Rektor HR segir mikilvægt að verja valfrelsi nemenda Lovísa Arnardóttir skrifar 23. júní 2024 13:11 Rektor heldur ræðu. Mynd/Mummi Lú Alls útskrifuðust 692 nemendur frá Háskólanum í Reykjavík í gær með alls 701 prófgráðu. Í ræðu sinni ræddi Ragnhildur Helgadóttir, rektor Háskólans í Reykjavík, meðal annars þá ákvörðun HR fyrr á árinu að afnema ekki skólagjöld, í kjölfar tilboðs frá háskóla-, iðnaðar- og nýsköpunarráðuneytinu um fulla fjármögnun ríkisins gegn afnámi skólagjalda. Frá og með næstu haustönn verður HR eini háskólinn á Íslandi sem er að hluta til fjármagnaður með skólagjöldum. „Sú staða kallar á að við hugsum afar skýrt hvernig skóli við viljum vera og af hverju við leyfum okkur að innheimta skólagjöld. Hver er framtíðarsýnin, hver er sérstaðan og hvernig stöndum við okkur? Framtíðarsýnin er einföld: Við ætlum að undirbúa samfélagið fyrir framtíðina með því að bjóða frábært nám, praktískt og akademískt, og skapa þekkingu sem breytir heiminum, standandi öðrum fætinum í alþjóðlegu vísindasamstarfi og hinum í íslensku samfélagi og atvinnulífi. Sú blanda skiptir máli og það skiptir máli að standa vörð um valfrelsi nemenda og að íslenskt háskóla- og vísindastarf sé margradda,“ sagði Ragnhildur í ræðu sinni. Nemendur taka við skírteini.Mynd/Mummi Lú Hvað sérstöðuna varðaði þá nefndi nemendur fjölbreyttar ástæður fyrir því að velja HR. „Nemendur nefna margir gæði námsins, aðrir hlýjuna, sumir alþjóðatengslin og enn aðrir smæðina. Skurðpunkturinn er þó alltaf sú áhersla HR að vera nemendamiðaður skóli þar sem nemendur fá tækifæri til að vaxa – en athugið að þótt við leggjum mikið upp úr því að mæta hverjum og einum þar sem hann er, þá sláum við auðvitað ekkert af kröfunum. Þá værum við að fórna framtíðarsýninni og það gerum við ekki.“ Brautskráningu skipt í tvennt Fyrir hádegi í gær var brautskráning af tæknisviði og eftir hádegi var brautskráning af samfélagssviði. Báðar athafnir fóru fram í Eldborg í Hörpu. Nemendur fagna að útskrift lokinni.Mynd/Mummi Lú 340 nemendur útskrifuðust af tæknisviði, 226 karlmenn og 114 konur. 264 útskrifuðust úr grunnnámi, 73 úr meistaranámi og fjórir úr doktorsnámi. 55 nemendur útskrifuðust úr grunnnámi við iðn- og tæknifræðideild. Frá tölvunarfræðideild útskrifuðust 111 úr grunnnámi, 15 úr meistaranámi og tveir úr doktorsnámi. 98 nemendur útskrifuðust úr grunnnámi frá verkfræðideild, 58 úr meistaranámi og tveir úr doktorsnámi. 352 nemendur útskrifuðust af samfélagssviði, 127 karlmenn og 225 konur. 220 útskrifuðust úr grunnnámi og 132 úr meistaranámi. 36 nemendur útskrifuðust úr grunnnámi við íþróttafræðideild og 15 úr meistaranámi. Frá lagadeild útskrifuðust 41 úr grunnnámi og 37 úr meistaranámi. 63 útskrifuðust úr grunnnámi við sálfræðideild og 34 úr meistaranámi. Frá viðskipta- og hagfræðideild útskrifuðust 80 úr grunnnámi og 46 úr meistaranámi. Samfylgdin ómetanleg Þeir Jakob Daníelsson, sem útskrifaðist með BSc-próf í hátækniverkfræði, og Aron Heimisson, sem útskrifaðist með BSc-próf í sálfræði, héldu hátíðarræður fyrir hönd útskriftarnema. Báðir ræddu þeir mikilvægi þess að njóta félagsskapar og stuðnings samnemenda. Nemendur fagna að útskrift lokinni.Mynd/Mummi Lú „Það er eflaust hægt að komast í gegnum námið einn og óstuddur. En það sem hefur gert háskólagönguna ómetanlega er samfylgdin með skólafélögum, að fá að kynnast nýjum vinum í gegnum námið og að fá að vinna með þeim á hverjum degi,“ sagði Jakob og Aron var á svipuðum nótum: „Hér kynntist ég fólki sem mun fylgja mér út ævina og það, fyrir mér, trompar allt annað. Fólkinu kynntist ég ýmist innan sálfræðinnar eða utan hennar, t.a.m. í þverfaglegum áföngum sem skólinn býður upp á og á hinum ýmsu viðburðum sem haldnir eru af nemendafélaginu; vísindaferðum, árshátíðum, skíðaferðum og svo mætti lengi telja.“ Skóla- og menntamál Háskólar Reykjavík Ríkisstjórn Bjarna Benediktssonar Rekstur hins opinbera Tengdar fréttir Fleiri karlar en konur sóttu um nám í HR Aldrei hafa fleiri umsóknir borist um nám í Háskólanum í Reykjavík en fyrir haustönn þessa árs. Heildarfjöldi umsókna, að meðtöldum óyfirförnum umsóknum erlendis frá, er tæplega 4400 en var um 4200 síðasta vor. Um 53 prósent umsækenda voru karlar. 6. júní 2024 15:56 Mest lesið Ekki náð að góma þjófa í dulargervi Innlent Vildu hætta Ameríkuflugi en keyptu svo 757-þotuna Innlent Segir orðræðu varaforsetans ósanngjarna Erlent Nýtt hverfi innblásið af gömlu Reykjavík Innlent RÚV leiðréttir umfjöllun um mál Ásthildar Lóu Innlent „Það er skítkalt hérna“ Erlent Borgarfulltrúi sagður hafa sýnt ógnandi hegðun á íbúafundi Innlent Fullveldi Íslands háð því að alþjóðalög séu virt Innlent Jagúar, skrautleg ferð, Baltasar Kormákur og fullt af „ís“ Innlent Tala látinna komin yfir þúsund Erlent Fleiri fréttir Ekki náð að góma þjófa í dulargervi Vildu hætta Ameríkuflugi en keyptu svo 757-þotuna Fullveldi Íslands háð því að alþjóðalög séu virt Karlar eiga mjög erfitt með að viðurkenna risvandamál Nýtt hverfi innblásið af gömlu Reykjavík RÚV leiðréttir umfjöllun um mál Ásthildar Lóu Eldur í gömlu sundhöllinni í Keflavík Mannskæður jarðskjálfti og vasaþjófar í dulargervi Borgarfulltrúi sagður hafa sýnt ógnandi hegðun á íbúafundi Jagúar, skrautleg ferð, Baltasar Kormákur og fullt af „ís“ Eins leitað eftir slagsmál Greiða atkvæði um verkfall á Grundartanga Kæra skógrækt við Húsavík vegna rasks á varplendi fugla Lokaæfing fyrir almyrkva Vilja að bæjarstjóri lækki laun sín jafn mikið og bæjarfulltrúar Döpur vegna „hetjunnar“ Ástu og „ómaklegrar aðfarar“ RÚV Saka lögregluna um að rægja Kínverja Verður aflífaður eftir allt saman Harðir skjálftar í Asíu og Play til Möltu Lögreglustjóri mun stýra Mannréttindastofnun Vara við þjófum sem dulbúa sig sem ferðamenn Stuðningur við símabann í grunnskólum eykst og mælist 62 prósent Skoða hvort hægt sé að flýta uppbyggingu í Úlfarsárdal Bein útsending: Borgarstjóri ræðir húsnæðisuppbyggingu í Reykjavík Erlendir vasaþjófar herja á Þingvelli og fleiri ferðamannastaði Fimm handteknir vegna líkamsárásar og haldið upp á „alþjóðlega Viagra daginn“ Sólmyrkvi á laugardaginn Harmsögur af stríði, fjöldagrafir og tíðar árásir taka á líkama og sál Skatturinn snýr sér að íþróttafélögum og samfélagið titrar Skipulagðir glæpahópar njósni fyrir erlend ríki Sjá meira
Frá og með næstu haustönn verður HR eini háskólinn á Íslandi sem er að hluta til fjármagnaður með skólagjöldum. „Sú staða kallar á að við hugsum afar skýrt hvernig skóli við viljum vera og af hverju við leyfum okkur að innheimta skólagjöld. Hver er framtíðarsýnin, hver er sérstaðan og hvernig stöndum við okkur? Framtíðarsýnin er einföld: Við ætlum að undirbúa samfélagið fyrir framtíðina með því að bjóða frábært nám, praktískt og akademískt, og skapa þekkingu sem breytir heiminum, standandi öðrum fætinum í alþjóðlegu vísindasamstarfi og hinum í íslensku samfélagi og atvinnulífi. Sú blanda skiptir máli og það skiptir máli að standa vörð um valfrelsi nemenda og að íslenskt háskóla- og vísindastarf sé margradda,“ sagði Ragnhildur í ræðu sinni. Nemendur taka við skírteini.Mynd/Mummi Lú Hvað sérstöðuna varðaði þá nefndi nemendur fjölbreyttar ástæður fyrir því að velja HR. „Nemendur nefna margir gæði námsins, aðrir hlýjuna, sumir alþjóðatengslin og enn aðrir smæðina. Skurðpunkturinn er þó alltaf sú áhersla HR að vera nemendamiðaður skóli þar sem nemendur fá tækifæri til að vaxa – en athugið að þótt við leggjum mikið upp úr því að mæta hverjum og einum þar sem hann er, þá sláum við auðvitað ekkert af kröfunum. Þá værum við að fórna framtíðarsýninni og það gerum við ekki.“ Brautskráningu skipt í tvennt Fyrir hádegi í gær var brautskráning af tæknisviði og eftir hádegi var brautskráning af samfélagssviði. Báðar athafnir fóru fram í Eldborg í Hörpu. Nemendur fagna að útskrift lokinni.Mynd/Mummi Lú 340 nemendur útskrifuðust af tæknisviði, 226 karlmenn og 114 konur. 264 útskrifuðust úr grunnnámi, 73 úr meistaranámi og fjórir úr doktorsnámi. 55 nemendur útskrifuðust úr grunnnámi við iðn- og tæknifræðideild. Frá tölvunarfræðideild útskrifuðust 111 úr grunnnámi, 15 úr meistaranámi og tveir úr doktorsnámi. 98 nemendur útskrifuðust úr grunnnámi frá verkfræðideild, 58 úr meistaranámi og tveir úr doktorsnámi. 352 nemendur útskrifuðust af samfélagssviði, 127 karlmenn og 225 konur. 220 útskrifuðust úr grunnnámi og 132 úr meistaranámi. 36 nemendur útskrifuðust úr grunnnámi við íþróttafræðideild og 15 úr meistaranámi. Frá lagadeild útskrifuðust 41 úr grunnnámi og 37 úr meistaranámi. 63 útskrifuðust úr grunnnámi við sálfræðideild og 34 úr meistaranámi. Frá viðskipta- og hagfræðideild útskrifuðust 80 úr grunnnámi og 46 úr meistaranámi. Samfylgdin ómetanleg Þeir Jakob Daníelsson, sem útskrifaðist með BSc-próf í hátækniverkfræði, og Aron Heimisson, sem útskrifaðist með BSc-próf í sálfræði, héldu hátíðarræður fyrir hönd útskriftarnema. Báðir ræddu þeir mikilvægi þess að njóta félagsskapar og stuðnings samnemenda. Nemendur fagna að útskrift lokinni.Mynd/Mummi Lú „Það er eflaust hægt að komast í gegnum námið einn og óstuddur. En það sem hefur gert háskólagönguna ómetanlega er samfylgdin með skólafélögum, að fá að kynnast nýjum vinum í gegnum námið og að fá að vinna með þeim á hverjum degi,“ sagði Jakob og Aron var á svipuðum nótum: „Hér kynntist ég fólki sem mun fylgja mér út ævina og það, fyrir mér, trompar allt annað. Fólkinu kynntist ég ýmist innan sálfræðinnar eða utan hennar, t.a.m. í þverfaglegum áföngum sem skólinn býður upp á og á hinum ýmsu viðburðum sem haldnir eru af nemendafélaginu; vísindaferðum, árshátíðum, skíðaferðum og svo mætti lengi telja.“
Skóla- og menntamál Háskólar Reykjavík Ríkisstjórn Bjarna Benediktssonar Rekstur hins opinbera Tengdar fréttir Fleiri karlar en konur sóttu um nám í HR Aldrei hafa fleiri umsóknir borist um nám í Háskólanum í Reykjavík en fyrir haustönn þessa árs. Heildarfjöldi umsókna, að meðtöldum óyfirförnum umsóknum erlendis frá, er tæplega 4400 en var um 4200 síðasta vor. Um 53 prósent umsækenda voru karlar. 6. júní 2024 15:56 Mest lesið Ekki náð að góma þjófa í dulargervi Innlent Vildu hætta Ameríkuflugi en keyptu svo 757-þotuna Innlent Segir orðræðu varaforsetans ósanngjarna Erlent Nýtt hverfi innblásið af gömlu Reykjavík Innlent RÚV leiðréttir umfjöllun um mál Ásthildar Lóu Innlent „Það er skítkalt hérna“ Erlent Borgarfulltrúi sagður hafa sýnt ógnandi hegðun á íbúafundi Innlent Fullveldi Íslands háð því að alþjóðalög séu virt Innlent Jagúar, skrautleg ferð, Baltasar Kormákur og fullt af „ís“ Innlent Tala látinna komin yfir þúsund Erlent Fleiri fréttir Ekki náð að góma þjófa í dulargervi Vildu hætta Ameríkuflugi en keyptu svo 757-þotuna Fullveldi Íslands háð því að alþjóðalög séu virt Karlar eiga mjög erfitt með að viðurkenna risvandamál Nýtt hverfi innblásið af gömlu Reykjavík RÚV leiðréttir umfjöllun um mál Ásthildar Lóu Eldur í gömlu sundhöllinni í Keflavík Mannskæður jarðskjálfti og vasaþjófar í dulargervi Borgarfulltrúi sagður hafa sýnt ógnandi hegðun á íbúafundi Jagúar, skrautleg ferð, Baltasar Kormákur og fullt af „ís“ Eins leitað eftir slagsmál Greiða atkvæði um verkfall á Grundartanga Kæra skógrækt við Húsavík vegna rasks á varplendi fugla Lokaæfing fyrir almyrkva Vilja að bæjarstjóri lækki laun sín jafn mikið og bæjarfulltrúar Döpur vegna „hetjunnar“ Ástu og „ómaklegrar aðfarar“ RÚV Saka lögregluna um að rægja Kínverja Verður aflífaður eftir allt saman Harðir skjálftar í Asíu og Play til Möltu Lögreglustjóri mun stýra Mannréttindastofnun Vara við þjófum sem dulbúa sig sem ferðamenn Stuðningur við símabann í grunnskólum eykst og mælist 62 prósent Skoða hvort hægt sé að flýta uppbyggingu í Úlfarsárdal Bein útsending: Borgarstjóri ræðir húsnæðisuppbyggingu í Reykjavík Erlendir vasaþjófar herja á Þingvelli og fleiri ferðamannastaði Fimm handteknir vegna líkamsárásar og haldið upp á „alþjóðlega Viagra daginn“ Sólmyrkvi á laugardaginn Harmsögur af stríði, fjöldagrafir og tíðar árásir taka á líkama og sál Skatturinn snýr sér að íþróttafélögum og samfélagið titrar Skipulagðir glæpahópar njósni fyrir erlend ríki Sjá meira
Fleiri karlar en konur sóttu um nám í HR Aldrei hafa fleiri umsóknir borist um nám í Háskólanum í Reykjavík en fyrir haustönn þessa árs. Heildarfjöldi umsókna, að meðtöldum óyfirförnum umsóknum erlendis frá, er tæplega 4400 en var um 4200 síðasta vor. Um 53 prósent umsækenda voru karlar. 6. júní 2024 15:56