Skellir ekki plástri á slagæðablæðingu Jakob Bjarnar skrifar 24. október 2023 10:22 Vilhjálmur Birgisson segir um einarða afstöðu stjórnvalda og SA, um ekkert svigrúm til hækkana, að hann muni ekki eftir samningum þar sem sá söngur hafi ekki verið sunginn. vísir/vilhelm Starfsgreinasamband Íslands fundar á morgun og fram á föstudag. Þar eru menn í vígahug. „Trúðu mér, ég er búinn að heyra þennan söng í tuttugu ár sem ég hef tekið þátt í kjarasamningum. Það er aldrei svigrúm, ekki í góðæri, ekki í meðalástandi í íslensku hagkerfi og ég tala nú ekki um þegar er smá kreppa,“ segir Vilhjálmur Birgisson formaður Starfsgreinasambandsins. Vilhjálmur er að tala um einarðar yfirlýsingar fólks eins og Þórdísar Kolbrúnar Reykjafjörð Gylfadóttur nýs fjármálaráðherra og síðan Sigríðar Margrétar Oddsdóttur framkvæmdastjóra SA þess efnis að það verði engar launahækkanir í komandi kjarasamningum vegna verðbólgunnar. „Við verðum að ráðast á meinið. Þú skellir ekki plástri á slagæðablæðingu,“ segir Vilhjálmur. Stuðandi yfirlýsingar stjórnvalda Starfsgreinasambandið er að stilla saman strengi en 9. þing Starfsgreinasambands Íslands fer fram dagana 25.-27. október næstkomandi á Hótel Natura í Reykjavík. Björg segir herskáar yfirlýsingar stjórnvalda og SA stuðandi.Starfsgreinasamband Íslands Þingið hefur æðsta vald í málefnum sambandsins og þar eru lagðar línurnar í kjaramálum og starfsemi sambandsins til næstu tveggja ára. Á þingið í ár mæta alls 135 fulltrúar frá 18 aðildarfélögum sambandsins. „Þetta er reglulegt þing, haldið á tveggja ára fresti. Þá er kosin ný stjórn í sambandinu og unnið í málefnanefndum. Farið verður yfir kjaramál, heilbrigðismál, byggðamál og stefna lögð til næstu tveggja ára,“ segir Björg Bjarnadóttir framkvæmdastjóri. Björg býst ekki við átökum á þinginu og vonar að þau hafi þannig tíma til að einbeita sér að málefnavinnu. Til að mynda komandi kjarasamningum, að þar verði lagðar línur. „Það stuðar okkur aðeins,“ segir Björg varðandi yfirlýsingar bæði stjórnvalda og Samtaka atvinnulífsins, hvað það varðar að ekki verði neinar launahækkanir í boði. „Þær viðræður eru að hefjast fljótlega. Við höfum verið að funda með SA um ýmis mál; varðandi vinnutíma, veikindarétt, fræðslumál og þessi mál sem ekki náðust inn í viðræðurnar síðast. Gerðum aðeins samning til eins árs síðast og þá var öðrum viðræðum utan launaliðinn frestað.“ Stór hluti félagsmanna kominn á yfirdrátt Vilhjálmur segist ekki muna eftir einum einustu kjarasamningum sem talað hefur verið um svigrúm. En staðan sé einfaldlega þannig núna, sérstaklega gagnvart lágtekjufólki og lægri millitekjufólki, sem nær ekki endum saman frá mánuði til mánaðar, að það getur ekki lengur haldið mannlegri reisn. „Við erum að horfa upp á fjármálakerfið, enn og aftur, sjúga til sín lang stærstan hluta launatekna í formi okurvaxta, verðtryggingar og himinhárra þjónustugjalda. Þrjátíu og fimm prósent félagsmanna Starfsgreinasambands íslands eru með yfirdráttarheimild samkvæmt Vörðu sem er rannsóknarstofnun aðila vinnumarkaðarins. Þetta segir manni ekki nema eitt, í hvaða stöðu lágtekjufólk er komið í þegar það þarf að framfleyta sér frá mánuði til mánaðar með yfirdrætti sem ber 17 prósent vexti,“ segir Vilhjálmur. Hann bætir því við að hann telji það eiga að vera forgangskrafa verkalýðshreyfingarinnar gagnvart stjórnvöldum að hér verði ráðist í nýtt húsnæðiskerfi þar sem tryggt verði að lánakjör verði hér með sambærilegum hætti og í löndum sem við viljum bera okkur saman við. „Og síðast en ekki síst að banki þjóðarinnar, Landsbankinn, verði gerður að samfélagsbanka þar sem arðsemismarkmið verði lækkuð verulega. Við erum byrjuð að ræða þetta inni í hreyfingunni,“ segir Vilhjálmur. Kjaramál Ríkisstjórn Katrínar Jakobsdóttur Stéttarfélög Kjaraviðræður 2023 Mest lesið „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Grunar að Íranir hafi skipulagt morð á Trump fyrir atburði vikunnar Erlent Telur ekki trúlegt að komið verði á samkomutakmörkunum Innlent Íslensk kona og fjölskylda hennar á sjúkrahúsi eftir árás á Krít Innlent Laðar fjárfesta að til að halda Skaganum á Skaganum Innlent Valið á Vance fyrirboði einangrunarhyggju í utanríkismálum Erlent Diljá Mist segir hræsni einkenna íslenska femínista Innlent Tveir fundust skotnir til bana í brunnum bíl í Malmö Erlent Ekkert nema ást og aðdáun á landsþingi Repúblikana Erlent Fleiri fréttir Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Sjá meira
„Trúðu mér, ég er búinn að heyra þennan söng í tuttugu ár sem ég hef tekið þátt í kjarasamningum. Það er aldrei svigrúm, ekki í góðæri, ekki í meðalástandi í íslensku hagkerfi og ég tala nú ekki um þegar er smá kreppa,“ segir Vilhjálmur Birgisson formaður Starfsgreinasambandsins. Vilhjálmur er að tala um einarðar yfirlýsingar fólks eins og Þórdísar Kolbrúnar Reykjafjörð Gylfadóttur nýs fjármálaráðherra og síðan Sigríðar Margrétar Oddsdóttur framkvæmdastjóra SA þess efnis að það verði engar launahækkanir í komandi kjarasamningum vegna verðbólgunnar. „Við verðum að ráðast á meinið. Þú skellir ekki plástri á slagæðablæðingu,“ segir Vilhjálmur. Stuðandi yfirlýsingar stjórnvalda Starfsgreinasambandið er að stilla saman strengi en 9. þing Starfsgreinasambands Íslands fer fram dagana 25.-27. október næstkomandi á Hótel Natura í Reykjavík. Björg segir herskáar yfirlýsingar stjórnvalda og SA stuðandi.Starfsgreinasamband Íslands Þingið hefur æðsta vald í málefnum sambandsins og þar eru lagðar línurnar í kjaramálum og starfsemi sambandsins til næstu tveggja ára. Á þingið í ár mæta alls 135 fulltrúar frá 18 aðildarfélögum sambandsins. „Þetta er reglulegt þing, haldið á tveggja ára fresti. Þá er kosin ný stjórn í sambandinu og unnið í málefnanefndum. Farið verður yfir kjaramál, heilbrigðismál, byggðamál og stefna lögð til næstu tveggja ára,“ segir Björg Bjarnadóttir framkvæmdastjóri. Björg býst ekki við átökum á þinginu og vonar að þau hafi þannig tíma til að einbeita sér að málefnavinnu. Til að mynda komandi kjarasamningum, að þar verði lagðar línur. „Það stuðar okkur aðeins,“ segir Björg varðandi yfirlýsingar bæði stjórnvalda og Samtaka atvinnulífsins, hvað það varðar að ekki verði neinar launahækkanir í boði. „Þær viðræður eru að hefjast fljótlega. Við höfum verið að funda með SA um ýmis mál; varðandi vinnutíma, veikindarétt, fræðslumál og þessi mál sem ekki náðust inn í viðræðurnar síðast. Gerðum aðeins samning til eins árs síðast og þá var öðrum viðræðum utan launaliðinn frestað.“ Stór hluti félagsmanna kominn á yfirdrátt Vilhjálmur segist ekki muna eftir einum einustu kjarasamningum sem talað hefur verið um svigrúm. En staðan sé einfaldlega þannig núna, sérstaklega gagnvart lágtekjufólki og lægri millitekjufólki, sem nær ekki endum saman frá mánuði til mánaðar, að það getur ekki lengur haldið mannlegri reisn. „Við erum að horfa upp á fjármálakerfið, enn og aftur, sjúga til sín lang stærstan hluta launatekna í formi okurvaxta, verðtryggingar og himinhárra þjónustugjalda. Þrjátíu og fimm prósent félagsmanna Starfsgreinasambands íslands eru með yfirdráttarheimild samkvæmt Vörðu sem er rannsóknarstofnun aðila vinnumarkaðarins. Þetta segir manni ekki nema eitt, í hvaða stöðu lágtekjufólk er komið í þegar það þarf að framfleyta sér frá mánuði til mánaðar með yfirdrætti sem ber 17 prósent vexti,“ segir Vilhjálmur. Hann bætir því við að hann telji það eiga að vera forgangskrafa verkalýðshreyfingarinnar gagnvart stjórnvöldum að hér verði ráðist í nýtt húsnæðiskerfi þar sem tryggt verði að lánakjör verði hér með sambærilegum hætti og í löndum sem við viljum bera okkur saman við. „Og síðast en ekki síst að banki þjóðarinnar, Landsbankinn, verði gerður að samfélagsbanka þar sem arðsemismarkmið verði lækkuð verulega. Við erum byrjuð að ræða þetta inni í hreyfingunni,“ segir Vilhjálmur.
Kjaramál Ríkisstjórn Katrínar Jakobsdóttur Stéttarfélög Kjaraviðræður 2023 Mest lesið „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Grunar að Íranir hafi skipulagt morð á Trump fyrir atburði vikunnar Erlent Telur ekki trúlegt að komið verði á samkomutakmörkunum Innlent Íslensk kona og fjölskylda hennar á sjúkrahúsi eftir árás á Krít Innlent Laðar fjárfesta að til að halda Skaganum á Skaganum Innlent Valið á Vance fyrirboði einangrunarhyggju í utanríkismálum Erlent Diljá Mist segir hræsni einkenna íslenska femínista Innlent Tveir fundust skotnir til bana í brunnum bíl í Malmö Erlent Ekkert nema ást og aðdáun á landsþingi Repúblikana Erlent Fleiri fréttir Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Sjá meira