Adrenalínið bætir upp fyrir slæmu dagana Valur Páll Eiríksson skrifar 19. mars 2024 10:30 Thelma Aðalsteinsdóttir kom sá og sigraði á Íslandsmótinu í áhaldafimleikum um helgina. Vísir/Arnar Thelma Aðalsteinsdóttir vann Íslandsmótið í áhaldafimleikum þriðja árið í röð um helgina og vakti þá einnig athygli í grein sem hún vann þó ekki. Thelma hætti um tíma í fimleikum vegna meiðsla en byrjaði aftur af fullum krafti í aðdraganda Íslandsmótsins í áhaldafimleikum árið 2022 og vann þá Íslandsmeistaratitilinn í fjölþraut kvenna. Hún varði þann titil í fyrra og aftur um nýliðna helgi. Valgarð Reinhardsson og Thelma Aðalsteinsdóttir urðu Íslandsmeistarar í fjölþraut.Mynd/Fimleikasamband Íslands En hvað er það sem er svona skemmtilegt við íþróttina og dregur fólk aftur inn? „Ég hugsa að það sé adrenalínið, segir Thelma. Stundum á maður ömurlega daga sem er leiðinlegt en að komast í gegnum þá daga og eiga svo góðu daga. Það er svo geggjað að eiga þessa góðu daga, og maður fær svo mikið adrenalín við að framkvæma ný móment eða að lenda stökkinu sínu ennþá betur eða eitthvað svoleiðis,“ segir Thelma. Ekki sú besta sem barn Thelma æfði aldrei aðra íþrótt en fimleika sem barn. Hún féll þó ekki almennilega fyrir íþróttinni fyrr en árið 2018, og hafði fram að því ekki lagt eins mikið í íþróttina líkt og hún gerir í dag. „Ég var ekki mjög góð sem krakki, ég var alveg sterk en var alveg óþekk líka. Þannig að það var erfitt fyrir mig að læra allt og eitthvað svona,“ segir Thelma og hlær. Thelma segist ekki alltaf hafa hagað sér vel á æfingum sem barn. Hún hafi fundið ástríðuna fyrir íþróttinni 2018.Mynd/Fimleikasamband Íslands „Ég myndi segja að það hafi verið 2018 sem ég áttaði mig á því að mig langaði virkilega að vera í fimleikum. Fram að því var ég bara hérna. Til að halda mér einhverri íþrótt.“ En hvað gerist þarna 2018? „Ég fór fyrst á HM 2018, þá gerðist eitthvað. Þá sá ég Simone Biles og allar þessar stóru. Það var geðveikt að sjá þær,“ segir Thelma. Æft í fimm til átta tíma á dag Það er ekkert grín að stunda þessa fimleika. Thelma æfir að lágmarki fimm klukkustundir á dag, og yfirleitt sjö til átta tíma þegar hún er ekki bundin í skóla. Hún er á öðru ári í lyfjafræðinámi samhliða afreksstarfinu. „Ef ég fer ekki í skólann, þá mæti ég á æfingu kl. 8:30 og er til svona 11. Síðan mæti ég á seinni parts æfingu 15:30,“ segir Thelma en síðari æfingin endist yfirleitt til klukkan 20:30. Hún fær þó sína frídaga. „Það er frí á sunnudögum og fimmtudögum.“ Mikil vinna fer í íþróttina en Thelma segir að almennt gangi vel að para hana saman við háskólanámið.Mynd/Fimleikasamband Íslands Thelma segir þá að það gangi nokkuð vel að para saman nám og fimleikana. Þó það geti reynst strembnara þegar lokapróf í háskólanum skarist á við stórmót, líkt og útlit er fyrir í vor. „Það gengur bara ágætlega. Það er dálítið mikið að gera núna í skólanum þannig að ég er dálítið eftir á. En ég reyni að stressa mig ekki yfir því og reyni að finna mér einhverja aðra námstækni en ég er vön að gera, þar sem ég hef ekki tíma fyrir hana núna,“ segir Thelma. Getur komist í sögubækurnar Eftir að Thelma vann fjölþrautina á laugardeginum var keppt í stökum áhöldum á sunnudeginum. Hún vann þar þrjár af fjórum greinum; hlaut gull í stökki, á slá og á gólfi en hafnaði í þriðja sæti á tvíslá. Það var þó á tvíslánni sem hún vakti hvað mesta athygli. Norðurlandamót og Evrópumót eru fram undan. Framkvæmi Thelma æfinguna á tvíslá á síðarnefnda mótinu skráir hún sig í sögubækurnar.Mynd/Fimleikasamband Íslands Hún sýndi æfingu sem hefur ekki sést áður á heimsvísu. Æfingin er framhringur á tvíslá tengdur beint í framheljarstökk eða á fimleikamáli „Wheeler tengt í Comăneci“. Framkvæmi hún æfinguna á stórmóti mun hún verða skýrð í höfuð hennar. Það er markmið hennar fyrir komandi Evrópumót í vor. „Jú, algjörlega. Vonandi á EM í maí,“ segir Thelma. Viðtalið má sjá í spilaranum að ofan. Fimleikar Mest lesið Orri og félagar duttu út með hádramatískum hætti Fótbolti Segir Müller eiga skilið góða kveðjustund Fótbolti „Verður vonandi tilbúinn fyrir síðustu leiki tímabilsins“ Enski boltinn „Ekki tími ársins til að fara inn í einhverja skel“ Körfubolti Sluppu með sigur og hafa haldið oftast hreinu Enski boltinn Uppgjörið: Njarðvík 84-75 Stjarnan | Njarðvík tekur foyrsuna í kaflaskiptum leik Körfubolti „Þetta var alveg orðið smá stressandi“ Sport Dagskráin í dag: Úrslitakeppni karla hefst Sport Þjálfari Sveindísar segir starfi sínu lausu Fótbolti Saka sneri aftur og skoraði í sigri Skyttnanna Enski boltinn Fleiri fréttir Dagskráin í dag: Úrslitakeppni karla hefst „Verður vonandi tilbúinn fyrir síðustu leiki tímabilsins“ Segir Müller eiga skilið góða kveðjustund Orri og félagar duttu út með hádramatískum hætti „Þetta var alveg orðið smá stressandi“ „Ekki tími ársins til að fara inn í einhverja skel“ Uppgjörið: Njarðvík 84-75 Stjarnan | Njarðvík tekur foyrsuna í kaflaskiptum leik „Verðum að nýta hvert einasta tækifæri sem við fáum“ Saka sneri aftur og skoraði í sigri Skyttnanna Sluppu með sigur og hafa haldið oftast hreinu Íslendingalið í átta liða úrslit Evrópudeildarinnar Uppgjörið: Þór - Valur 86-92 | Sterkur sigur sóttur í fyrsta leik Þjálfari Sveindísar segir starfi sínu lausu Pelikanarnir búnir að gefast upp „Búin að taka mig inn í fjölskylduna“ Úthúðar þjálfaranum: Fékk betri æfingar í flóttamannabúðunum Dæmdur í áttatíu leikja bann og tapar 769 milljónum króna HM stækkað og verðlaunaféð tvöfaldað Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ Þórey aftur inn í landsliðið: „Þurftum bara aðeins að hreinsa andrúmsloftið“ „Stærsta í þessu er ef Rúnar Már nær að spila meira“ McIlroy meiddur í aðdraganda Masters Besta-spáin 2025: Vindur í Skagaseglin Valskonur fá seinni leikinn heima Sagði Fernandes að hann færi hvergi Lífvörðurinn bannaður: „Leyfið mér að hjálpa Messi“ Tárin streymdu hjá gömlu United-hetjunni KA kaus að losa sig við þjálfarann Sjá meira
Thelma hætti um tíma í fimleikum vegna meiðsla en byrjaði aftur af fullum krafti í aðdraganda Íslandsmótsins í áhaldafimleikum árið 2022 og vann þá Íslandsmeistaratitilinn í fjölþraut kvenna. Hún varði þann titil í fyrra og aftur um nýliðna helgi. Valgarð Reinhardsson og Thelma Aðalsteinsdóttir urðu Íslandsmeistarar í fjölþraut.Mynd/Fimleikasamband Íslands En hvað er það sem er svona skemmtilegt við íþróttina og dregur fólk aftur inn? „Ég hugsa að það sé adrenalínið, segir Thelma. Stundum á maður ömurlega daga sem er leiðinlegt en að komast í gegnum þá daga og eiga svo góðu daga. Það er svo geggjað að eiga þessa góðu daga, og maður fær svo mikið adrenalín við að framkvæma ný móment eða að lenda stökkinu sínu ennþá betur eða eitthvað svoleiðis,“ segir Thelma. Ekki sú besta sem barn Thelma æfði aldrei aðra íþrótt en fimleika sem barn. Hún féll þó ekki almennilega fyrir íþróttinni fyrr en árið 2018, og hafði fram að því ekki lagt eins mikið í íþróttina líkt og hún gerir í dag. „Ég var ekki mjög góð sem krakki, ég var alveg sterk en var alveg óþekk líka. Þannig að það var erfitt fyrir mig að læra allt og eitthvað svona,“ segir Thelma og hlær. Thelma segist ekki alltaf hafa hagað sér vel á æfingum sem barn. Hún hafi fundið ástríðuna fyrir íþróttinni 2018.Mynd/Fimleikasamband Íslands „Ég myndi segja að það hafi verið 2018 sem ég áttaði mig á því að mig langaði virkilega að vera í fimleikum. Fram að því var ég bara hérna. Til að halda mér einhverri íþrótt.“ En hvað gerist þarna 2018? „Ég fór fyrst á HM 2018, þá gerðist eitthvað. Þá sá ég Simone Biles og allar þessar stóru. Það var geðveikt að sjá þær,“ segir Thelma. Æft í fimm til átta tíma á dag Það er ekkert grín að stunda þessa fimleika. Thelma æfir að lágmarki fimm klukkustundir á dag, og yfirleitt sjö til átta tíma þegar hún er ekki bundin í skóla. Hún er á öðru ári í lyfjafræðinámi samhliða afreksstarfinu. „Ef ég fer ekki í skólann, þá mæti ég á æfingu kl. 8:30 og er til svona 11. Síðan mæti ég á seinni parts æfingu 15:30,“ segir Thelma en síðari æfingin endist yfirleitt til klukkan 20:30. Hún fær þó sína frídaga. „Það er frí á sunnudögum og fimmtudögum.“ Mikil vinna fer í íþróttina en Thelma segir að almennt gangi vel að para hana saman við háskólanámið.Mynd/Fimleikasamband Íslands Thelma segir þá að það gangi nokkuð vel að para saman nám og fimleikana. Þó það geti reynst strembnara þegar lokapróf í háskólanum skarist á við stórmót, líkt og útlit er fyrir í vor. „Það gengur bara ágætlega. Það er dálítið mikið að gera núna í skólanum þannig að ég er dálítið eftir á. En ég reyni að stressa mig ekki yfir því og reyni að finna mér einhverja aðra námstækni en ég er vön að gera, þar sem ég hef ekki tíma fyrir hana núna,“ segir Thelma. Getur komist í sögubækurnar Eftir að Thelma vann fjölþrautina á laugardeginum var keppt í stökum áhöldum á sunnudeginum. Hún vann þar þrjár af fjórum greinum; hlaut gull í stökki, á slá og á gólfi en hafnaði í þriðja sæti á tvíslá. Það var þó á tvíslánni sem hún vakti hvað mesta athygli. Norðurlandamót og Evrópumót eru fram undan. Framkvæmi Thelma æfinguna á tvíslá á síðarnefnda mótinu skráir hún sig í sögubækurnar.Mynd/Fimleikasamband Íslands Hún sýndi æfingu sem hefur ekki sést áður á heimsvísu. Æfingin er framhringur á tvíslá tengdur beint í framheljarstökk eða á fimleikamáli „Wheeler tengt í Comăneci“. Framkvæmi hún æfinguna á stórmóti mun hún verða skýrð í höfuð hennar. Það er markmið hennar fyrir komandi Evrópumót í vor. „Jú, algjörlega. Vonandi á EM í maí,“ segir Thelma. Viðtalið má sjá í spilaranum að ofan.
Fimleikar Mest lesið Orri og félagar duttu út með hádramatískum hætti Fótbolti Segir Müller eiga skilið góða kveðjustund Fótbolti „Verður vonandi tilbúinn fyrir síðustu leiki tímabilsins“ Enski boltinn „Ekki tími ársins til að fara inn í einhverja skel“ Körfubolti Sluppu með sigur og hafa haldið oftast hreinu Enski boltinn Uppgjörið: Njarðvík 84-75 Stjarnan | Njarðvík tekur foyrsuna í kaflaskiptum leik Körfubolti „Þetta var alveg orðið smá stressandi“ Sport Dagskráin í dag: Úrslitakeppni karla hefst Sport Þjálfari Sveindísar segir starfi sínu lausu Fótbolti Saka sneri aftur og skoraði í sigri Skyttnanna Enski boltinn Fleiri fréttir Dagskráin í dag: Úrslitakeppni karla hefst „Verður vonandi tilbúinn fyrir síðustu leiki tímabilsins“ Segir Müller eiga skilið góða kveðjustund Orri og félagar duttu út með hádramatískum hætti „Þetta var alveg orðið smá stressandi“ „Ekki tími ársins til að fara inn í einhverja skel“ Uppgjörið: Njarðvík 84-75 Stjarnan | Njarðvík tekur foyrsuna í kaflaskiptum leik „Verðum að nýta hvert einasta tækifæri sem við fáum“ Saka sneri aftur og skoraði í sigri Skyttnanna Sluppu með sigur og hafa haldið oftast hreinu Íslendingalið í átta liða úrslit Evrópudeildarinnar Uppgjörið: Þór - Valur 86-92 | Sterkur sigur sóttur í fyrsta leik Þjálfari Sveindísar segir starfi sínu lausu Pelikanarnir búnir að gefast upp „Búin að taka mig inn í fjölskylduna“ Úthúðar þjálfaranum: Fékk betri æfingar í flóttamannabúðunum Dæmdur í áttatíu leikja bann og tapar 769 milljónum króna HM stækkað og verðlaunaféð tvöfaldað Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ Þórey aftur inn í landsliðið: „Þurftum bara aðeins að hreinsa andrúmsloftið“ „Stærsta í þessu er ef Rúnar Már nær að spila meira“ McIlroy meiddur í aðdraganda Masters Besta-spáin 2025: Vindur í Skagaseglin Valskonur fá seinni leikinn heima Sagði Fernandes að hann færi hvergi Lífvörðurinn bannaður: „Leyfið mér að hjálpa Messi“ Tárin streymdu hjá gömlu United-hetjunni KA kaus að losa sig við þjálfarann Sjá meira