Er einhver von til þess að martröðinni linni? Sveinn Rúnar Hauksson skrifar 5. ágúst 2024 07:00 Nú hefur útrýmingarherferð Netanyahu og félaga á Gaza staðið í 10 mánuði. 40 þúsund varnarlausra palestínskra íbúa hafa verið myrt af Ísraelsher og meira en 90 þúsund manns særst, og margir orðnir örkumla fyrir lífstíð. Save the Children (Barnaheill) telja 21 þúsund börn vera týnd. Þúsundir barna eru foreldralaus á flótta undan látlausri sprengjuhríðinni. Önnur þúsund eru enn grafin í sprengjurústum heimila sinna eða skóla þar sem þau höfðu leitað skjóls. Hvergi öruggt skjól Hvergi er öruggt skjól að finna. Hvergi er hreint drykkjarvatn að fá. Matvæli eru af mjög skornum skammti. Flest sjúkrahús hafa verið eyðilögð með sprengjuárásum innrásarhersins og sömu sögu er að segja af heilsugæslustöðvum og öðrum læknastöðvum. Þau fáu sjúkrahús sem eru að einhverju leyti starfhæf búa við skort á öllu sem til þarf fyrir viðunandi þjónustu við sjúka og særða. Það vantar eldsneyti til að keyra díselvélar fyrir rafmagn. Það vantar meira og minna öll lyf, þar með talin svæfinga- og deyfilyf fyrir aðgerðir; sýklalyf, sykursýkislyf, blóðþrýstingslyf og síðast en ekki síst krabbameinslyf. Það vantar súrefni og lungnalyf, það vantar í rauninni allt. Árásir Ísraelshers halda linnulaust áfram og vandinn er löngu orðinn ólýsanlegur og yfirgengilegur. Ísraelsk stjórnvöld bæta stöðugt í. Strax í upphafi herferðarinnar lýsti Gallant hermálaráðherra því yfir að lokað yrði fyrir allar nauðsynjar. Skrúfað yrði fyrir vatnið, slökkt á rafmagninu, matvælum yrði ekki hleypt inn á svæðið né eldsneyti. Það var strax mörkuð sú stefna að svelta íbúana til uppgjafar. Ísraelsher og landræningjar hindra hjálparstarf Í marga mánuði hafa alþjóðleg hjálparsamtök, Sameinuðu þjóðirnar og fleiri aðilar reynt að koma brýnustu nauðsynjum til íbúanna. Ísraelsk stjórnvöld hafa hindrað þetta hjálparstarf, sett alls slags skilyrði og tafið þetta þannig að aðeins örlítið brot þess sem þurft hefur nær í gegnum hindranir Ísraelshers. Hjálparliðar hafa einnig orðið fyrir sprengjum hersins. Þá má ekki gleyma ómennskum þætti vopnaðra landræningja sem koma meðal annars úr ólöglegum landtökubyggðum á Vesturbakkanum og hafa verið að ráðast á flutningabíla hjálparstarfsins, hindra för þeirra, ráðist á bílstjórana og eyðilagt varninginn sem flytja átti inn til nauðstaddra. Herinn lætur þetta viðgangast. Æ grófari árásir á íbúa Vesturbakkans Þetta leiðir hugann að Vesturbakkanum þar sem íbúarnir verð í æ ríkari mæli fyrir árásum landræningja sem drepa fólk, brenna hús og uppskeru. Þessar árásir fara fram með stuðningi hermanna sem standa hjá. Árásirnar á Vesturbakkanum verða sífellt yfirgengilegri, bæði norðan til, í Tulkarem, Nablus og ekki síst smábænum Jenin og flóttamannabúðunum sem lengi hafa verið eitt af uppáhaldsskotmörkum Ísraelshers. Svipaða sögu er að segja sunnan til í kringum Hebron en þar hafa landræningjar fyrir löngu komið sér fyrir í stórum landtökubyggðum og þjarma þaðan að íbúum Gömlu borgarinnar í Hebron og nærliggjandi þorpa. Austur-Jerúsalem, fær einnig að finna fyrir ofbeldi landránsins og nýverið samþykkti Ísraelsstjórn viðamikla uppbyggingu nýrra ólöglegra landránsbyggða með um 30 þúsund íbúðum. Á sama tíma er Palestínumönnum neitað um byggingarleyfi og heimili þeirra rústuð í stórum stíl. Úrskurður Alþjóðadómstólsins um hernám og þjóðarmorð Nýverið kom úrskurður frá Alþjóðadómstólnum þar sem framferði Ísraelssstjórnar með vaxandi landráni og flutningi á landtökufólki inn á hertekin svæði var dæmt ólöglegt. Þessi úrskurður er í samræmi við alþjóðalög og ákvæði Genfarsáttmálanna um hertekin svæði. Dómstóllinn hafði árið 2004 kveðið upp úr um ólögmæti Aðskilnaðarmúrsins og skyldu Ísraels til að fjarlægja hann og greiða íbúum bætur sem orðið hefðu fyrir skaða af völdum múrsins. Ísrael bar að stöðva frekari byggingu múrsins, en ísraelsk stjórnvöld hlýddu engu af þessu. Einsog fyrri daginn fara þau sínu fram og láta einsog þau séu hafin yfir lög og rétt. Og nú er Alþjóðadómstóllinn að fjalla um þjóðarmorð Ísraelsríkis á Gaza. Dómstóllinn hefur þegar gefið út bráðabirgðaúrskurð og gefið Ísrael fyrirmæli um að hætta hernaðaraðgerðum sem stefni í þjóðarmorð. Svar Ísraels kom ekki á óvart, svívirðingar í garð dómstólsins og í engu farið eftir úrskurði hans. Ísrael sýnir engan friðarvilja Lítill vafi leikur á því hver endanlegur úrskurður dómstólsins verður, en það getur tekið nokkur ár að fá hann. Þjóðernishreinsun er yfirlýst stefna helstu forystumanna ríkisstjórnar Ísraels sem koma úr herbúðum landræningja og hafa vaxandi áhrif í Ísrael. Stríðsglæpir eru daqlegt brauð sem Palestínumönnum er boðið upp á. Um þetta er ekki deilt og hefur Alþjóða glæpadómstóllinn óskað eftir handtökuskipun á hendur Netanyahu forsætisráðherra og Gallant hermálaráðherra. Sama gekk yfir þrjá leiðtoga Hamas og Al Qassam sveitanna. Erfiðar verður um þær handtökur, þar sem Netanyahu hefur þegar látið myrða tvo þeirra. Mohammed Deif, foringi hernaðararmsins, var sprengur í loft upp í Khan Younis þann 13. júlí. Ismail Haniyeh leiðtogi Hamas samtakanna var myrtur í Teheran þann 31. júlí þar sem hann var í opinberri heimsókn við embættistöku nýs forseta í Íran. Haniyeh hafði búið erlendis í fimm ár og ekki komið til Gaza síðan 2019. Hann var hins vegar helsti samningamaður Hamas-samtakanna og barðist á þann hátt fyrir því að binda enda á stríðið. Sú gerð Netanyahu að láta myrða helsta samningamann Palestínumanna eru skýr skilaboð um að Ísrael hefur ekki áhuga á friði, alla vega ekki þeir sem eru við stjórn. Hafi vonir verið daufar áður, verður vonartýran nú daufari en nokkru sinni. Ábyrgð Bandaríkjastjórnar Býsna ljóst hefur verið um langa hríð, að Ísraelsstjórn stendur ekki ein í þessu útrýmingarstríði. Ríkulegur stuðningur hefur komið frá Bretlandi, Þýskalandi og Evrópusambandinu. En það eru þó fyrst og fremst Bandaríkin sem bera þennan stríðsrekstur uppi. Stuðningur þeirra er hernaðarlegur, með því að sjá Ísrael fyrir öllum fullkomnustu vopnum sem völ er á; fjárhagslegur og diplómatískur. Netanyahu fer ekki í felur með að hann þykist ráða yfir neitunarvaldi í Öryggisráði Sameinuðu þjóðanna í gegnum Bandaríkjastjórn. Vaxandi örvænting Það gætir vaxandi örvæntingar, ekki bara hjá Palestínumönnum, heldur milljónum manna um allan heim sem fylgjast með og mótmæla blóðbaðinu. Fær ekkert stöðvað þetta? Tvískinningur og hræsni stjórnmálaleiðtoga beggja megin Atlantshafs sem tala einsog þeim ofbjóði blóðbaðið á Gaza en gera ekkert í því. Sagt er að Biden Bandaríkjaforseti þurfi ekki annað en eitt símtal til Ísraels og þá linni stríðinu. Bandaríkjastjórn ber ekki bara siðferðilega ábyrgð á þjóðarmorðinu, Bandaríkjastjórn tekur beinan þátt í því. Hún gerir Ísrael kleift að halda blóðbaðinu áfram. Í stað þess að taka í taumana heldur Bandaríkjastjórn áfram að senda sprengjur og önnur stríðstól til Ísraels, sprengjurnar sem eru að eyða lífi og möguleikum til lífs á Gaza. Heimsbyggðin hlýtur að líta til Bandaríkjastjórnar og krefjast þess að hún axli ábyrgð og stöðvi blóðbaðið tafarlaust. Sveinn Rúnar Hauksson læknir Heiðursborgari í Palestínu Viltu birta grein á Vísi? Sendu okkur póst. Senda grein Sveinn Rúnar Hauksson Mest lesið Er einhver von til þess að martröðinni linni? Sveinn Rúnar Hauksson Skoðun Myndum við henda leiðbeiningunum? Einar G. Harðarson Skoðun Dýrin og býflugur bæði læra og kenna Matthildur Björnsdóttir Skoðun Á ég að falla af því að ég er ólétt? Thelma Rut Jóhannsdóttir Skoðun Halldór 03.08.2024 Halldór Baldursson Halldór Skaðsemi krónunnar umfram evruna fyrir unga fólkið, miðaldra fólkið, eldra fólkið og þjóðina alla Guðmundur Ragnarsson Skoðun Hvað er þjóðarmorð? Miriam Petra Ómarsdóttir Awad Skoðun Hin fullkomna íslenska kona Helga Lára Haarde, Skoðun Meðalhóf í dýraníði Andrés Skúlason Skoðun Kæru Íslendingar / Queridos hermanos Islandeses Venesúelafólk á Íslandi Skoðun Skoðun Skoðun Myndum við henda leiðbeiningunum? Einar G. Harðarson skrifar Skoðun Dýrin og býflugur bæði læra og kenna Matthildur Björnsdóttir skrifar Skoðun Er einhver von til þess að martröðinni linni? Sveinn Rúnar Hauksson skrifar Skoðun Hvað er þjóðarmorð? Miriam Petra Ómarsdóttir Awad skrifar Skoðun Er þetta vonlaust? Reynir Böðvarsson skrifar Skoðun Vöntun á sálrænni áfallahjálp og eftirfylgd á Austurlandi Ingunn Eir Andrésdóttir skrifar Skoðun Milli vonar og ótta Hjörtur J. Guðmundsson skrifar Skoðun Fögnum allri nýsköpun og vinnusemi Fjóla Einarsdóttir skrifar Skoðun Ekki frekari þjáningar takk! Ragnar Schram skrifar Skoðun Kæru Íslendingar / Queridos hermanos Islandeses Venesúelafólk á Íslandi skrifar Skoðun Þjóðhátíð í Eyjum fagnar 150 ára afmæli Lilja Dögg Alfreðsdóttir skrifar Skoðun Fagurgali kínverska sendiherrans Gunnar Hólmsteinn Ársælsson skrifar Skoðun Góða skemmtun kæru landsmenn Guðrún Hafsteinsdóttir skrifar Skoðun Refasveitarvegur Þorlákur Axel Jónsson skrifar Skoðun Hin fullkomna íslenska kona skrifar Skoðun Skaðsemi krónunnar umfram evruna fyrir unga fólkið, miðaldra fólkið, eldra fólkið og þjóðina alla Guðmundur Ragnarsson skrifar Skoðun Af dragdrottningum og grátkórum Þorbjörg Þorvaldsdóttir skrifar Skoðun Þegar ósannindi og ósvinna keyra um þverbak Ole Anton Bieltvedt skrifar Skoðun Ole Anton Bieltvedt skrifar Skoðun Facebook kennslubók um kapítalisma Gunnar Smári Egilsson skrifar Skoðun Við viljum geta skálað fyrir Rapyd-lausum Vínbúðum! Hólmfríður Drífa Jónsdóttir,Katrín Björg Þórisdóttir skrifar Skoðun Volaða þjóð? Hjörtur J. Guðmundsson skrifar Skoðun Upp kemst um Brexit ósannindamenn og -lygara um síðir – Þeir eru líka hér Ole Anton Bieltvedt skrifar Skoðun Getulausar getraunir Daði Laxdal Gautason skrifar Skoðun Eru nýbakaðar mæður komnar aftur á bak við eldavélina, á TikTok? Ingunn Björk Vilhjálmsdóttir skrifar Skoðun Torfþakið varð að mýri Kolbrún Áslaugar Baldursdóttir skrifar Skoðun Tölum um umferðaröryggi Ágúst Mogensen skrifar Skoðun Afleiðingar hinna löngu dökku skugga andlegs ofbeldis Matthildur Björnsdóttir skrifar Skoðun Það sem er ekki sagt um geðheilsumál barna Ásdís Bergþórsdóttir skrifar Skoðun Auðvitað á að treysta fólki sjálfu fyrir því hvert það beinir viðskiptum sínum Sigurður G. Guðjónsson skrifar Sjá meira
Nú hefur útrýmingarherferð Netanyahu og félaga á Gaza staðið í 10 mánuði. 40 þúsund varnarlausra palestínskra íbúa hafa verið myrt af Ísraelsher og meira en 90 þúsund manns særst, og margir orðnir örkumla fyrir lífstíð. Save the Children (Barnaheill) telja 21 þúsund börn vera týnd. Þúsundir barna eru foreldralaus á flótta undan látlausri sprengjuhríðinni. Önnur þúsund eru enn grafin í sprengjurústum heimila sinna eða skóla þar sem þau höfðu leitað skjóls. Hvergi öruggt skjól Hvergi er öruggt skjól að finna. Hvergi er hreint drykkjarvatn að fá. Matvæli eru af mjög skornum skammti. Flest sjúkrahús hafa verið eyðilögð með sprengjuárásum innrásarhersins og sömu sögu er að segja af heilsugæslustöðvum og öðrum læknastöðvum. Þau fáu sjúkrahús sem eru að einhverju leyti starfhæf búa við skort á öllu sem til þarf fyrir viðunandi þjónustu við sjúka og særða. Það vantar eldsneyti til að keyra díselvélar fyrir rafmagn. Það vantar meira og minna öll lyf, þar með talin svæfinga- og deyfilyf fyrir aðgerðir; sýklalyf, sykursýkislyf, blóðþrýstingslyf og síðast en ekki síst krabbameinslyf. Það vantar súrefni og lungnalyf, það vantar í rauninni allt. Árásir Ísraelshers halda linnulaust áfram og vandinn er löngu orðinn ólýsanlegur og yfirgengilegur. Ísraelsk stjórnvöld bæta stöðugt í. Strax í upphafi herferðarinnar lýsti Gallant hermálaráðherra því yfir að lokað yrði fyrir allar nauðsynjar. Skrúfað yrði fyrir vatnið, slökkt á rafmagninu, matvælum yrði ekki hleypt inn á svæðið né eldsneyti. Það var strax mörkuð sú stefna að svelta íbúana til uppgjafar. Ísraelsher og landræningjar hindra hjálparstarf Í marga mánuði hafa alþjóðleg hjálparsamtök, Sameinuðu þjóðirnar og fleiri aðilar reynt að koma brýnustu nauðsynjum til íbúanna. Ísraelsk stjórnvöld hafa hindrað þetta hjálparstarf, sett alls slags skilyrði og tafið þetta þannig að aðeins örlítið brot þess sem þurft hefur nær í gegnum hindranir Ísraelshers. Hjálparliðar hafa einnig orðið fyrir sprengjum hersins. Þá má ekki gleyma ómennskum þætti vopnaðra landræningja sem koma meðal annars úr ólöglegum landtökubyggðum á Vesturbakkanum og hafa verið að ráðast á flutningabíla hjálparstarfsins, hindra för þeirra, ráðist á bílstjórana og eyðilagt varninginn sem flytja átti inn til nauðstaddra. Herinn lætur þetta viðgangast. Æ grófari árásir á íbúa Vesturbakkans Þetta leiðir hugann að Vesturbakkanum þar sem íbúarnir verð í æ ríkari mæli fyrir árásum landræningja sem drepa fólk, brenna hús og uppskeru. Þessar árásir fara fram með stuðningi hermanna sem standa hjá. Árásirnar á Vesturbakkanum verða sífellt yfirgengilegri, bæði norðan til, í Tulkarem, Nablus og ekki síst smábænum Jenin og flóttamannabúðunum sem lengi hafa verið eitt af uppáhaldsskotmörkum Ísraelshers. Svipaða sögu er að segja sunnan til í kringum Hebron en þar hafa landræningjar fyrir löngu komið sér fyrir í stórum landtökubyggðum og þjarma þaðan að íbúum Gömlu borgarinnar í Hebron og nærliggjandi þorpa. Austur-Jerúsalem, fær einnig að finna fyrir ofbeldi landránsins og nýverið samþykkti Ísraelsstjórn viðamikla uppbyggingu nýrra ólöglegra landránsbyggða með um 30 þúsund íbúðum. Á sama tíma er Palestínumönnum neitað um byggingarleyfi og heimili þeirra rústuð í stórum stíl. Úrskurður Alþjóðadómstólsins um hernám og þjóðarmorð Nýverið kom úrskurður frá Alþjóðadómstólnum þar sem framferði Ísraelssstjórnar með vaxandi landráni og flutningi á landtökufólki inn á hertekin svæði var dæmt ólöglegt. Þessi úrskurður er í samræmi við alþjóðalög og ákvæði Genfarsáttmálanna um hertekin svæði. Dómstóllinn hafði árið 2004 kveðið upp úr um ólögmæti Aðskilnaðarmúrsins og skyldu Ísraels til að fjarlægja hann og greiða íbúum bætur sem orðið hefðu fyrir skaða af völdum múrsins. Ísrael bar að stöðva frekari byggingu múrsins, en ísraelsk stjórnvöld hlýddu engu af þessu. Einsog fyrri daginn fara þau sínu fram og láta einsog þau séu hafin yfir lög og rétt. Og nú er Alþjóðadómstóllinn að fjalla um þjóðarmorð Ísraelsríkis á Gaza. Dómstóllinn hefur þegar gefið út bráðabirgðaúrskurð og gefið Ísrael fyrirmæli um að hætta hernaðaraðgerðum sem stefni í þjóðarmorð. Svar Ísraels kom ekki á óvart, svívirðingar í garð dómstólsins og í engu farið eftir úrskurði hans. Ísrael sýnir engan friðarvilja Lítill vafi leikur á því hver endanlegur úrskurður dómstólsins verður, en það getur tekið nokkur ár að fá hann. Þjóðernishreinsun er yfirlýst stefna helstu forystumanna ríkisstjórnar Ísraels sem koma úr herbúðum landræningja og hafa vaxandi áhrif í Ísrael. Stríðsglæpir eru daqlegt brauð sem Palestínumönnum er boðið upp á. Um þetta er ekki deilt og hefur Alþjóða glæpadómstóllinn óskað eftir handtökuskipun á hendur Netanyahu forsætisráðherra og Gallant hermálaráðherra. Sama gekk yfir þrjá leiðtoga Hamas og Al Qassam sveitanna. Erfiðar verður um þær handtökur, þar sem Netanyahu hefur þegar látið myrða tvo þeirra. Mohammed Deif, foringi hernaðararmsins, var sprengur í loft upp í Khan Younis þann 13. júlí. Ismail Haniyeh leiðtogi Hamas samtakanna var myrtur í Teheran þann 31. júlí þar sem hann var í opinberri heimsókn við embættistöku nýs forseta í Íran. Haniyeh hafði búið erlendis í fimm ár og ekki komið til Gaza síðan 2019. Hann var hins vegar helsti samningamaður Hamas-samtakanna og barðist á þann hátt fyrir því að binda enda á stríðið. Sú gerð Netanyahu að láta myrða helsta samningamann Palestínumanna eru skýr skilaboð um að Ísrael hefur ekki áhuga á friði, alla vega ekki þeir sem eru við stjórn. Hafi vonir verið daufar áður, verður vonartýran nú daufari en nokkru sinni. Ábyrgð Bandaríkjastjórnar Býsna ljóst hefur verið um langa hríð, að Ísraelsstjórn stendur ekki ein í þessu útrýmingarstríði. Ríkulegur stuðningur hefur komið frá Bretlandi, Þýskalandi og Evrópusambandinu. En það eru þó fyrst og fremst Bandaríkin sem bera þennan stríðsrekstur uppi. Stuðningur þeirra er hernaðarlegur, með því að sjá Ísrael fyrir öllum fullkomnustu vopnum sem völ er á; fjárhagslegur og diplómatískur. Netanyahu fer ekki í felur með að hann þykist ráða yfir neitunarvaldi í Öryggisráði Sameinuðu þjóðanna í gegnum Bandaríkjastjórn. Vaxandi örvænting Það gætir vaxandi örvæntingar, ekki bara hjá Palestínumönnum, heldur milljónum manna um allan heim sem fylgjast með og mótmæla blóðbaðinu. Fær ekkert stöðvað þetta? Tvískinningur og hræsni stjórnmálaleiðtoga beggja megin Atlantshafs sem tala einsog þeim ofbjóði blóðbaðið á Gaza en gera ekkert í því. Sagt er að Biden Bandaríkjaforseti þurfi ekki annað en eitt símtal til Ísraels og þá linni stríðinu. Bandaríkjastjórn ber ekki bara siðferðilega ábyrgð á þjóðarmorðinu, Bandaríkjastjórn tekur beinan þátt í því. Hún gerir Ísrael kleift að halda blóðbaðinu áfram. Í stað þess að taka í taumana heldur Bandaríkjastjórn áfram að senda sprengjur og önnur stríðstól til Ísraels, sprengjurnar sem eru að eyða lífi og möguleikum til lífs á Gaza. Heimsbyggðin hlýtur að líta til Bandaríkjastjórnar og krefjast þess að hún axli ábyrgð og stöðvi blóðbaðið tafarlaust. Sveinn Rúnar Hauksson læknir Heiðursborgari í Palestínu
Skaðsemi krónunnar umfram evruna fyrir unga fólkið, miðaldra fólkið, eldra fólkið og þjóðina alla Guðmundur Ragnarsson Skoðun
Skoðun Vöntun á sálrænni áfallahjálp og eftirfylgd á Austurlandi Ingunn Eir Andrésdóttir skrifar
Skoðun Skaðsemi krónunnar umfram evruna fyrir unga fólkið, miðaldra fólkið, eldra fólkið og þjóðina alla Guðmundur Ragnarsson skrifar
Skoðun Við viljum geta skálað fyrir Rapyd-lausum Vínbúðum! Hólmfríður Drífa Jónsdóttir,Katrín Björg Þórisdóttir skrifar
Skoðun Upp kemst um Brexit ósannindamenn og -lygara um síðir – Þeir eru líka hér Ole Anton Bieltvedt skrifar
Skoðun Eru nýbakaðar mæður komnar aftur á bak við eldavélina, á TikTok? Ingunn Björk Vilhjálmsdóttir skrifar
Skoðun Auðvitað á að treysta fólki sjálfu fyrir því hvert það beinir viðskiptum sínum Sigurður G. Guðjónsson skrifar
Skaðsemi krónunnar umfram evruna fyrir unga fólkið, miðaldra fólkið, eldra fólkið og þjóðina alla Guðmundur Ragnarsson Skoðun