Leitar eftir stuðningi Hamilton í máli sem gæti tekið af honum heimsmeistaratitil Aron Guðmundsson skrifar 12. september 2023 15:31 Massa og Hamilton tímabilið 2008 Vísir/EPA Fyrrum Formúlu 1 ökumaðurinn, Brasilíumaðurinn Felipe Massa, biðlar til sjöfalda heimsmeistarans Lewis Hamilton að beita sér í máli sem kennt er við Crashgate skandalinn í mótaröðinni tímabilið 2008, tímabilið sem Hamilton vann sinn fyrsta heimsmeistaratitil, og sýna það í verki að hann tali fyrir heilindum í íþróttum í máli sem gæti endað með því að hann myndi missa einn af sínum sjö heimsmeistaratitlum. Atburðarásin árið 2008 í Singapúr kappakstrinum er orðin vel þekkt undir nafninu Crashgate skandallinn í Formúlu 1 en þar ók Nelson Piquet, ökumaður Renault, vísvitandi utan í vegg til að láta kalla út öryggisbíl. Athæfi sem hagnaðist liðsfélaga hans hjá franska liðinu, Fernando Alonso sem vann kappaksturinn. Massa, sem leiddi kappaksturinn og stigakeppni ökumanna áður en atvikið átti sér stað, varð með þessu af mikilvægum stigum og átti eftir að enda í 2. sæti í baráttunni um heimsmeistaratitilinn, einu stigi á eftir Hamilton. Ári eftir Singapúr kappaksturinn steig Piquet fram og sagði liðsstjóra Renault hafa sagt sér að aka bíl sínum utan í vegg og seinna meir voru stjórnendur liðsins settir í bann frá mótaröðinni. Nú ætlar Massa sér í skaðabótamál á hendur fyrrum stjórnendum Formúlu 1 sem og Alþjóða akstursíþróttasambandsins (FIA) vegna meints samsæris sem lögmenn Massa segja hafa kostað hann heimsmeistaratitil ökumanna tímabilið 2008. Sýni að orð hans hafi merkingu Lögmenn Massa telja hann hafa orðið af um tíu milljónum evra sökum afleiðinga Crashgate skandalsins en það er ekki aðal krafan sem hann vill ná fram, heldur réttlæti á niðurstöðu tímabilsins 2008 og í viðtali við Reuters segir Bernardo Viana, einn af lögmönnum Massa, vonast eftir stuðningi Hamilton í málinu sem á endanum gæti tekið af honum einn af hans heimsmeistaratitlum. Hamilton eftir að titillinn var í höfn árið 2008Vísir/EPA „Hamilton er mikilvægur sendiherra íþróttarinnar og hefur alltaf talað fyrir heilindum í íþróttum,“ sagði Viana í samtali við Reuters. „Þá hefur hann verið gerður að heiðursborgara í Brasilíu og er miklum metum hjá brasilísku þjóðinni. Við vonumst eftir stuðningi hans.“ Bernie Ecclestone var árið 2008 helsti stjórnandi Formúlu 1 og haft var eftir honum í mars fyrr á þessu ári að bæði hann sem og Max Mosley, þá forseti FIA, hafi vitað að Piquet hefði verið fyrirskipað að aka utan í vegg í Singapúr kappakstrinum en að þeir hafi ekkert aðhafst í málinu. Er þetta viðtal sem Eccleston fór í fyrr á árinu helsta ástæða þess að Massa, ásamt teymi lögmanna, heldur í þessa vegferð því efst settu stjórnendur Formúlu 1 og FIA hafi ekkert gert þrátt fyrir að hafa vitað af óheillindum Renault-manna allt frá því fljótlega eftir að atvikið átti sér stað. Singapúr Mest lesið Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf Líflátshótunum rignir yfir Víkinga: „Djöfull er þetta lasið“ Fótbolti „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Frakkar í mál og vesen hjá Chelsea vegna rasískra söngva Argentínumanna Enski boltinn McIlroy hunsaði Tiger óvart í mánuð Sport Como viðurkennir að leikmaður liðsins hafi kallað Hwang Jackie Chan Enski boltinn Sjáðu vítaklúður Nikolaj Hansen og mörkin í gær Fótbolti Neville vill enskan þjálfara fyrir landsliðið Enski boltinn Fleiri fréttir Ralf Schumacher kemur út úr skápnum Hélt að hann myndi aldrei vinna aftur: „Ég get ekki hætt að gráta“ Hamilton fyrstur í fyrsta sinn í langan tíma Semja við Bellingham Formúlu 1 heimsins McLaren vill að Verstappen verði refsað: Allur heimurinn veit hver er sá seki Russell fagnaði sigri eftir árekstur Verstappen og Norris Þjarmað að Verstappen á blaðamannafundi Biðlar til „klikkaðra samsæriskenningasmiða“ að leita til sálfræðings Verstappen vann sjöunda kappaksturinn á tímabilinu Lando Norris á ráspól á morgun Höfðu hendur í hári fjárkúgara Michael Schumacher Verstappen sigraði í Kanada Russell á ráspól á sama tíma og Verstappen Miklar breytingar framundan á bílum í Formúlu 1 Perez framlengir og framtíð Sainz enn í lausu lofti Alpine framlengir ekki við Ocon eftir áreksturinn í Mónakó Sjá meira
Atburðarásin árið 2008 í Singapúr kappakstrinum er orðin vel þekkt undir nafninu Crashgate skandallinn í Formúlu 1 en þar ók Nelson Piquet, ökumaður Renault, vísvitandi utan í vegg til að láta kalla út öryggisbíl. Athæfi sem hagnaðist liðsfélaga hans hjá franska liðinu, Fernando Alonso sem vann kappaksturinn. Massa, sem leiddi kappaksturinn og stigakeppni ökumanna áður en atvikið átti sér stað, varð með þessu af mikilvægum stigum og átti eftir að enda í 2. sæti í baráttunni um heimsmeistaratitilinn, einu stigi á eftir Hamilton. Ári eftir Singapúr kappaksturinn steig Piquet fram og sagði liðsstjóra Renault hafa sagt sér að aka bíl sínum utan í vegg og seinna meir voru stjórnendur liðsins settir í bann frá mótaröðinni. Nú ætlar Massa sér í skaðabótamál á hendur fyrrum stjórnendum Formúlu 1 sem og Alþjóða akstursíþróttasambandsins (FIA) vegna meints samsæris sem lögmenn Massa segja hafa kostað hann heimsmeistaratitil ökumanna tímabilið 2008. Sýni að orð hans hafi merkingu Lögmenn Massa telja hann hafa orðið af um tíu milljónum evra sökum afleiðinga Crashgate skandalsins en það er ekki aðal krafan sem hann vill ná fram, heldur réttlæti á niðurstöðu tímabilsins 2008 og í viðtali við Reuters segir Bernardo Viana, einn af lögmönnum Massa, vonast eftir stuðningi Hamilton í málinu sem á endanum gæti tekið af honum einn af hans heimsmeistaratitlum. Hamilton eftir að titillinn var í höfn árið 2008Vísir/EPA „Hamilton er mikilvægur sendiherra íþróttarinnar og hefur alltaf talað fyrir heilindum í íþróttum,“ sagði Viana í samtali við Reuters. „Þá hefur hann verið gerður að heiðursborgara í Brasilíu og er miklum metum hjá brasilísku þjóðinni. Við vonumst eftir stuðningi hans.“ Bernie Ecclestone var árið 2008 helsti stjórnandi Formúlu 1 og haft var eftir honum í mars fyrr á þessu ári að bæði hann sem og Max Mosley, þá forseti FIA, hafi vitað að Piquet hefði verið fyrirskipað að aka utan í vegg í Singapúr kappakstrinum en að þeir hafi ekkert aðhafst í málinu. Er þetta viðtal sem Eccleston fór í fyrr á árinu helsta ástæða þess að Massa, ásamt teymi lögmanna, heldur í þessa vegferð því efst settu stjórnendur Formúlu 1 og FIA hafi ekkert gert þrátt fyrir að hafa vitað af óheillindum Renault-manna allt frá því fljótlega eftir að atvikið átti sér stað.
Singapúr Mest lesið Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf Líflátshótunum rignir yfir Víkinga: „Djöfull er þetta lasið“ Fótbolti „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Frakkar í mál og vesen hjá Chelsea vegna rasískra söngva Argentínumanna Enski boltinn McIlroy hunsaði Tiger óvart í mánuð Sport Como viðurkennir að leikmaður liðsins hafi kallað Hwang Jackie Chan Enski boltinn Sjáðu vítaklúður Nikolaj Hansen og mörkin í gær Fótbolti Neville vill enskan þjálfara fyrir landsliðið Enski boltinn Fleiri fréttir Ralf Schumacher kemur út úr skápnum Hélt að hann myndi aldrei vinna aftur: „Ég get ekki hætt að gráta“ Hamilton fyrstur í fyrsta sinn í langan tíma Semja við Bellingham Formúlu 1 heimsins McLaren vill að Verstappen verði refsað: Allur heimurinn veit hver er sá seki Russell fagnaði sigri eftir árekstur Verstappen og Norris Þjarmað að Verstappen á blaðamannafundi Biðlar til „klikkaðra samsæriskenningasmiða“ að leita til sálfræðings Verstappen vann sjöunda kappaksturinn á tímabilinu Lando Norris á ráspól á morgun Höfðu hendur í hári fjárkúgara Michael Schumacher Verstappen sigraði í Kanada Russell á ráspól á sama tíma og Verstappen Miklar breytingar framundan á bílum í Formúlu 1 Perez framlengir og framtíð Sainz enn í lausu lofti Alpine framlengir ekki við Ocon eftir áreksturinn í Mónakó Sjá meira