Hefði verið skelfilegt að byrja ævina á skjalafalsi Svava Marín Óskarsdóttir skrifar 29. febrúar 2024 08:00 Rakel Grímsdóttir elskar afmælisdaginn sinn. Rakel Gríms Hlaupár er á fjögurra ára fresti líkt og flestum er kunnugt. Í ár bættist auka dagur við almanakið, 29. febrúar. Mest fæddust þrjátíu börn á Íslandi á hlaupársdaginn árið 1980, tuttugu og sjö börn árið 1988 en aðeins sjö börn þennan dag árið 2020. Vísir heyrði hljóðið í fjórum hlaupaársbörnum sem eru mismikil afmælisbörn. Besti afmælisdagur í heimi Rakel Grímsdóttir flugfreyja fæddist þennan dag árið 1992 og er því 32 ára. Hún segir fólk hafa vorkennt sér í gegnum tíðina að eiga afmæli þennan dag sem hún sjálf sér ekki sem vandamál. „Þetta er í alvörunni besti afmælisdagur í heimi. Þau ár sem 29. febrúar kemur ekki þá á ég í rauninni tvo daga sem ég held upp á afmælið, 28. febrúar og 1.mars, og fjórða hvert ár þegar dagurinn kemur þá á ég þennan risastóra og sérstaka afmælisdag. Ég er frekar mikið afmælisbarn og fjölskyldan mín hefur alltaf passað mjög vel uppá að ég fengi minn afmælisdag þrátt fyrir að það væri ekki hlaupár. Ég fæddist ekki svo löngu fyrir miðnætti og ljósmóðirin bauð mömmu uppá að skrifa mig bara á 1. mars svo ég þyrfti ekki að lifa með því að eiga afmæli á hlaupársdaginn. Rakel Gríms þekkir þá tilfinningu betur en margir að stíga inn og út úr flugvél. Yfirleitt nokkuð stærri vélum í starfi sínu sem flugfreyja.Rakel Gríms Mamma tók það ekki í mál, sem ég er mjög þakklát fyrir, enda hefði verið hræðilegt að missa af því að eiga þennan besta afmælisdag og byrja ævina á skjalafalsi.“ Hentar vel að eiga bara afmæli á hlaupári Arnar Freyr Frostason tónlistarmaður frá Sauðárkróki og liðsmaður dúettsins Úlfur Úlfur, segist auðvitað ekki þekkja annað en að eiga afmæli á þessum einstaka degi. „En ég finn út frá viðbrögðum annarra að þetta er sérstakt. Það finnst öllum öðrum þetta svo merkilegt að maður hrífst með.“ Arnar Freyr er 36 ára í dag og fagnar því fertugsafmæli eftir fjögur ár, á sjálfan hlaupársdaginn. Hann segist sjálfur ekki vera mikið afmælisbarn. Salka Sól Eyfeld og Arnar Freyr Frostason á góðri stundu. „Alls ekki. Mér finnst yndislegt að eldast en kæri mig ekkert sérstaklega um hátíðarhöld. Það hentar mér mjög vel að díla við þetta á fjögurra ára fresti.“ Helgi Sæmundur Guðmundsson, hinn Úlfurinn, kemur líka við sögu. „Helgi á afmæli 28. febrúar og hann fær daginn alveg fyrir sig. Ég er alsæll með eitt lítið augnablik á miðnætti.“ Þótt Arnar Freyr sé ekki mikið afmælisbarn þá er Salka Sól Eyfeld eiginkona hans mikil stemmningskona. Því grunar hann að mikið standi til. „Salka er með einhverja óvissu planaða, ég finn það á mér. “ Dreifir fögnuðnum yfir allt árið Kristín Þórhallsdóttir dýralæknir og kraftlyftingakona fagnar stórafmæli í dag. Borgnesingurinn er fertug. „Það vekur athygli að eiga afmæli á hlaupársdegi, fólki þykir það merkilegt og hefur oft orð á því þegar ég þarf að þylja kennitöluna mína einhvers staðar. Er ég þá yfirleitt spurð hve gömul ég sé eða sem sagt hve marga afmælisdaga ég hafi átt,“ segir Kristín. Fólkinu í kringum hana finnist gaman að þekkja einhvern sem á 29. febrúar sem afmælisdag. Kristín er margverðlaunuð kraftlyftingakona og hefur verið á meðal tíu efstu í kjörinu á íþróttamanni ársins.Kraft.is „Þegar ég var að alast upp þá héldu foreldrar mínir yfirleitt upp á 28. febrúar fyrir mig þegar ekki var hlaupár, til að halda við mánuðinn. Ég tengi því alltaf við febrúar sem minn afmælismánuð og held enn þann dag í dag upp á 28. febrúar þegar sá 29. er ekki.“ En nú er stórafmæli. „Í ár verð ég fjörutíu ára á mínum tíunda afmælisdegi. Ekkert stórt er svo sem í bígerð á sjálfan afmælisdaginn nema að vera í fríi og fara út að borða með fjölskyldunni. Síðan flýg ég út í sólina í afmælisferð eftir helgi. Ég útiloka þó ekki að halda veislu út af þessu tilefni síðar á árinu en draumurinn er að geta bara haldið upp á áfangann með alla kyns viðburðum og upplifunum yfir árið.“ Stórafmæli á næsta hlaupári Pétur Mikel Guðmundsson, starfsmaður hjá VÍS og Víkingur með meiru, fæddist þennan dag árið 1988. Hann ætlar að fagna deginum í ár með rólegra móti. Á næsta hlaupári verður Pétur líkt og Arnar Freyr fertugur og stefnir þá að því að halda gott partý. Pétur lofar góðu partýi á næsta afmælisdegi. Pétur Mikael „Ég fagna alltaf 28 febrúar og hef gert frá því að ég var krakki. Ég á afmæli í febrúar, asnalegt að halda upp á það í mars. Með aldrinum hefur afmælis umstangið minnkað eins og oft vill verða. Verður eitthvað rólegt í ár en árið 2028 verð ég fertugur 29. feb, þá verður eitthvað húllumhæ.“ Tímamót Hlaupársdagur Ástin og lífið Mest lesið Eva segir lífið betra með Kára Stefáns Lífið Falska söngkonan á leið í meðferð Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Tíu myndarleg einbýlishús á höfuðborgarsvæðinu Lífið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Stjörnulífið: Heimir Hallgríms ástfanginn í Suður Frakklandi Lífið Hildur Vala og Kjartan keyptu raðhús í Fossvogi Lífið Bannað að ræða fótbolta og heimilisfjármálin á stefnumótum Makamál „Hann er fullkominn eins og hann er“ Lífið Fleiri fréttir Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Gísli Pálmi í fótbolta með Barry Keoghan „Unun að troðið sé á manni þegar svona er“ Ljúffengur sumarréttur með burrata osti Erfið lífsreynsla að þurfa að yfirgefa heimili sitt Tíu myndarleg einbýlishús á höfuðborgarsvæðinu Falska söngkonan á leið í meðferð Myndaveisla: Héldu upp á tíu ára afmælið í Guðmundarlundi Eva segir lífið betra með Kára Stefáns Tónleikaferðalagið í vaskinn eftir ummæli um Trump Hélt niðri í sér hlátrinum yfir fölskum þjóðsöngnum Fékk hjálp úr óvæntri átt í miðjum skilnaði Sara Davíðs fann ástina í örmum flugstjóra Hildur Vala og Kjartan keyptu raðhús í Fossvogi Lengi lifir í gömlum glæðum Rúrik og Pétur Jóhann þeir frægustu sem hún hefur hitt Hrikalega spennandi grillkeppni á Kótilettunni Logi Bergmann var tekinn New York Times lofar Snertingu Með lykilinn að því hvernig á að gera eftirhermu af Íslending Stjörnum prýdd dómnefnd í Ungfrú Ísland Sumarlegur fiskréttur á pönnu Stjörnulífið: Heimir Hallgríms ástfanginn í Suður Frakklandi „Hann er fullkominn eins og hann er“ „Ég var dómharður og ömurlegur gæi“ „Ég var með beinflísar stingandi inn í mænuna mína“ Richard Simmons látinn Shannen Doherty látin Dægrastytting í heimsfaraldri uppskar óvænta frægð Veiðiþættirnir Allt í keng: Nýi skólinn hittir gamla skólann Sjá meira
Vísir heyrði hljóðið í fjórum hlaupaársbörnum sem eru mismikil afmælisbörn. Besti afmælisdagur í heimi Rakel Grímsdóttir flugfreyja fæddist þennan dag árið 1992 og er því 32 ára. Hún segir fólk hafa vorkennt sér í gegnum tíðina að eiga afmæli þennan dag sem hún sjálf sér ekki sem vandamál. „Þetta er í alvörunni besti afmælisdagur í heimi. Þau ár sem 29. febrúar kemur ekki þá á ég í rauninni tvo daga sem ég held upp á afmælið, 28. febrúar og 1.mars, og fjórða hvert ár þegar dagurinn kemur þá á ég þennan risastóra og sérstaka afmælisdag. Ég er frekar mikið afmælisbarn og fjölskyldan mín hefur alltaf passað mjög vel uppá að ég fengi minn afmælisdag þrátt fyrir að það væri ekki hlaupár. Ég fæddist ekki svo löngu fyrir miðnætti og ljósmóðirin bauð mömmu uppá að skrifa mig bara á 1. mars svo ég þyrfti ekki að lifa með því að eiga afmæli á hlaupársdaginn. Rakel Gríms þekkir þá tilfinningu betur en margir að stíga inn og út úr flugvél. Yfirleitt nokkuð stærri vélum í starfi sínu sem flugfreyja.Rakel Gríms Mamma tók það ekki í mál, sem ég er mjög þakklát fyrir, enda hefði verið hræðilegt að missa af því að eiga þennan besta afmælisdag og byrja ævina á skjalafalsi.“ Hentar vel að eiga bara afmæli á hlaupári Arnar Freyr Frostason tónlistarmaður frá Sauðárkróki og liðsmaður dúettsins Úlfur Úlfur, segist auðvitað ekki þekkja annað en að eiga afmæli á þessum einstaka degi. „En ég finn út frá viðbrögðum annarra að þetta er sérstakt. Það finnst öllum öðrum þetta svo merkilegt að maður hrífst með.“ Arnar Freyr er 36 ára í dag og fagnar því fertugsafmæli eftir fjögur ár, á sjálfan hlaupársdaginn. Hann segist sjálfur ekki vera mikið afmælisbarn. Salka Sól Eyfeld og Arnar Freyr Frostason á góðri stundu. „Alls ekki. Mér finnst yndislegt að eldast en kæri mig ekkert sérstaklega um hátíðarhöld. Það hentar mér mjög vel að díla við þetta á fjögurra ára fresti.“ Helgi Sæmundur Guðmundsson, hinn Úlfurinn, kemur líka við sögu. „Helgi á afmæli 28. febrúar og hann fær daginn alveg fyrir sig. Ég er alsæll með eitt lítið augnablik á miðnætti.“ Þótt Arnar Freyr sé ekki mikið afmælisbarn þá er Salka Sól Eyfeld eiginkona hans mikil stemmningskona. Því grunar hann að mikið standi til. „Salka er með einhverja óvissu planaða, ég finn það á mér. “ Dreifir fögnuðnum yfir allt árið Kristín Þórhallsdóttir dýralæknir og kraftlyftingakona fagnar stórafmæli í dag. Borgnesingurinn er fertug. „Það vekur athygli að eiga afmæli á hlaupársdegi, fólki þykir það merkilegt og hefur oft orð á því þegar ég þarf að þylja kennitöluna mína einhvers staðar. Er ég þá yfirleitt spurð hve gömul ég sé eða sem sagt hve marga afmælisdaga ég hafi átt,“ segir Kristín. Fólkinu í kringum hana finnist gaman að þekkja einhvern sem á 29. febrúar sem afmælisdag. Kristín er margverðlaunuð kraftlyftingakona og hefur verið á meðal tíu efstu í kjörinu á íþróttamanni ársins.Kraft.is „Þegar ég var að alast upp þá héldu foreldrar mínir yfirleitt upp á 28. febrúar fyrir mig þegar ekki var hlaupár, til að halda við mánuðinn. Ég tengi því alltaf við febrúar sem minn afmælismánuð og held enn þann dag í dag upp á 28. febrúar þegar sá 29. er ekki.“ En nú er stórafmæli. „Í ár verð ég fjörutíu ára á mínum tíunda afmælisdegi. Ekkert stórt er svo sem í bígerð á sjálfan afmælisdaginn nema að vera í fríi og fara út að borða með fjölskyldunni. Síðan flýg ég út í sólina í afmælisferð eftir helgi. Ég útiloka þó ekki að halda veislu út af þessu tilefni síðar á árinu en draumurinn er að geta bara haldið upp á áfangann með alla kyns viðburðum og upplifunum yfir árið.“ Stórafmæli á næsta hlaupári Pétur Mikel Guðmundsson, starfsmaður hjá VÍS og Víkingur með meiru, fæddist þennan dag árið 1988. Hann ætlar að fagna deginum í ár með rólegra móti. Á næsta hlaupári verður Pétur líkt og Arnar Freyr fertugur og stefnir þá að því að halda gott partý. Pétur lofar góðu partýi á næsta afmælisdegi. Pétur Mikael „Ég fagna alltaf 28 febrúar og hef gert frá því að ég var krakki. Ég á afmæli í febrúar, asnalegt að halda upp á það í mars. Með aldrinum hefur afmælis umstangið minnkað eins og oft vill verða. Verður eitthvað rólegt í ár en árið 2028 verð ég fertugur 29. feb, þá verður eitthvað húllumhæ.“
Tímamót Hlaupársdagur Ástin og lífið Mest lesið Eva segir lífið betra með Kára Stefáns Lífið Falska söngkonan á leið í meðferð Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Tíu myndarleg einbýlishús á höfuðborgarsvæðinu Lífið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Stjörnulífið: Heimir Hallgríms ástfanginn í Suður Frakklandi Lífið Hildur Vala og Kjartan keyptu raðhús í Fossvogi Lífið Bannað að ræða fótbolta og heimilisfjármálin á stefnumótum Makamál „Hann er fullkominn eins og hann er“ Lífið Fleiri fréttir Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Gísli Pálmi í fótbolta með Barry Keoghan „Unun að troðið sé á manni þegar svona er“ Ljúffengur sumarréttur með burrata osti Erfið lífsreynsla að þurfa að yfirgefa heimili sitt Tíu myndarleg einbýlishús á höfuðborgarsvæðinu Falska söngkonan á leið í meðferð Myndaveisla: Héldu upp á tíu ára afmælið í Guðmundarlundi Eva segir lífið betra með Kára Stefáns Tónleikaferðalagið í vaskinn eftir ummæli um Trump Hélt niðri í sér hlátrinum yfir fölskum þjóðsöngnum Fékk hjálp úr óvæntri átt í miðjum skilnaði Sara Davíðs fann ástina í örmum flugstjóra Hildur Vala og Kjartan keyptu raðhús í Fossvogi Lengi lifir í gömlum glæðum Rúrik og Pétur Jóhann þeir frægustu sem hún hefur hitt Hrikalega spennandi grillkeppni á Kótilettunni Logi Bergmann var tekinn New York Times lofar Snertingu Með lykilinn að því hvernig á að gera eftirhermu af Íslending Stjörnum prýdd dómnefnd í Ungfrú Ísland Sumarlegur fiskréttur á pönnu Stjörnulífið: Heimir Hallgríms ástfanginn í Suður Frakklandi „Hann er fullkominn eins og hann er“ „Ég var dómharður og ömurlegur gæi“ „Ég var með beinflísar stingandi inn í mænuna mína“ Richard Simmons látinn Shannen Doherty látin Dægrastytting í heimsfaraldri uppskar óvænta frægð Veiðiþættirnir Allt í keng: Nýi skólinn hittir gamla skólann Sjá meira