Leik lokið: Breiða­blik - Þór/KA 4-2 | Sann­gjarn sigur Breiðabliks

Breiðablik og Þór/KA áttust við í stórleik dagsins í Bestu deild kvenna en Blikar freistuðu þess að minnka forskot Vals í eitt stig á toppi deildarinnar.

Að lokum var sanngjarn 4-2 sigur Breiðabliks staðreynd. Þór/KA náði að jafna undir lok fyrri hálfleiks en síðari hálfleikur var algjörlega eign Blika. 

Birta Georgsdóttir var allt í öllu í heimaliðinu, skoraði og lagði upp og var fremst meðal jafningja á vellinum. Blikar aðeins einu stigi frá toppliði Vals eftir leikinn. Uppgjör og viðtöl væntanleg á Vísi í kvöld.