Fleiri foreldrar í vanda með máluppeldi en áður Lovísa Arnardóttir skrifar 30. júní 2024 07:01 Tinna segir mikilvægt að veita þjónustu sem fyrst. Til barna og foreldra þeirra eða forráðamanna. Vísir/Einar Tinna Sigurðardóttir talmeinafræðingur segi foreldra þurfa meiri og betri leiðbeiningar fyrir talþjálfun barna sinna. Tinna rekur Tröppu, fyrirtæki sem sérhæfir sig í fjarþjónustu fyrir börn, og hefur gert það síðustu tíu árin. Hún segir ekki margt hafa breyst í vanda barna en að foreldrar þurfi meiri aðstoð nú en áður. „Við byrjuðum 2014 að veita þjónustu á netinu. Löngu fyrir heimsfaraldur Covid,“ segir Tinna sem rekur talþjónustuna Tröppu. Hún segir Tröppu leiðandi á því sviði og það hafi alltaf verið þeirra sýn að tryggja jafnt aðgengi allra. „Okkar sýn hefur alltaf verið að jafna aðgengi að sérhæfðri þjónustu. Það á ekki að skipta máli hvar þú býrð. Þú átt að geta nálgast þann sérfræðing sem þú hefur þörf á sama hvar þý býrð,“ segir Tinna. Nýlega útvíkkuðu þau þjónustu fyrirtækisins en nú er hægt að bóka sérfræðiþjónustu ýmissa ráðgjafa á heimasíðu Tröppu. „Við erum þannig að grípa fólk sem hefur áhyggjur fyrr og getum þannig veitt þeim stuðning.“ Löng bið Hjá flestum talmeinafræðingum eru langir biðlistar að þjónustu en í upplýsingum úr samantekt umboðsmanns barna frá því í fyrra kom fram að um 3.700 börn væru að bíða eftir þjónustu en um þúsund þeirra væru skráð á fleiri en einn biðlista. Flest þeirra bíða í um sex mánuði eða ár en biðtíminn gat samkvæmt greiningunni verið allt að tvö ár. Tinna segir að með því að vinna á netinu nái þau að sinna landsbyggðinni vel og mynda góð tengsl við leikskóla og skóla.Vísir/Einar „Það hafa verið fáir talmeinafræðingar starfandi í gegnum árin og það hefur búið til þessa biðlista. Fyrir okkar tíð var ekkert aðgengi víða á landinu en við sinnum að miklu leyti landsbyggðinni,“ segir Tinna. Áður hafi þjónusta fyrir fólk á landsbyggðinni verið í boði mögulega nokkrum sinnum á ári í heimabyggð eða fólk þurft að ferðast á höfuðborgarsvæðið. Hún segir að um 90 prósent af þeirra þjónustu sé veitt á netinu og starfsfólkið sé orðið sérþjálfað í því. Þau finni ekki mikinn mun á því að veita þjónustuna á netinu í stað þess að gera augliti til auglitis. Hún segir börnin alltaf spennt að koma í tíma í tölvunni. Góð tengsl við landsbyggð og skóla Með því að vinna á netinu segir Tinna að þeim gefist einnig tækifæri á að vinna mjög náið með skólum eða leikskólum þeirra barna sem koma til þeirra. Tímarnir þeirra, sem fari fram á netinu, fari fram á skólatíma. Þannig tryggi þau að margir sem komi að máli barnsins vinni að því saman. „Það hjálpar til við að halda utan um málin og vinna þau áfram. Auk þess færist þá þekking yfir í skólana,“ segir Tinna og að það hafi verið mikil ánægja með verkefnið. Tinna segir vanda barna geta verið margþættan en algengast sé að það séu einhver málþroskafrávik eða málþroskaröskun, seinkaður málþroski eða framburðarfrávik. „Svo eru aðrar börn með aðrar raskanir eins og taugaþroskaraskanir eða einhverfu sem eru oft með málþroskavanda tengt því.“ Víða eru langir biðlistar eftir þjónustu talmeinafræðinga.Vísir/Einar Tinna segir vandamálin sem börn og fullorðnir glíma við ekki hafa breyst mikið síðustu árin. Þau séu yfirleitt þau sömu. Það sem hafi breyst sé meðvitund um málþroska, mikilvægi hans og málþroskaraskanir. „Mér líður líka eins og foreldrar séu oft í vanda hvernig þeir eigi að tala við börnin sín. Foreldrar þurfa mikinn stuðning í þessu uppeldishlutverki og hvernig á að vera góður máluppalandi,“ segir Tinna og að þau hafi reynt að leiðbeina foreldrum í þessu. „Það þarf að styðja við foreldra í þessu samhengi. Hvernig talarðu við barnið, hvernig örvarðu málþroska barnsins og hvernig byggirðu þessi tengsl við barnið þitt í gegnum málþroska. Fólk kannski heldur að þetta komi af sjálfu sér, en það er ekki þannig. Við þurfum að örva börnin og það þarf að hjálpa foreldrum oft með það,“ segir Tinna. Hún segir að þetta tengist umræðu um málskilning og minni lestur barna. „Lengi býr að fyrstu gerð. Þess vegna er svo mikilvægt að stunda gott máluppeldi,“ segir Tinna. Gott máluppeldi geti sem dæmi falist í því að tala við barnið um það sem er verið að gera, að setja orð á athafnir. „Ekki vera endalaust að spyrja barnið út í hitt og þetta og setja pressu á tal. Vertu frekar fyrirmyndin og talaðu um það sem þú sérð og þið eruð að gera. Gerðu hluti með barninu þínu og myndaðu augnsamband á meðan,“ segir Tinna og að með því að gera það sýni fólk barninu að það hafi áhuga. „Það er ótrúlega mikilvægt að búa til góðar samverustundir. Til dæmis með því að lesa saman bækur, heimsækja bókasöfn og gera það að fastri rútínu. Ekki að setja barnið fyrir framan skjá, þó það sé þægilegt,“ segir Tinna. Ekki nóg að rétta bækling Hegðun foreldra, hvað þetta varðar, hafi breyst töluvert. „Það er hegðun foreldra. Maður finnur hvað þau þurfa á fræðslu að halda. Foreldrar sem hafa áhyggjur og hvernig þau þurfa, ekki síður en börnin, á inngripi að halda.“ Lykilinn sé þannig góð samvera og alvöru samtal. View this post on Instagram A post shared by Tinna talmeinafræðingur (@babblogspjall) „Það er ekki nóg að rétta foreldrum bækling heldur þarf að kenna fólki og ræða þetta við þau.“ Trappa átti tíu ára afmæli í vikunni. Til að fagna þeim áfanga er Tinna að skipuleggja ráðstefnu í haust þar sem fjallað verður um málþroska og tengsl. „Við teljum, og það er búið að sýna fram á í rannsóknum, að tengslamyndum sé forsenda velgengni á fullorðinsárum. Hversu sterk tengsl þú ert með við fullorðinn einstakling,“ segir Tinna en á ráðstefnunni mun hún sjálf halda erindi auk Sæunnar Kjartansdóttur og Halldís Ólafsdóttir talmeinafræðingur. Börn og uppeldi Skóla- og menntamál Réttindi barna Íslensk tunga Tengdar fréttir Erfitt að sjá barnið sitt eiga í erfiðleikum með tungumálin sín Hjónin Alondra Silva Munoz og Helgi Þorsteinsson Silva gáfu nýlega saman út bókina Töfrandi fjöltyngdur heimur Áka Tahiel. Þau sóttu innblástur að bókinni í sitt eigið líf og til sonar síns sem er á þriðja aldursári og talar þrjú tungumál, íslensku, spænsku og ensku. 6. febrúar 2024 09:01 „Erum í umtalsverðum breytingum á menntakerfinu“ Ásmundur Einar Daðason, mennta-og barnamálaráðherra, segir niðurstöður PISA könnunarinnar krefja stjórnvöld um að rýna í það sem verið sé að gera í menntamálum. Í undirbúningi séu töluverðar breytingar, meðal annars nýtt matskerfi. 8. desember 2023 09:03 Ótækt að börn bíði í tvö ár eftir nauðsynlegri þjónustu Umboðsmaður barna segir of mörg börn á bið eftir nauðsynlegri þjónustu, og það of lengi. Áætlanir stjórnvalda um snemmtæka íhlutun geti ekki staðist ef ekki er úr bætt. 17. september 2023 13:16 1157 börn á biðlista fyrir greiningu hjá Geðheilsumiðstöð Þeim börnum sem bíða eftir greiningu hjá Geðheilsumiðstöð barna hefur fjölgað töluvert frá því umboðsmaður barna kallaði fyrst eftir upplýsingum um bið barna eftir þjónustu í desember 2021. Þá biðu 738 börn en þau voru 830 í september 2022. Í febrúar 2023 voru þetta 1157 börn sem öll höfðu beðið lengur en þrjá mánuði. Það eru því 419 fleiri börn sem bíða nú eftir greiningu borið saman við desember 2021. 21. mars 2023 19:21 Mest lesið Leitin að Slater blásin af Erlent Myndir frá eldsvoðanum í Húsafelli í nótt Innlent Fleiri foreldrar í vanda með máluppeldi en áður Innlent „Ég mun ekki taka þátt í prófkjöri aftur“ Innlent Óður hundur réðst á tvo í Grafarvogi Innlent Ómögulegt að vita hvað leynist í „brúnku-nefspreyjum“ sem seld eru á samfélagsmiðlum Innlent Bandarískum kjósendum líst illa á stöðuna í forsetaslagnum Erlent „Hann á að vera hér á Íslandi“ Innlent Hiti víða yfir tuttugu stigum á Austurlandi Veður Stungumaðurinn á hlaupahjólinu áfram í haldi Innlent Fleiri fréttir Óður hundur réðst á tvo í Grafarvogi Tónlistarveisla framundan í Skálholti Fórna sumarfríinu til að hjálpa fólki á hálendinu Öflugur skjálfti í Bárðarbungu Kosningar, uppbygging í Grafarvogi og hálendisvakt „Ég mun ekki taka þátt í prófkjöri aftur“ Tekinn próflaus á 120 kílómetra hraða Samsæriskenningar, borgarstjóri um húsnæðismál og kosningar Stungumaðurinn á hlaupahjólinu áfram í haldi Fleiri foreldrar í vanda með máluppeldi en áður Riðu um miðbæinn til að fagna Landsmóti Ómögulegt að vita hvað leynist í „brúnku-nefspreyjum“ sem seld eru á samfélagsmiðlum 82 ára snillingur í Hafnarfirði í hannyrðum „Hann á að vera hér á Íslandi“ Myndir frá eldsvoðanum í Húsafelli í nótt Alvarlegar aukaverkanir af brúnkunefspreyjum og brottvísun Yazans Tamimi Rændi fötum fyrir nánast hundrað þúsund Hugsi yfir lausagöngu fjár við vegi eftir að ferðamaður ók á lamb Séra Aldís Rut tekur við af verðandi biskup Parísarhjólið varla óvinsælt ef sextíu þúsund vilja taka snúning Rabarabarahátíð í gamla bænum á Blönduósi Býst ekki við nýju eldgosi Hyggst ekki flýta bílabanni og efasemdir um nýtt eldgos Stútar á rafhlaupahjólum handteknir og mega búast við sektum Hjólhýsi brann í Húsafelli Boða til samstöðufundar með Yazan Tíu ára stúlku vísað úr strætó Kristján Loftsson skilur ekkert hvað hvalveiðar koma alls kyns samtökum við Séra Sigfús Jón Árnason látinn Kolólöglegt og hættulegt brúnkulyf í tísku á samfélagsmiðlum Sjá meira
„Við byrjuðum 2014 að veita þjónustu á netinu. Löngu fyrir heimsfaraldur Covid,“ segir Tinna sem rekur talþjónustuna Tröppu. Hún segir Tröppu leiðandi á því sviði og það hafi alltaf verið þeirra sýn að tryggja jafnt aðgengi allra. „Okkar sýn hefur alltaf verið að jafna aðgengi að sérhæfðri þjónustu. Það á ekki að skipta máli hvar þú býrð. Þú átt að geta nálgast þann sérfræðing sem þú hefur þörf á sama hvar þý býrð,“ segir Tinna. Nýlega útvíkkuðu þau þjónustu fyrirtækisins en nú er hægt að bóka sérfræðiþjónustu ýmissa ráðgjafa á heimasíðu Tröppu. „Við erum þannig að grípa fólk sem hefur áhyggjur fyrr og getum þannig veitt þeim stuðning.“ Löng bið Hjá flestum talmeinafræðingum eru langir biðlistar að þjónustu en í upplýsingum úr samantekt umboðsmanns barna frá því í fyrra kom fram að um 3.700 börn væru að bíða eftir þjónustu en um þúsund þeirra væru skráð á fleiri en einn biðlista. Flest þeirra bíða í um sex mánuði eða ár en biðtíminn gat samkvæmt greiningunni verið allt að tvö ár. Tinna segir að með því að vinna á netinu nái þau að sinna landsbyggðinni vel og mynda góð tengsl við leikskóla og skóla.Vísir/Einar „Það hafa verið fáir talmeinafræðingar starfandi í gegnum árin og það hefur búið til þessa biðlista. Fyrir okkar tíð var ekkert aðgengi víða á landinu en við sinnum að miklu leyti landsbyggðinni,“ segir Tinna. Áður hafi þjónusta fyrir fólk á landsbyggðinni verið í boði mögulega nokkrum sinnum á ári í heimabyggð eða fólk þurft að ferðast á höfuðborgarsvæðið. Hún segir að um 90 prósent af þeirra þjónustu sé veitt á netinu og starfsfólkið sé orðið sérþjálfað í því. Þau finni ekki mikinn mun á því að veita þjónustuna á netinu í stað þess að gera augliti til auglitis. Hún segir börnin alltaf spennt að koma í tíma í tölvunni. Góð tengsl við landsbyggð og skóla Með því að vinna á netinu segir Tinna að þeim gefist einnig tækifæri á að vinna mjög náið með skólum eða leikskólum þeirra barna sem koma til þeirra. Tímarnir þeirra, sem fari fram á netinu, fari fram á skólatíma. Þannig tryggi þau að margir sem komi að máli barnsins vinni að því saman. „Það hjálpar til við að halda utan um málin og vinna þau áfram. Auk þess færist þá þekking yfir í skólana,“ segir Tinna og að það hafi verið mikil ánægja með verkefnið. Tinna segir vanda barna geta verið margþættan en algengast sé að það séu einhver málþroskafrávik eða málþroskaröskun, seinkaður málþroski eða framburðarfrávik. „Svo eru aðrar börn með aðrar raskanir eins og taugaþroskaraskanir eða einhverfu sem eru oft með málþroskavanda tengt því.“ Víða eru langir biðlistar eftir þjónustu talmeinafræðinga.Vísir/Einar Tinna segir vandamálin sem börn og fullorðnir glíma við ekki hafa breyst mikið síðustu árin. Þau séu yfirleitt þau sömu. Það sem hafi breyst sé meðvitund um málþroska, mikilvægi hans og málþroskaraskanir. „Mér líður líka eins og foreldrar séu oft í vanda hvernig þeir eigi að tala við börnin sín. Foreldrar þurfa mikinn stuðning í þessu uppeldishlutverki og hvernig á að vera góður máluppalandi,“ segir Tinna og að þau hafi reynt að leiðbeina foreldrum í þessu. „Það þarf að styðja við foreldra í þessu samhengi. Hvernig talarðu við barnið, hvernig örvarðu málþroska barnsins og hvernig byggirðu þessi tengsl við barnið þitt í gegnum málþroska. Fólk kannski heldur að þetta komi af sjálfu sér, en það er ekki þannig. Við þurfum að örva börnin og það þarf að hjálpa foreldrum oft með það,“ segir Tinna. Hún segir að þetta tengist umræðu um málskilning og minni lestur barna. „Lengi býr að fyrstu gerð. Þess vegna er svo mikilvægt að stunda gott máluppeldi,“ segir Tinna. Gott máluppeldi geti sem dæmi falist í því að tala við barnið um það sem er verið að gera, að setja orð á athafnir. „Ekki vera endalaust að spyrja barnið út í hitt og þetta og setja pressu á tal. Vertu frekar fyrirmyndin og talaðu um það sem þú sérð og þið eruð að gera. Gerðu hluti með barninu þínu og myndaðu augnsamband á meðan,“ segir Tinna og að með því að gera það sýni fólk barninu að það hafi áhuga. „Það er ótrúlega mikilvægt að búa til góðar samverustundir. Til dæmis með því að lesa saman bækur, heimsækja bókasöfn og gera það að fastri rútínu. Ekki að setja barnið fyrir framan skjá, þó það sé þægilegt,“ segir Tinna. Ekki nóg að rétta bækling Hegðun foreldra, hvað þetta varðar, hafi breyst töluvert. „Það er hegðun foreldra. Maður finnur hvað þau þurfa á fræðslu að halda. Foreldrar sem hafa áhyggjur og hvernig þau þurfa, ekki síður en börnin, á inngripi að halda.“ Lykilinn sé þannig góð samvera og alvöru samtal. View this post on Instagram A post shared by Tinna talmeinafræðingur (@babblogspjall) „Það er ekki nóg að rétta foreldrum bækling heldur þarf að kenna fólki og ræða þetta við þau.“ Trappa átti tíu ára afmæli í vikunni. Til að fagna þeim áfanga er Tinna að skipuleggja ráðstefnu í haust þar sem fjallað verður um málþroska og tengsl. „Við teljum, og það er búið að sýna fram á í rannsóknum, að tengslamyndum sé forsenda velgengni á fullorðinsárum. Hversu sterk tengsl þú ert með við fullorðinn einstakling,“ segir Tinna en á ráðstefnunni mun hún sjálf halda erindi auk Sæunnar Kjartansdóttur og Halldís Ólafsdóttir talmeinafræðingur.
Börn og uppeldi Skóla- og menntamál Réttindi barna Íslensk tunga Tengdar fréttir Erfitt að sjá barnið sitt eiga í erfiðleikum með tungumálin sín Hjónin Alondra Silva Munoz og Helgi Þorsteinsson Silva gáfu nýlega saman út bókina Töfrandi fjöltyngdur heimur Áka Tahiel. Þau sóttu innblástur að bókinni í sitt eigið líf og til sonar síns sem er á þriðja aldursári og talar þrjú tungumál, íslensku, spænsku og ensku. 6. febrúar 2024 09:01 „Erum í umtalsverðum breytingum á menntakerfinu“ Ásmundur Einar Daðason, mennta-og barnamálaráðherra, segir niðurstöður PISA könnunarinnar krefja stjórnvöld um að rýna í það sem verið sé að gera í menntamálum. Í undirbúningi séu töluverðar breytingar, meðal annars nýtt matskerfi. 8. desember 2023 09:03 Ótækt að börn bíði í tvö ár eftir nauðsynlegri þjónustu Umboðsmaður barna segir of mörg börn á bið eftir nauðsynlegri þjónustu, og það of lengi. Áætlanir stjórnvalda um snemmtæka íhlutun geti ekki staðist ef ekki er úr bætt. 17. september 2023 13:16 1157 börn á biðlista fyrir greiningu hjá Geðheilsumiðstöð Þeim börnum sem bíða eftir greiningu hjá Geðheilsumiðstöð barna hefur fjölgað töluvert frá því umboðsmaður barna kallaði fyrst eftir upplýsingum um bið barna eftir þjónustu í desember 2021. Þá biðu 738 börn en þau voru 830 í september 2022. Í febrúar 2023 voru þetta 1157 börn sem öll höfðu beðið lengur en þrjá mánuði. Það eru því 419 fleiri börn sem bíða nú eftir greiningu borið saman við desember 2021. 21. mars 2023 19:21 Mest lesið Leitin að Slater blásin af Erlent Myndir frá eldsvoðanum í Húsafelli í nótt Innlent Fleiri foreldrar í vanda með máluppeldi en áður Innlent „Ég mun ekki taka þátt í prófkjöri aftur“ Innlent Óður hundur réðst á tvo í Grafarvogi Innlent Ómögulegt að vita hvað leynist í „brúnku-nefspreyjum“ sem seld eru á samfélagsmiðlum Innlent Bandarískum kjósendum líst illa á stöðuna í forsetaslagnum Erlent „Hann á að vera hér á Íslandi“ Innlent Hiti víða yfir tuttugu stigum á Austurlandi Veður Stungumaðurinn á hlaupahjólinu áfram í haldi Innlent Fleiri fréttir Óður hundur réðst á tvo í Grafarvogi Tónlistarveisla framundan í Skálholti Fórna sumarfríinu til að hjálpa fólki á hálendinu Öflugur skjálfti í Bárðarbungu Kosningar, uppbygging í Grafarvogi og hálendisvakt „Ég mun ekki taka þátt í prófkjöri aftur“ Tekinn próflaus á 120 kílómetra hraða Samsæriskenningar, borgarstjóri um húsnæðismál og kosningar Stungumaðurinn á hlaupahjólinu áfram í haldi Fleiri foreldrar í vanda með máluppeldi en áður Riðu um miðbæinn til að fagna Landsmóti Ómögulegt að vita hvað leynist í „brúnku-nefspreyjum“ sem seld eru á samfélagsmiðlum 82 ára snillingur í Hafnarfirði í hannyrðum „Hann á að vera hér á Íslandi“ Myndir frá eldsvoðanum í Húsafelli í nótt Alvarlegar aukaverkanir af brúnkunefspreyjum og brottvísun Yazans Tamimi Rændi fötum fyrir nánast hundrað þúsund Hugsi yfir lausagöngu fjár við vegi eftir að ferðamaður ók á lamb Séra Aldís Rut tekur við af verðandi biskup Parísarhjólið varla óvinsælt ef sextíu þúsund vilja taka snúning Rabarabarahátíð í gamla bænum á Blönduósi Býst ekki við nýju eldgosi Hyggst ekki flýta bílabanni og efasemdir um nýtt eldgos Stútar á rafhlaupahjólum handteknir og mega búast við sektum Hjólhýsi brann í Húsafelli Boða til samstöðufundar með Yazan Tíu ára stúlku vísað úr strætó Kristján Loftsson skilur ekkert hvað hvalveiðar koma alls kyns samtökum við Séra Sigfús Jón Árnason látinn Kolólöglegt og hættulegt brúnkulyf í tísku á samfélagsmiðlum Sjá meira
Erfitt að sjá barnið sitt eiga í erfiðleikum með tungumálin sín Hjónin Alondra Silva Munoz og Helgi Þorsteinsson Silva gáfu nýlega saman út bókina Töfrandi fjöltyngdur heimur Áka Tahiel. Þau sóttu innblástur að bókinni í sitt eigið líf og til sonar síns sem er á þriðja aldursári og talar þrjú tungumál, íslensku, spænsku og ensku. 6. febrúar 2024 09:01
„Erum í umtalsverðum breytingum á menntakerfinu“ Ásmundur Einar Daðason, mennta-og barnamálaráðherra, segir niðurstöður PISA könnunarinnar krefja stjórnvöld um að rýna í það sem verið sé að gera í menntamálum. Í undirbúningi séu töluverðar breytingar, meðal annars nýtt matskerfi. 8. desember 2023 09:03
Ótækt að börn bíði í tvö ár eftir nauðsynlegri þjónustu Umboðsmaður barna segir of mörg börn á bið eftir nauðsynlegri þjónustu, og það of lengi. Áætlanir stjórnvalda um snemmtæka íhlutun geti ekki staðist ef ekki er úr bætt. 17. september 2023 13:16
1157 börn á biðlista fyrir greiningu hjá Geðheilsumiðstöð Þeim börnum sem bíða eftir greiningu hjá Geðheilsumiðstöð barna hefur fjölgað töluvert frá því umboðsmaður barna kallaði fyrst eftir upplýsingum um bið barna eftir þjónustu í desember 2021. Þá biðu 738 börn en þau voru 830 í september 2022. Í febrúar 2023 voru þetta 1157 börn sem öll höfðu beðið lengur en þrjá mánuði. Það eru því 419 fleiri börn sem bíða nú eftir greiningu borið saman við desember 2021. 21. mars 2023 19:21