Á dögunum völdu blaðamenn Foden leikmann ársins og hann fékk svo aðra rós í hnappagatið í dag.
🥁 Give it up for your @EASPORTSFC Player of the Season...
— Premier League (@premierleague) May 18, 2024
✨ Phil Foden ✨#PLAwards | @ManCity pic.twitter.com/MGwkYu19Or
Þetta er fimmta árið í röð sem leikmaður City er valinn leikmaður ársins. Kevin De Bruyne fékk verðlaunin 2020 og 2022, Rúben Dias 2021 og Erling Haaland 2023.
Foden hefur leikið 34 leiki í ensku úrvalsdeildinni í vetur, skorað sautján mörk og lagt upp átta.
City er með tveggja stiga forskot á toppi ensku úrvalsdeildarinnar fyrir lokaumferðina sem fer fram á morgun. Þá mætir City West Ham United og með sigri verður liðið Englandsmeistari fjórða árið í röð.
Foden, sem verður 24 ára síðar í mánuðinum, hefur leikið með City allan sinn feril. Hann hefur unnið allt sem hægt er að vinna með Manchester-liðinu.