Reykvíkingur ársins er „fullkominn kennari“ sem hugsar út fyrir skólastofuna Margrét Björk Jónsdóttir skrifar 20. júní 2023 11:28 Reykvíkingur ársins, Mikael Marinó Rivera segist óhræddur við að fara óhefðbundnar leiðir í kennslu. Nemendur hans lýsa honum sem fullkomnum kennara. Vísir/Sigurjón Nemendur manns sem var í dag útnefndur Reykvíkingur ársins segja hann fullkominn kennara sem geri allt fyrir nemendur sína. Sjálfur segir hann mikilvægast að hugsa út fyrir skólastofuna og að vera hress og sanngjarn. Mikael Marinó Rivera, grunnskólakennari í Rimaskóla í Grafarvogi er Reykvíkingur ársins 2023. Dagur B. Eggertsson borgarstjóri tilkynnti valið í morgun við opnun Elliðaánna líkt og hefð er fyrir. Óskað er eftir tilnefningum frá borgarbúum og segir Dagur að Mikael hafi fengið tilnefningar fyrir að vera frábær grunnskólakennari sem fari aðrar leiðir í að virkja nemendur sem finna ekki sitt áhugasvið í hefðbundnum námsgreinum. Hann bætir við að valáfangar Mikaels hafi verið sérstaklega nefndir. „Einn þeirra fjallar um veiði, fluguveiði og að kenna krökkum að umgangast árnar og lífríkið, en líka að hnýta flugur og framvegis. Hann er líka þekktur fyrir valáfanga um Hringadróttinssögu og evrópuknattspyrnu og allskonar. Það greinilega geislaði gleði af þessum ábendingum þannig að hann er greinilega mjög vel af þessu kominn.“ Dagur B. Eggertsson tilkynnti um val á Reykvíkingi ársins við veiðihús Elliðaár í morgun. Á myndinni sést grunnskólakennarinn Mikael Marinó Rivera, sem hlaut nafnbótina í ár, ásamt nemendum sínum. Vísir/Margrét Björk Dagur segir að margar tilnefningar hafi borist líkt og undanfarin ár enda sé mikið um fólk að gera góða hluti. „Við reynum að verðlauna sérstaklega fyrir óeigingirni. Stundum er það fólk sem er frægt í hverfinu sínu fyrir að halda öllu snyrtilegu og biðja ekki um neitt í staðinn. Reykvíkingur ársins er borgarbúi sem er nokkurskonar alþýðuhetja í augum samborgara sinna.“ Kennsla þurfi ekki að fara fram innan veggja skólans Sjálfur segir Mikael að mikilvægast sé að hugsa út fyrir skólastofuna. Hann leggur mest upp úr því að vera sanngjarn, hress og að prófa eitthvað nýtt. „Þetta er bara fólk eins og við, það þarf ekkert að bregðast öðruvísi við þeim en öðri fólki. Það að vera jákvæður og duglegur að tileinka mér nýja hluti hefur fleytt mér langt í þessu í starfi.“ „Trúin flytur fjöll og dáið er allt án drauma svo það er um að gera að elta drauminn sinn,“ segir Reykvíkingur ársins, Mikael Marinó Rivera.Vísir/Sigurjón Mikael segir gríðarlega mikilvægt að hugsa út fyrir boxið í kennslu. „Þetta er kennslan,“ segir hann og bendir á nemendur sína sem standa úti í á. „Kennsla þarf ekki endilega að vera innan veggja skólans. Það er frábært hvað það er orðið mikið um að fólk sé farið að hugsa út fyrir skólastofuna. Það er allt hægt.“ Aðspurður um heilræði sem hann myndi gefa ungu fólki segir Mikael: „Að vera þú sjálfur og hafa trú á því sem þú ert að gera. Trúin flytur fjöll og dáið er allt án drauma svo það er um að gera að elta drauminn sinn.“ Aflinn ekki aðalatriðið Veiðin í morgun fór fyrir ofan garð og neðan en þrátt fyrir mikla eftirvæntingu varð bið á því að fyrsti lax ársins veiddist. Mikael náði einum sem slapp. Hann var þó ekki að mikla það fyrir sér. „Það er bara hluti af þessu sporti, þessari dásamlegu íþrótt. Ef það væri á í hverju kasti og tuttugu laxar á dag væru allir löngu hættir held ég. En það er allur dagurinn eftir, vonandi skilar hann sér á endanum.“ Mikael fékk lax í morgun sem slapp frá honum. Vísir/Margrét Björk Nemendur Mikaels í valáfanga í fluguveiði voru með honum í morgun en þetta er í annað skipti sem Mikael bauð upp á þann áfanga. „Þetta snýst ekki bara að hnýta flugurnar og æfa köstin heldur var þetta mjög fjölbreytt. Það er komið inn á náttúruverndina, inn á líffræðina og það er mikil landafræði í þessu. Svo fórum við náttúrulega í veiði, fórum tvisvar hingað í Elliðaárnar, fórum í Korpu og Grímsá í Skugga. Þannig að þeir fengu vítt samhengi í þessu öllu saman.“ „Fullkominn kennari“ Það er augljóst að Mikael Marinó hefur greinilega mikla ástríðu fyrir starfinu. „Já, þetta er besta starf í heimi og ég er ekki að fara hætta því. Ætli þetta hafi ekki verið fjórtándi veturinn minn og það eru mörg ár eftir.“ Bjarki Freyr Haraldsson og Marel Máni Fannarsson eru nemendur Mikaels. Þeir voru bjartsýnir á að fá marga fiska í dag. Vísir/Sigurjón Og nemendurnir voru á einu máli um mannkosti Mikaels. „Hann er fullkominn kennari. Besti kennari á landinu, langbesti,“ segja þeir Bjarki Freyr Haraldsson og Marel Máni Fannarsson. „Við höfum lært svo mikið af honum og svo mikill stuðningur sem maður fær frá honum. Hann gerir allt fyrir okkur og til að láta okkur líða vel.“ Hann er geggjaður. Reykjavík Mest lesið „Væri ekki að fara ef ekki væri fyrir góðvild fólks“ Innlent Grunar að Íranir hafi skipulagt morð á Trump fyrir atburði vikunnar Erlent Munaði engu að ökumaður straujaði niður nítján hjólreiðamenn Innlent „Stanslaus barátta við það að vera ekki með menn í einangrun“ Innlent Fyrsta heimasmíðaða útvarp landsins til sýnis Innlent „Það eina sem stoppar þá er hnefinn, valdbeiting“ Innlent Grátlegt að veiðarnar séu kallaðar af meðan sjórinn er fullur af fiski Innlent Fjöldi smitaðra af Covid kallar á aðgerðir Innlent Eldgos líklegt á allra næstu vikum og jafnvel innan bæjarins Innlent „Mun enginn kaupa annað en rafbíl árið 2028“ Innlent Fleiri fréttir „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Tvö þyrluútköll á Suðurlandi í gær og í nótt „Mun enginn kaupa annað en rafbíl árið 2028“ Þorbjörn kominn heim eftir átta mánaða fjarveru Þyrlusveitin kölluð til aðstoðar lögreglu í nótt „Litu bara á þetta eins og hefði verið keyrt á kind“ Ætlar að áfrýja til Landsréttar Stáli fyljar merar enn á fullu 26 vetra gamall Sjá meira
Mikael Marinó Rivera, grunnskólakennari í Rimaskóla í Grafarvogi er Reykvíkingur ársins 2023. Dagur B. Eggertsson borgarstjóri tilkynnti valið í morgun við opnun Elliðaánna líkt og hefð er fyrir. Óskað er eftir tilnefningum frá borgarbúum og segir Dagur að Mikael hafi fengið tilnefningar fyrir að vera frábær grunnskólakennari sem fari aðrar leiðir í að virkja nemendur sem finna ekki sitt áhugasvið í hefðbundnum námsgreinum. Hann bætir við að valáfangar Mikaels hafi verið sérstaklega nefndir. „Einn þeirra fjallar um veiði, fluguveiði og að kenna krökkum að umgangast árnar og lífríkið, en líka að hnýta flugur og framvegis. Hann er líka þekktur fyrir valáfanga um Hringadróttinssögu og evrópuknattspyrnu og allskonar. Það greinilega geislaði gleði af þessum ábendingum þannig að hann er greinilega mjög vel af þessu kominn.“ Dagur B. Eggertsson tilkynnti um val á Reykvíkingi ársins við veiðihús Elliðaár í morgun. Á myndinni sést grunnskólakennarinn Mikael Marinó Rivera, sem hlaut nafnbótina í ár, ásamt nemendum sínum. Vísir/Margrét Björk Dagur segir að margar tilnefningar hafi borist líkt og undanfarin ár enda sé mikið um fólk að gera góða hluti. „Við reynum að verðlauna sérstaklega fyrir óeigingirni. Stundum er það fólk sem er frægt í hverfinu sínu fyrir að halda öllu snyrtilegu og biðja ekki um neitt í staðinn. Reykvíkingur ársins er borgarbúi sem er nokkurskonar alþýðuhetja í augum samborgara sinna.“ Kennsla þurfi ekki að fara fram innan veggja skólans Sjálfur segir Mikael að mikilvægast sé að hugsa út fyrir skólastofuna. Hann leggur mest upp úr því að vera sanngjarn, hress og að prófa eitthvað nýtt. „Þetta er bara fólk eins og við, það þarf ekkert að bregðast öðruvísi við þeim en öðri fólki. Það að vera jákvæður og duglegur að tileinka mér nýja hluti hefur fleytt mér langt í þessu í starfi.“ „Trúin flytur fjöll og dáið er allt án drauma svo það er um að gera að elta drauminn sinn,“ segir Reykvíkingur ársins, Mikael Marinó Rivera.Vísir/Sigurjón Mikael segir gríðarlega mikilvægt að hugsa út fyrir boxið í kennslu. „Þetta er kennslan,“ segir hann og bendir á nemendur sína sem standa úti í á. „Kennsla þarf ekki endilega að vera innan veggja skólans. Það er frábært hvað það er orðið mikið um að fólk sé farið að hugsa út fyrir skólastofuna. Það er allt hægt.“ Aðspurður um heilræði sem hann myndi gefa ungu fólki segir Mikael: „Að vera þú sjálfur og hafa trú á því sem þú ert að gera. Trúin flytur fjöll og dáið er allt án drauma svo það er um að gera að elta drauminn sinn.“ Aflinn ekki aðalatriðið Veiðin í morgun fór fyrir ofan garð og neðan en þrátt fyrir mikla eftirvæntingu varð bið á því að fyrsti lax ársins veiddist. Mikael náði einum sem slapp. Hann var þó ekki að mikla það fyrir sér. „Það er bara hluti af þessu sporti, þessari dásamlegu íþrótt. Ef það væri á í hverju kasti og tuttugu laxar á dag væru allir löngu hættir held ég. En það er allur dagurinn eftir, vonandi skilar hann sér á endanum.“ Mikael fékk lax í morgun sem slapp frá honum. Vísir/Margrét Björk Nemendur Mikaels í valáfanga í fluguveiði voru með honum í morgun en þetta er í annað skipti sem Mikael bauð upp á þann áfanga. „Þetta snýst ekki bara að hnýta flugurnar og æfa köstin heldur var þetta mjög fjölbreytt. Það er komið inn á náttúruverndina, inn á líffræðina og það er mikil landafræði í þessu. Svo fórum við náttúrulega í veiði, fórum tvisvar hingað í Elliðaárnar, fórum í Korpu og Grímsá í Skugga. Þannig að þeir fengu vítt samhengi í þessu öllu saman.“ „Fullkominn kennari“ Það er augljóst að Mikael Marinó hefur greinilega mikla ástríðu fyrir starfinu. „Já, þetta er besta starf í heimi og ég er ekki að fara hætta því. Ætli þetta hafi ekki verið fjórtándi veturinn minn og það eru mörg ár eftir.“ Bjarki Freyr Haraldsson og Marel Máni Fannarsson eru nemendur Mikaels. Þeir voru bjartsýnir á að fá marga fiska í dag. Vísir/Sigurjón Og nemendurnir voru á einu máli um mannkosti Mikaels. „Hann er fullkominn kennari. Besti kennari á landinu, langbesti,“ segja þeir Bjarki Freyr Haraldsson og Marel Máni Fannarsson. „Við höfum lært svo mikið af honum og svo mikill stuðningur sem maður fær frá honum. Hann gerir allt fyrir okkur og til að láta okkur líða vel.“ Hann er geggjaður.
Reykjavík Mest lesið „Væri ekki að fara ef ekki væri fyrir góðvild fólks“ Innlent Grunar að Íranir hafi skipulagt morð á Trump fyrir atburði vikunnar Erlent Munaði engu að ökumaður straujaði niður nítján hjólreiðamenn Innlent „Stanslaus barátta við það að vera ekki með menn í einangrun“ Innlent Fyrsta heimasmíðaða útvarp landsins til sýnis Innlent „Það eina sem stoppar þá er hnefinn, valdbeiting“ Innlent Grátlegt að veiðarnar séu kallaðar af meðan sjórinn er fullur af fiski Innlent Fjöldi smitaðra af Covid kallar á aðgerðir Innlent Eldgos líklegt á allra næstu vikum og jafnvel innan bæjarins Innlent „Mun enginn kaupa annað en rafbíl árið 2028“ Innlent Fleiri fréttir „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Tvö þyrluútköll á Suðurlandi í gær og í nótt „Mun enginn kaupa annað en rafbíl árið 2028“ Þorbjörn kominn heim eftir átta mánaða fjarveru Þyrlusveitin kölluð til aðstoðar lögreglu í nótt „Litu bara á þetta eins og hefði verið keyrt á kind“ Ætlar að áfrýja til Landsréttar Stáli fyljar merar enn á fullu 26 vetra gamall Sjá meira