob Frímann Magnússon skrifar Skoðun Kennarastarfið Ragnheiður Lilja Bjarnadóttir skrifar Skoðun Fullveldi Þorsteinn Sæmundsson skrifar Skoðun Að halda niðri launum og lifa á loftinu Þóranna Rósa Ólafsdóttir skrifar Skoðun Vá! Benedikta Guðrún Svavarsdóttir skrifar Skoðun „Hver sagði þér að heimurinn væri réttlátur?“ Davíð Bergmann skrifar Skoðun Í upphafi kosningabaráttu Heimir Pálsson skrifar Skoðun Ert þú ég eða verð ég þú Júlíus Birgir Jóhannsson skrifar Skoðun Ákall um annars konar hagkerfi Gísli Rafn Ólafsson skrifar Skoðun Lögbrot íslenskrar stjórnsýslu og dómstóla Huginn Þór Grétarsson skrifar Skoðun Háskóli Íslands styður þjóðarmorð Elí Hörpu og Önundarbur skrifar Skoðun Stjórnvöld bregðist við eggjaskorti með afnámi tolla Ólafur Stephensen skrifar Skoðun Í hvernig samfélagi viljum við búa í? Ólafur H. Ólafsson skrifar Skoðun Endurhugsum íslenskt skólakerfi: Ný sýn á nám og kennslu Inga Sigrún Atladóttir skrifar Skoðun Þankar um framtíð landsins okkar Árný Björg Blandon skrifar Skoðun Er Landsvirkjun til sölu? Reynir Böðvarsson skrifar Skoðun Þegar pólitík hindrar framför Hjörtur Sveinsson skrifar Skoðun Nú á lýðræðið næsta leik Sigurður Páll Jónsson skrifar Skoðun Skólinn, sem við kjósum að muna. Samfélagsrýni með rjómabragði Ragnar Þór Pétursson skrifar Skoðun Fær þitt barn kennslu í fjármálalæsi? Heiðrún Jónsdóttir skrifar Sjá meira
Á sama tíma birtast tveir ráðherrar ríkisstjórnarinnar og tala í kross þar sem annar vill draga úr brottfalli drengja m.a. með því að efla verknám á meðan hinn vill fara þá leið að efla nám í háskólum sem kallar á aukinn fjölda nemenda í bóknámi. Á sama tíma er verið að tala um að það fækki fyrirsjáanlega í bóknámi vegna breyttrar námskipunar til stúdentsprófs eða styttingarinnar svokölluðu, sem fór í gegn endanlega 2016 eða fyrir sjö árum. Ósköp eru stjórnvöld sein í að koma með tillögur vegna breytinga sem hófust fyrir fjórtán árum og lauk fyrir sjö árum. Báðir þessir ráðherrar hafa virst sómakært fólk en þeim sem hér lemur lyklaborð finnst að þau þurfi að tala saman. Þau sameiningarverkefni sem ráðherra hefur kynnt og virðast vera langt komin í ráðuneytinu eru fjögur og varða átta skóla. Það er sameining Keilis - miðstöðvar vísinda, fræða og atvinnulífs á Ásbrú í Reykjanesbæ og Fjölbrautaskóla Suðurnesja í sama sveitarfélagi. Það kann að vera hagræðing í því en spurning hvort þeir nemendur sem eru við nám hjá Keili fái betri þjónustu og aðstæður í stórum skóla? Það hefur sést oftar en einu sinni að mjög stórar einingar henti ákveðnum hópi nemenda illa og því spurning hver ávinningurinn sé þjónustulega. Það skal tekið fram að í FS er unnið frábært starf. Ef af verður mun húsnæði Keilis við Ásbrú standa tómt í bili að minnsta kosti. Annað mál er sameining/samstarf MA og VMA eða líklega niðurlagning MA sem þá mundi renna inn í VMA. Báðir skólar eru vel eftirsóttir og öflugir en með þessu hyrfi bóknámsskóli með mikla sögu inn í fjölbrautaskóla og yrði það varla til að auka flóruna í framhaldsskólalitrófinu. Húsnæðismál gætu verið leyst með því að hús MA standi auð og að byggt verði við VMA. Næst er sameining MS og Kvennaskólans, tveggja framtakssamra skóla ef svo má að orði komast en Kvennó leiddi ferlið til breyttrar námskipunar til stúdentsprófs árin 2008-2009, ásamt Menntaskólanum í Borgarnesi sem tók til starfa 2007. Kvennaskólinn er jafnframt hluti af sögu réttindabaráttu kvenna á Íslandi og þar með mannréttindabaráttu en MS hefur verið frumkvöðulsskóli í að breyta námsannaskipulaginu þannig að skólaár þeirra er þrjár annir en ekki tvær. Í báðum skólunum hafa verið húsnæðisvandræði en Kvennó starfar í gamla Miðbæjarskólanum og MS í lagfærðu húsnæði þar sem hefur fundist mygla sem veldur vandræðum. Þessum skólum er ætlað að sameinast í húsi Menntavísindasviðs HÍ við Stakkahlíð þegar það flytur á Hótel Sögu (sem eitt sinn hét) við Melatorg. Þá losnar húsnæði tveggja skóla, - MS tiltölulega nýuppgert og Kvennó í gamla Miðbæjarskólanum. Síðasta sameiningin er að láta Flensborgarskólann í Hafnarfirði renna inn í Tækniskólann, þegar búið verður að reisa hús fyrir Tækniskólann fyrir á þriðja tug milljarða. Svo virðist sem sameiningin eigi að réttlæta þann flutning og að þannig verði til 3000 nemenda skóli. Með þessu losnar húsnæði Flensborgarskólans, til þess að gera nýuppgert, sem og allt núverandi húsnæði Tækniskólans í Hafnarfirði og Reykjavík sem er vissulega dreift um borgina (og Fjörðinn). Hagræðið í að byggja nýjan Tækniskóla felst vissulega í því að sameina hinar ólíku starfseiningar skólans en það er tæplega hagræðing eða peningalegur ávinningur að hella 27 milljörðum króna (sem er án efa tala sem ekki mun standast) í verkið. Þá veldur það mér hugarangri að sjá skýrslu sem birt var á vef Stjórnarráðsins 21/4 sl. undir heitinu Nýtt húsnæði Tækniskólans. Tillögur verkefnisstjórnar. Ekki síst vegna þess að þar er beinlínis vikið að þessari sameiningu en Flensborg átti enga aðkomu að málinu engan málsvara. Samt kemur fram að ráðuneytið hafi þegar lagt frummat á málið og svo virðist í tillögunum að málið sé afgreitt án þess að stjórnendur Flensborgarskólans og skólanefnd hafi nokkra aðkomu fengið. Ekki mjög lýðræðislegt eða gott verklag frá sjónarhóli farsældar og mannauðs. Ef þetta gengur eftir þá mun framhaldsskólum á Íslandi fækka um fjóra. Þar á meðal er skóli sem mótaði heilsueflingu í framhaldsskólum og var farinn að nota hugtakið framhaldsskóli til farsældar löngu áður en ríkisstjórn og ráðuneyti tóku það upp í stefnu sína. Flensborgarskólinn er líklega einn fárra skóla sem hafa mótað sér skólasýn af þessu tagi og farið eftir henni. Þar er í boði mikil þjónusta og stuðningur við nemendur. Gildir einu hvort þeir eigi undir högg að sækja, eru íþróttaafreksmenn sem þurfa stuðning við að skipuleggja nám sitt vegna keppnis- og æfingaferða innan lands sem utan eða annarra öflugra námsmanna sem fá stuðning til að njóta sín í námi. Í Flensborg er stærsta íþróttaafrekssvið framhaldsskóla hér landi og einhver best búni framhaldsskóli landsins. Hann á djúpar rætur í hafnfirsku samfélagi og sú þjónusta sem veitt er í skólanum er óvéfengjanlega í anda stofnskrár hans. Í henni er þess getið að skólinn eigi að veita nemendum það sem góðir borgarar þyrftu að kunna. Þar hófst kennaramenntun á Íslandi og löngu síðar var hann framarlega í flokki þeirra skóla eða skólastjórnenda sem útfærðu áfangakerfið sem er notað í langflestum framhaldsskólum á Íslandi. Frá Flensborgarskólanum hefur komið stór hópur stúdenta sem hefur staðið sig vel hvert sem þau fara Fyrrgreind skýrsla gerir ráð fyrir því að allir liðlega 600 nemenda skólans fari í Tækniskólann. Þeir sem í Flensborg hafa komið voru að sækja í bóknám. Ætli þeir leiti þá ekki í aðra bóknámsskóla? Það er ekki traustvekjandi fullyrðing að allir 600 nemenda skólans fari í Tækniskólann. Það sem undirrituðum finnst undarlegast í þessu máli er að starfshópurinn sem að ofan er nefndur var greinilega með þessa tillögu frá upphafi. Enda fær þessi nýi skóli fær nafn (sjá bls.8) Tækniskólinn Flensborg. Það eru þrír af elstu framhaldsskólum landsins í þessum potti. Þessi aðgerð fækkar bóknámsskólum og mun ekki endilega fjölga verknámsnemendum. Skólar með sterka starfssýn og skólar sem mótað hafa og leitt áfram uppbyggingu skólakerfisins munu hverfa og flóra námsúrvals mun minnka. Gríðarlega mikið húsnæði mun losna, sérstaklega í Reykjavík og það þarf að sannfæra mig um að það að spreða tæplega 30 milljörðum alls sé sparnaður. Hvernig sem á það er horft þá er ekki mikil farsæld í þessu máli! Höfundur er fyrrverandi skólameistari Flensborgarskólans
Óásættanleg staða fyrir fimleikadeild Keflavíkur: Loforð svikin og framtíð starfseminnar í hættu Berglind Ragnarsdóttir Skoðun
Skoðun Óásættanleg staða fyrir fimleikadeild Keflavíkur: Loforð svikin og framtíð starfseminnar í hættu Berglind Ragnarsdóttir skrifar
Skoðun Yfirlýsing kennara eftir fund með borgarstjóra Andrea Sigurjónsdóttir,Eygló Friðriksdóttir,Guðrún Gunnarsdóttir,Jónína Einarsdóttir,Kristín Björnsdóttir,Lilja Margrét Möller,Linda Ósk Sigurðardóttir,Þóranna Rósa Ólafsdóttir skrifar
Skoðun Hið rándýra bil milli borgar og byggðar - lygileg sjúkrasaga úr sveitinni Jakob Frímann Magnússon skrifar
Skoðun Skólinn, sem við kjósum að muna. Samfélagsrýni með rjómabragði Ragnar Þór Pétursson skrifar
Óásættanleg staða fyrir fimleikadeild Keflavíkur: Loforð svikin og framtíð starfseminnar í hættu Berglind Ragnarsdóttir Skoðun