Spennandi ævin­týri með A­ventura

Sérþekking starfsfólks ferðaskrifstofunnar á öllum helstu borgum Evrópu hefur fengið mjög góðar viðtökur og hefur aukningin á námsferðum og árshátíðarferðum verið yfir 300% á árinu segir Andri Már Ingólfsson, forstjóri Aventura.

 „Það hefur verið einstaklega skemmtilegt að skipuleggja þessi verkefni, svo sem skólaheimsóknir við Garda vatnið og í Lugano í Sviss, þar sem skóli á okkar vegum heimsótti sumar af bestu menntastofnunum í Sviss og Ítalíu. Einnig má nefna frábærlega vel heppnaðar ferðir til Lissabon þar sem hópar á okkar vegum kynntust menntakerfinu og menntastefnunni þar í borg.“

Hann segir ótrúlega marga möguleikar vera í boði. „Nú er til dæmis mikil ásókn í ferðir næsta vor til Prag, Lissabon og Búdapest því þar eru spennandi skólar og námskeið í boði auk þess sem við bjóðum upp á beint flug. Ekki má svo gleyma Tenerife sem er einn vinsælasti kosturinn en þar er einnig boðið upp á mjög spennandi námskeið og skólaheimsóknir.“

Eftirminnilegar árshátíðarferðir

Árshátíðarferðir Aventura hafa notið mikilla vinsælda en vinsælustu áfangastaðir fyrir árshátíðir í ár og á síðasta ári hafa verið Prag, Lissabon, Kaupmannahöfn, Gdansk og Porto.

„Fjöldi fyrirtækja og stofnana hafa treyst Aventura fyrir skipulagningu ferðarinnar sem við erum afar stolt af,“ segir Andri. „Allar þessar borgir sameina það besta fyrir árshátíðir, eins og til dæmis góð hótel, góða flugáætlun, frábæra veitingastaði og einstaka staði til að halda árshátíðir. Við höfum boðið upp á ýmsa ólíka möguleika þegar kemur að staðsetningu árshátíða í þessum ferðum, meðal annars ráðhúsið í Edinborg, kastala í Prag og herragarð í Varsjá. Það er gaman að finna einstaka staði sem þessa sem búa til frábæra upplifun þegar fyrirtæki eru að fagna sérstökum tímamótum með starfsfólki sínu.“

Vinsælustu áfangastaðirnir

Einstakt tölvukerfi Aventura býður viðskiptavinum alltaf upp á að finna bestu verð til vinsælustu áfangastaða ferðaskrifstofunnar segir Andri. „Það finnur lægstu verð hjá Play, Icelandair, Vueling eða SAS, allt eftir því hvert þú vilt fljúga. Auk þess erum við með samninga við öll vinsælustu hótelin á hverjum áfangastað, oft á mun lægra verði en samkeppnisaðilarnir. Þetta hefur gefið okkur gríðarlega góð viðbrögð hjá viðskiptavinum okkar enda var vöxturinn á síðasta ári 270%.“

Tenerife trónir á toppnum að sögn Andra og segir hann þúsundir Íslendinga hafa ferðast með Aventura til Tenerife á árinu. „Og ekkert lát er á vinsældum Tenerife. Það sem fólki líkar vel er að það getur ráðið ferðalengdinni. Nú fara margir í viku til tíu daga og fara kannski 2-3 sinnum á ári. Mikil aukning hefur verið í sölu á betri hótelum, eins og Troya og Costa Adeje en svo eru íbúðarhótel við ströndina alltaf vinsæl, svo sem HG Tenerife Sur, sem margir elska. Einnig má nefna að Costa del Sol á Spáni var með mikla aukningu í sumar enda er boðið upp á ný og glæsileg hótel þar.“

Nýir valkostir í spennandi golfferðum

Golfferðir í sólina hafa notið mikilla vinsælda meðal landsmanna í langan tíma og býður Aventura upp á nokkra mjög spennandi valkosti. „Einn vinsælasti staðurinn sem við kynntum nú í ár er La Cala á Spáni. Sá staður hefur svo sannarlega slegið í gegn en hann býður upp á þrjá glæsilega golfvelli á einum stað og frábær hótel í nágrenninu. Um þessar mundir erum við að kynna ferðir þangað næsta vor en eftirspurnin er svo mikil að það þarf að bóka hann snemma.“

Aðrir frábærir valkostir að hans sögn eru La Quinta í Marbella, sem er glæsilegur 5 stjörnu völlur, og Playa Granada, náttúruparadís við ströndina, í aðeins hálftíma akstursfjarlægð frá Malaga. „Aventura er með sérsamninga við alla þessa velli og fjöldi farþega frá okkur er á leið þangað núna í haust.“

Landsliðið á Kanarí

Í vetur verður Aventura með einvalalið fararstjóra á Kanaríeyjum og heldur þar með áfram með það starf sem Andri Már hóf fyrir 25 árum síðan þegar hann hóf beint flug þangað. „Hér er frábær aðbúnaður og einstakir farstjórar sem búa til upplifun og skemmtun á hverjum degi og búa til stemmningu yfir vetrarmánuðina á Kanarí sem er einstök.

Hundruð Íslendinga njóta þess að eyða 3-6 vikum í sólinni, njóta líkamsræktar og útiveru og að stytta vetrarmánuðina með því að dvelja í besta veðurfari sem hægt er að hugsa sér yfir veturinn. Aventura er með sérsamninga við öll vinsælustu hótelin á Kanarí, svo sem Barbacan Sol, Eugenia Victoria, Jardin Atlantico, og núna Rey Carlos, frábæran nýjan valkost á Kanarí.“

Nánari upplýsingar á Aventura.is.