Stjórnvöld sofi á verðinum meðan Svens sæki í börnin Oddur Ævar Gunnarsson skrifar 12. ágúst 2024 13:32 Eyrún segir foreldra uggandi yfir þróuninni. Eyrún Magnúsdóttir fjölmiðlakona og íbúi í Bústaðahverfi segir níkótínsölumenn starfa nær óáreitta í skjóli sofandi stjórnvalda hér á landi. Hún segir Bústaðaveg brátt verða Níkótínstræti vegna opnunar nýrrar verslunar Svens í Grímsbæ. Hún spyr hvort leigutekjur Reita, sem séu að mestu í eigu lífeyrissjóða, séu mikilvægari en áform níkótínsala um að ná fótfestu í skólahverfi. Þetta kemur fram í aðsendri grein hennar á Vísi. Þar segir Eyrún marga foreldra velta fyrir sér stöðunni. Stjórnvöld loki augunum á meðan níkótínsalar sæki í sig veðrið og auki söluna. Í Bústaðahverfi sé fyrir á fleti rafrettubúllan Póló. Þar hafi blandi í poka verið rutt úr hillunum og rafrettum komið fyrir í staðinn „Þetta er í miðju íbúðahverfi og í göngufæri frá Víkinni. Enginn sagði neitt og lítið virðist hægt að gera til að halda þessari starfsemi fjarri skólum og íþróttasvæðum,“ skrifar Eyrún. „Nú fær skólahverfið í ofanálag sérhæfða nikótínpúðaverslun í Grímsbæ, þannig að Bústaðavegurinn verður helsta nikótíngata borgarinnar. Mikið úrval af vökva í rafrettur og alls konar púðar í boði. Nikótínsala blómstrar því sem aldrei fyrr, þótt sígarettuformið sé á undanhaldi.“ Markmiðið að normalísera vörumerkið Hún bendir á að eitt af hverjum þremur ungmennum noti níkótínpúða ef marka megi Þjóðarpúls Gallup. Eyrún segir að það virðist ekki vera nóg fyrir sala níkótínpúðanna. „Nú á að hasla sér völl meðal grunnskólanema líka með því að koma sér fyrir í grónum verslunarkjarna í miðju skólahverfi. Reitir fasteignafélag, í eigu stærstu lífeyrissjóða landsins, hefur leigt út áberandi pláss í Grímsbæ við Bústaðaveg til litaglaða nikótínsalans Svens.“ Í innan við 500 metra radíus frá hinni nýju verslun Svens séu þrír grunnskólar með samanlagt um 1200 nemendur og fimm leikskólar með yfir 300 nemendur. Einn skólanna sé Réttarholtsskóli þar sem 450 unglingar sæki nám. Auglýsingar fyrir púðanna séu undantekningarlaust baðaðar ferskleika. „Þessir nikótínpúðaneytendur framtíðarinnar geta núna gengið framhjá vörumerki Svens dag hvern og haft það fyrir augunum þegar farið er í ísbúðina, búðina eða á pizzastaðinn í Grímsbæ. Markaðssetning nikótínsalanna gengur einmitt út á að normalísera, byggja upp vörumerki sem er jafn sjálfsagt að sjá í verslunarkjarna og hverja aðra matvörubúð.“ Foreldrar eru uggandi vegna opnunar Svens í verslunarrým Grímsbæjar. Vill að samfélagsleg ábyrgð verði sýnd í verki Eyrún vekur athygli á því í grein sinni að Grímsbær sé í heild sinni í eigu Reita fasteignafélags. Í ársfjórðungsuppgjöri félagsins komi fram að leigutekjur hafi aukist fyrstu þrjá mánuði ársins miðað við í fyrra. „Reitir ættu að vera í aðstöðu til að stýra því hvers konar starfsemi velst inn í Grímsbæ, þeir gætu valið að bjóða skaplegra leiguverð svo hægt sé að koma fyrir starfsemi sem styður við samfélagið í stað þess að rífa það niður.“ Þá fer Eyrún í grein sinni á Vísi yfir markmið Reita um samfélagslega ábyrgð. Í stefnu félagsins komi fram að áherslan á samfélagslega ábyrgð sé til þess fallin að auka traust á félaginu og treysta orðspor um leið og stuðlað sé að betra og ábyrgara samfélagi. „Vandséð er hvernig það að troða nikótínpúðasölu inn í gróinn verslunarkjarna í miðju skólahverfi fellur að þessum markmiðum, enda ættu skaðleg áhrif sölu nikótínpúða öllum að vera ljós. Á samfélagslega ábyrgðin kannski ekki við þarna?“ Þróunin snúist ekki við af sjálfri sér Eyrún segir þróunina hérlendis alla vera níkótínsölum í hag. Hverfi 108 sé ekki það eina þar sem þessi þróun eigi við, að níkótínstarfsemi færi sig nær börnum og unglingum. „Stjórnvöld hafa sofnað, en kannski er reynandi að leita til lífeyrissjóða og stórra fasteignafélaga að stemma stigu við þessum vágesti. Hvað segja Reitir, LIVE, Gildi, LSR, Birta og allir hinir lífeyrissjóðirnir sem eiga hlut í Reitum og fleiri fasteignafélögum?“ spyr Eyrún. „Hvað segja Reitir, LIVE, Gildi, LSR, Birta og allir hinir lífeyrissjóðirnir sem eiga hlut í Reitum og fleiri fasteignafélögum? Er þetta brotabrot af leigutekjunum ykkar svo mikilvægt að þið horfið framhjá áformum nikótínsala að valda sem mestum skaða með því að ná fótfestu í skólahverfum? Eru leigutekjurnar mikilvægari en sú sýn nikótínsalanna að gera nikótínneytendur framtíðarinnar úr unglingunum okkar?“ Áfengi og tóbak Heilsa Reykjavík Grunnskólar Skóla- og menntamál Mest lesið Faðirinn hafi ætlað að skilja hann eftir á flugvellinum Innlent Klófestu leigumorðingja sem dulbjó sig sem gamlan mann Erlent Aðstoðarmenn ráðherra þurfa nú að líta í kringum sig Innlent Nýr aðstoðarmaður rétt fyrir ríkisstjórnarslit Innlent Lagði Trump til 10 milljarða króna á þremur mánuðum Erlent Fimm milljarða dómur ekki talinn varða mikilvæga hagsmuni Innlent Bein útsending: Ríkisstjórnin fundar í síðasta skipti Innlent Funda um lausu ráðuneytin og boðað til ríkisstjórnarfundar Innlent „Jafn óábyrgt og að slíta stjórninni“ Innlent „Kemur í ljós“ hvort boðaðir ráðherrar mæti Innlent Fleiri fréttir Óli Björn hættir á þingi „Ef allir gerðu þetta væri landið stjórnlaust“ Teitur Björn vill setjast í laust sæti Þórdísar Bein útsending: Ríkisstjórnin fundar í síðasta skipti Þórdís vill sæti Jóns í kjördæmi formannsins Hildur leiðir aðgerðahóp forsætisráðherra um að brúa bilið Aðstoðarmenn ráðherra þurfa nú að líta í kringum sig Fimm milljarða dómur ekki talinn varða mikilvæga hagsmuni Guðmundur Ingi vill fara fram fyrir Samfylkinguna Opna Grindavík öllum eftir helgi Þingflokkarnir funda hver í sínu horni Bæjarstjórinn íhugar alvarlega að bjóða fram krafta sína Bein útsending: Verður Grindavík opnuð fyrir öllum? „Kemur í ljós“ hvort boðaðir ráðherrar mæti Vill vera oddviti áfram og hlakkar til slagsins Útilokar ekkert en mundar tuskuna gegn smjörklípunum Sjálfstæðismenn kjósa um efstu sæti á lista á landsbyggðinni Stefna kennurum fyrir félagsdóm Viðstaddir í Strassbourg fengu smjörþefinn af pólitískri ólgu á Íslandi „Jafn óábyrgt og að slíta stjórninni“ Ríkisstjórnin hittist síðar í dag og forseti ASÍ gáttaður á stöðunni Guðmundur Árni stefnir á oddvitasætið í Suðvesturkjördæmi Jens Garðar vill oddvitasætið Andrés og Sunna áfram og borgarfulltrúi undir feldi Pallborðið: Rannsókn lögreglunnar á meintri byrlun og símastuldi Funda um lausu ráðuneytin og boðað til ríkisstjórnarfundar Nýr aðstoðarmaður rétt fyrir ríkisstjórnarslit Ráðherrar af dagskrá Kveiktu á lögregluljósum fyrir ökumann sem skipti um dekk Bein útsending ASÍ: Heilbrigðisþjónusta, auðlindir og orkumál Sjá meira
Þetta kemur fram í aðsendri grein hennar á Vísi. Þar segir Eyrún marga foreldra velta fyrir sér stöðunni. Stjórnvöld loki augunum á meðan níkótínsalar sæki í sig veðrið og auki söluna. Í Bústaðahverfi sé fyrir á fleti rafrettubúllan Póló. Þar hafi blandi í poka verið rutt úr hillunum og rafrettum komið fyrir í staðinn „Þetta er í miðju íbúðahverfi og í göngufæri frá Víkinni. Enginn sagði neitt og lítið virðist hægt að gera til að halda þessari starfsemi fjarri skólum og íþróttasvæðum,“ skrifar Eyrún. „Nú fær skólahverfið í ofanálag sérhæfða nikótínpúðaverslun í Grímsbæ, þannig að Bústaðavegurinn verður helsta nikótíngata borgarinnar. Mikið úrval af vökva í rafrettur og alls konar púðar í boði. Nikótínsala blómstrar því sem aldrei fyrr, þótt sígarettuformið sé á undanhaldi.“ Markmiðið að normalísera vörumerkið Hún bendir á að eitt af hverjum þremur ungmennum noti níkótínpúða ef marka megi Þjóðarpúls Gallup. Eyrún segir að það virðist ekki vera nóg fyrir sala níkótínpúðanna. „Nú á að hasla sér völl meðal grunnskólanema líka með því að koma sér fyrir í grónum verslunarkjarna í miðju skólahverfi. Reitir fasteignafélag, í eigu stærstu lífeyrissjóða landsins, hefur leigt út áberandi pláss í Grímsbæ við Bústaðaveg til litaglaða nikótínsalans Svens.“ Í innan við 500 metra radíus frá hinni nýju verslun Svens séu þrír grunnskólar með samanlagt um 1200 nemendur og fimm leikskólar með yfir 300 nemendur. Einn skólanna sé Réttarholtsskóli þar sem 450 unglingar sæki nám. Auglýsingar fyrir púðanna séu undantekningarlaust baðaðar ferskleika. „Þessir nikótínpúðaneytendur framtíðarinnar geta núna gengið framhjá vörumerki Svens dag hvern og haft það fyrir augunum þegar farið er í ísbúðina, búðina eða á pizzastaðinn í Grímsbæ. Markaðssetning nikótínsalanna gengur einmitt út á að normalísera, byggja upp vörumerki sem er jafn sjálfsagt að sjá í verslunarkjarna og hverja aðra matvörubúð.“ Foreldrar eru uggandi vegna opnunar Svens í verslunarrým Grímsbæjar. Vill að samfélagsleg ábyrgð verði sýnd í verki Eyrún vekur athygli á því í grein sinni að Grímsbær sé í heild sinni í eigu Reita fasteignafélags. Í ársfjórðungsuppgjöri félagsins komi fram að leigutekjur hafi aukist fyrstu þrjá mánuði ársins miðað við í fyrra. „Reitir ættu að vera í aðstöðu til að stýra því hvers konar starfsemi velst inn í Grímsbæ, þeir gætu valið að bjóða skaplegra leiguverð svo hægt sé að koma fyrir starfsemi sem styður við samfélagið í stað þess að rífa það niður.“ Þá fer Eyrún í grein sinni á Vísi yfir markmið Reita um samfélagslega ábyrgð. Í stefnu félagsins komi fram að áherslan á samfélagslega ábyrgð sé til þess fallin að auka traust á félaginu og treysta orðspor um leið og stuðlað sé að betra og ábyrgara samfélagi. „Vandséð er hvernig það að troða nikótínpúðasölu inn í gróinn verslunarkjarna í miðju skólahverfi fellur að þessum markmiðum, enda ættu skaðleg áhrif sölu nikótínpúða öllum að vera ljós. Á samfélagslega ábyrgðin kannski ekki við þarna?“ Þróunin snúist ekki við af sjálfri sér Eyrún segir þróunina hérlendis alla vera níkótínsölum í hag. Hverfi 108 sé ekki það eina þar sem þessi þróun eigi við, að níkótínstarfsemi færi sig nær börnum og unglingum. „Stjórnvöld hafa sofnað, en kannski er reynandi að leita til lífeyrissjóða og stórra fasteignafélaga að stemma stigu við þessum vágesti. Hvað segja Reitir, LIVE, Gildi, LSR, Birta og allir hinir lífeyrissjóðirnir sem eiga hlut í Reitum og fleiri fasteignafélögum?“ spyr Eyrún. „Hvað segja Reitir, LIVE, Gildi, LSR, Birta og allir hinir lífeyrissjóðirnir sem eiga hlut í Reitum og fleiri fasteignafélögum? Er þetta brotabrot af leigutekjunum ykkar svo mikilvægt að þið horfið framhjá áformum nikótínsala að valda sem mestum skaða með því að ná fótfestu í skólahverfum? Eru leigutekjurnar mikilvægari en sú sýn nikótínsalanna að gera nikótínneytendur framtíðarinnar úr unglingunum okkar?“
Áfengi og tóbak Heilsa Reykjavík Grunnskólar Skóla- og menntamál Mest lesið Faðirinn hafi ætlað að skilja hann eftir á flugvellinum Innlent Klófestu leigumorðingja sem dulbjó sig sem gamlan mann Erlent Aðstoðarmenn ráðherra þurfa nú að líta í kringum sig Innlent Nýr aðstoðarmaður rétt fyrir ríkisstjórnarslit Innlent Lagði Trump til 10 milljarða króna á þremur mánuðum Erlent Fimm milljarða dómur ekki talinn varða mikilvæga hagsmuni Innlent Bein útsending: Ríkisstjórnin fundar í síðasta skipti Innlent Funda um lausu ráðuneytin og boðað til ríkisstjórnarfundar Innlent „Jafn óábyrgt og að slíta stjórninni“ Innlent „Kemur í ljós“ hvort boðaðir ráðherrar mæti Innlent Fleiri fréttir Óli Björn hættir á þingi „Ef allir gerðu þetta væri landið stjórnlaust“ Teitur Björn vill setjast í laust sæti Þórdísar Bein útsending: Ríkisstjórnin fundar í síðasta skipti Þórdís vill sæti Jóns í kjördæmi formannsins Hildur leiðir aðgerðahóp forsætisráðherra um að brúa bilið Aðstoðarmenn ráðherra þurfa nú að líta í kringum sig Fimm milljarða dómur ekki talinn varða mikilvæga hagsmuni Guðmundur Ingi vill fara fram fyrir Samfylkinguna Opna Grindavík öllum eftir helgi Þingflokkarnir funda hver í sínu horni Bæjarstjórinn íhugar alvarlega að bjóða fram krafta sína Bein útsending: Verður Grindavík opnuð fyrir öllum? „Kemur í ljós“ hvort boðaðir ráðherrar mæti Vill vera oddviti áfram og hlakkar til slagsins Útilokar ekkert en mundar tuskuna gegn smjörklípunum Sjálfstæðismenn kjósa um efstu sæti á lista á landsbyggðinni Stefna kennurum fyrir félagsdóm Viðstaddir í Strassbourg fengu smjörþefinn af pólitískri ólgu á Íslandi „Jafn óábyrgt og að slíta stjórninni“ Ríkisstjórnin hittist síðar í dag og forseti ASÍ gáttaður á stöðunni Guðmundur Árni stefnir á oddvitasætið í Suðvesturkjördæmi Jens Garðar vill oddvitasætið Andrés og Sunna áfram og borgarfulltrúi undir feldi Pallborðið: Rannsókn lögreglunnar á meintri byrlun og símastuldi Funda um lausu ráðuneytin og boðað til ríkisstjórnarfundar Nýr aðstoðarmaður rétt fyrir ríkisstjórnarslit Ráðherrar af dagskrá Kveiktu á lögregluljósum fyrir ökumann sem skipti um dekk Bein útsending ASÍ: Heilbrigðisþjónusta, auðlindir og orkumál Sjá meira