Innlent

Fundi lauk án árangurs og verk­fall á fimmtu­dag

Sólrún Dögg Jósefsdóttir og Margrét Helga Erlingsdóttir skrifa
Flugumferðastjórar og fulltrúar flugfélaga funda í Karphúsinu.
Flugumferðastjórar og fulltrúar flugfélaga funda í Karphúsinu. Vísir/Sigurjón

Samningafundi Félags flugumferðarstjóra og Samtaka atvinnulífsins, fyrir hönd Isavia, lauk um fimmleytið án árangurs. Næsti fundur í kjaradeilunni verður á fimmtudag klukkan tvö. Það er því ljóst að sú vinnustöðvun sem boðuð hefur verið næsta fimmtudag kemur til framkvæmda.

Fundurinn í dag hófst klukkan þrjú og fór fram í húsakynnum ríkissáttasemjara.

Ferðaplön þúsunda farþega röskuðust þegar fyrsta lota verkfallsaðgerða skall á í morgun. Sambærilegar aðgerðir hafa verið boðaðar næstkomandi fimmtudag en einnig á mánudag og miðvikudag í næstu viku.

Icelandair og Play skoða nú réttarstöðu sína vegna málsins og segja aðgerðir flugumferðarstjóra hafa valdið félögunum miklu tjóni.

Kjaraviðræður 2023 Fréttir af flugi Kjaramál Icelandair Play Keflavíkurflugvöllur Reykjavíkurflugvöllur

Mest lesið


Fleiri fréttir

Sjá meira


×

Mest lesið