Góður árangur í Evrópu dýru verði keyptur fyrir leikmenn Vals Aron Guðmundsson skrifar 28. mars 2024 11:30 Jón Halldórsson, formaður handknattleiksdeildar Vals Vísir/Arnar Halldórsson Karlalið Vals í handbolta er nú einu skrefi frá undanúrslitum Evrópubikarsins. Karla- og kvennalið félagsins hafa gert sig gildandi í Evrópukeppnum undanfarin tímabil en góðum árangri fylgir einnig mikill kostnaður. Hver og einn leikmaður Vals skuldbindur sig í nokkur hundruð þúsund króna kostnað fyrir hverja umferð í Evrópu. Formaður handknattleiksdeildar félagsins vill meiri pening inn í íþróttahreyfinguna til að létta undir með félögunum og leikmönnum þeirra. Valur mætir Steaua Búkarest í seinni leik liðanna í átta liða úrslitum Evrópubikarsins í handbolta á laugardaginn kemur í N1 höllinni að Hlíðarenda. Valur heldur inn í leikinn í eins marks forystu og er einu skrefi frá undanúrslitum keppninnar. Valur hefur verið duglegt við að senda lið sín til leiks í Evrópukeppnum undanfarin tímabil. Eitthvað sem ýtir undir hróður íslensk handbolta á alþjóðavísu en fylgir á sama tíma mikill kostnaður. „Það er búið að ganga rosalega vel undanfarin ár. Ekki bara innan vallar heldur einnig utan vallar,“ segir Jón Halldórsson, formaður handknattleiksdeildar Vals. „Þá meina ég það á þá leið að það er búið að ganga rosalega vel að fá mikið af sjálfboðaliðum til þess að vinna við að hjálpa deildinni. Það er rosaleg vinna sem fer af stað í kringum svona, svo við tökum sem dæmi þátttöku í Evrópukeppni. Burtséð frá almennri keppni í deild og bikar þá bætast þessar Evrópukeppnir ofan á. Við hjá handknattleiksdeild Vals höfum alltaf haft það markmið hjá val að fara alltaf alla leið, eins langt og við getum. Þá er ég að tala um að taka hátt á eins háu gæðastigi og mögulegt er, sem okkur er boðið að taka þátt í.“ Valur býr að þéttum hópi stuðningsmanna og sjálfboðaliðaVísir/Hulda Margrét Margra milljóna kostnaður við hverja umferð Komandi leikur Vals gegn Steua Búkarest í átta liða úrslitum Evrópubikarsins er tuttugast og annar Evrópuleikur karlaliðs félagsins á undanförnum tveimur tímabilum. „Svo hefur kvennalið okkar einnig verið að taka þátt í Evrópuleikjum og því hafa lið Vals tekið þátt í þrjátíu og tveimur Evrópuleikjum undanfarin tvö tímabil og við erum ekki búin. Meðalkostnaður við að taka þátt í einni umferð í Evrópukeppni er svona fjórar og hálf til fimm milljónir króna. Það sem að almenningur áttar sig kannski ekki alltaf á er að þegar að handboltalið frá Íslandi eru að taka þátt í þessum keppnum, þá eru það leikmenn sem standa kostnaðinn af þessu. Hjá okkur hér í Val, þar sem að margir halda að sé rosa mikið af peningum til, er þessi Evrópukeppni tekin út fyrir almennan rekstur deildarinnar. Auðvitað veitum við allan stuðning og sinnum þessu eins vel og við getum en leikmenn taka á sig skuldbindinguna. Sem þýðir að fyrir hverja umferð sem Valur kemst áfram í Evrópukeppni er hver og einn einasti leikmaður liðsins að skuldbinda sig við um tvöhundruð og fimmtíu þúsund til þrjúhundruð þúsund króna kostnað til þess að taka þátt í þessu.“ Frá leik Vals á yfirstandandi tímabiliVísir/Hulda Margrét Svo fer öll vinnan af stað í kringum þetta við að safna pening upp í þennan kostnað.“ Happdrættismiðar, sala á alls konar varning, fjáraflanir eins og þekkjast og hafa tíðkast hjá íslenskum íþróttafélögum í áranna rás. Þó kannski einna helst í yngri flokkum. „Það er því heljarinnar vinna í kringum þetta, bæði hjá leikmönnum og öllum þeim er standa að starfi deildarinnar. Fyrir utan handboltann sjálfan.“ Styrkir ná aðeins upp í brotabrot af kostnaði „Við fáum styrki frá borginni en þetta eru ekki háir styrkir. Þetta rétt nær upp í brota brot af þeim kostnaði sem við þurfum að standa straum af með þátttöku í Evrópukeppni. Auðvitað erum við líka að stíla inn á að fá sem flesta áhorfendur á leiki hjá okkur. Það hjálpar okkur, sem og sala á varningi og veitingum á leikjum. Þetta reynir fullt á. Er erfitt og okkur vantar meiri pening frá ríki og borg inn í íþróttahreyfinguna því þetta er ekki bara handbolti. Þetta er ekki bara Evrópukeppni. Við megum ekki gleyma því að íþróttir eru ein stærsta forvörnin sem við erum að sinna í dag. Það er svo margt sem fylgir þessu. Áhugi krakkana á að æfa íþróttir, áhugi annarra á að taka þátt í starfinu. Þetta er því bara miklu stærra en bara handbolti og einhver Evrópukeppni. Okkur vantar meiri pening inn í íþróttahreyfinguna. Ég held að við flest sem erum að vinna í íþróttahreyfingunni höfum oft tönglast á þessu. Við erum þakklát fyrir það sem við þó fáum. En erum svo alltaf að berjast fyrir því að fá meira. Þau sem ég er að biðla til að setja meiri pening í íþróttahreyfinguna eru líka að gera vel. Eru að berjast fyrir okkur. Það vilja það allir en við þurfum að finna leiðina að því að gera betur. Það eru margar hendur sem koma að því.“ Valur Mest lesið Jafngildi 20 Þjóðarhalla við Hringbraut svo ein á að geta risið í Laugardal Sport Nauðgunardómurinn ógildur og Dani Alves er frjáls ferða sinna Sport Skelfileg meiðsli Stefáns Árna: „Fóturinn var í mjög ljótri stöðu“ Íslenski boltinn Depay stóð á boltanum og slóst áður en hann lyfti titlinum Fótbolti Verstappen óánægður með Red Bull fyrir að reka liðsfélagann Formúla 1 Víkingar rúlluðu KR-ingum upp Fótbolti Lét dóttur sína hlaupa þrátt fyrir að hún ætti erfitt með að anda Sport Sjáðu fimm bestu tilþrifin og kjóstu Körfubolti Dagskráin í dag: Átta liða úrslit FA bikarsins og margt fleira Sport Sabonis ekki með Litháen á EM Körfubolti Fleiri fréttir „Þær eru steiktar en þær eru líka geggjaðar“ Andri Már markahæstur en Ýmir hafði betur í Íslendingaslagnum Aldís Ásta og félagar í lykilstöðu eftir stórsigur Sveinbjörn bikarmeistari í Ísrael „Væri helvíti gaman að enda ferilinn svona“ Sorrí Valdi og allir hinir Var ósátt en er nú mætt aftur í landsliðið „Trúi ekki öðru en að við fáum fullt hús af áhorfendum“ Varði fimm skot gegn gömlu félögunum Uppgjörið: Grótta - Valur 19-30 | Meistararnir eru deildarmeistarar Oddaleikur framundan milli Íslendingaliðanna Minnkuðu muninn í eitt mark úr lokaskotinu Sló (líklega) metið yfir flest mörk að meðaltali í leik „Mér þykir virkilega vænt um þennan titil“ Grótta í umspil eftir tap gegn Aftureldingu Ómar Ingi og Gísli Þorgeir fóru mikinn í Búkarest Uppgjörið: FH - ÍR 33-29 | FH-ingar deildarmeistarar annað árið í röð „Bestu liðin hafa ekkert að fela og deila upplýsingum“ Portúgölsku Íslendingaliðin með mikilvæga sigra Bjarki Már öflugur Elliði Snær átti sinn þátt í óvæntum sigri Alfreð Gísla: „Skemmdarverk á handboltanum“ Aldís með níu mörk í naumum sigri Andrea og stöllur í góðri stöðu eftir fyrri leikinn Valskonur taka tveggja marka tap með sér heim á Hlíðarenda Uppgjör og viðtal: Haukar - Izvidac 30-27 | Haukar fara með naumt forskot til Bosníu Marta hetja Eyjakvenna Grótta vann gríðarmikilvægan sigur gegn Stjörnunni Gísli fór mikinn í fyrsta leiknum eftir meiðsli Fram tryggði annað sætið með sigri gegn ÍR Sjá meira
Valur mætir Steaua Búkarest í seinni leik liðanna í átta liða úrslitum Evrópubikarsins í handbolta á laugardaginn kemur í N1 höllinni að Hlíðarenda. Valur heldur inn í leikinn í eins marks forystu og er einu skrefi frá undanúrslitum keppninnar. Valur hefur verið duglegt við að senda lið sín til leiks í Evrópukeppnum undanfarin tímabil. Eitthvað sem ýtir undir hróður íslensk handbolta á alþjóðavísu en fylgir á sama tíma mikill kostnaður. „Það er búið að ganga rosalega vel undanfarin ár. Ekki bara innan vallar heldur einnig utan vallar,“ segir Jón Halldórsson, formaður handknattleiksdeildar Vals. „Þá meina ég það á þá leið að það er búið að ganga rosalega vel að fá mikið af sjálfboðaliðum til þess að vinna við að hjálpa deildinni. Það er rosaleg vinna sem fer af stað í kringum svona, svo við tökum sem dæmi þátttöku í Evrópukeppni. Burtséð frá almennri keppni í deild og bikar þá bætast þessar Evrópukeppnir ofan á. Við hjá handknattleiksdeild Vals höfum alltaf haft það markmið hjá val að fara alltaf alla leið, eins langt og við getum. Þá er ég að tala um að taka hátt á eins háu gæðastigi og mögulegt er, sem okkur er boðið að taka þátt í.“ Valur býr að þéttum hópi stuðningsmanna og sjálfboðaliðaVísir/Hulda Margrét Margra milljóna kostnaður við hverja umferð Komandi leikur Vals gegn Steua Búkarest í átta liða úrslitum Evrópubikarsins er tuttugast og annar Evrópuleikur karlaliðs félagsins á undanförnum tveimur tímabilum. „Svo hefur kvennalið okkar einnig verið að taka þátt í Evrópuleikjum og því hafa lið Vals tekið þátt í þrjátíu og tveimur Evrópuleikjum undanfarin tvö tímabil og við erum ekki búin. Meðalkostnaður við að taka þátt í einni umferð í Evrópukeppni er svona fjórar og hálf til fimm milljónir króna. Það sem að almenningur áttar sig kannski ekki alltaf á er að þegar að handboltalið frá Íslandi eru að taka þátt í þessum keppnum, þá eru það leikmenn sem standa kostnaðinn af þessu. Hjá okkur hér í Val, þar sem að margir halda að sé rosa mikið af peningum til, er þessi Evrópukeppni tekin út fyrir almennan rekstur deildarinnar. Auðvitað veitum við allan stuðning og sinnum þessu eins vel og við getum en leikmenn taka á sig skuldbindinguna. Sem þýðir að fyrir hverja umferð sem Valur kemst áfram í Evrópukeppni er hver og einn einasti leikmaður liðsins að skuldbinda sig við um tvöhundruð og fimmtíu þúsund til þrjúhundruð þúsund króna kostnað til þess að taka þátt í þessu.“ Frá leik Vals á yfirstandandi tímabiliVísir/Hulda Margrét Svo fer öll vinnan af stað í kringum þetta við að safna pening upp í þennan kostnað.“ Happdrættismiðar, sala á alls konar varning, fjáraflanir eins og þekkjast og hafa tíðkast hjá íslenskum íþróttafélögum í áranna rás. Þó kannski einna helst í yngri flokkum. „Það er því heljarinnar vinna í kringum þetta, bæði hjá leikmönnum og öllum þeim er standa að starfi deildarinnar. Fyrir utan handboltann sjálfan.“ Styrkir ná aðeins upp í brotabrot af kostnaði „Við fáum styrki frá borginni en þetta eru ekki háir styrkir. Þetta rétt nær upp í brota brot af þeim kostnaði sem við þurfum að standa straum af með þátttöku í Evrópukeppni. Auðvitað erum við líka að stíla inn á að fá sem flesta áhorfendur á leiki hjá okkur. Það hjálpar okkur, sem og sala á varningi og veitingum á leikjum. Þetta reynir fullt á. Er erfitt og okkur vantar meiri pening frá ríki og borg inn í íþróttahreyfinguna því þetta er ekki bara handbolti. Þetta er ekki bara Evrópukeppni. Við megum ekki gleyma því að íþróttir eru ein stærsta forvörnin sem við erum að sinna í dag. Það er svo margt sem fylgir þessu. Áhugi krakkana á að æfa íþróttir, áhugi annarra á að taka þátt í starfinu. Þetta er því bara miklu stærra en bara handbolti og einhver Evrópukeppni. Okkur vantar meiri pening inn í íþróttahreyfinguna. Ég held að við flest sem erum að vinna í íþróttahreyfingunni höfum oft tönglast á þessu. Við erum þakklát fyrir það sem við þó fáum. En erum svo alltaf að berjast fyrir því að fá meira. Þau sem ég er að biðla til að setja meiri pening í íþróttahreyfinguna eru líka að gera vel. Eru að berjast fyrir okkur. Það vilja það allir en við þurfum að finna leiðina að því að gera betur. Það eru margar hendur sem koma að því.“
Valur Mest lesið Jafngildi 20 Þjóðarhalla við Hringbraut svo ein á að geta risið í Laugardal Sport Nauðgunardómurinn ógildur og Dani Alves er frjáls ferða sinna Sport Skelfileg meiðsli Stefáns Árna: „Fóturinn var í mjög ljótri stöðu“ Íslenski boltinn Depay stóð á boltanum og slóst áður en hann lyfti titlinum Fótbolti Verstappen óánægður með Red Bull fyrir að reka liðsfélagann Formúla 1 Víkingar rúlluðu KR-ingum upp Fótbolti Lét dóttur sína hlaupa þrátt fyrir að hún ætti erfitt með að anda Sport Sjáðu fimm bestu tilþrifin og kjóstu Körfubolti Dagskráin í dag: Átta liða úrslit FA bikarsins og margt fleira Sport Sabonis ekki með Litháen á EM Körfubolti Fleiri fréttir „Þær eru steiktar en þær eru líka geggjaðar“ Andri Már markahæstur en Ýmir hafði betur í Íslendingaslagnum Aldís Ásta og félagar í lykilstöðu eftir stórsigur Sveinbjörn bikarmeistari í Ísrael „Væri helvíti gaman að enda ferilinn svona“ Sorrí Valdi og allir hinir Var ósátt en er nú mætt aftur í landsliðið „Trúi ekki öðru en að við fáum fullt hús af áhorfendum“ Varði fimm skot gegn gömlu félögunum Uppgjörið: Grótta - Valur 19-30 | Meistararnir eru deildarmeistarar Oddaleikur framundan milli Íslendingaliðanna Minnkuðu muninn í eitt mark úr lokaskotinu Sló (líklega) metið yfir flest mörk að meðaltali í leik „Mér þykir virkilega vænt um þennan titil“ Grótta í umspil eftir tap gegn Aftureldingu Ómar Ingi og Gísli Þorgeir fóru mikinn í Búkarest Uppgjörið: FH - ÍR 33-29 | FH-ingar deildarmeistarar annað árið í röð „Bestu liðin hafa ekkert að fela og deila upplýsingum“ Portúgölsku Íslendingaliðin með mikilvæga sigra Bjarki Már öflugur Elliði Snær átti sinn þátt í óvæntum sigri Alfreð Gísla: „Skemmdarverk á handboltanum“ Aldís með níu mörk í naumum sigri Andrea og stöllur í góðri stöðu eftir fyrri leikinn Valskonur taka tveggja marka tap með sér heim á Hlíðarenda Uppgjör og viðtal: Haukar - Izvidac 30-27 | Haukar fara með naumt forskot til Bosníu Marta hetja Eyjakvenna Grótta vann gríðarmikilvægan sigur gegn Stjörnunni Gísli fór mikinn í fyrsta leiknum eftir meiðsli Fram tryggði annað sætið með sigri gegn ÍR Sjá meira