„Þetta hefur verið helvíti“ Jakob Bjarnar skrifar 5. september 2024 11:06 Sjúkrasaga Þráins Steinssonar, hins geðþekka útvarps- og tæknitrölls, er ekki fyrir viðkvæma. Hann hefur gengið í gegnum helvíti undanfarin tvö ár og greindi frá því, undan og ofan, í Bítinu. vísir/Heimir Karls Tæknitröllið og útvarpsmaðurinn Þráinn Steinsson var mættur á kunnuglegar slóðir í morgun, en nú sem viðmælandi í Bítinu en þar sat hann við takkana árum saman og var í raun þriðji hluti í tvíeyki þeirra Heimis Karlsson og Gulla Helga. Þráinn rakti snarlega ótrúlega sjúkrasögu sína sem er með þeim hætti að hroll setti að hraustustu mönnum meðal hlustenda. „Ég hef verið veikur í heilt ár og lengur ef aðdragandinn er talinn með. En ég hryn í janúar núna á þessu ári. Er þá með ónýta lifur og svo krabbamein í lifur,“ segir Þráinn. Þau Heimir og Lilja Katrín, umsjónarmenn þáttarins fögnuðu Þráni eins og týndum syni en tóku fram að vegna veikindanna má ekki knúsa risann. Þráinn lýsti veikindum sínum þannig að þau hafi endað með lifraskiptum 20. júlí. Hann segir flókið ferli að komast að og hann hafi þurft að fara í öll heimsins próf. „Sem ég stenst, ég segir ekki með glans – ég var ekki við góða heilsu. En ég hafði í raun verið í lífshættu í átta mánuði, gat ekki labbað, var í hjólastól og göngugrind. En ég komst á listann og tíu dögum síðar er ég kominn út í aðgerð til Svíþjóðar. Sem mér skilst að sé einstakt.“ Stóð tæpt að hann kæmi til sjálfs sín Af því að Þráinn er afar hávaxinn var ekki sjálfgefið að rétta lifrin fyndist, en hún þarf að vera af réttri stærð. „Hún þarf að passa inn í holrýmið. Ég vissi ekki hvað myndi gerast en tíu dögum seinna er ég kominn út og tíu dögum síðar heim.“ Þráinn er nú kominn á ról og farinn að labba um en vöðvar voru teknir að rýrna eftir þessi veikindi. Og það sem meira var, hugsanir hans, sem voru orðnar óreiðukenndar, komust í samt lag. „Ég fékk ammóníakeitrun og var eins og gufa í eitt og hálft ár. Hugsunin var óskýr. Ég fraus. Það voru aðrir sem tóku eftir þessu. Ég fór í „coma“ tvisvar. Og var dópaður niður. Læknirinn sagði að ég hefði getað fest í því ástandi og orðið grænmeti þannig að ég tel mig mjög heppinn að hafa sloppið í gegn. Konan mín sagði: Velkominn aftur.“ Að sögn Þráins var þetta mikill munur. „Þetta er örugglega eins og að fá sjónina aftur. Mér datt eitthvað í hug strax. Ég er kominn aðeins ofar en þú í skilningi á fimmaurabröndum,“ sagði Þráinn í gamansömum tóni og beindi spjótum að Heimi. Sjúkrasaga Þráins nær yfir nokkurn tíma. Árið 2022 fór hann í stóra aðgerð vegna skeifugarnar en náði sér aldrei á flug eftir það. „Ég var slyttislegur. Og svo uppgötvast krabbamein í lifrinni sem Svíarnir sáu og það þeytti mér upp listann. Þetta hefur verið helvíti.“ Tappað vökva af Þráni í tuglítratali Og þessu fylgdi ekki aðeins álag fyrir sjúklinginn heldur hafði þetta vitaskuld mikil áhrif á fjölskylduna alla. Þráinn vildi bara skrifa slen sitt á einhverja þreytu í fyrstu en svo leiddu rannsóknir þetta allt í ljós. Nú er Þráinn í endurhæfingu, við að styrkja vöðva og þol og reiknar með því að það standi yfir fram að áramótum. „Ég verð alla tíð á ónæmisbælandi lyfjum og er þar af leiðandi viðkvæmari fyrir öllum sýkingum. Allskonar matur sem ég á ekki að sleppa. Áfengi! Út,“ sagði Þráinn. Þráinn Steinsson var árum og áratugum saman allt í öllu á útvarpssviði Sýnar. Hér virðir hann fyrir sér takkana í nýju hljóðveri Bylgjunnar árið 2018.vísir/Vilhelm Hann sagði það af og frá að óvirða lífgjafa með slíku. „Svo er matur sem getur haft áhrif á ónæmisbælandi áhrif eins og greip, sem er reyndar nokkuð sem ég hef aldrei látið mér til hugar koma að leggja mér til munns, hrár fiskur, blóðugt kjöt ekki. Í raun allt sem getur borið með sér bakteríur.“ Þráinn lýsir því að hann hafi nú, frá því að hann var þyngstur, misst 40 kíló. Og núna síðasta mánuðinn hafa 16 kíló fokið. Þetta er hálf manneskja sem Þráinn saknar ekki. „Ég er að losa mig við mikinn vökva úr líkamanum. Mesta sem hefur verið tekið úr líkamanum eru 18,8 lítrar. Ég fór vikulega í aftöppun svokallaða og það voru svona tíu til fjórtán lítrar í hvert skipti sem lifrin réði ekki við að dæla inn í blóðrásina og dömpaði bara inn í kviðarholið. Því var bara drenað út og hver pokinn af öðrum fylltist.“ Hver er þessi Depeche Mode? En Þráinn segist nú horfa fram á veginn. Hann gantast með það að hann hafi framlengt innlögnina heima við og hafi þá verið að horfa á læknaþættina Residence. „Þar er meðal annars verið að fjalla um lifrarskipti. „Triggerar“ þetta ekkert hjá þér spyr konan en ég segi að þetta spennandi og miklu skemmtilegra en var hjá mér.“ Spurður segist Þráinn vissulega hafa verið hræddur. „Já, í janúar og febrúar. En svo fór það og ákveðið æðruleysi færðist yfir.“ Þráinn er sem sagt breyttur maður og spurður hvernig það væri að vakna upp við það að Depeche Mode væri ekki lengur uppáhalds hljómsveitin hans svarar hann að bragði: „Hver?“ Nú sem sagt tekur við endurhæfing hjá Þráni og allt á uppleið hjá þessum vaska tæknimanni. Bítið Heilbrigðismál Landspítalinn Svíþjóð Mest lesið „Þetta hefur verið helvíti“ Innlent Grunur um íbúðir í óleyfi stoppar frekari framkvæmdir Innlent Skutu vopnaðan mann til bana í München Erlent Segja yfirburði Bandaríkjanna ógn við stöðugleika í heiminum Erlent Undrast klappstýrur nasista í umræðunni Innlent Á þriðja hundrað kíló tekin á landamærunum Innlent „Þeir komu fram við mig eins og tuskudúkku“ Erlent Flúðu heimili sitt eftir líkamsárás og umsátur Innlent Unglingspiltur dæmdur fyrir þrjár hnífaárásir Innlent Glöggur Króati sá að týndi síminn væri frá Íslandi Innlent Fleiri fréttir Gæti tafið virkjanaframkvæmdir um tvö ár og skaðað samfélagið Allir austur um helgina Unglingspiltur dæmdur fyrir þrjár hnífaárásir Forstjóri Landsvirkjunar ósáttur með kæru frá Skeiða- og Gnúpverjum Skúta slitnaði frá bryggju í aftakaveðri fyrir vestan „Þetta hefur verið helvíti“ Meirihluti vill að hið opinbera nýti vindinn Grunur um íbúðir í óleyfi stoppar frekari framkvæmdir Lífeyrisþegar halda atkvæðarétti sínum í Blaðamannafélaginu Á þriðja hundrað kíló tekin á landamærunum Skeiða- og Gnúpverjahreppur kærir leyfi vegna Búrfellslundar Undrast klappstýrur nasista í umræðunni Guðmundur enn undir feldi Bolli baðst afsökunar eftir orrahríð dagsins „Ég held að við höfum öll sofnað á verðinum“ „Hjálpið okkur að hjálpa ykkur“ Þingmenn allra flokka missa þingsæti sín Íslendingar eiga met í fjölgun innflytjenda Glöggur Króati sá að týndi síminn væri frá Íslandi Aukinn viðbúnaður á Ljósanótt og Októberfest Sérsveitin kölluð til í Brautarholti Málmleitartæki á böllum og Sjálfstæðiskonur bregðast við umdeildum ummælum Kór þjóðþekktra listamanna krefur ráðherra um aðgerðir með söng Flúðu heimili sitt eftir líkamsárás og umsátur Aðgerðarhópur vegna ofbeldis í garð og meðal barna tekinn til starfa Gjaldtöku á bílastæðum háskólans frestað Hættir sem borgarfulltrúi sósíalista Eitt versta sumar aldarinnar Hetja sem muni bjarga mörgum mannslífum í framtíðinni Gekk yfir nýstorknað hraun á leið frá gígnum Sjá meira
„Ég hef verið veikur í heilt ár og lengur ef aðdragandinn er talinn með. En ég hryn í janúar núna á þessu ári. Er þá með ónýta lifur og svo krabbamein í lifur,“ segir Þráinn. Þau Heimir og Lilja Katrín, umsjónarmenn þáttarins fögnuðu Þráni eins og týndum syni en tóku fram að vegna veikindanna má ekki knúsa risann. Þráinn lýsti veikindum sínum þannig að þau hafi endað með lifraskiptum 20. júlí. Hann segir flókið ferli að komast að og hann hafi þurft að fara í öll heimsins próf. „Sem ég stenst, ég segir ekki með glans – ég var ekki við góða heilsu. En ég hafði í raun verið í lífshættu í átta mánuði, gat ekki labbað, var í hjólastól og göngugrind. En ég komst á listann og tíu dögum síðar er ég kominn út í aðgerð til Svíþjóðar. Sem mér skilst að sé einstakt.“ Stóð tæpt að hann kæmi til sjálfs sín Af því að Þráinn er afar hávaxinn var ekki sjálfgefið að rétta lifrin fyndist, en hún þarf að vera af réttri stærð. „Hún þarf að passa inn í holrýmið. Ég vissi ekki hvað myndi gerast en tíu dögum seinna er ég kominn út og tíu dögum síðar heim.“ Þráinn er nú kominn á ról og farinn að labba um en vöðvar voru teknir að rýrna eftir þessi veikindi. Og það sem meira var, hugsanir hans, sem voru orðnar óreiðukenndar, komust í samt lag. „Ég fékk ammóníakeitrun og var eins og gufa í eitt og hálft ár. Hugsunin var óskýr. Ég fraus. Það voru aðrir sem tóku eftir þessu. Ég fór í „coma“ tvisvar. Og var dópaður niður. Læknirinn sagði að ég hefði getað fest í því ástandi og orðið grænmeti þannig að ég tel mig mjög heppinn að hafa sloppið í gegn. Konan mín sagði: Velkominn aftur.“ Að sögn Þráins var þetta mikill munur. „Þetta er örugglega eins og að fá sjónina aftur. Mér datt eitthvað í hug strax. Ég er kominn aðeins ofar en þú í skilningi á fimmaurabröndum,“ sagði Þráinn í gamansömum tóni og beindi spjótum að Heimi. Sjúkrasaga Þráins nær yfir nokkurn tíma. Árið 2022 fór hann í stóra aðgerð vegna skeifugarnar en náði sér aldrei á flug eftir það. „Ég var slyttislegur. Og svo uppgötvast krabbamein í lifrinni sem Svíarnir sáu og það þeytti mér upp listann. Þetta hefur verið helvíti.“ Tappað vökva af Þráni í tuglítratali Og þessu fylgdi ekki aðeins álag fyrir sjúklinginn heldur hafði þetta vitaskuld mikil áhrif á fjölskylduna alla. Þráinn vildi bara skrifa slen sitt á einhverja þreytu í fyrstu en svo leiddu rannsóknir þetta allt í ljós. Nú er Þráinn í endurhæfingu, við að styrkja vöðva og þol og reiknar með því að það standi yfir fram að áramótum. „Ég verð alla tíð á ónæmisbælandi lyfjum og er þar af leiðandi viðkvæmari fyrir öllum sýkingum. Allskonar matur sem ég á ekki að sleppa. Áfengi! Út,“ sagði Þráinn. Þráinn Steinsson var árum og áratugum saman allt í öllu á útvarpssviði Sýnar. Hér virðir hann fyrir sér takkana í nýju hljóðveri Bylgjunnar árið 2018.vísir/Vilhelm Hann sagði það af og frá að óvirða lífgjafa með slíku. „Svo er matur sem getur haft áhrif á ónæmisbælandi áhrif eins og greip, sem er reyndar nokkuð sem ég hef aldrei látið mér til hugar koma að leggja mér til munns, hrár fiskur, blóðugt kjöt ekki. Í raun allt sem getur borið með sér bakteríur.“ Þráinn lýsir því að hann hafi nú, frá því að hann var þyngstur, misst 40 kíló. Og núna síðasta mánuðinn hafa 16 kíló fokið. Þetta er hálf manneskja sem Þráinn saknar ekki. „Ég er að losa mig við mikinn vökva úr líkamanum. Mesta sem hefur verið tekið úr líkamanum eru 18,8 lítrar. Ég fór vikulega í aftöppun svokallaða og það voru svona tíu til fjórtán lítrar í hvert skipti sem lifrin réði ekki við að dæla inn í blóðrásina og dömpaði bara inn í kviðarholið. Því var bara drenað út og hver pokinn af öðrum fylltist.“ Hver er þessi Depeche Mode? En Þráinn segist nú horfa fram á veginn. Hann gantast með það að hann hafi framlengt innlögnina heima við og hafi þá verið að horfa á læknaþættina Residence. „Þar er meðal annars verið að fjalla um lifrarskipti. „Triggerar“ þetta ekkert hjá þér spyr konan en ég segi að þetta spennandi og miklu skemmtilegra en var hjá mér.“ Spurður segist Þráinn vissulega hafa verið hræddur. „Já, í janúar og febrúar. En svo fór það og ákveðið æðruleysi færðist yfir.“ Þráinn er sem sagt breyttur maður og spurður hvernig það væri að vakna upp við það að Depeche Mode væri ekki lengur uppáhalds hljómsveitin hans svarar hann að bragði: „Hver?“ Nú sem sagt tekur við endurhæfing hjá Þráni og allt á uppleið hjá þessum vaska tæknimanni.
Bítið Heilbrigðismál Landspítalinn Svíþjóð Mest lesið „Þetta hefur verið helvíti“ Innlent Grunur um íbúðir í óleyfi stoppar frekari framkvæmdir Innlent Skutu vopnaðan mann til bana í München Erlent Segja yfirburði Bandaríkjanna ógn við stöðugleika í heiminum Erlent Undrast klappstýrur nasista í umræðunni Innlent Á þriðja hundrað kíló tekin á landamærunum Innlent „Þeir komu fram við mig eins og tuskudúkku“ Erlent Flúðu heimili sitt eftir líkamsárás og umsátur Innlent Unglingspiltur dæmdur fyrir þrjár hnífaárásir Innlent Glöggur Króati sá að týndi síminn væri frá Íslandi Innlent Fleiri fréttir Gæti tafið virkjanaframkvæmdir um tvö ár og skaðað samfélagið Allir austur um helgina Unglingspiltur dæmdur fyrir þrjár hnífaárásir Forstjóri Landsvirkjunar ósáttur með kæru frá Skeiða- og Gnúpverjum Skúta slitnaði frá bryggju í aftakaveðri fyrir vestan „Þetta hefur verið helvíti“ Meirihluti vill að hið opinbera nýti vindinn Grunur um íbúðir í óleyfi stoppar frekari framkvæmdir Lífeyrisþegar halda atkvæðarétti sínum í Blaðamannafélaginu Á þriðja hundrað kíló tekin á landamærunum Skeiða- og Gnúpverjahreppur kærir leyfi vegna Búrfellslundar Undrast klappstýrur nasista í umræðunni Guðmundur enn undir feldi Bolli baðst afsökunar eftir orrahríð dagsins „Ég held að við höfum öll sofnað á verðinum“ „Hjálpið okkur að hjálpa ykkur“ Þingmenn allra flokka missa þingsæti sín Íslendingar eiga met í fjölgun innflytjenda Glöggur Króati sá að týndi síminn væri frá Íslandi Aukinn viðbúnaður á Ljósanótt og Októberfest Sérsveitin kölluð til í Brautarholti Málmleitartæki á böllum og Sjálfstæðiskonur bregðast við umdeildum ummælum Kór þjóðþekktra listamanna krefur ráðherra um aðgerðir með söng Flúðu heimili sitt eftir líkamsárás og umsátur Aðgerðarhópur vegna ofbeldis í garð og meðal barna tekinn til starfa Gjaldtöku á bílastæðum háskólans frestað Hættir sem borgarfulltrúi sósíalista Eitt versta sumar aldarinnar Hetja sem muni bjarga mörgum mannslífum í framtíðinni Gekk yfir nýstorknað hraun á leið frá gígnum Sjá meira