Lítum okkur nær í Árborg okkar allra Tinna Björg Kristinsdóttir skrifar 19. ágúst 2023 15:01 Opið bréf til Fjólu St. Kristinsdóttur, bæjarstjóra Árborgar og Braga Bjarnasonar, formann bæjarráðs Árborgar. Áskorun til sveitarstjórnar Árborgar um að endurskoða ákvörðun um lokun á sundlauginni á Stokkseyri og hvatning um að gæta að farsæld barna óháð búsetu innan sveitarfélagsins. Sundlaugin á Stokkseyri hefur gengt hlutverki félagsmiðstöðvar og heilsulindar frá opnun hennar árið 1993 og má líta á sem nokkurs konar lífæð þorpsins. Í hana mætir fólk á öllum aldri til að næra andlega- félagslega- og líkamlega heilsu sína auk þess sem einni af grunnþörfum manneskjunnar, „að tilheyra samfélagi“ ,er mætt. Það er eftirspurn eftir lengri opnunartíma. Fólk vill geta nært sig utan um þær skorður sem þeim eru settar en sættir sig þó við þann tíma sem þeim er gefið þar sem ávinningurinn er þeim dýrmætur. Það er nefnilega ekki sjálfgefið að hafa aðgang að lítilli, fjölskylduvænni sundlaug í nánasta umhverfi. Ákvörðun sveitarfélagsins um að skerða opnunartíma sundlaugarinnar enn frekar í sparnaðarskyni og svo loka henni fjóra mánuði yfir vetrartíman er því eins og blóðtaka fyrir samfélagið. Það er skorið á lífæðina í dimmasta skammdeginu. Tækifæri til aukinnar heilsueflingar í allri sinni mynd er sett í umslag og ofan í skúffu bæjarstjórnar í þeim tilgangi að spara. En hver er sparnaðurinn? Fastagestir laugarinnar, Stokkseyringar, Eyrbekkingar, Selfyssingar, fólk úr Tjarnabyggð og Flóa, myndi gjarnan vilja fá útskýringu á því. Sveitastjórnin hefur staðið sig ágætlega í að halda úti gegnsærri stjórnsýslu í þeim tilgangi að halda íbúum upplýstum, en nú mætti gera ögn betur. Margar spurningar brenna á fólki við ströndina og eftir samtal við fjölmarga beini ég nokkrum fram í von um góð og rökstudd svör: Hver er sparnaðurinn við lokun sundlaugarinnar á Stokkseyri? Hvernig ætlar sveitarstjórnin að stuðla að auknum tækifærum til heilsueflingar fyrir íbúa á Eyrarbakka og Stokkseyri í vetur? Einmannaleiki, kvíði og þunglyndi er ein helsta ógn í íslensku samfélagi. Hver er forvarnarstefna sveitarfélagsins í þeim málefnum og nær sú stefna jafnt yfir íbúa sveitarfélagsins? Jafnrétti snýst um meira en leiðréttingu á launamun kynjanna. Jafnréttisáætlun Árborgar kemur eingöngu inn á það, enda krefur SÍS sveitarfélög ekki um neitt annað. Kemur til greina að sveitarfélagið semji nýjan lið innan stefnunnar í þeim tilgangi að standa vörð um jafnrétti íbúa óháð búsetu? Innan sveitarfélagsins starfar fjölskyldusvið sem hefur það sameiginlega markmið að veita börnum og foreldrum gæðaþjónustu í þeim tilgangi að stuðla að farsæld barna. Fjárfesting til framtíðar. Ásmundur Einar Daðasona, mennta- og barnamálaráðherra, hefur haft orð á því á opinberum vettvangi hversu öflugt fjölskyldusvið Árborgar er í innleiðingu nýrra farsældarlaga og er það vel. Í því samhengi langar mig að spyrja hvort að sveitarstjórnin telji sig ganga í takt við fjölskyldusvið sitt og hvort hún telji sig stuðla jafnt að farsæld barna innan sveitarfélagsins og þá með hvaða hætti? Barnasáttmáli Sameinuðu þjóðanna er útbreiddasti mannréttindasáttmáli heims og er Ísland eitt þeirra ríkja sem hefur fullgilt sáttmálann og lögfest. Með því tengjumst við mikilvægum böndum við önnur aðildarríki sáttmálans um að stuðla að jöfnum réttindum og velferð allra barna. Hvert aðildarríki skal skila inn skýrslu um hvernig sáttmálanum er framfylgt til sérstakrar Barnaréttarnefndar. Í kjölfarið er fulltrúum stjórnvalda boðið í fyrirtöku til nefndarinnar þar sem þeim eru kynntar niðurstöður hennar út frá skýrslunni. Í athugasemd sem nefndin gerði við skýrslu ríkisins árið 2011 var ríkið hvatt til að standa vörð um mennta- og heilbrigðiskerfið þar sem áhyggjur þeirra beindust að því að niðurskurður v. efnahagsástandsins myndi bitna á börnum og þá sérstaklega þeim sem standa höllum fæti í samfélaginu. Við upphaf hagræðingartímabils sveitarstjórnar Árborgar nú í ár nefnduð þið að ekki ætti að skerða grunnþjónustu, sérstaklega þar sem börn eru annars vegar. Til allrar hamingju eru öflugir stjórnendur innan fjölskyldusviðs sem reyna eftir fremsta megni að halda rétt á spilunum og sjá til þess að ekki verði vegið hart að skólaþjónustunni. Yfirlýsing ykkar í upphafi fellur nú um sig sjálfa þar sem þið hafið tekið ákvörðun um að ein af sparnaðaraðgerðunum skerði þjónustu við börn á Stokkseyri og Eyrarbakka. Sparnaðaraðgerð sem vegur að heilsu barna sem nú þegar standa höllum fæti þegar kemur að jöfnum réttindum innan sveitarfélagsins. Í því samhengi langar mig að spyrja: kemur til greina að þið endurskoðið ákvörðun ykkar og haldið sundlauginni opinni yfir vetrartímann? Það er einlæg von mín að þið sjáið ykkur fært um að svara bréfi mínu og að við samsetningu svara ykkar munuð þið átta ykkur á alvarleika málsins og endurskoða ákvörðun ykkar um að loka sundlauginni á Stokkseyri. Ykkur var falið það hlutverk að stýra Árborgar-skútunni í gegnum ólgusjó og sýndu niðurstöður kosninga að farþegar skútunnar bera traust til ykkar. Ekki bregðast því. Árborg okkar allra er flott slagorð, en ekki gleyma þeim sem hafa minnst pláss í skútunni. Með virðingu og vinsemd, Tinna Björg Kristinsdóttir, íbúi í Árborg Viltu birta grein á Vísi? Sendu okkur póst. Senda grein Árborg Mest lesið „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Er eitt næturgaman þess virði? Reynir Böðvarsson Skoðun 10 staðreyndir um verðbólgu og ríkisfjármál Konráð S. Guðjónsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Krossinn er fallegur Skoðun Veðjað á rétta skólann Pawel Bartoszek Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun Innviðir og orkuskipti Sigurður Ingi Friðleifsson Skoðun Skoðun Skoðun Þjóðarmorð með vestrænum vopnum Ingólfur Steinsson skrifar Skoðun Hverjir eru alvöru feður og hverjir ekki? skrifar Skoðun Nei þetta getur aldrei gerst á okkar litla Íslandi! Davíð Bergmann skrifar Skoðun Er allt í góðu? Reynir Böðvarsson skrifar Skoðun Kirkjugarðar, minningarreitir og eða grafreitir Bryndís Haraldsdóttir skrifar Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir skrifar Skoðun Innviðir og orkuskipti Sigurður Ingi Friðleifsson skrifar Skoðun Veðjað á rétta skólann Pawel Bartoszek skrifar Skoðun Er eitt næturgaman þess virði? Reynir Böðvarsson skrifar Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir skrifar Skoðun 10 staðreyndir um verðbólgu og ríkisfjármál Konráð S. Guðjónsson skrifar Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson skrifar Skoðun Krossinn er fallegur skrifar Skoðun Þetta reddast eða hvað? Marinó G. Njálsson skrifar Skoðun Að gráta í rigningunni - og dansa Jón Þór Ólafsson skrifar Skoðun „Smækkunar“gler Viðskiptaráðs Erna Bjarnadóttir skrifar Skoðun Ekki henda! Eyjólfur Pálsson skrifar Skoðun Break á ólympíuleikunum og önnur gildi í dansi Brynja Pétursdóttir skrifar Skoðun Frigg nemendagrunnur – bylting í íslensku skólastarfi Þórdís Jóna Sigurðardóttir skrifar Skoðun Opið bréf til stjórnarformanns Haga Björn Sævar Einarsson skrifar Skoðun Alvarlegar afleiðingar kynferðislegrar áreitni á vinnustöðum Dagný Aradóttir Pind skrifar Skoðun Er Helguvík ein af stærstu ruslakistum Íslands? Margrét S. Þórólfsdóttir,Ragnhildur L. Guðmundsdóttir,Þórólfur J. Dagsson skrifar Skoðun Manstu þegar Messenger var ekki til? Aldís Stefánsdóttir skrifar Skoðun „Flestum í Noregi er illa við EES“ Hjörtur J. Guðmundsson skrifar Skoðun Óheillaþróun á íslenskum vinnumarkaði Gunnar Sigvaldason,Árni B. Björnsson skrifar Skoðun Að virkja upp í loft Snæbjörn Guðmundsson skrifar Skoðun Sjálfstæðisflokkurinn, the party of hungry children Ian McDonald skrifar Skoðun Talsmenn tolla gefa engan afslátt Ragnar Sigurður Kristjánsson skrifar Skoðun Samstaða kennara skiptir máli Rakel Linda Kristjánsdóttir skrifar Skoðun Hvað er fram undan í íslenskum stjórnmálum? Reynir Böðvarsson skrifar Sjá meira
Opið bréf til Fjólu St. Kristinsdóttur, bæjarstjóra Árborgar og Braga Bjarnasonar, formann bæjarráðs Árborgar. Áskorun til sveitarstjórnar Árborgar um að endurskoða ákvörðun um lokun á sundlauginni á Stokkseyri og hvatning um að gæta að farsæld barna óháð búsetu innan sveitarfélagsins. Sundlaugin á Stokkseyri hefur gengt hlutverki félagsmiðstöðvar og heilsulindar frá opnun hennar árið 1993 og má líta á sem nokkurs konar lífæð þorpsins. Í hana mætir fólk á öllum aldri til að næra andlega- félagslega- og líkamlega heilsu sína auk þess sem einni af grunnþörfum manneskjunnar, „að tilheyra samfélagi“ ,er mætt. Það er eftirspurn eftir lengri opnunartíma. Fólk vill geta nært sig utan um þær skorður sem þeim eru settar en sættir sig þó við þann tíma sem þeim er gefið þar sem ávinningurinn er þeim dýrmætur. Það er nefnilega ekki sjálfgefið að hafa aðgang að lítilli, fjölskylduvænni sundlaug í nánasta umhverfi. Ákvörðun sveitarfélagsins um að skerða opnunartíma sundlaugarinnar enn frekar í sparnaðarskyni og svo loka henni fjóra mánuði yfir vetrartíman er því eins og blóðtaka fyrir samfélagið. Það er skorið á lífæðina í dimmasta skammdeginu. Tækifæri til aukinnar heilsueflingar í allri sinni mynd er sett í umslag og ofan í skúffu bæjarstjórnar í þeim tilgangi að spara. En hver er sparnaðurinn? Fastagestir laugarinnar, Stokkseyringar, Eyrbekkingar, Selfyssingar, fólk úr Tjarnabyggð og Flóa, myndi gjarnan vilja fá útskýringu á því. Sveitastjórnin hefur staðið sig ágætlega í að halda úti gegnsærri stjórnsýslu í þeim tilgangi að halda íbúum upplýstum, en nú mætti gera ögn betur. Margar spurningar brenna á fólki við ströndina og eftir samtal við fjölmarga beini ég nokkrum fram í von um góð og rökstudd svör: Hver er sparnaðurinn við lokun sundlaugarinnar á Stokkseyri? Hvernig ætlar sveitarstjórnin að stuðla að auknum tækifærum til heilsueflingar fyrir íbúa á Eyrarbakka og Stokkseyri í vetur? Einmannaleiki, kvíði og þunglyndi er ein helsta ógn í íslensku samfélagi. Hver er forvarnarstefna sveitarfélagsins í þeim málefnum og nær sú stefna jafnt yfir íbúa sveitarfélagsins? Jafnrétti snýst um meira en leiðréttingu á launamun kynjanna. Jafnréttisáætlun Árborgar kemur eingöngu inn á það, enda krefur SÍS sveitarfélög ekki um neitt annað. Kemur til greina að sveitarfélagið semji nýjan lið innan stefnunnar í þeim tilgangi að standa vörð um jafnrétti íbúa óháð búsetu? Innan sveitarfélagsins starfar fjölskyldusvið sem hefur það sameiginlega markmið að veita börnum og foreldrum gæðaþjónustu í þeim tilgangi að stuðla að farsæld barna. Fjárfesting til framtíðar. Ásmundur Einar Daðasona, mennta- og barnamálaráðherra, hefur haft orð á því á opinberum vettvangi hversu öflugt fjölskyldusvið Árborgar er í innleiðingu nýrra farsældarlaga og er það vel. Í því samhengi langar mig að spyrja hvort að sveitarstjórnin telji sig ganga í takt við fjölskyldusvið sitt og hvort hún telji sig stuðla jafnt að farsæld barna innan sveitarfélagsins og þá með hvaða hætti? Barnasáttmáli Sameinuðu þjóðanna er útbreiddasti mannréttindasáttmáli heims og er Ísland eitt þeirra ríkja sem hefur fullgilt sáttmálann og lögfest. Með því tengjumst við mikilvægum böndum við önnur aðildarríki sáttmálans um að stuðla að jöfnum réttindum og velferð allra barna. Hvert aðildarríki skal skila inn skýrslu um hvernig sáttmálanum er framfylgt til sérstakrar Barnaréttarnefndar. Í kjölfarið er fulltrúum stjórnvalda boðið í fyrirtöku til nefndarinnar þar sem þeim eru kynntar niðurstöður hennar út frá skýrslunni. Í athugasemd sem nefndin gerði við skýrslu ríkisins árið 2011 var ríkið hvatt til að standa vörð um mennta- og heilbrigðiskerfið þar sem áhyggjur þeirra beindust að því að niðurskurður v. efnahagsástandsins myndi bitna á börnum og þá sérstaklega þeim sem standa höllum fæti í samfélaginu. Við upphaf hagræðingartímabils sveitarstjórnar Árborgar nú í ár nefnduð þið að ekki ætti að skerða grunnþjónustu, sérstaklega þar sem börn eru annars vegar. Til allrar hamingju eru öflugir stjórnendur innan fjölskyldusviðs sem reyna eftir fremsta megni að halda rétt á spilunum og sjá til þess að ekki verði vegið hart að skólaþjónustunni. Yfirlýsing ykkar í upphafi fellur nú um sig sjálfa þar sem þið hafið tekið ákvörðun um að ein af sparnaðaraðgerðunum skerði þjónustu við börn á Stokkseyri og Eyrarbakka. Sparnaðaraðgerð sem vegur að heilsu barna sem nú þegar standa höllum fæti þegar kemur að jöfnum réttindum innan sveitarfélagsins. Í því samhengi langar mig að spyrja: kemur til greina að þið endurskoðið ákvörðun ykkar og haldið sundlauginni opinni yfir vetrartímann? Það er einlæg von mín að þið sjáið ykkur fært um að svara bréfi mínu og að við samsetningu svara ykkar munuð þið átta ykkur á alvarleika málsins og endurskoða ákvörðun ykkar um að loka sundlauginni á Stokkseyri. Ykkur var falið það hlutverk að stýra Árborgar-skútunni í gegnum ólgusjó og sýndu niðurstöður kosninga að farþegar skútunnar bera traust til ykkar. Ekki bregðast því. Árborg okkar allra er flott slagorð, en ekki gleyma þeim sem hafa minnst pláss í skútunni. Með virðingu og vinsemd, Tinna Björg Kristinsdóttir, íbúi í Árborg
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson skrifar
Skoðun Alvarlegar afleiðingar kynferðislegrar áreitni á vinnustöðum Dagný Aradóttir Pind skrifar
Skoðun Er Helguvík ein af stærstu ruslakistum Íslands? Margrét S. Þórólfsdóttir,Ragnhildur L. Guðmundsdóttir,Þórólfur J. Dagsson skrifar
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun