Goðsögnin útilokar ekki endurkomu í Formúlu 1 Aron Guðmundsson skrifar 14. september 2023 07:30 Fjórfaldi Formúlu 1 heimsmeistarinn Sebastian Vettel Vísir/Getty Sebastian Vettel, fjórfaldur heimsmeistari ökumanna í Formúlu 1 og goðsögn í sögu mótaraðarinnar, útilokar ekki möguleikann á endurkomu í Formúlu 1. Frá þessu greindi Vettel í viðtali við Martin Brundle hjá Sky Sports. Þessi magnaði þýski ökumaður lét gott heita af Formúlu 1 ferlinum, í bili hið minnsta, eftir síðasta tímabil. Í viðtalinu við Brundle segist Vettel hafa haldið sér í keppnisstandi líkamlega séð. „Bara af því að ég vil vera í þessu standi, ég er ekki að gera þetta til að geta stokkið inn ef einhver dettur út.“ Snýr Vettel aftur í Formúlu 1? Það myndi allavegana gleðja marga. Hér er hann eftir síðustu keppni sína, í bili hið minnsta, í Abu Dhabi í fyrra.Vísir/Getty Vettel er aðeins 36 ára gamall, tveimur árum yngri en Lewis Hamilton, ökumaður Mercedes og sex árum yngri en Fernando Alonso, ökumaður Aston Martin og ætti því að eiga nóg eftir í tankinum. Í gegnum sögu Formúlu 1 hafa magnaðir ökumenn bundið enda á feril sinn í Formúlu 1 en svo snúið aftur. Það var meðal annars raunin með Nigel Mansell, Fernando Alonso, Michael Schumacher og Kimi Raikkonen. Vettel segist ekki geta útilokað endurkomu í mótaröðina. „Ég get ekki svarað þessari spurningu neitandi vegna þess að maður veit aldrei,“ svaraði Vettel. „Ef þú hefðir spurt þessa ökumenn, sem sneru aftur, að þessari spurningu þá hefðu einhverjir af þeim svarað henni neitandi. Aðrir hefði svarað henni þannig að þeir vita ekki hvað framtíðin ber í skauti sér. En á endanum sneru þeir allir aftur svo ég get ekki útilokað þann möguleika fyrir mig.“ Vettel er einn sigursælasti ökumaður sögunnar í Formúlu 1, en hann vann fjóra heimsmeistaratitla í röð árin 2010 til 2013 þegar hann ók fyrir Red Bull. Árið 2010 varð hann yngsti heimsmeistari sögunnar í Formúlu 1, þá aðeins 23 ára og 134 daga gamall. Aðeins Lewis Hamilton, Michael Schumacher og Juan Manuel Fangio hafa fagnað heimsmeistaratitli ökumanna oftar en Vettel. Þjóðverjinn hefur fagnað sigri í 53 keppnum en aðeins Hamilton og Schumacher hafa gert það oftar. Þýskaland Mest lesið „Mér var sagt að drulla mér í burtu og grjóthalda kjafti“ Fótbolti „Skiptir ekki máli hvort ég sé þungur eða léttur, ég skora alltaf“ Fótbolti Bayern vill kaupa leikmann af ósigruðu meisturunum Fótbolti Fúlar stjörnur sem þurfa að spila fram á nótt í París Sport Orri og félagar þrefaldir meistarar í Portúgal Handbolti „Við vorum mjög öflugir í 70 mínútur“ Íslenski boltinn „Förum ekki að vorkenna okkur“ Íslenski boltinn Mjög ósáttur við rasisma meðal þýsku þjóðarinnar Fótbolti „Það bara fauk út í veður og vind í þessu roki“ Íslenski boltinn Dagskráin í dag: Risaslagur í Bestu deildinni Sport Fleiri fréttir Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira
Frá þessu greindi Vettel í viðtali við Martin Brundle hjá Sky Sports. Þessi magnaði þýski ökumaður lét gott heita af Formúlu 1 ferlinum, í bili hið minnsta, eftir síðasta tímabil. Í viðtalinu við Brundle segist Vettel hafa haldið sér í keppnisstandi líkamlega séð. „Bara af því að ég vil vera í þessu standi, ég er ekki að gera þetta til að geta stokkið inn ef einhver dettur út.“ Snýr Vettel aftur í Formúlu 1? Það myndi allavegana gleðja marga. Hér er hann eftir síðustu keppni sína, í bili hið minnsta, í Abu Dhabi í fyrra.Vísir/Getty Vettel er aðeins 36 ára gamall, tveimur árum yngri en Lewis Hamilton, ökumaður Mercedes og sex árum yngri en Fernando Alonso, ökumaður Aston Martin og ætti því að eiga nóg eftir í tankinum. Í gegnum sögu Formúlu 1 hafa magnaðir ökumenn bundið enda á feril sinn í Formúlu 1 en svo snúið aftur. Það var meðal annars raunin með Nigel Mansell, Fernando Alonso, Michael Schumacher og Kimi Raikkonen. Vettel segist ekki geta útilokað endurkomu í mótaröðina. „Ég get ekki svarað þessari spurningu neitandi vegna þess að maður veit aldrei,“ svaraði Vettel. „Ef þú hefðir spurt þessa ökumenn, sem sneru aftur, að þessari spurningu þá hefðu einhverjir af þeim svarað henni neitandi. Aðrir hefði svarað henni þannig að þeir vita ekki hvað framtíðin ber í skauti sér. En á endanum sneru þeir allir aftur svo ég get ekki útilokað þann möguleika fyrir mig.“ Vettel er einn sigursælasti ökumaður sögunnar í Formúlu 1, en hann vann fjóra heimsmeistaratitla í röð árin 2010 til 2013 þegar hann ók fyrir Red Bull. Árið 2010 varð hann yngsti heimsmeistari sögunnar í Formúlu 1, þá aðeins 23 ára og 134 daga gamall. Aðeins Lewis Hamilton, Michael Schumacher og Juan Manuel Fangio hafa fagnað heimsmeistaratitli ökumanna oftar en Vettel. Þjóðverjinn hefur fagnað sigri í 53 keppnum en aðeins Hamilton og Schumacher hafa gert það oftar.
Þýskaland Mest lesið „Mér var sagt að drulla mér í burtu og grjóthalda kjafti“ Fótbolti „Skiptir ekki máli hvort ég sé þungur eða léttur, ég skora alltaf“ Fótbolti Bayern vill kaupa leikmann af ósigruðu meisturunum Fótbolti Fúlar stjörnur sem þurfa að spila fram á nótt í París Sport Orri og félagar þrefaldir meistarar í Portúgal Handbolti „Við vorum mjög öflugir í 70 mínútur“ Íslenski boltinn „Förum ekki að vorkenna okkur“ Íslenski boltinn Mjög ósáttur við rasisma meðal þýsku þjóðarinnar Fótbolti „Það bara fauk út í veður og vind í þessu roki“ Íslenski boltinn Dagskráin í dag: Risaslagur í Bestu deildinni Sport Fleiri fréttir Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira