Hætti við að hætta og varð bikarmeistari: „Súrealískt, líkt og í draumi“ Aron Guðmundsson skrifar 26. mars 2024 07:30 Danero Thomas hefur þurft að bíða lengi eftir sínum fyrsta titli í körfubolta á Íslandi. Hann varð bikarmeistari með Keflavík um nýliðna helgi Vísir/Sigurjón Ólason Það er óhætt að segja að undanfarnir mánuðir hafi verið rússíbanareið fyrir Danero Thomas. Eftir að hafa lagt körfuboltaskóna á hilluna í desember hætti hann við að hætta, gekk til liðs við Keflavík og vann sinn fyrsta stóra titil á Íslandi um nýliðna helgi. Keflavík varð tvöfaldur bikarmeistari um nýliðna helgi. Kvennalið félagsins lagði Þór frá Akureyri og karla megin batt karlaliðið enda á tólf ára bið sína eftir titli með sigri á Tindastól. Í liði Keflvíkinga var að finna íslenska ríkisborgarann Danero Thomas sem hefur leikið hér á landi síðan árið 2012. Þetta var hans fyrsti titill á Íslandi. „Súeralískt. Líkt og í draumi. Ég er enn að átta mig á þessu. Það fylgdi því frábær tilfinning að verða bikarmeistari. Ég er búinn að vera brosandi síðan að við tryggðum okkur titilinn,“ segir Danero í samtali við Vísi. Keflavík, bikarmeistari 2024Vísir/Hulda Margrét Stökk á tækifærið: „Sjáðu hverju það skilaði mér“ Danero Thomas er fæddur árið 1986 í Bandaríkjunum. Hann kom fyrst til Íslands árið 2012 og gekk til liðs við KR. Síðan þá hefur hann komið nokkuð víða við í íslenskum körfubolta en hann gekk til liðs við Hamar í þriðja sinn á ferlinum fyrir þetta tímabil. Hann lék einnig fyrir Val, Fjölni, ÍR, Tindastól og síðast Breiðablik. Árin 2015-2017 lék hann með Þór frá Akureyri og var einn af lykilleikmönnum liðsins þegar liðið vann sér sæti í úrvalsdeild 2016. Árið 2018 fékk Danero svo íslenskan ríkisborgararétt og lék sinn fyrsta landsleik gegn Noregi í september það ár. Fyrir aðeins þremur mánuðum síðan hafði Danero, sem hóf yfirstandandi tímabil sem leikmaður nýliða Hamars í Subway deildinni, ákveðið að leggja skóna á hilluna. Kallið frá Keflvíkingum kom hins vegar fljótlega eftir þá ákvörðun hans. Kall sem reyndist of hátt til þess að láta um eyru þjóta. „Ég lék einhverja ellefu leiki með liði Hamars. Staðan þar, hvað liðið varðar, gekk bara ekki upp fyrir mig. Ég fékk stórt tækifæri til þess að stökkva yfir í þjálfun frá Brynjari Karli, þjálfara Aþenu að hjálpa honum með liðið þar og svo með þann möguleika að þjálfa karlalið í framhaldinu. Svo kemur tilboð frá Keflavík tveimur vikum síðar. Ég átti samtal með eiginkonu minni á þeim tímapunkti og hún auðveldaði mér þá ákvörðun að snúa aftur inn á völlinn. Ég stökk á tækifærið með Keflavík og sjáðu hverju það skilaði mér.“ Sigur tilfinningin gleymst seint Ákvörðun sem er líklegast þess virði núna að hafa tekið? „Já klárlega þess virði. Ég er búinn að eltast lengi við þá tilfinningu sem maður finnur fyrir þegar að maður vinnur titil. Á mínum tólf ára ferli hér á Íslandi hafði mér aldrei tekist að vinna titil. Ég vann titla í háskólaboltanum í Bandaríkjunum og þar fram eftir götunum og kannaðist því við tilfinninguna sem því fylgir að vinna titil. Þetta hafa því verið tólf ár hjá mér að reyna upplifa þá tilfinningu aftur. Ár sem eru klárlega þess virði núna. Maður gleymir því aldrei hvernig er að upplifa slíka tilfinningu. Þess vegna hef ég verið að reyna allt sem í mínu valdi stendur til þess að upplifa þá tilfinningu aftur. Vonandi getum við haldið áfram að sækja fram og upplifað þessa tilfinningu aftur saman.“ Nóg eftir á tankinum: Útilokar ekki að halda áfram Verkefni Keflavíkur er ekki lokið á tímabilinu. Liðið er í góðri stöðu fyrir úrslitakeppni Subway deildarinnar og stefnir að frekari sigrum. Og undanfarnar vikur virðast hafa kveikt nýjan neista hjá hinum 37 ára gamla Danero Thomas „Þegar að ég mætti til félagsins var orkan þar ofboðslega góð. Ég vissi frá byrjun að þarna væri eitthvað sérstakt í gangi og að ég gæti komið með eitthvað aukalega að borðinu. Alveg sama hvert mitt hlutverk myndi verða hjá liðinu. Ég myndi alltaf gefa hundrað prósent í verkefnið.“ Eftir að hafa hætt við að hætta segist Danero Thomas nú ekki viss hvort hann muni leggja skóna endanlega á hilluna í lok yfirstandandi tímabils. „Eins og mér líður núna þá myndi ég hiklaust segja já,“ segir Danero aðspurður hvort hann íhugi að halda áfram að spila körfubolta á næsta tímabili. „Ég veit ekki hver staðan verður hjá mér undir lok tímabils en við skulum sjá til. Ég ætla ekki að loka á neitt. Ég á klárlega eitthvað eftir á tankinum. Ég mun íhuga þetta vandlega næstu mánuðina.“ Keflavík ÍF Subway-deild karla VÍS-bikarinn Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Mögnuð reynsla og magnaður hópur Sport Almar skoraði fjörutíu stig þegar Ísland varð Norðurlandameistari Körfubolti Í beinni: England - Slóvakía | Svara Englendingar gagnrýnisröddum? Fótbolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Myndefni af ofsaveðrinu: Þrumur, eldingar, haglél og fossandi rigning á EM Fótbolti „Við erum svona fimm prósentum frá þeim stað sem við viljum vera á“ Fótbolti „Mér finnst þessi úrslit ekki eins mikill skandall og fólk talar um“ Fótbolti „Eins og hann væri að bæta upp fyrir mistök með mistökum“ Fótbolti Evrópubikarmeistarinn skoraði tvö mörk í fjórðu deildinni Íslenski boltinn Fleiri fréttir Almar skoraði fjörutíu stig þegar Ísland varð Norðurlandameistari Faðir og sonur munu stýra syni og bróður Segir að Golden State banni Wiggins að spila á ÓL LeBron stoltur af syninum: „Arfleið!“ James feðgarnir sameinast í liði Los Angeles Lakers Álftanes fær mikla hetju úr Texas háskólanum Kínverski risinn sem enginn getur stöðvað Tveir Frakkar valdir fyrstir í nýliðavali NBA Maðurinn sem missir ekki úr mínútu skiptir um lið í stóra eplinu Basile á Krókinn Sara Rún áfram í Keflavík næstu tvö árin Lakers staðfesta ráðningu JJ Redick Besti leikmaður 1. deildarinnar til liðs við Álftanes Reese bætti met þegar hún sökkti Clark í uppgjöri nýliðanna Maddie Sutton áfram í herbúðum Þórs Israel Martín þjálfar aftur Tindastól Aldrei verið dýrara að kaupa miða á kvennakörfuboltaleik Margir feitir bitar með lausa samninga Grindvíkingar búnir að finna sér nýjan bandarískan bakvörð Átján ára körfuboltastrákur sagður vera 2,36 metrar á hæð Skiptir um lið en ekki um heimavöll Íslenska vegabréfið skilar Danielle samningi hjá Euro Cup liði Hlaðvarpsfélagi LeBrons nýr þjálfari LA Lakers Nýliðarnir sækja sér styrk í Hafnarfjörðinn Hefur grætt tólf milljarða króna á því að vera rekinn Líst afar vel á Friðrik Inga og framlengdi um tvö ár Þjálfari Boston Celtics þarf að fara í aðgerð eftir tímabilið Pep Guardiola hjálpaði Boston Celtics að vinna NBA titilinn Gríðarleg fagnaðarlæti í Boston eftir sigur Celtics Þórsarar sækja Ólaf úr háskólaboltanum Sjá meira
Keflavík varð tvöfaldur bikarmeistari um nýliðna helgi. Kvennalið félagsins lagði Þór frá Akureyri og karla megin batt karlaliðið enda á tólf ára bið sína eftir titli með sigri á Tindastól. Í liði Keflvíkinga var að finna íslenska ríkisborgarann Danero Thomas sem hefur leikið hér á landi síðan árið 2012. Þetta var hans fyrsti titill á Íslandi. „Súeralískt. Líkt og í draumi. Ég er enn að átta mig á þessu. Það fylgdi því frábær tilfinning að verða bikarmeistari. Ég er búinn að vera brosandi síðan að við tryggðum okkur titilinn,“ segir Danero í samtali við Vísi. Keflavík, bikarmeistari 2024Vísir/Hulda Margrét Stökk á tækifærið: „Sjáðu hverju það skilaði mér“ Danero Thomas er fæddur árið 1986 í Bandaríkjunum. Hann kom fyrst til Íslands árið 2012 og gekk til liðs við KR. Síðan þá hefur hann komið nokkuð víða við í íslenskum körfubolta en hann gekk til liðs við Hamar í þriðja sinn á ferlinum fyrir þetta tímabil. Hann lék einnig fyrir Val, Fjölni, ÍR, Tindastól og síðast Breiðablik. Árin 2015-2017 lék hann með Þór frá Akureyri og var einn af lykilleikmönnum liðsins þegar liðið vann sér sæti í úrvalsdeild 2016. Árið 2018 fékk Danero svo íslenskan ríkisborgararétt og lék sinn fyrsta landsleik gegn Noregi í september það ár. Fyrir aðeins þremur mánuðum síðan hafði Danero, sem hóf yfirstandandi tímabil sem leikmaður nýliða Hamars í Subway deildinni, ákveðið að leggja skóna á hilluna. Kallið frá Keflvíkingum kom hins vegar fljótlega eftir þá ákvörðun hans. Kall sem reyndist of hátt til þess að láta um eyru þjóta. „Ég lék einhverja ellefu leiki með liði Hamars. Staðan þar, hvað liðið varðar, gekk bara ekki upp fyrir mig. Ég fékk stórt tækifæri til þess að stökkva yfir í þjálfun frá Brynjari Karli, þjálfara Aþenu að hjálpa honum með liðið þar og svo með þann möguleika að þjálfa karlalið í framhaldinu. Svo kemur tilboð frá Keflavík tveimur vikum síðar. Ég átti samtal með eiginkonu minni á þeim tímapunkti og hún auðveldaði mér þá ákvörðun að snúa aftur inn á völlinn. Ég stökk á tækifærið með Keflavík og sjáðu hverju það skilaði mér.“ Sigur tilfinningin gleymst seint Ákvörðun sem er líklegast þess virði núna að hafa tekið? „Já klárlega þess virði. Ég er búinn að eltast lengi við þá tilfinningu sem maður finnur fyrir þegar að maður vinnur titil. Á mínum tólf ára ferli hér á Íslandi hafði mér aldrei tekist að vinna titil. Ég vann titla í háskólaboltanum í Bandaríkjunum og þar fram eftir götunum og kannaðist því við tilfinninguna sem því fylgir að vinna titil. Þetta hafa því verið tólf ár hjá mér að reyna upplifa þá tilfinningu aftur. Ár sem eru klárlega þess virði núna. Maður gleymir því aldrei hvernig er að upplifa slíka tilfinningu. Þess vegna hef ég verið að reyna allt sem í mínu valdi stendur til þess að upplifa þá tilfinningu aftur. Vonandi getum við haldið áfram að sækja fram og upplifað þessa tilfinningu aftur saman.“ Nóg eftir á tankinum: Útilokar ekki að halda áfram Verkefni Keflavíkur er ekki lokið á tímabilinu. Liðið er í góðri stöðu fyrir úrslitakeppni Subway deildarinnar og stefnir að frekari sigrum. Og undanfarnar vikur virðast hafa kveikt nýjan neista hjá hinum 37 ára gamla Danero Thomas „Þegar að ég mætti til félagsins var orkan þar ofboðslega góð. Ég vissi frá byrjun að þarna væri eitthvað sérstakt í gangi og að ég gæti komið með eitthvað aukalega að borðinu. Alveg sama hvert mitt hlutverk myndi verða hjá liðinu. Ég myndi alltaf gefa hundrað prósent í verkefnið.“ Eftir að hafa hætt við að hætta segist Danero Thomas nú ekki viss hvort hann muni leggja skóna endanlega á hilluna í lok yfirstandandi tímabils. „Eins og mér líður núna þá myndi ég hiklaust segja já,“ segir Danero aðspurður hvort hann íhugi að halda áfram að spila körfubolta á næsta tímabili. „Ég veit ekki hver staðan verður hjá mér undir lok tímabils en við skulum sjá til. Ég ætla ekki að loka á neitt. Ég á klárlega eitthvað eftir á tankinum. Ég mun íhuga þetta vandlega næstu mánuðina.“
Keflavík ÍF Subway-deild karla VÍS-bikarinn Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Mögnuð reynsla og magnaður hópur Sport Almar skoraði fjörutíu stig þegar Ísland varð Norðurlandameistari Körfubolti Í beinni: England - Slóvakía | Svara Englendingar gagnrýnisröddum? Fótbolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Myndefni af ofsaveðrinu: Þrumur, eldingar, haglél og fossandi rigning á EM Fótbolti „Við erum svona fimm prósentum frá þeim stað sem við viljum vera á“ Fótbolti „Mér finnst þessi úrslit ekki eins mikill skandall og fólk talar um“ Fótbolti „Eins og hann væri að bæta upp fyrir mistök með mistökum“ Fótbolti Evrópubikarmeistarinn skoraði tvö mörk í fjórðu deildinni Íslenski boltinn Fleiri fréttir Almar skoraði fjörutíu stig þegar Ísland varð Norðurlandameistari Faðir og sonur munu stýra syni og bróður Segir að Golden State banni Wiggins að spila á ÓL LeBron stoltur af syninum: „Arfleið!“ James feðgarnir sameinast í liði Los Angeles Lakers Álftanes fær mikla hetju úr Texas háskólanum Kínverski risinn sem enginn getur stöðvað Tveir Frakkar valdir fyrstir í nýliðavali NBA Maðurinn sem missir ekki úr mínútu skiptir um lið í stóra eplinu Basile á Krókinn Sara Rún áfram í Keflavík næstu tvö árin Lakers staðfesta ráðningu JJ Redick Besti leikmaður 1. deildarinnar til liðs við Álftanes Reese bætti met þegar hún sökkti Clark í uppgjöri nýliðanna Maddie Sutton áfram í herbúðum Þórs Israel Martín þjálfar aftur Tindastól Aldrei verið dýrara að kaupa miða á kvennakörfuboltaleik Margir feitir bitar með lausa samninga Grindvíkingar búnir að finna sér nýjan bandarískan bakvörð Átján ára körfuboltastrákur sagður vera 2,36 metrar á hæð Skiptir um lið en ekki um heimavöll Íslenska vegabréfið skilar Danielle samningi hjá Euro Cup liði Hlaðvarpsfélagi LeBrons nýr þjálfari LA Lakers Nýliðarnir sækja sér styrk í Hafnarfjörðinn Hefur grætt tólf milljarða króna á því að vera rekinn Líst afar vel á Friðrik Inga og framlengdi um tvö ár Þjálfari Boston Celtics þarf að fara í aðgerð eftir tímabilið Pep Guardiola hjálpaði Boston Celtics að vinna NBA titilinn Gríðarleg fagnaðarlæti í Boston eftir sigur Celtics Þórsarar sækja Ólaf úr háskólaboltanum Sjá meira