Körfubolti

Jeff Van Gundy verður að­stoðar­maður Ty Lue hjá Clippers

Óskar Ófeigur Jónsson skrifar
Jeff Van Gundy tekur slaginn með Los Angeles Clippers liðinu á næsta tímabili.
Jeff Van Gundy tekur slaginn með Los Angeles Clippers liðinu á næsta tímabili. Getty/Bob Levey

Jeff Van Gundy snýr aftur í þjálfun í NBA-deildinni í körfubolta næsta vetur en hann hefur samþykkt það að verða aðstoðarmaður Ty Lue hjá Los Angeles Clippers.

Clippers er að taka í notkun nýja höll og spila því ekki lengur undir sama þaki og Los Angeles Lakers.

Van Gundy er nú 62 ára gamall en vann í sextán ár við körfuboltalýsingar í sjónvarpi. Hann er mjög virtur í NBA heiminum, bæði sem þjálfari og sem körfuboltasérfræðingur í sjónvarpi.

Eftir að ESPN lét hann fara þá gerðist hann ráðgjafi Brad Stevens, yfirmanns körfuboltamála hjá Boston Celtics.

Van Gundy og Lue eru miklir félagar síðan þeir störfuðu saman hjá bandaríska landsliðinu. Lue sóttist eftir því að fá hann. Van Gundy þjálfaði líka Lue í eitt tímabil hjá Houston Rockets árið 2004.

Van Gundy var aðalþjálfari New York Knicks í ellefu ár og liðið vann 248 af 420 deildarleikjum undir hans stjórn (59 prósent). Hann þjálfaði líka Houston Rockets og hefur unnið 430 deildarleiki og 44 leiki í úrslitakeppni sem þjálfari.

Á meðan Van Gundy starfaði við sjónvarpslýsingar vildu mörg lið fá hann sem þjálfara. Hann hafnaði þeim öllum en starfaði í verkefnum á vegum bandaríska landsliðsins.

NBA



Fleiri fréttir

Sjá meira


×