Út­sala Body Shop lætur gott af sér leiða - allt að 50% af­sláttur

Boðið er upp á úrval vara á 20-50% afslætti að sögn Kristínar Ólafsdóttur fræðslustjóra hjá Body Shop. „Sumarútsölur okkar hafa alltaf notið mikilla vinsælda enda hægt að gera mjög góð kaup á vönduðum vörum. Útsalan er að sjálfsögðu í öllum verslunum okkar; í Kringlunni, í Smáralind og á Glerártorgi á Akureyri. Margir nýta sér líka að kaupa útsöluvörur í netverslun okkar en þess má geta að það er frí heimsending af öllum pöntunum yfir 10.000 kr.“

Hér eru sýnishorn af nokkrum vinsælum og sumarlegum vörum sem eru á sumarútsölu Body Shop.

Boost Exfoliating Hand Wash - 30% afsláttur. Verð áður 3.090 kr., verð nú 2.163 kr.

Frískandi hressandi handsápa sem þurrkar ekki húðina. Ilmurinn vekur og frískar, gefur þér orkuskot og húðinni léttan skrúbb, enda inniheldur þessi handsápa muldar valhnetuskeljar sem pússa húðina. Hún inniheldur sjálfbærar mandarínu- og bergamot ilmkjarnaolíur frá Calabríu á Suður-Ítalíu og ilmar af frískandi sítrus og mjúku, blómlegu bergamot blómi ásamt léttum undirtón af munúðarfullu Ylang Ylang.

• Frískandi og fersk skrúbbhandsápa
• Inniheldur muldar valhnetuskeljar sem pússa húðina
• Vegan

Boost Whipped Body Cream - 30% afsláttur. Verð áður 5.590 kr., verð nú 3.913 kr.

Frískandi og flauelsmjúkt krem fyrir kroppinn. Frábært að morgni dags, vekur og frískar og kemur þér af stað inn í daginn með jákvæðu orkuskoti. Inniheldur sjálfbærar mandarínu- og bergamot ilmkjarnaolíur frá Calabríu á Suður-Ítalíu og ilmar af frískandi sítrus og mjúku, blómlegu bergamot blómi ásamt léttum undirtón af munúðarfullu Ylang Ylang.

• Silkimjúkt krem fyrir kroppinn
• Ferskt og frískandi
• Umhverfisvænni umbúðir úr endurunnu plasti og áli
• Vegan

Peppermint Cooling and Reviving Foot Spray- 40% afsláttur. Verð áður 1.660 kr., verð nú 996 kr.

Lífgaðu upp á þreytta fætur með þessu kælandi fótaspreyi. Inniheldur piparmintuolíu sem frískar og endurnærir.

• Fótasprey
• Kælandi og endurnærandi
• Frískandi piparmintuilmur
• Community Trade piparmintuolía frá Englandi

Tea Tree Skin Clearing Clay Mask - 50% afsláttur. Verð áður 2.230 kr., verð nú 1.115 kr.

Kælandi, leirkenndur djúphreinsi maski. Inniheldur bakteríudrepandi tea tree olíu frá Kenía. Fullkominn fyrir olíukennda húð. Vinnur vel á bólum án þess að þurrka húðina. Maskinn er djúphreinsandi og kemur jafnvægi á olíuframleiðslu húðar.

• Leirkenndur hreinsimaski sem vinnur á bólum
• Inniheldur hreinsandi tea tree olíu frá Kenía
• Djúphreinsandi
• Róar og sefar húðina
• Yfirborð húðar verður hreinna
• Bakteríudrepandi
• Vegan

Zesty Lime Blossom Body Yougurt - 30% afsláttur. Verð áður 2.760 kr., verð nú 1.932 kr.

Zesty Lime Blossom Body Yogurt smýgur á augabragði inn í húðina, nærir og mýkir og ilmar þar að auki dásamlega. Ferskur, hreinn og mjúkur sítrusilmur, blandaður bergamot, neroli og amber. Inniheldur Community Fair Trade aloe vera frá Mexíkó og umbúðirnar eru gerðar úr 100% endurunnu plasti, sem kemur að hluta til úr Community Fair Trade plastverkefninu í Bengaluru á Indlandi.

• Gefur húðinni raka og næringu í 24 klst.
• Smýgur inn í húðina á augabragði
• Frískandi en mjúkur ilmur
• Vegan

Body Shop vill láta gott af sér leiða

Body Shop var stofnað af Anitu Roddick í Englandi árið 1976. Anita opnaði fyrstu verslunina í strandbænum Brighton með þá hugsun að leiðarljósi að fyrirtæki ættu að vera jákvæður drifkraftur fyrir samfélagið sem þau störfuðu í. „Hún byggði upp öðruvísi fyrirtæki með það að leiðarljósi að láta gott af sér leiða og um leið að fá bestu innihaldsefni, sem náttúran sjálf hefur upp á að bjóða, í húðumhirðu vörur á sama tíma og hún hafnaði öllum staðalímyndum og stóð fyrir herferðum sem leiddu til aukins réttlætis í samfélögum og umhverfisþáttum.“

Kristín segir slagorð Body Shop vera „Changemaking beauty“. „Það merkir að fyrirtækið framleiðir vörur sem virka vel á sama tíma og það berst gegn staðalímyndum og steríótýpum. Það merkir líka að fyrirtækið tryggir sanngjörn viðskipti og opnun á efnahagsleg tækifæri, félagslegan jöfnuð og réttlæti og bætt mannréttindi. Einnig stuðlum við að metnaðarfullri sjálfbærniáætlun þannig að allar lífverur geti lifað í sátt við náttúruna.“

Sanngjörn viðskipti á sanngjörnu verði

Kristín segir Body Shop vera frumkvöðla á sviði Community Fair Trade sem hófst árið 1987. „Við öflum náttúrulegra innihaldsefna og handgerðra fylgihluta frá öllum heimshornum. Á sama tíma nýtum við okkur þekkingu samyrkjubænda og handverksmanna sem eru sérfræðingar hver á sínu sviði og hjálpum þeim að þróa framleiðslu sína.“

Community Fair Trade eru sanngjörn viðskipti á sanngjörnu verði segir Kristín. „Það hjálpar fólki í samfélögum í neyð að fá markaðsaðgang og sanngjarnt verð fyrir hráefni sín og vörur. Vörurnar okkar innihalda því besta mögulega hráefni ásamt því að efnahagur þessara samfélaga vænkast á sama tíma.“

Þegar Body Shop kynnti Community Fair Trade verkefnið fyrst til sögunnar árið 1987 var það þekkt undir slagorðinu Trade Not Aid. „30 árum síðar var þetta verkefni orðið sterkara en nokkru sinni fyrr. Allt frá handunnu Shea smjöri frá Ghana til endurunninna pappírsgjafapoka frá Indlandi.“

Hjálpar fólki í neyð

Hún segir Body Shop afla sér innihaldsefna víðs vegar að úr heiminum sem færir samstarfsaðilum þess fjárhagslegt sjálfstæði. „Í mörgum tilfellum eru þetta konur sem búa í dreifbýli þróunarlanda með mjög skert atvinnutækifæri. Við erum því einstaklega stolt af þessu verkefni sem gerir viðskipti að afli til góðra hluta.“

En hvernig skyldi Community Fair Trade vera öðruvísi en Fair Trade?

„Fair Trade hjálpar fólki í samfélögum í neyð að fá markaðsaðgang og sanngjarnt verð fyrir hráefni sín og vörur,“ segir Kristín. „Community Fair Trade er okkar eigið verkefni en það er stærsta Fair Trade verkefni snyrtivöruiðnaðarins. Það að hafa okkar eigið Fair Trade verkefni veitir okkur ósvikna tengingu við birgja okkar sem við þekkjum persónulega og um leið fjölskyldur þeirra og samfélög. Þess vegna er Community Fair Trade svona mikilvægt fyrir okkur.“

Kristín segir Body Shop berjast fyrir sanngjarnari og fallegri heimi. „Okkar skoðun er sú að öll fyrirtæki eigi að láta gott af sér leiða. Við vinnum að valdeflingu kvenna og stúlkna og svo trúum við því að við séum öll falleg eins og við erum. Þetta eru þau atriði sem eru alltaf með í reikningnum í öllu sem við tökum okkur fyrir hendur.“

Vilja banna tilraunir á dýrum í þágu snyrtivöruiðnaðarins

Body Shop hefur barist gegn tilraunum á dýrum frá árinu 1989 segir Kristín. „Um það bil 80% af löndum heims hafa engin lög er snúa að tilraunum á dýrum í snyrtivöruiðnaði. Í samstarfi við vini okkar í Cruelty Free International samtökunum og Forever Against Animal Testing herferðinni okkar vinnum við að og stefnum á að tilraunir á dýrum í snyrtivöruiðnaði verði bannaðar alls staðar í heiminum, alltaf.“

Allar vörur Body Shop eru vegetarian en 90% varanna eru vegan að sögn Kristínar og stefnir fyrirtækið á að allar vörur þess verði vegan í árslok 2023. „Einnig má nefna að umbúðirnar okkar eru að mestu endurunnar, endurvinnanlegar og í sumum tilfellum endurnýtanlegar. Fyrirtækið hefur skýra sjálfbærnistefnu þar sem við stefnum að enn stærri sjálfbærni markmiðum með stöðugri vöru- og umbúðaþróun. Að lokum má nefna að Body Shop er eitt af stoltum fyrirtækjum Natura og Co.“