Rúnar Ingi: „Við sköpuðum okkar eigin vítahring“ Siggeir Ævarsson skrifar 29. nóvember 2023 21:47 Rúnar Ingi átti fá svör í kvöld Vísir/Vilhelm Rúnar Ingi Erlingsson, þjálfari Njarðvíkur, tók fulla ábyrgð á stóru tapi sinna kvenna í Keflavík í kvöld, en lokatölur leiksins urðu 72-45 Keflavík í vil. Hann sagðist einfaldlega ekki hafa gert sitt lið nógu tilbúið í leikinn. Fyrirfram vonuðust eflaust margir eftir hörkuleik í þessum grannaslag en Blue-höllin virðist hafa þveröfug áhrif á Njarðvíkinga. „Það er eitthvað við þetta hús sem virðist ekki ná að kveikja nægilega vel í okkur. Frammistaðan í kvöld var bara óásættanleg, það er bara eins og það er. Við byrjum varnarlega allt í lagi og þetta er í ágætis jafnvægi. Við náðum okkar náttúrulega aldrei á strik sóknarlega. Við skjótum 20 prósent í heildarskotum held ég og erum undir tíu prósent í þriggja.“ Andleysið fór fljótt að skína úr andlitum Njarðvíkinga sem virtust hreinlega leggja árar í bát undir lok fyrri hálfleiks en Rúnar var alls ekki sáttur með hversu fljótt hans leikmenn virtust missa trúna á verkefnið. „Það var ekkert að ganga til að byrja með og svo fjaraði trúin út ansi fljótt fannst mér, alltof fljótt. Það er merki um andleg einkenni sem við þurfum að vinna í. Þetta smitaðist svo bara yfir í vörnina. Þegar við fórum að missa trúna sóknarlega þá urðum við hægari og hljóðlátari varnarlega.“ Fullkominn stormur „Keflvíkingarnir eru bara það góðar og þetta er akkúrat það sem þær eflast við. Þegar þær finna einhverja uppgjöf eða trúleysi í andstæðingnum þá eru Keflavík sérfræðingar í að ganga á lagið og ganga frá þeim. Við leyfðum þeim það í kvöld og það er ömurlegt.“ Rúnar tók hvert leikhléið á fætur öðru í kvöld en það virtist ekki skila miklum árangri. Hann sagði að leikskipulagið væri í raun aukaatriði í svona leik, andlega hliðin væri það sem skipti máli og hún hefði brugðist í kvöld. „Við erum búin að keppa á móti Keflavíkurliði sem var að gera miklu flóknari hluti og voru meiri áskorun heldur en það sem þetta Keflavíkurlið er að gera. Þær spiluðu bara einfaldan körfubolta, voru að skipta á skrínum og berjast. Þetta snýst eiginlega ekkert um taktík. Þetta snýst um þennan andlega styrk. Þegar þú færð á þig högg, hvernig ætlarðu að bregðast við á móti?“ „Við vorum alveg að ráðast á þær upp að ákveðnu marki en í staðinn fyrir að hugsa svolítið um jafnvægið og hægja á hraðanum þá vorum við að keyra inn í þær og skjóta eins og við værum að drífa okkur. Skotin gengu ekki, Keflavík fær frákast og keyra í bakið á okkur og fá galopin „lay-up“ eða opin þristur í „transition“. Við sköpuðum okkar eigin vítahring í þessu.“ Rúnar var ekki tilbúinn að henda einstökum leikmönnum undir rútuna, en hin bandaríska Tynice Martin skoraði aðeins tvö stig í leiknum og sat á bekknum megnið af seinni hálfleik. Hann tók ábyrgðina einfaldlega á sig spurður út í frammistöðu hennar sem og Jönu Falsdóttur, sem einnig skoraði aðeins tvö stig. „Ég bara gerði liðið mitt ekki nógu tilbúið fyrir þennan leik. Mér fannst við vera klárar og við erum búnar að vera að ýta upp ákafanum á æfingum. Kannski er ég bara að horfa á eitthvað allt annað en það sem er að gerast og ekki að sjá það að við séum að komast upp með leti. En frammistaða margra lykilleikmanna í dag var ekki góð. Ég bara trúi því ekki að fólk sé ekki að reyna. Fólk er að reyna sitt allra best en stundum er það bara ekki nóg og stundum er það hausinn sem tekur yfir. Við þurfum að vinna í því.“ Rúnar lítur þrátt fyrir stórt tap á björtu hliðarnar. „Nú þarf ég bara að horfa á þetta þannig að þetta var bara einn körfuboltaleikur í nóvember og bara tvö stig. Þetta er enginn heimsendir. Við höfum tapað stærra og náð góðum árangri áður. Núna þurfum við bara að átta okkur á því hvar við þurfum að vera betri og læra af þessu og passa að þetta ekki koma yfir aftur.“ Körfubolti Subway-deild kvenna UMF Njarðvík Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Segja að Alexander-Arnold sé opinn fyrir því að fara til Real Madrid Enski boltinn Enska sambandið vill Guardiola og er tilbúið að bíða Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Adam Silver ver nýjan svuntuskatt NBA deildarinnar Jón Axel fer í nýtt félag á Spáni Faðir Kobe Bryant er látinn Njarðvíkingar búnir að finna sér Bandaríkjamann Þrjátíu stiga tap gegn Slóvenum en sextán liða úrslit framundan Keflvíkingar fá þýskan framherja Stelpurnar komust ekki upp í A-deildina Tólf ár á milli fjórðu og fimmtu Ólympíuleika hennar Bronny James hefur klikkað á öllum skotunum sínum Stórkostlegt svar hjá íslensku strákunum eftir skellinn í gær Fáliðað lið Ísland tapaði í undanúrslitum Norðurlandameistarnir fengu stóran skell í fyrsta leik EM Matareitrun á EM: Fimm veikar í íslenska hópnum og ein fór á sjúkrahús Brunson hjálpar Knicks með því að skilja fimmtán milljarða eftir á borðinu Búin að bæta nýliðametið þótt að það séu enn sextán leikir eftir Innlit í nýtt íþróttahús Njarðvíkinga: „Þetta er þvílíkt mannvirki“ Íslensku stelpurnar í undanúrslit eftir stórsigur á Írum Caitlin Clark með tölur sem hafa aldrei sést í NBA né WNBA Kawhi vildi spila á Ólympíuleikunum en var sendur heim Agnes og Eva atkvæðamestar í tapi fyrir Tékkum Danski Jokic í Bónus-deildina „Sannfærð um að þessi samningur lyfti körfuboltanum enn meira upp“ Subway deildin verður Bónus deildin Reiknar með því að hinn fjörutíu og tveggja ára Hlynur troði á komandi tímabili Tryggðu sér sæti í átta liða úrslitum Grindvíkingar fá landsliðskonu frá Njarðvík Álftanes fær til sín leikjahæsta Stjörnumanninn Giannis á leið á sína fyrstu Ólympíuleika Caitlin Clark varð fyrsti nýliðinn til að ná þrefaldri tvennu LeBron fær meira borgað næstu tvö ár en Jordan fékk allan ferilinn Sjá meira
Fyrirfram vonuðust eflaust margir eftir hörkuleik í þessum grannaslag en Blue-höllin virðist hafa þveröfug áhrif á Njarðvíkinga. „Það er eitthvað við þetta hús sem virðist ekki ná að kveikja nægilega vel í okkur. Frammistaðan í kvöld var bara óásættanleg, það er bara eins og það er. Við byrjum varnarlega allt í lagi og þetta er í ágætis jafnvægi. Við náðum okkar náttúrulega aldrei á strik sóknarlega. Við skjótum 20 prósent í heildarskotum held ég og erum undir tíu prósent í þriggja.“ Andleysið fór fljótt að skína úr andlitum Njarðvíkinga sem virtust hreinlega leggja árar í bát undir lok fyrri hálfleiks en Rúnar var alls ekki sáttur með hversu fljótt hans leikmenn virtust missa trúna á verkefnið. „Það var ekkert að ganga til að byrja með og svo fjaraði trúin út ansi fljótt fannst mér, alltof fljótt. Það er merki um andleg einkenni sem við þurfum að vinna í. Þetta smitaðist svo bara yfir í vörnina. Þegar við fórum að missa trúna sóknarlega þá urðum við hægari og hljóðlátari varnarlega.“ Fullkominn stormur „Keflvíkingarnir eru bara það góðar og þetta er akkúrat það sem þær eflast við. Þegar þær finna einhverja uppgjöf eða trúleysi í andstæðingnum þá eru Keflavík sérfræðingar í að ganga á lagið og ganga frá þeim. Við leyfðum þeim það í kvöld og það er ömurlegt.“ Rúnar tók hvert leikhléið á fætur öðru í kvöld en það virtist ekki skila miklum árangri. Hann sagði að leikskipulagið væri í raun aukaatriði í svona leik, andlega hliðin væri það sem skipti máli og hún hefði brugðist í kvöld. „Við erum búin að keppa á móti Keflavíkurliði sem var að gera miklu flóknari hluti og voru meiri áskorun heldur en það sem þetta Keflavíkurlið er að gera. Þær spiluðu bara einfaldan körfubolta, voru að skipta á skrínum og berjast. Þetta snýst eiginlega ekkert um taktík. Þetta snýst um þennan andlega styrk. Þegar þú færð á þig högg, hvernig ætlarðu að bregðast við á móti?“ „Við vorum alveg að ráðast á þær upp að ákveðnu marki en í staðinn fyrir að hugsa svolítið um jafnvægið og hægja á hraðanum þá vorum við að keyra inn í þær og skjóta eins og við værum að drífa okkur. Skotin gengu ekki, Keflavík fær frákast og keyra í bakið á okkur og fá galopin „lay-up“ eða opin þristur í „transition“. Við sköpuðum okkar eigin vítahring í þessu.“ Rúnar var ekki tilbúinn að henda einstökum leikmönnum undir rútuna, en hin bandaríska Tynice Martin skoraði aðeins tvö stig í leiknum og sat á bekknum megnið af seinni hálfleik. Hann tók ábyrgðina einfaldlega á sig spurður út í frammistöðu hennar sem og Jönu Falsdóttur, sem einnig skoraði aðeins tvö stig. „Ég bara gerði liðið mitt ekki nógu tilbúið fyrir þennan leik. Mér fannst við vera klárar og við erum búnar að vera að ýta upp ákafanum á æfingum. Kannski er ég bara að horfa á eitthvað allt annað en það sem er að gerast og ekki að sjá það að við séum að komast upp með leti. En frammistaða margra lykilleikmanna í dag var ekki góð. Ég bara trúi því ekki að fólk sé ekki að reyna. Fólk er að reyna sitt allra best en stundum er það bara ekki nóg og stundum er það hausinn sem tekur yfir. Við þurfum að vinna í því.“ Rúnar lítur þrátt fyrir stórt tap á björtu hliðarnar. „Nú þarf ég bara að horfa á þetta þannig að þetta var bara einn körfuboltaleikur í nóvember og bara tvö stig. Þetta er enginn heimsendir. Við höfum tapað stærra og náð góðum árangri áður. Núna þurfum við bara að átta okkur á því hvar við þurfum að vera betri og læra af þessu og passa að þetta ekki koma yfir aftur.“
Körfubolti Subway-deild kvenna UMF Njarðvík Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Segja að Alexander-Arnold sé opinn fyrir því að fara til Real Madrid Enski boltinn Enska sambandið vill Guardiola og er tilbúið að bíða Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Adam Silver ver nýjan svuntuskatt NBA deildarinnar Jón Axel fer í nýtt félag á Spáni Faðir Kobe Bryant er látinn Njarðvíkingar búnir að finna sér Bandaríkjamann Þrjátíu stiga tap gegn Slóvenum en sextán liða úrslit framundan Keflvíkingar fá þýskan framherja Stelpurnar komust ekki upp í A-deildina Tólf ár á milli fjórðu og fimmtu Ólympíuleika hennar Bronny James hefur klikkað á öllum skotunum sínum Stórkostlegt svar hjá íslensku strákunum eftir skellinn í gær Fáliðað lið Ísland tapaði í undanúrslitum Norðurlandameistarnir fengu stóran skell í fyrsta leik EM Matareitrun á EM: Fimm veikar í íslenska hópnum og ein fór á sjúkrahús Brunson hjálpar Knicks með því að skilja fimmtán milljarða eftir á borðinu Búin að bæta nýliðametið þótt að það séu enn sextán leikir eftir Innlit í nýtt íþróttahús Njarðvíkinga: „Þetta er þvílíkt mannvirki“ Íslensku stelpurnar í undanúrslit eftir stórsigur á Írum Caitlin Clark með tölur sem hafa aldrei sést í NBA né WNBA Kawhi vildi spila á Ólympíuleikunum en var sendur heim Agnes og Eva atkvæðamestar í tapi fyrir Tékkum Danski Jokic í Bónus-deildina „Sannfærð um að þessi samningur lyfti körfuboltanum enn meira upp“ Subway deildin verður Bónus deildin Reiknar með því að hinn fjörutíu og tveggja ára Hlynur troði á komandi tímabili Tryggðu sér sæti í átta liða úrslitum Grindvíkingar fá landsliðskonu frá Njarðvík Álftanes fær til sín leikjahæsta Stjörnumanninn Giannis á leið á sína fyrstu Ólympíuleika Caitlin Clark varð fyrsti nýliðinn til að ná þrefaldri tvennu LeBron fær meira borgað næstu tvö ár en Jordan fékk allan ferilinn Sjá meira