Dúxaði í draumanáminu í Slóvakíu Sólrún Dögg Jósefsdóttir skrifar 3. ágúst 2023 14:03 Auður mælir tvímælalaust með læknanáminu í Martin í Slóvakíu. Auður Kristín Pétursdóttir Nýútskrifaði læknaneminn Auður Kristín Pétursdóttir gerði sér lítið fyrir og útskrifaðist með hæstu einkunn frá alþjóðlega læknanáminu í Slóvakíska háskólanum Jessenius Faculty of Medicine. Síðan hún var lítil segist hún hafa heillast af starfi lækna á spítölum og vitað að ekkert annað nám kæmi til greina. „Það var aldrei planið að fara til Slóvakíu. Ég ætlaði alltaf í HÍ en komst ekki inn,“ segir Auður, aðspurð hvers vegna hún hafi valið að læra í Slóvakíu. „Ég þekkti stelpu sem var að fara á fimmta ár og strák á annað ár, svo ég ákvað bara að taka stökkið.“ Auður segist hafa verið mikið í mun að hefja draumanámið. Auður segist hafa ákveðið tíu ára gömul að hún ætlaði sér að læra læknisfræði. „Þegar ég kom fyrst inn á spítala þegar ég var lítil og sá hvernig læknarnir og hjúkrunarfræðingarnir unnu heillaðist ég bara, og langaði að vera ein af þessu fólki,“ segir hún. Raungreinabraut í Menntaskólanum á Akureyri hafi síðan veitt henni góðan grunn undir læknanámið. Íslendingarnir samheldnir Íslendingasamfélagið í læknanáminu í Slóvakíu er að sögn Auðar mjög öflugt. Íslendingarnir haldi vel utan um hvern annan, sér í lagi þegar námsálag og heimþrá gera vart við sig. Um tvö hundruð Íslendingar ganga í háskólann, sem er staðsettur í sextíu þúsund manna bænum Martin. Bærinn er umkringdur fjallgarði sem Auður segir mikla fjallahlaupaparadís, sjálf æfi hún hlaup samhliða náminu. Auður að æfa ómskoðun á nýrum í skólanum. Auður Kristín Pétursdóttir Þá segir hún félagslífið í skólanum mikið. Nemendafélagið Félag íslenskra læknanema í Slóvakíu (FÍLS) skipuleggi viðburði nær hverja helgi, auk árshátíðar og skíðaferðar ár hvert. Námið og hlaupið í forgangi Auður segir að með náminu hafi hún verið í hlaupahópi á vegum FÍLS. Eftir það hafi minni tími staðið eftir fyrir félagslíf. „Ég er smá allt eða ekkert týpa, og þegar ég er með eitthvað markmið þá legg ég mig alla fram í að ná því. Fyrir sumum er félagslífið mikilvægara og það er allt í lagi. Við erum öll ólík með mismunandi áherslur og markmið í lífinu,“ segir Auður. Hún segir að lykillinn að góðum árangri sé bæði að leggja sig allan fram og mæta undirbúinn í hvern einasta tíma, en engu að síður að finna sér góðan lærdómsfélaga. „Ég og kærasti minn erum búin að læra saman alla daga síðan á öðru ári,“ segir hún. Sá lærdómur skilaði svo sannarlega árangri en bæði hún og Gunnar, kærasti hennar, voru tvö af fjórum hæstu útskriftarnemunum. Auður og Gunnar útskrifuðust bæði með láði. Þau kynntust í byrjun fyrsta ársins í náminu og urðu síðar kærustupar.Auður Kristín Pétursdóttir Fyrsta árið í náminu segist Auður hafa komist að því að hægt væri að útskrifast með láði og ákveðið þá að hún skyldi ná því. Á öðru og þriðja ári hafi hún svo hlotið skólastyrk sem hæsti nemandi fær hverju sinni. „Þá ákvað ég að leggja mig alla fram,“ segir hún. Á útskriftarathöfninni var síðan tilkynnt að fjórir nemendur hefðu tekist að útskrifast með láði og voru Auður og Gunnar bæði í þeim hópi. Síðar hafi Auður fengið tölvupóst þess efnis að hún hafi hlotið hæstu einkunnina. Árgangurinn á útskriftardaginn. Auður Kristín Pétursdóttir Auður segir að nú taki við eins árs sérnámsgrunnur sem hún mun taka á Landspítalanum og Heilsugæslunni á Akureyri. Aðspurð hvað taki við að því loknu segist hún vera að íhuga fæðingar- og kvensjúkdómalækningar. Hún sé þó opin fyrir öllu. Háskólar Slóvakía Skóla - og menntamál Tímamót Íslendingar erlendis Mest lesið „Ef við erum lausnamiðuð þá sköpum við tækifærin“ Lífið Steinunn vill fá Ásdísi með sér í „Kynbombuflokkinn“ Lífið Bannaði Snorra að kjósa Arnar Þór Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Klæddu sig upp sem frambjóðendur Lífið Ofboðslega stolt af dóttur sinni Lífið Fleiri fréttir Steinunn vill fá Ásdísi með sér í „Kynbombuflokkinn“ Myndaveisla: Sjómannadagurinn í Reykjavík og Gummi Emil í koddaslag Dóttir Jolie og Pitt vill ekki heita Pitt lengur „Býr ekki lítil kerling innra með okkur öllum?“ Davíð Helgason og Isabella eignuðust dreng „Ef við erum lausnamiðuð þá sköpum við tækifærin“ Krakkatían: Forsetaefni, Disney og tónlist Klæddu sig upp sem frambjóðendur Myndaveisla: Rosaleg stemming í kosningavökunum Tvöföld veisla hjá Gnarr feðgum Ofboðslega stolt af dóttur sinni Bannaði Snorra að kjósa Arnar Þór „Nú er þessi sprettur á enda“ Kosningavökur frambjóðenda: Hvar verða mestu fagnaðarlætin? Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Sjá meira
„Það var aldrei planið að fara til Slóvakíu. Ég ætlaði alltaf í HÍ en komst ekki inn,“ segir Auður, aðspurð hvers vegna hún hafi valið að læra í Slóvakíu. „Ég þekkti stelpu sem var að fara á fimmta ár og strák á annað ár, svo ég ákvað bara að taka stökkið.“ Auður segist hafa verið mikið í mun að hefja draumanámið. Auður segist hafa ákveðið tíu ára gömul að hún ætlaði sér að læra læknisfræði. „Þegar ég kom fyrst inn á spítala þegar ég var lítil og sá hvernig læknarnir og hjúkrunarfræðingarnir unnu heillaðist ég bara, og langaði að vera ein af þessu fólki,“ segir hún. Raungreinabraut í Menntaskólanum á Akureyri hafi síðan veitt henni góðan grunn undir læknanámið. Íslendingarnir samheldnir Íslendingasamfélagið í læknanáminu í Slóvakíu er að sögn Auðar mjög öflugt. Íslendingarnir haldi vel utan um hvern annan, sér í lagi þegar námsálag og heimþrá gera vart við sig. Um tvö hundruð Íslendingar ganga í háskólann, sem er staðsettur í sextíu þúsund manna bænum Martin. Bærinn er umkringdur fjallgarði sem Auður segir mikla fjallahlaupaparadís, sjálf æfi hún hlaup samhliða náminu. Auður að æfa ómskoðun á nýrum í skólanum. Auður Kristín Pétursdóttir Þá segir hún félagslífið í skólanum mikið. Nemendafélagið Félag íslenskra læknanema í Slóvakíu (FÍLS) skipuleggi viðburði nær hverja helgi, auk árshátíðar og skíðaferðar ár hvert. Námið og hlaupið í forgangi Auður segir að með náminu hafi hún verið í hlaupahópi á vegum FÍLS. Eftir það hafi minni tími staðið eftir fyrir félagslíf. „Ég er smá allt eða ekkert týpa, og þegar ég er með eitthvað markmið þá legg ég mig alla fram í að ná því. Fyrir sumum er félagslífið mikilvægara og það er allt í lagi. Við erum öll ólík með mismunandi áherslur og markmið í lífinu,“ segir Auður. Hún segir að lykillinn að góðum árangri sé bæði að leggja sig allan fram og mæta undirbúinn í hvern einasta tíma, en engu að síður að finna sér góðan lærdómsfélaga. „Ég og kærasti minn erum búin að læra saman alla daga síðan á öðru ári,“ segir hún. Sá lærdómur skilaði svo sannarlega árangri en bæði hún og Gunnar, kærasti hennar, voru tvö af fjórum hæstu útskriftarnemunum. Auður og Gunnar útskrifuðust bæði með láði. Þau kynntust í byrjun fyrsta ársins í náminu og urðu síðar kærustupar.Auður Kristín Pétursdóttir Fyrsta árið í náminu segist Auður hafa komist að því að hægt væri að útskrifast með láði og ákveðið þá að hún skyldi ná því. Á öðru og þriðja ári hafi hún svo hlotið skólastyrk sem hæsti nemandi fær hverju sinni. „Þá ákvað ég að leggja mig alla fram,“ segir hún. Á útskriftarathöfninni var síðan tilkynnt að fjórir nemendur hefðu tekist að útskrifast með láði og voru Auður og Gunnar bæði í þeim hópi. Síðar hafi Auður fengið tölvupóst þess efnis að hún hafi hlotið hæstu einkunnina. Árgangurinn á útskriftardaginn. Auður Kristín Pétursdóttir Auður segir að nú taki við eins árs sérnámsgrunnur sem hún mun taka á Landspítalanum og Heilsugæslunni á Akureyri. Aðspurð hvað taki við að því loknu segist hún vera að íhuga fæðingar- og kvensjúkdómalækningar. Hún sé þó opin fyrir öllu.
Háskólar Slóvakía Skóla - og menntamál Tímamót Íslendingar erlendis Mest lesið „Ef við erum lausnamiðuð þá sköpum við tækifærin“ Lífið Steinunn vill fá Ásdísi með sér í „Kynbombuflokkinn“ Lífið Bannaði Snorra að kjósa Arnar Þór Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Klæddu sig upp sem frambjóðendur Lífið Ofboðslega stolt af dóttur sinni Lífið Fleiri fréttir Steinunn vill fá Ásdísi með sér í „Kynbombuflokkinn“ Myndaveisla: Sjómannadagurinn í Reykjavík og Gummi Emil í koddaslag Dóttir Jolie og Pitt vill ekki heita Pitt lengur „Býr ekki lítil kerling innra með okkur öllum?“ Davíð Helgason og Isabella eignuðust dreng „Ef við erum lausnamiðuð þá sköpum við tækifærin“ Krakkatían: Forsetaefni, Disney og tónlist Klæddu sig upp sem frambjóðendur Myndaveisla: Rosaleg stemming í kosningavökunum Tvöföld veisla hjá Gnarr feðgum Ofboðslega stolt af dóttur sinni Bannaði Snorra að kjósa Arnar Þór „Nú er þessi sprettur á enda“ Kosningavökur frambjóðenda: Hvar verða mestu fagnaðarlætin? Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Sjá meira